владимир панчевски – Kurir.mk

Барањето за заштита на слободите и правата поднесено од Владимир Панчевски утре на седница на Уставен суд

Ивана Ефремовски — Tue, 22 Mar 2022 14:53:24 +0000

Основниот суд – Велес и Апелациониот суд – Скопје, со нивните пресуди против поранешниот претседател на Основниот Кривичен суд – Скопје, Владимир Панчевски сториле повреда на слободите и правата на човекот и граѓанинот што се однесува на забраната на дискриминација на граѓаните по основ на социјалната припадност, се вели во Барањето за заштита на слободи и права на Владимир Панчевски, доставено до Уставниот суд. Ова Барање е една од точките на дневниот ред на утрешната седница на Уставен суд, Меѓу другото, од Уставен суд информираат дека подносителот на Барањето наведува дека бил дискриминиран во споредба со сите останати судии и претседатели на судови, затоа што за разлика од нив само тој не ги уживал уставно и законски загарантираните права кои ги имале носителите на судиски функции. -Според подносителот на Барањето, оттука произлегувала дискриминаторската природа на теоријата на случај на Јавното обвинителство, која била прифатена од Основниот суд во Велес и Апелациониот суд во Скопје и резултирало со носење на актите коишто се оспоруваат. Според подносителот на Барањето, со оспорените акти, била сторена повреда покрај на член 110 алинеја 3 и на членот 9 од Уставот, како и на член 6 став 1 и членот 14 од Европската конвенција за заштита на човековите права, инфомираат од Уставен суд на Република Македонија. (МИА)

Панчевски на слобода

Тале Кристо — Thu, 17 Feb 2022 14:59:39 +0000

Поранешниот претседателот на скопскиот Кривичен суд, Владимир Панчевски излезе на слобода, откако претходно Врховниот суд ја укина пресудата против него. Точно на пладне поранешниот претседател на Кривичниот суд во Скопје, Владимир Панчевски го напушти затворот во Шуто Оризари, по само две недели откако самиот се пријави за издржување на затворксата казна. Врховниот суд времено ја укина пресудата, поради грешка во постапката. -Овој суд констатира дека со тоа што Апелациониот суд Скопје при постапувањето по жалбите донел пресуда на нејавна седница, за која осудениот не бил известен, иако тој тоа го барал во поднесената жалба и притоа не навел релевантни и доволно образложени причини за таквиот начин на постапување, сторил повреда на правото на одбрана, односно на одредбите на кривичната постапка во жалбената постапка, во смисла на член 465 став 1 точка 3 од Законот за кривичната постапка, која повреда влијаела врз законито и правилно донесување на пресудата и врз правото на осудениот на правично судење, велат од Врховен.

Владимир Панчевски излегува од затвор

Ивана Ефремовски — Wed, 16 Feb 2022 18:31:24 +0000

Поранешниот претседател на Кривичниот суд, Владимир Панчевски утре би требало да излезе од истражниот затвор Шутка каде пред речиси две недели се пријави да ја издржува затворската казна од две ипол години, која му беше досудена за случајот „АКМИС“. Извори од затворот во Шутка за Фокус велат дека Панчевски утре треба да излезе од затвор откако тие официјално ќе добијат решение од Врховниот суд. Највисокиот суд, според извори на Фокус, ја укинал второстепената пресуда на Апелацискиот суд поради процесни повреди, со што останува првостепената пресуда на велешкиот суд која со укинатата пресуда на Апелација станува неправосилна. Првично ова се причините поради кои Панчевски по само две недели излегува од затвор. Панчевски првично беше осуден на казна затвор од 3,5 години, но Апелација му ја намали за една година. Беше огласен за виновен за Злоупотреба на службената положба, поточно дека рачно местел предмети кај одредени судии, како претседател на судот, во периодот од 2013 до 2016 година.

Екс претседателот на скопскиот Кривичен суд, Панчевски, почнал со издржување на казната во затвор

Тале Кристо — Fri, 04 Feb 2022 06:55:52 +0000

Од денеска, поранешниот претседател на Кривичниот суд Владимир Панчевски е во затворот Скопје каде почна да ја издржува 2 и пол годишната затворска казна за злоупотреба на службената положба. Панчевски добил упатен акт за издржување на казната за денешен ден, но прво со жалба се обидел да го одложи извршувањето. Судиите од истиот суд кој го раководеше до пред 5 години ја одбиле жалбата на Панчевски и денеска околу 14 часот тој сам се пријавил на издржување на казната.

Намалена затворската казна на Владимир Панчевски, поранешниот претседател на Кривичниот суд Скопје

Катерина Бојаџиева — Tue, 28 Sep 2021 17:00:53 +0000

Апелацискиот суд Скопје ја потврдил затворската казна за поранешниот претседател на Основниот кривичен суд Скопје Владимир Панчевски, но ја прифатил неговата жалба и ја преиначил од три години и шест месеци на две ипол години. – Ја преиначи во делот на одлуката за кривичната санкција, на начин што обвинетиот Владимир Панчевски од Скопје, кој со првостепена пресуда е огласен за виновен за кривично дело „Злоупотреба на службена положба и овластување“ се осудува на казна затвор од две години и шест месеци, во која казна согласно чл.47 од Кривичниот законик му се засметува и времето поминато во притовор, сметано од 15.07.2020 година до 04.08.2020 година, потврдиле за Телма од Судот во Велес каде што се водеше судскиот процес и беше изрчена првостепената пресуда. Владимир Панчевски е осуден е бидејќи во периодот од 2013 до 2016 година, како претседател на Кривичниот суд, рачно доделувал предмети кај подобни судии, а не преку АКМИС системот. Распределил околу 40 предмети, меѓу кои и два случаја на Специјалното јавно обвинителство.

Амбасадата на САД ја поздрави пресудата за екс претседателот на Кривичен, Панчевски

Ристе Здравков — Wed, 05 Aug 2020 18:59:21 +0000

Амбасадата на САД ја поздрави денеска пресудата за поранешниот претседател на Кривичниот суд Скопје, Владимир Панчевски. – Пресудата од страна на Велешкиот суд, со која поранешниот претседател на Кривичниот суд Скопје Владимир Панчевски е осуден на 3,5 години затвор за злоупотреба на АКМИС системот, е позитивен чекор во барање одговорност за оние кои се обвинети за поткопување на независноста на судството, објави на Твитер Амбасадата на САД.

The Veles Basic Court announcement that former Skopje Criminal Court President Vladimir Pancevski was sentenced to 3.5 years in prison for misusing ACCMIS is a positive step forward in seeking accountability for those accused of undermining judicial independence. https://t.co/iU2FEoxkPf
— U.S. Embassy North Macedonia (@USEmbassySkopje) August 5, 2020

Поранешниот претседател на Кривичниот суд Скопје, Владимир Панечвски, обвинет за злоупотреба на системот АКМИС, синоќа од страна на Велешкиот суд беше прогласен за виновен и осуден на три години и шест месеци затвор. Судијката Валентина Георгиевска, пресудата ја донесе синоќа по завршување на рочиштето што траше повеќе од десет часа.

Владимир Панчевски осуден на 3 години и 6 месеци затвор

Ивана Ефремовски — Tue, 04 Aug 2020 19:53:06 +0000

Поранешниот претседател на скопскиот Кривичен суд Владимир Панчевски е осуден на 3 години и 6 месеци затвор. Пресудата доцна вечерва ја објави судијата Валентина Ѓорѓиевска од Велешкиот суд. Одлуката беше донесена експресно по само 40-тина минути од завршните зборови на одбраната, обвинетиот и обвинителството.

Панчевски со неодземен имунитет го судат за АКМИС-от, а никој не истражува како сите случаи битни за СДСМ се „паднаа“ кај една негова колешка?

Ивона Петрова — Fri, 24 Jul 2020 10:17:59 +0000

Во Судот во Велес денеска почна, според познавачите - политичкиот процес за поранешниот претседател на Кривичниот суд – Скопје, Владимир Панчевски, кој наводно го злоупотребувал АКМИСОТ, систем кој по промената на власта, „случајно“ и ги додели сите чувствителни случаи за СДСМ и Заев на неговата колешка Добрила Кацарска. За ова никој не истражува, ниту органите, ниту „истражувачките“ новинари, затоа што ова е веројатно, дел од „новата нормалност“ на Заев и ТРАС-ТРАС судството и обвинителството, толкуваат познавачите на ресорот за Курир. Неговите адвокати побараа од судечкиот совет да му се укине притворот, бидејќи судијата Панчевски има имунитет. Панчевски преку адвокатот реагираше пред судијката Валентина Ѓорѓиевска во Основниот суд Велес дека нема услови да се одржи денешното рочиште, бидејќи се уште нема добиено решение од одлуката на Врховниот суд за неговото разрешување. „Панчевски се уште е судија, има судиски имунитет и не може да е во притвор без Судскиот совет да му го симне имунитетот“, кажа адвокатот. Тој самиот се пријави во Шутка. На Панчевски му беше одреден притворена 15 јули по наредба на оваа судијка, зашто таа не наводно можела да го натера да ги прими судските покани, т.е. да го донесе на закажаните рочишта. Обвинет е за наводни злоупотреби со електронскиот систем на распределба на судски предмети (АКМИС), за време на неговиот мандат како претседател. Според обвинението, дел од предметите, место да ги пушти во АКМИС-от да бидат распределени по електронски пат по случаен избор, тој ги давал на рака на подобни судии. Во исто време, никој не прашува како тој ист АКМИС „случајно“ и ги „додели“ сите чувствителни случаи за владата на Заев и СДСМ на Добила Кацарска, која потоа драконски ги осуди обвинетите од спротивниот политички табор, а го ослободи Заев од случајот „Поткуп“ за кој целата јавност виде како тој јасно и гласно бара поткуп од струмички бизнисмен, случајот познат како „евро за Вицето“.. Судскиот совет Панчевски од функцијата судија го разреши во декември, лани.

Панчевски во притвор во Шутка, доброволно се пријавил

Ивана Ефремовски — Wed, 15 Jul 2020 11:46:52 +0000

Поранешниот претседател на Кривичнит суд Скопје, Владимир Панчевски, од денска напладне се наоѓа во КПУ Затвор Скопје познат како Шутка, потврди за МИА директорот на затворот Есад Рахиќ. Панчевски денеска во 12 часот напладне самиот се пријавил во затворот. При приемот бил прегледан му била измерена температура, и откако е утврдено дека нема никакви симптоми на Ковид-19 е примен во притворското одделение. Скопската полиција претходно во три наврати не успеа да го пронајде обвинетиот на неговата адреса, кому му беше одреден притор од Судот во Велес. Панчевски е обвинет за злоупотреба на системот АКМИС, а против него, како што соопшти вчера министерот за внатрешни работи Наќе Чулев, била распишана потерница. Судот во Велес во петокот му одреди притвор на поранешниот претседател на Кривичен суд Скопје, заради неприсуство на рочиштето за предметот АКМИС. На рочиштето не бил прусутен ниту неговиот бранител. (МИА)

Судот одреди притвор за екс-претседателот на Кривичниот суд, Владимир Панчевски

Ивана Ефремовски — Fri, 10 Jul 2020 17:06:00 +0000

Велешкиот суд му определи притвор на екс-претседателот на Кривичниот суд, Владимир Панчевски откако не се појавил на денешното рочиште а не бил присутен ниту неговиот бранител. Информацијата први ја објавија од Коалицијата за правично судење кое го следи овој судски процес. Од велешкиот суд за Телма потврдија дека поради избегнување да прими покана определен му е притвор заради обезбедување на присуство на судење. Притворот трае од денот на приведувањето до објавувањето на предудата, но не може да трае подолго од 30 дена. Пред една година скопското обвинителство поднесе обвинителен предлог против Панчевски за злоупотреба на службената положба во врска со АКМИС-от, системот за управување со судските предмети во Кривичниот суд. Иако судењето требаше да почна наесен до сега овој судски процес се уште не е започнат со главна расправа. Апелација одлучи на Панчевски да му се суди во велешкот суд за да се избегне евентуална непристрасност бидејќи е поранешен претседател и поранешен судија во Скопскиот основен суд, пренесе Телма.