владина делегација – Kurir.mk

Владина делегација положи цвеќе на вечните почивалишта на Трајковски и Глигоров

Ивана Ефремовски — Sat, 08 Sep 2018 09:53:37 +0000

Владина делегација преводена од премиерот Зоран Заев денеска по повод Денот на независноста положи цвеќе на вечните почивалишта на поранешните претседатели на Република Македонија, Киро Глигоров и Борис Трајковски и на споменикот „Ослободители на Скопје“. Во составот на владината делегација беа и вицепремиерот за европски прашања Бујар Османи и министерката за странски инвестиции Зорица Апостолска Покрај владината делегација, цвеќе положија и делегации од македонското Собрание, Кабинетот на претседателот на државата, претставници на дипломатскиот кор и граѓани. (МИА)

Идентификувани неколкумина од учесниците во инцидентите во Крушево

Ивана Ефремовски — Fri, 03 Aug 2018 14:11:09 +0000

Идентификувани се неколкумина од лицата, кои вчера ширеа говор на омраза и фрлаа со предмети кон владината делегација и странските дипломати, кои учествуваа на празнувањето на Илинден во Крушево, потврдија за МИА извори од истрагата. Полицијата преку видеоснимки идентификувала неколкумина од учесниците во инцидентите и тие изутринава се повикани во полициски станици на разговор. Изворите од истрагата за МИА нагласуваат дека откако таа ќе заврши сите сознанија ќе бидат доставени до надлежното обвинителство.

Владина делегација предводена од премиерот Заев во работна посета на Франкфурт

Матеја Петровски — Sun, 10 Jun 2018 12:46:08 +0000

Владина делегација предводена од премиерот Зоран Заев на 13-ти и 14 јуни ќе престојува во работна посета на Франкфурт, Германија. Во делегацијата ќе бидат и вицепремиерот задолжен за економски прашања Кочо Анѓушев, министерот за здравство Венко Филипче, министерот за финансии Драган Тевдовски, министерот за економија Крешник Бектеши и директорот на ДТИРЗ, Александар Младеновски. Како што соопшти владината прес-служба, во рамки на првиот ден од посетата предвидени се средби помеѓу претставници од делегацијата на Владата на Република Македонија и професори и еминентни доктори од Универзитетската клиника, Јохан Волфганг Гете. Целта е зацврстување и разгледување на можности за продлабочување на соработката со оваа реномирана здравствена установа. На вториот ден од работната посета премиерот Заев и министрите во Владата на Република Македонија ќе остварат средби со претставници од Deutsche Bank, како и со раководствата на неколку успешни германски компании. (Миа)