владимир милчин – Kurir.mk

Милчин со порака до власта: Доста не мафтосувате, набавете вакцини па ќе се пријавиме

Катерина Бојаџиева — Fri, 19 Mar 2021 19:12:47 +0000

Се уште не сум се пријавил за вакцинирање, ама тоа не значи дека не сакам да се вакцинирам, само не сакам некој да ме прави будала и да ме тера да се пријавувам кога не е јасно кога ќе има вакцини. Тоа е тој марифетчиски начин, пријавете се вие, а кога ќе има вакцини отом потом, рече Владимир Милчин на „Само интервју“. Миличин додаде дека тој не сака да биде кукла на оваа власт и да се играат со него како тие што сакаат. „Набавете вакцини па ќе се пријавиме, тоа е барем лесно. А не да не мафтате, да не мафтосувате. Доста беше мафтосување“, нагласи Милчин.

Милчин: СДСМ тешко ќе ги добие локалните избори, посебно скопјани ќе гo казнат

Катерина Бојаџиева — Fri, 19 Mar 2021 18:52:13 +0000

Локалните избори ќе покажат многу. Јас мислам дека СДСМ тешко ќе ги добие изборите локални, мислам дека толку проблеми, толку пропусти има, што тешко ќе добијат, рече Владимир Милчин во „Само интервју“ на Канал 5 ТВ. Милчин додаде дека СДСМ тешко ќе издвојува победа на локалните избори во некоја општина, посебно во Скопје многу ќе изгубат. „Ова што се случува со Скопје, што се` се прави во Скопје, како се уништува градот практично, како се распродава земјиштето, во овој град ќе биде невозможно да се живее. Според тоа јас мислам дека скопјани ќе го казнат СДСМ“, потенцира Милчин.

Милчин: Заев се изгуби во тактизирањето, понудената влада за национален спас му беше тешка парада

Катерина Бојаџиева — Fri, 19 Mar 2021 18:40:11 +0000

Заев толку често тактизира, денес кажува едно, утре кажува друго, задутре кажува трето и заборава што рекол пред два дена итн. Јас не го сфаќам веќе сериозно, морам да признам, нагласи Владимир Милчин во „Само интервју“. Милчин додаде дека понудената Влада за национален спас од страна на Заев, така како што тој ја понуди, само едно значи- дека тоа што го понуди не сака да се случи воопшто. „Меѓутоа да ти нудиш широка коалиција, и пред тоа да каниш една партија да влезе во таа Влада на национален спас и викаш ама лидерот не може, тоа значи дека тоа не го сакаш. Дека тоа го правиш само ради редум“, рече Милчин. Милчин запраша како Заев толку добро се разбира со Али Ахмети, човекот кој пред некое време го викаше криминалец. „Не можам да ја разберам изјавата на Заев за влада за национален спас, јас ќе ве земам во власта, да бидете дел од власта, ама вие лидерот да си го смените. Нормално тоа ВМРО-ДПМНЕ ќе го одбие, ова на Заев значеше еден вид на парада или тотално непромислен предлог“, истакна Милчин.

Милчин: Јас не сум дел од власта и мислам дека имам апсолутно право да не го употребувам тоа новото име на државата, за мене државата се вика Македонија

Катерина Бојаџиева — Fri, 19 Mar 2021 18:34:13 +0000

Јас не сум дел од власта и мислам дека имам апсолутно право да не го употребувам тоа новото име на државата. И во Југославија кога живеев не викав Социјалистичка Федеративна Република Југославија, туку викав Југославија. Ниту пак сум викал Социјалистичка Република Македонија, туку само Македонија. Американците кога говорат не викаат Соединети Американски Држави, викаат Америка или САД. Кај нас тоа СРМ е многу гротесно бидејќи може да знаци Социјалистичка Република Македонија“, рече Владимир Милчин при гостување во „Само Интервју“. Милчин додаде дека граѓаните немаат никаква обврска при говорење да го изговараат новото име на државата. „Новото име е вештачко и тешко фаќа корени“, нагласи Милчин. Милчин посочи дека како со новото име така и компромисите со Бугарија се тешки за да се иџвакаат, и граѓаните нема да ги прифатат. -Нема да поминат и компромисите со Бугарија, нема да може власта да ги спроведе. И најтрпеливите народи имаат праг, власта треба да знае.

Милчин за Заев: Очигледно сум се излажал за него, тој воопшто ништо не постигна

Катерина Бојаџиева — Fri, 19 Mar 2021 18:30:13 +0000

Очигледно сум се излажал за Заев, сум очекувал од него нешто што тој не знам дали сака или воопшто може да го постигне. Просто мислам дека, како беше пред да влеземе во студиото се спомна книгата на Милан Кундера, „Неподносливата леснотија на живеењето“, епа јас само еден збор би променил во насловот „Неподносливата леснотија на владеењето“. Мислам дека тој роман ние го живееме денес, истакна Владимир Милчин во „Само Интервју“ на Канал 5 ТВ. Милчин додаде дека луѓето од Шарената револуција станаа дел од заевизмот, направија кариери. „Во Македонија имате една комбинација од многу опасна, отровна комбинација од партократија – партиските послушници, плутократија – богаташите и теократија – верските заедници. И тоа сега се е така испреплетено што тоа клопче многу тешко ќе се контролира“, рече Милчин. Милчин посочи дека Заев секој ден раскажува различни приказни за се. -Не знам кој веќе му верува.

МИЛЧИН: Кој да прости, жртвата или крвникот?

Ивана Ефремовски — Thu, 26 Nov 2020 14:55:16 +0000

КОЈ ДА ПРОСТИ, ЖРТВАТА ИЛИ КРВНИКОТ? Ако не сме ги признаеле слабостите на историјата... не ќе сме можеле да градиме заедничка! Тоа ни го порача Заев вчера, а требаше да му го каже на новинарот. Македонија не ја окупирала Бугарија, туку обратно, без оглед на обидот тоа да се прикаже како “администрирање”, пишува поранешниот прв човек на СОРОС Македонија, Владимир Милчин. Во продолжение следува неговиот статус: Што е слабост на историјата според Заев, тоа што Бугарија окупирала или тоа што окупираните не ја прифаќале окупацијата како администрација па ги зеле пушките? Да, фашизмот/нацизмот не е бугарски изум, но улогата на квислинг бугарската власт ја презела со многу посветеност и без ракавици. Да, во Бугарија и не само во Бугарија имало отпор против режимот и овој одговорил со терор. И дома и на окупираните територии. Вапцаров, Коле Неделковски, Никола Парапунов, Иван Козаре... А да не мисли Заев на слабости во нашата историографија? Да не треба да се премолчи нешто? За да се поткрепи амнезијата и игноранството? По 1948 година имало “Железна завеса” меѓу Југославија и Бугарија? А поради што? И поради кого? Сталин наредил, Бугарија спровела, заедно со дргите членки на Информбирото. Тоа е крајот на културната автономија во Пиринска Македонија. Историјата е учителка на животот, Заев! И затоа не смее да се третира кака потрошен партал. Наметнатиот, изнудениот заборав не води кон простување.

Милчин и Трајкоска: Да ги вратите сите лимузини, пасати и џипови, па да купите возила за брза помош и кревети за болните

Ивана Ефремовски — Mon, 02 Nov 2020 08:15:09 +0000

Во објава која на својот Фејсбук профил ја сподели поранешниот прв човек на СОРОС Македонија, Владимир Милчин се испраќа порака до власта. Статусот е напишан од директорката на Институтот за комуникациски студии, а со споделувањео Милчин покажа дека се согласува со пораката. „Ајде сега да ги продадете или вратите сите тие силни лимузини, пасати и џипови што ви се земени на лизинг и што ние граѓаните ви ги плаќаме. И да купите возила за брза помош и кревети за болните и да вработите колку што е можно повеќе медицински и технички лица оти ќе нема кој вода да им даде на болните. Ги заќуткувате тие што бараат помош?! И реагирате само ако има Фејсбук пост и тогаш одма за "утре" наоѓате комбе, оти сфаќате доцна дека екстра глупо ви е објаснувањето - "ене го кај е декември стрпете се, ќе дојде возилото". Каква е таа дрскост и безобразлук уште да зборувате за власт, опозиција, партии и очајни оправдувања од типот немаме пари?! ИМА пари само не треба да се трошат на функционерски дневници, скапи советници, патни трошоци, автомобили и репрезентација за дебелеење на сметка на оние што не успеваат да најдат ниту превоз, ниту кревет во болница“ - пишува во статусот на новинарката Жанета Трајкоска кој беше споделен од Милчин.

Милчин: Заев нема мандат да ја прекројува историјата, Делчев се борел и загинал за Македонија

Магдалена Андонова — Mon, 19 Oct 2020 13:59:45 +0000

Делчев се борел за Македонија, а роден е во Кукуш (Егејска Македонија). Патем, Кукуш е град со унијатска традиција. Кај се „изгуби” писмото од кукушани до папата, во кое бараат помош и заштита од православните „браќа“?, вели на Фејсбук Владимир Милчин - И уште еднаш: Заев нема мандат да ја прекројува историјата. Делчев се борел и загинал за Македонија! Неговата борба е македонска! А неговиот живот е борбата! За смртта уште не е јасно чија е! Борисов би требало, следејќи го примерот на Вили Брант, да дојде овде и да се поклони пред жртвите на бугарската окупаторска власт. Во Музејот на холокаустот за 7.133 македонски Евреи испратени во Треблинка и барем на Могилата на непобедените во Прилеп, потенцира Милчин. Тој додава дека Македонија нема за што да се извинува на Бугарија, но Бугарија има! - А Заев нема мандат ниту за капитулација, ниту за амнезија!, напиша на Фејсбук, Владимир Милчин.

Милчин: Членка на НАТО можевме да станеме и без промена на уставното име

Ристе Здравков — Wed, 29 Jul 2020 19:55:57 +0000

Екс директор на Отворено општество во Македонија и режисерот Владимир Милчин во денешното гостување во емисијата Само вистина на Канал 5 телевизија, рече дека Македонија може да стане членка на НАТО и без промена на уставното име, укажувајќи дека тој не гледа никаква промена на Македонија откако влезе во НАТО, освен што некој функционер од власта ќе оди на некоја си координативна средба. Мислам дека членка на НАТО ќе станевме и без промена на името. Но, и да станевме членка на НАТО после три години што ќе се променеше? Што е де факто во Македонија променето откако сме членка на НАТО? Јас немам одговор на тоа, освен тоа дека некој наш функционер сега ќе оди на некоја координативна средба, вели Милчин.

Милчин за исходот на изборите: Имавме нерегуларни избори

Ристе Здравков — Wed, 29 Jul 2020 18:08:25 +0000

Режисерот и поранешен претседател на Отворено општество Македонија Владимир Милчин во гостување во емисијата Само вистина на Канал 5 телевизија, коментирајќи го исходот од изборниот резултат вели дека ова се нерегуларни избори и поради тој чуден резултат ќе има нефункционална влада која не работи во интерес на граѓаните, туку работи во интерес на партиите и бизнисот кој е залепен за нив. Ние имавме нерегуларни избори и ќе имаме некаква чудна како резултат на тоа, некаква чудна ми се чини нефункционална влада која што не работи во интерес на граѓаните, туку работи во интерес на партиите и бизнисот кој е залепен за нив, вели Милчин. Милчин додаде дека ова е пирова победа со ситна разлика на мандатите укажувајќи дека идната влада ќе има проблем на функционирање. Тоа е пирова победа, бидејќи таа им ги врзува рацете, дури и кога би верувале дека тие имаат „добра намери“ ваквата мала разлика, ваквото ситно мнозинство нема да им овозможи да ги спроведат тие „добри намери“. Оваа влада која ќе биде формиран сега по ова нема да има долг век, така да мислам дека е по малку е трошење време. Мислам дека оваа влада ќе има проблем да функционира со овој распоред на гласовите таа тешко ќе функционира, рече Милчин. Според него информациите дека СДСМ веќе договорила влада и дека ќе има Албанец премиер , Милчин вели дека не му е јасно од каде се сигурни дека ќе владеат четири години, посочувајќи на локалните избори ќе има резултати кои ќе бидат жестока шлаканица. Ако е точно ова што го пишуваат да се види која во четирите години премиерот ќе биде Албанец, не ми е јасно од каде се сигурни дека ќе владеат четири години, да ме отепате зошто мислам дека на локалните избори ќе има резултати кои ќе бидат жестока шлаканица, изјави Милчин.