Колариќ: Ова ли е шефот на против пожарната бригата кој не и дозволи на Данела да се види со синдикалните претставници?

Дарко Андоновски — Sat, 09 Oct 2021 11:39:34 +0000

Светлана Колариќ од ВМРО-ДПМНЕ преку статус на Фејсбук прашува дали на фотографијата која ја објави е првиот човек на против пожарната бригата, Владимир Симоновски кој не и дозволи на Данела да се сретне со синдикалните претставници? -#Шилегов ова ли е шефот на пожарна бригада Скопје кој не и дозволи на Данела да се види со синдикалните преставници??? Овој ли врши закана на колеги кои разговарале со Данела??? Ова ли е шефот што се молеше да се врати од одмор за да помогне при справување со пожарите??? Готов си!!!, стој во нејзиниот пост на Фејсбук.

ДЕТАЛИ ЗА ПОЖАРОТ НА ВОДНО: Пожарникарите на терен, локацијата делумно пристапна

Ивона Петрова — Thu, 29 Jul 2021 09:42:59 +0000

Пожарот кој избувна на Водно наскоро ќе биде целосно изгаснет, вели во телефонска изјава за Курир командирот на скопската противпожарна бригада, Владимир Симоновски. На терен интервенираат со три против пожарни возила и активно работат на целосно гаснење на пожарот и да не се дозволи негово проширување. Локациски, пожарот е под местото „Марково крувче“, односно како што објасни Симоновски во долот под новиот пат за Сончев Град, Сопиште. Симоновски во изјавата за Курир, вели дека теренот е делумно пристапен со возило, а потоа продолжуваат пешки. М-р Илија Бојаровски од Центарот за управување со кризи во изјава за Курир истакна дека според последните информации со кои располага ЦУК, пожарот е локализиран и се работи на негово догаснување.

Во 2020-та значително помалку пожари во Скопје

Ивона Петрова — Mon, 04 Jan 2021 07:17:39 +0000

Значително помалку пожари имало изминатава година на територија на Скопје. Податоците со кои располага Територијалната противпожарна единица на Град Скопје покажуваат дека имало околу 800 пожари помалку во однос на 2019 година кога било интервенирано на 1.957 пожари. Од Противпожарната единица на Град Скопје велат дека, иако е намален бројот, сепак во 2020 година имале тешки и сложени интервенции главно во урбаните средини како што се пожарот во зградата на поранешна „Комерцијална банка“ каде беа сместени повеќе државни институции и пожарот во барот „Фонтана“ во трговскиот центар Мавровка, кои за среќа, завршија без поголеми последици. – Со нашата брза интервенција не беше дозволено ширење и настанување на поголеми материјални штети или несакани последици по животите на граѓаните, но морам да споменам дека во 2020 се соочивме со пожари во поголем број на патнички моторни возила и камиони, вели во изјава за МИА командантот на ТППЕ на Град Скопје, Владимир Симоновски. Споредено со 2019 година, огромна е разликата во бројот на интервенции. Освен значително помалиот број на пожари, забележително е и намалување на бројот на технички интервенции и ПП обезбедувања. За 46 помалку имало технички интервенции и за 110 помалку ПП обезебдувања. По сите параметри значајно намалување има и кај шумските поажри или т.н. пожари на отворено. – Во текот на 2020 година, Бригадата за противпожарна заштита (се разбира без последниве денови од 2020) на територијата на Градот Скопје интервенирала на 1143 пожари-интервенции,108 технички интервенции, 26 ПП-обезбедувања. Споредбено со ланската година, разликата со интервенции е огромна затоа што во 2019 имавме 1957 интервенции, 154 технички интервенции и преку 136 обезбедувања така што може да констатираме дека 2020 год. е со значаеен процент намалена во однос на ланската, појаснува Симоновски. Како институција која мора да работи непрекинато, успеале да се организираат и да го покријат недостигот од кадар кој бил заболен или во изолација поради Ковид-19. Најголем недостиг имале во ноември, но за среќа, сите поминале без потешки последици. – БППЗ-Скопје не беше поштедена со пандемијата со ковид, но морам да кажам дека во првиот период на КОВИД 19 во Бригадата немаше заболени или во изолација се до октомври-ноември кога настапи тој втор пик и кога во едем период имавме бројка од 33-ца во изолација или заразени, но за среќа сите поминаа без последици и сега се вратени на работа, вели Симоновски. Ковид ситуацијата ја пролонгира и испораката на противпожарната скала која треба да се набави од Германија. Сепак, очекувањата на командантот на ТППЕ на Град Скопје, се дека таа ќе пристигне до крајот на јануари или почетокот на февруари. Другиот дел од опремата како униформи за шумски и технички интервенции, зимски чизми и алати за работа се набавени согласно планот за јавни набавки. Актуелната ситуација е искористена и за подобрување на условите за работа во противпожарните станици на ниво на Град Скопје. Така, реновиран е центарот во Тафталиџе и во Драчево, а нов објект пожарникарите имаат и во Ѓорче Петров. – Добивме писмо дека се пролонгира рокот на испорака на ПП-скалата поради Ковид кризата и во Германија. Сепак техничката инспекција на самата скала ќе биде некаде на 18/19 јануари што значи скалата ќе ја очекуваме до крајот на јануари или почеток на февруари, информира Симоновски. Тој се надева дека и во новата година ќе продолжи подобрувањето на условите за работа, доекипирањето и доопремувањето на бригадата затоа што, како што вели, ние постоиме за граѓаните. Скопските пожарникари се среќни што имаат и најголем Мурал на светот посветен на нив кој е висок 2 метри и широк 8 метри. Муралот насловен „Хероите на градот“ е поставен на противпожарната кула во Автокоманда и е дело на реномираната уметница Јана Јакимовска, професорка на ликовната академија во Штип. МИА

Владимир Симоновски – Kurir.mk

Колариќ: Ова ли е шефот на против пожарната бригата кој не и дозволи на Данела да се види со синдикалните претставници?

ДЕТАЛИ ЗА ПОЖАРОТ НА ВОДНО: Пожарникарите на терен, локацијата делумно пристапна

Во 2020-та значително помалку пожари во Скопје