Владимир Темков – Kurir.mk

Ретроспективна изложба на Владимир Темков во Чифте амам

Ивана Ефремовски — Wed, 31 May 2023 06:40:36 +0000

Во Чифте амам вечер во 20 часот ќе биде отворена ретроспективна изложба, 40-годишен опус, на Владимир Темков. Владимир Темков е присутен на македонската и поранешната југословенска ликовна сцена од 1980 година и јубилејно 40 години од неговата прва самостојна изложба. Тој е основач и организатор е на Меѓународната ликовна колонија, „Кавадарци-Михајлово“ од 1996 година. Организатор е на првата Ликовна колонија 1982 година во рудник Ржаново, с. Мрежичко, Кавадарци. Исто така и претседател на Друштво на ликовни уметници на Кавадарци, како и потпретседател на Друштвото на ликовни уметници на Македонија. Добитник е на многу домашни и меѓународни признанија од областа на ликовната уметност. Има учествувано на голем број ликовни колонии, симпозиуми, семинари и друго. (МИА)

Во Кавадарци изложба по повод 40 години ликовно творештво на Владимир Темков

Ристе Здравков — Thu, 17 Jan 2019 14:08:52 +0000

Изложба по повод 40 години творештво на ликовниот уметник Владимир Темков, за утре организира Домот на културата “Иван Мазов-Климе” во Кавадарци. Од домот информираат дека и оваа година, интензивно продолжуваат со своите активности од областа на културата и уметноста. Самостојната изложба на академскиот сликар се совпаѓа со шесте децении од неговиот живот. Организаторите информираат дека изложбата содржи дела од најново творештво на Темков, за кое ќе говори академик Блажо Боев и дека интензивно се подготвуваат за одбележувањето на јубилејот, 90 години од одигрувањето на првата официјална театарска претстава во Кавадарци. -Станува збор за голем јубилеј кој ќе биде одбележан со бројни настани (театарски претстави – премиери, репризи и гостувачки, изложби и слично) низ годината. Во таа насока е и подготовката на новата премиера на Театарот при Домот на културата „Иван Мазов – Климе“ Кавадарци, целовечерната „Од кол на кол“, по текст на Реј Куни, во режија на Диме Коцевски и чие прво излегување пред публиката се очекува во втората половина на месец февруари, додаваат од културниот дом. Во рамките на јубилејот, оваа година кавадаречкиот Театар ќе исфрли три премиери на целовечерни претстави и три премиери на детски театарски претстави (од кои првата веќе започна со првите подготовки). Празнувањата на Театарот во Кавадарци започнуваат кон крајот на јануари, со реприза на матичната сцена на хит претставата „Пасивно пушење“ и нејзино гостување во периодот кој следува, на неколку сцени низ Македонија.

Изложба на Владимир Темков во „Матица ексклузив“

Ивона Петрова — Thu, 04 Oct 2018 05:56:05 +0000

Во мултимедијалниот културен центар „Матица ексклузив“ вечер во 19 часот ќе биде отворена изложба на современиот сликар Владимир Темков, кој ќе се претстави со триесет дела создадени во последните неколку години. Изложбата ќе ја отвори и за опусот на Темков ќе говори писателот Блаже Миневски. - Со оваа изложба „Матица македонска“ ја продолжува востановената традиција да ги афирмира високите вредности на македонските уметници, соопшти „Матица“. Во изминатите шест години во просторот на „Матица ексклузив“ беа организирани изложби од Васко Ташковски, Глигор Чемерски, Газанфер Бајрам, Коле Манев, Павле Кузмановски, Симон Шемов, Стефан Хаџи Николов, Новица Трајковски, Ниче Василев.. МИА