Владимир Илиевски – Kurir.mk

Исчезнат е млад Македонец: Владимир последен пат е виден пред „Веро Џамбо“ – семејството бара помош!

Ивана Ефремовски — Tue, 26 Sep 2023 17:34:09 +0000

ИСЧЕЗНАТО Е ЛИЦЕТО Владимир Илиевски роден 07.09.1990 год. Последно е виден пред „Веро Џамбо” паркингот во 10:00 часот, во 10:15 последно е зборувано на телефон со него после тоа му се губи секоја трага и недостапен е на телефон. Облечен е во крем дуксер, бордо маица по кратки, црни панталони и бели патики. АКО ГО ВИДЕЛ НЕКОЈ ИЛИ ГО ПРЕПОЗНАЕ НЕКА СЕ ЈАВИ НА ОВИЕ ТЕЛЕФОНСКИ БРОЕВИ: 078 662 580 078 340 957

„Чувства и движење“ – изложба на Владимир Илиевски

Ивона Петрова — Fri, 23 Sep 2022 06:22:20 +0000

Во Галеријата „Ко-Ра“ вечерва ќе биде отворена изложбата „Чувства и движење“ на ликовниот уметник Владимир Илиевски. На изложбата ќе бидат претставени досега неизложени слики, цртежи со јаглен настанати во изминатите неколку години. Владимир Илиевски е роден во 1989 година во Скопје. Во 2012 година дипломирал на Факултетот за ликовни уметности во Скопје на Катедрата за сликарство. Од 2012 до 2022 година реализирал петнаесет самостојни изложби во: Скопје, Битола, Охрид, Делчево, Струмица, Ботевград (Р. Бугарија) и Нови Сад (Р. Србија). Учествувал на повеќе групни изложби во земјава и странство. Автор е и на два мурали, во Скопје и во Струмица. Учествувал на десетина ликовни колонии во: Охрид, Струга, Струмица, Велес, БиХ, Р.Бугарија, Р. Србија. Добитник е на седум национални награди. Од 2012 година член е на ДЛУМ, а од 2022 член е и на ДЛУБ.

Изложба на слики на Владимир Илиевски

Тале Кристо — Fri, 15 Jul 2022 07:03:29 +0000

Во галеријата МКЦ вечерва ќе биде отворена изложбата на Владимир Илиевски, на која ќе бидат претставени нова серија слики кои се доближуваат до она што може да биде сон, а не е. Како што посочува авторот на моменти неговоте дела се сосема обично чекање под црвеното светло од семафорот или држење вазна со цвеќе, а некаде е јавање низ облаци или лежење под планина која лебди. – Всушност, вака почна: Излегов да прошетам по новата планета која ја открив. Онаа на која никогаш не ни бев. Се напив од синото искривено шише вино кое стоеше позади задната нога на белиот коњ. Чудно е, бидејќи белиот коњ не беше отсекогаш бел. Претходно беше кафеав. А сега пред главата имаше нешто сино. Што е тоа синото? Камо да знаев. Над него, како и обично, имаше клавијатура која се протегаше од мене до црвените дрвја што личеа на шеќерна волна направена од облак измешан со шлаг за торта. Никогаш не сфатив зошто таа рака го притискаше дрвото толку силно. Не можеше ли да чуе со увото кое не се ни гледа. Прекрасна ноќ како и секоја друга, силно затемнета од светлината на месечината. Таа гледаше сѐ. Фрли еден зрак темнина и на моето рамо онаму каде што стоеше пеперутката. Токму тогаш јас не постоев. Очите на тилот ми беа само за да ја видам пеперутката. Но не ја видов. Се претвори во гасеница. Сето ова беше толку обично и досадно, посочува авторот. Владимир Илиевски е роден во 1989 година во Скопје. Во 2012 година дипломирал на Факултетот за ликовни уметности во Скопје на Катедрата за сликарство. Од 2012 до 2022 реализирал дванаесет самостојни изложби во Скопје, Охрид, Делчево, Струмица, Ботевград (Бугарија) и Нови Сад (Србија). Тој учествувал и на повеќе групни изложби во земјава и странство. Автор е и на два мурали, во Скопје и во Струмица. Учествувал на десети на ликовни колонии во земјава – во Охрид, Струга, Струмица и Велес, но и во БиХ, Бугарија и Србија. Илиевски е добитник е на седум национални награди. Од 2012 година е член на ДЛУМ, а од 2022 и на ДЛУБ.

Откупната награда на „Транзен“ за ликовниот уметник Владимир Илиевски

Магдалена Андонова — Fri, 17 Jul 2020 10:21:48 +0000

Откупната награда на третата изложба „Несовршен простор“, на која темата е „Автопортретот во самоизолација“, ја доби ликовниот уметник Владимир Илиевски за делото „Автопортрет со був“, објавија од Здружененито за култура „Транзен“ од Струмица. Наградата, како и секоја година, се состои од симболична статуетка „Златен лист“ во чест на професорот Владимир Георгиевски и парична во износ од 30 илјади денари. Жирито и селектор на годинешната изложба е ликовниот уметник Урош Вељковиќ. -Најсилна приказна за мене, а и секако технички супериорно издржано дело, беше „Автопортретот со був“ на Владимир Илиевски. Делото привлекува да се гледа и анализира. Симболиката во делото на Илиевски е фасцинантна. Авторот држи був во рацете, кое е ноќно животно, симбол кој ми укажува на многу неспиени ноќи низ карантинските денови во изолација, и секако работа и посветеност врз себеси. Во тие тивки вечери, се случува вистинскиот и суштински момент кај уметникот, проследено со задоволства и фрустрации од завршените или незавршени дела, напиша Велковиќ. Изложбата ќе биде отворена на 22 јули во Струмица во клубот „Нагоре“. На неа ќе бидат претставени шеснаесет автопортрети од исто толку автори. Проектот е финансиски помогнат од Министерството за култура на Македонија во реализација на Здружението за култура „Транзен“ од Струмица. (МИА)