Владимир Кличко – Kurir.mk

Владимир Кличко: Киев полека се враќа во живот

Магдалена Андонова — Thu, 14 Apr 2022 14:49:17 +0000

Владимир Кличко, брат на градоначалникот на Киев, Виталиј Кличко, зборуваше за Би-Би-Си, при што рече дека главниот град на Украина полека се враќа во живот. Поранешниот боксерски шампион вели дека сообраќајот се зголемува, повеќе луѓе се на улиците и се слуштаат помалку сирени за воздушни напади. Но, тој предупредува дека стапката на луѓе кои се враќаат треба да се забави, велејќи дека ако сите се вратат одеднаш, тоа ќе „предизвика компликации“. Кличко оцени дека ситуацијата во Киев е тешка поради оштетената инфраструктура и проблемите со снабдувањето со храна и вода. Патиштата сè уште се блокирани за да се спречи инвазијата на руските сили. Тој, исто така, предупреди дека се уште постои опасност од руско гранатирање на главниот град. (МИА)

Кличко: Русија изврши геноцид во Украина

Ивона Петрова — Sun, 03 Apr 2022 11:56:15 +0000

Градоначалникот на Киев, Виталиј Кличко денеска изјави дека е шокиран од военото злсторство кое руските војнци го направиле во Буча. Според Кличко во овој град е напраевен геноцид. Истакнал и дека рускиот претседател Владимир Путин е одговорен за „страшни воени злосторства“ во кои „цивили се убивани со заврзани раце“.

Владимир Кличко пристигна во Берлин за да побара дополнителна помош

Магдалена Андонова — Thu, 31 Mar 2022 09:36:34 +0000

Поранешниот светски шампион во бокс Владимир Кличко, брат на градоначалникот на Киев, Витали, денеска пристигна во Берлин, каде планира да разговара со германските политичари за дополнителна помош за Украина. Пред патувањето во Германија, браќата Кличко на Твитер објавија дека денеска е важно да се обединат сите сили, како во Украина, така и во земјите партнери. – Владимир отпатува во Украина со делегацијата од Украина – се наведува на Твитер. Преку својот Телеграм канал тие порачаа дека Владимир на состаноците во Германија ќе разговара за политичката подршка на Украина, но и за економска, хуманитарна и воена помош. - Пристигнав во Германија за да ја поддржам делегацијата на Украина во политичките разговори. Станува збор за натамошна помош на Украина во драматичната ситуација во која се наоѓа нашата земја. Благодарни сме за сета укажана помош, но итно ни е потребна уште поголема хуманитарна и воена поддршка за војната против руската армија – рече Кличко во изјава за Билд.

Владимир Кличко: Во секој момент може да се случи напад на главниот град на Украина

Ивана Ефремовски — Fri, 11 Mar 2022 14:24:07 +0000

Владимир Кличко, припадник на украинските сили за територијална одбрана, поранешен боксерски шампион и брат на градоначалникот на Киев, за Си-Ен-Ен изјави дека руските војници денеска напаѓаат области ширум Украина, а нивна главна цел е главниот град Киев. -Во наредните денови очекуваме голем напад на главниот град. Тие се прегрупираат. Тие се обидуваат да најдат различни стратегии и се обидуваат да го најдат вистинскиот начин и вистинското време. Значи секој час е важен, а ние во секој момент очекуваме напад на главниот град, особено, како што реков, во наредните денови. Нивна цел е главниот град, рече Кличко. (МИА)

Поранешната свршеница на Кличко претепана на денот на вљубените- кога полицијата ги слушнала нејзините зборови се стаписала (ФОТО)

Дарко Андоновски — Thu, 20 Feb 2020 15:14:28 +0000

Актерката Хејден Панетијер (30) на денот на вљубените била нападната од своето момче, колегата Брајан Хикерсон (31). Полицијата го уапсила поради семејно насилство, откако поранешната вереница на боксерот Владимир Кличко (43) го обвинила дека ја удрил со дланката во лице. Нападот го пријавиле нивните соседи кои виделе како актерот шета низ дворот откако таа го исфрлила од куќата. Полицајците известиле дека Панетијер имала црвено и отечено лице како и гребаница на раката. – Го уби Господ во мене – викала актерката во моментот кога се појавила полицијата. Брајан врескал дека „не сака да биде обвинет за некакви сра*а, но не кажал дали ја удрил Хејден. Ова не е првпат актерката да биде нападната од насилниот партнер. Полицијата пред само девет месеци го уапси Хикерсон, бидејќи ја нападнал Хејден. По првиот инцидент кој се случил пред неколку месеци, тие се видени заедно само две недели откако Брајан добил забрана да и се приближува.

Владимир Кличко не исклучува враќање во боксот

Ивона Петрова — Thu, 13 Feb 2020 08:13:13 +0000

Поранешниот светски шампион во бокс во тешка категорија, Владимир Кличко признава дека може под одредени околности да се врати во професионалниот ринг. – Сите ме прашуваат дали ќе се вратам на рингот. Ако го сторам ова, не е да ми ја скршат вилицата, туку да рушам рекорди. Засега нема планови за враќање. Зафатен сум со мојот живот, но ајде да видиме што ќе се случи следно, вели Кличко. Украинецот ги сподели своите очекувања за борбата помеѓу Тајсон Фјури и Деонтај Вајлдер. – Или Вајлдер ќе победи со нокаут, или Фјури ќе победи на поени. Лично, многу го почитувам Вајлдер. Тој беше во мојот тренинг камп, поминавме неколку рунди во рингот. Тој е одличен човек и фантастичен боксер. Веројатно никој во категоријата тешка категорија, вклучувајќи ме и јас, нема толку многу нокаути. Верувале или не, мислам дека Фјури може да го стори тоа. Можеби тој нема да успее, но јас би сакал тој да победи, изјави Кличко. Четириесет и тригодишниот Владимир Кличко има 69 борби во професионалниот бокс, забележа 64 победи и пет порази. Во последните две борби тој загуби од Британците Тајсон Фјури и Ентони Џошуа.

Кличко извлечен од сигурна смрт: Неговата јахта запалена, семејството евакуирано! (ВИДЕО)

Ивана Ефремовски — Tue, 25 Jun 2019 12:59:04 +0000

Поранешниот светски боксерски шампион Владимир Кличко беше спасен од шпанската крајбрежна стража од запалена луксузна јахта. Пожарот беше брзо изгаснат и за среќа сите поминаа без повреди. Тој испрати порака преку видео на социјалните мрежи и го сподели своето искуство со инцидентот. „Бидете внимателни што посакувате. Судбината ја прифати мојата желба за „малку адреналин“ и тоа буквално. Нашето патување со брод во неделата вечер заврши во нашиот брод кој се запали, а семејството и пријателите се евакуирани од крајбрежната стража и од тимот за спасување. Без грижи, сите сме во ред“ -напиша Украинецот на Твитер.

Be careful what you wish for: fate took my wish for “some #adrenalin” a bit too literally and our boat-trip Sunday night ended up in our boat #igniting and family & friends being evacuated by coast guard and fire rescue-team. No worries: we are all fine! #theroofisonfire #song? pic.twitter.com/sGN7xfG5JM
— Klitschko (@Klitschko) June 25, 2019

Морничава исповед на славниот боксер: Си купив ново Ферари и тргнав да се самоубијам!

Ивана Ефремовски — Sat, 27 Oct 2018 09:39:18 +0000

Кариерата на Тајсон Фјури, по победата против Владимир Кличко и освојувањето на титулата за најдобар боксер во тешка категорија во 2015. година, доживеа голем пад. Фјури не можеше да го издржи големиот притисок, па имаше сериозни психички проблеми, а падна и на допинг тест, па посветуваше внимание на сè освен на боксот. Меѓутоа, Фјури годинава успешно се врати во рингот и стигна до две победи, додека првиот поголем предизвик ќе го има против Деонтеј Вајлдер на први декември во Лос Анџелес. Фјури синоќа гостуваше во емисија кај Џо Роган и откри некои неверојатни работи, поточно призна дека сакал да се самоубие. -Се забавував цела ноќ, пиев, се дрогирав и сакав само да умрам и да си заминам на забавен начин. Меѓутоа, кога ќе се отрезните, тогаш паѓате во уште поголема депресија. Се обидов да се посветам на други работи. Играв и голф, но чувствував празнина во себе. Се будев пијан и не сакав да сум жив. Ми поминуваа многу луди мисли низ глава. Купив ново Ферари и во 2016. година излегов на автопат и возев со голема брзина. Едноставно сакав да умрам, се откажав од животот и тргнав да го направам тоа, но некој глас во мене ме спречи да го направам тоа, откри Фјури.

Фјури се враќа во рингот во јуни

Даниел Василев — Thu, 12 Apr 2018 14:19:20 +0000

Поранешниот светски боксерски првак во тешка категорија, Тајсон Фјури ќе ја одржи својата прва борба од речиси три години во арената „Манчестер“ на 9 јуни, објави британскиот весник „Стандард“. Фјури (29) нема боксувано од ноември 2015 година кога од Владимир Кличко ги одзема титулите IBF, WBA и WBO. Беше суспендиран на две години во 2016 година поради проблеми со допинг. Целта на Фјури е да одржи грандиозен дуел со Ентони Џошуа на „Вембли“ во 2019 година, но за да стигне дотаму треба да одржи неколку борби за качување на рејтингот и да докаже дека се уште е во меѓу елитата на тешката категорија. Неговиот промотор, Френк Ворен сепак не беше подготвен да го каже името на противникот, против кој Фјури ќе се бори во јуни.