владини функционери – Kurir.mk

Студентите до владините функционери: Ајде да го замениме нашиот сув и бајат леб за вашите оброци!

Ивана Ефремовски — Mon, 16 Oct 2023 17:32:13 +0000

Додека студентите секојдневно треба да прават пресметки и да стравуваат дали ќе им стигнат 140 денари на ден за убав и квалитетен оброк, функционерите се "гоштеваат" штедејќи врз грбот на студентите, порачуваат од Стиденсткиот отпор. -Иако имаат поголем стандард од нас студентите, иако си ги зголемија веќе високите плати за 78%, сепак функционерите одлучуваат студентите да гладуваат додека тие комотно седат на кожни фотелји без грижа и совест за студентите. Не е подобра ситуацијата во студентските домови. Студентите кои престојуваат таму, се жалат дека соочуваат со низа проблеми кога е во прашање храната, укинат им е појадокот, често наоѓаат инсекти во оброците, минатата година студентите од Студентскиот Дом Пелагонија се затруја со храна, велат студентите. На функционерите им порачуваат: "Ајде да го замениме нашиот сув и бајат леб за вашите функционерски оброци!" Студентски Отпор будно ќе ја следи ситуацијата во наредниот период.

Филипче граѓаните ги држи затворени по нивните домови, додека владините функционери си шетаат по тропски дестинации

Тале Кристо — Thu, 18 Mar 2021 10:16:48 +0000

Министерот за здравство, Венко Филипче во рамки на вчерашната прес конференција, ја образложи моменталната состојба со КОВИД-19, но и информираше дека остануваат на сила моменталните рестриктивни мерки, и засега истите нема да бидат дополнети. И додека граѓаните од ден во ден очекуваат министерот за здравство Венко Филипче да се појави на прес конференција и да ја презентира состојбата со корона вирусот и евентуално нови рестриктивни мерки, владините функционери си патуваат по егзотични земји. На прашањето дали Љупчо Николовски кој викендов заминал на одмор во Дубаи и Драги Рашковски кој е на одмор во Мексико ќе бидат во карантин откако ќе се вратат во земјава, министерот за здравство Венко Филипче изјави дека не сака да коментира индивидуални одлуки. „Карантин од 14 дена е препорачан за луѓе кои патуваат во земји од Африканскиот континент заради трансмисија на јужноафриканскиот сој. Тој се карактеризира по тоа шот брзо се пренесува и се уште не се знае дали вакцините делуваат, навистина не би сакал да коментирам индивидуални одлуки“, рече министерот за здравство Венко Филипче на вчерашната прес конференција. „Нема крај на понижувањата на Македонија и македонскиот народ! Во сред пандемија, полициски час, обичниот смртник умира, едвај крај со крај врзува, гладен, духовно уништен од Муртинските предавнички политики, опљачкан, додека Раководството на СДСМ се луксузира со НАРОДНИ ПАРИ“, реакција на граѓанин на социјалните мрежи. „Ве поздрави од Мексико...вика издржете, може ќе стигнат вакцини!!! Седете вие дома, со полициски час“, пишува граѓанин на Твитер. Освен граѓаните и опозицијата излезе со свој став за патувањата на владините функционери во ек на пандемија. Рашковски и Николовски во Мексико и Дубаи, за одмор трошат колку за еден стан, власта тера луксузни одмори на тропски дестинации. Рашковски наместо да одговара за криминал, замина за Мексико, каде еден одмор е околу 20 илјади евра.Николовски заврши со путерот, се измори отиде во Дубаи, каде одмор чини до 10.000 евра. Рашковски и Николовски напуштаат земја во кризна состојба, среде здравствена криза и полициски час.Народот нема леб да јаде, и едвај крај со крај сврзува, а луѓето на Заев трошат десетици илјади евра за одмор“, пишува во соопштение на ВМРО-ДПМНЕ.

Владините функционери јаделе и пиеле за 1,6 милиони евра

Дарко Андоновски — Wed, 10 Jun 2020 11:36:03 +0000

Владините функционери на СДСМ, ВМРО-ДПМНЕ, ДУИ и останатите коалициони партнери во периодот од 2008 па заклучно до мај годинава јаделе и пиеле за 1.649.041 евра. Оваа сума може да се добие доколку се соберат сите набавки за месо, преработки од месо, млеко и млечни производи, апетисани, кафе, пијалоци и овошје, во последните 12 години, објавува Антропол. Убедливо најголем издаток по основ на прехрамбени производи и пијалоци е направен во 2018 година кога за оваа цел биле потрошени 312.345 евра. И минатата, 2019 година Владата за оваа намена потрошила 170.306 евра додека само за првите пет месеци годинава склучени се договори за набавка на месо и месни преработки во висина од 88.262 евра. Најмалку пак, Владата потрошила во 2014 година и тоа 46.908 евра. Треба да се напомене дека во овој износ не влегуваат трошоците направени по основ на користење надворешни кетеринг услуги и други ресторански услуги.