владо мисалјовски – Kurir.mk

Мисајловски: Во Битола од инвестиции на власта видовме само реконструкција на едно мало мостче, а не грижа за потребите на битолчани

Тале Кристо — Mon, 12 Jul 2021 20:46:41 +0000

Потпретседателот на ВМРО-ДПМНЕ Владо Мисајловски на вечерашната трибина во Битола порача дека од инвестиции на власта во Битола граѓаните видоа само реконструкција на едно мало мостче што е понижувачки покрај огромните ветувања на власта за километри патишта кои не се исполнија, како и тоа дека власта не успеа ниту да ги заврши во четири години проектите кои ги наследи од ВМРО-ДПМНЕ. -Изминаа четири години, тука во Битола ние не видовме ниту еден инвеститор туку гледаме затворени фирми и компании кои што се рекетирани од оваа власт и кои што директно им се прави штета преку намерни казни и редица други репресивни мерки, критикуваше Мисајловски. Тој вели дека по четири години изостанаа во Битола само лажните ветувања за нови километри патишта, а власта се фали со само два километри асфалт. -Ние како ВМРО-ДПМНЕ сме докажале во минатото дека се што ветуваме и исполнуваме за разлика од СДСМ кои само рушат, власта е толку неспособна што не може ниту да ги заврши проектите кои ги наследија од ВМРО-ДПМНЕ. Од инвестиции во Битола единствено ја видовме реконструкцијата на малото мостче со кое се пофали градоначалничката, што е крајно понижувачки за граѓаните, рече Мисајловски. Мисајловски истакна дека ВМРО-ДПМНЕ на следните локални избори во секоја општина ќе понуди конкретни проекти за граѓаните, за поквалитетен живот, за подобра инфраструктура, нови инвестиции за нови работни места. -Не само во Битола туку и во сите општини состојбата е катастрофална, бидејќи општините ги водат крајно неспособни и криминални кадри кои единствено им е важно склучување на тендери со фирми блиски до власта, се со цел личен интерес, а не вистинска грижа за потребите на граѓаните, истакна Мисајловски. Мисајловски вели дека затоа ВМРО-ДПМНЕ ќе ги понуди токму во Битола најдобрите проекти за битолчани.

Мисајловски: Имаме преку 300 починати за една недела, што уште треба да се случи за да си поднесат оставка Заев и Филипче

Тале Кристо — Thu, 08 Apr 2021 11:09:52 +0000

Потпретседателот на ВМРО-ДПМНЕ, Владо Мисајловски беше запрашан кој е коментарот во однос на оценката на Зоран Заев, дека премиерот не чувствува кај него и дека нема да бара одговорност од Венко Филипче, по однос на здравствената состојба и рекордите, за жал на починати КОВИД пациенти. -Што треба во оваа земја да се случи за некој да понесе одговорност? За жал, вчера мислам дека имаше 51 починат. Изминатите денови слушаме бројки огромни, чинам преку 300 луѓе починаа за една недела. Што треба да се случи во оваа земја за некој да чувствува одговорност? Преполни болници имаме, луѓе молат да најдат кревет, луѓе бараат помош за роднини и пријатели како да ги сместат, а вакцини нема. Вакцини сега стигнаа со помош, некоја минимална, што молиме по целиот свет, а гледаме што се случува хаос, рече Мисајловски. Мисајловски посочи дека луѓето за жал одат во Србија за вакцинирање бидејќи државата односно власта и министерот за здравство не се способни да обезбедат на граѓаните вакцини против КОВИД-19. -А, ви текнува во минатото имаше вонредна ситуација да се справат со сите овие работи што требаше, навидум, да ги предвидат. Ништо не работат! Затоа треба сите да си понесат оставка, нагласи Мисајловски.

Мисајловски: Република Македонија мора да се ослободи од канџите на оваа криминална банда

Дарко Андоновски — Wed, 09 Sep 2020 18:08:36 +0000

Во вестите во 19ч на Сител телевизија се вклучи потпретседателот на ВМРО-ДПМНЕ Владо Мисајловски, кој зборуваше за протестот организиран од ВМРО-ДПМНЕ во однос на поскапувањето на струјата, како и за сите штетни политики кои ги спроведува гарнитурата на власт. Според Мисајловски, новата влада која што се создаде е дивоградба која што може да функционира само со прекршување на законите. Иако ВМРО-ДПМНЕ во изминатиот период имало во план да ги разговара овие теми за поскапувањето на струјата во Собранието на Република Македонија, сепак тоа не може да се случи поради тоа што не се закажуваат седници согласно деловникот, вели Мисајловски. „ВМРО-ДПМНЕ нема да се откаже во намерата да се бори за враќање на старата цена на струјата, затоа што тоа ги засега сите граѓани, независно од нивната етничка или партиска припадност. Ваква сиромаштија не е запаметена во историјата на државата и на тоа мора да му дојде крајот. Денеска сме тематски собрани по повод поскапувањето на струјата, но зборуваме и за криминалите, тендерашките игри и за сето она кое не е лицето на Република Македонија, туку на Зоран Заев и СДСМ”, истакна Мисајловски. Секогаш кога е СДСМ на власт, пропаѓаат фабрики, фирми, банки, па тоа не не заобиколи ниту сега. Сведоци сме на пропопаѓање на банка за која власта криеше и тоа воопшто не е во ред. Не смееме да дозволиме вакво безаконие и неред. ВМРО-ДПМНЕ ќе се бори за сите категории на граѓани, без разлика на нивната етничка припадност, бидејќи секој граѓанин заслужува достоинствен живот, заврши Мисајловски.

Мисајловски: Имаме 1000 проекти, да има индустриска зона во Куманово, да продолжат експресните патишта, да има поголеми пензии и поголеми плати

Тале Кристо — Mon, 29 Jun 2020 20:18:32 +0000

Носителот на листа на ВМРО-ДПМНЕ во ИЕ 2, Владо Мисајловски вечерва се пред Кумановчани вети дека ќе разговара за сите проблеми што ги тиштат, за урбаниот хаос што се случува, за скараната централен и локална власт, кој поголем шериф да биде во градот. -За нас се не важни. Имаме разлика, го имаме Христијан Мицкоски и го имаме Зоран Заев. Кого да одбереме, човек кога дојде пред 30 месеци на првото место во партијата се трудеше од кал максимално да ја крене партијата на нозе. Свртете се и видете. Во секој град преполно народ, позитивна енергија и за две недели победа на ВМРО-ДПМНЕ и коалицијата за обнова на Македонија, порача Мисајловски. -Сите кумановчани сакаат да останат тука. Сите сакаат да имаат подобар живот тука во Куманово. Сакаат да покажат дека можат повеќе. Со децении власта во Куманово е на СДСМ, јас ве прашувам јавно каде ги видовте последниве 3 години тие 230 км автопатишта што ги изградија. Дали ги има тука во Куманово. Дали го има клиничкиот центар што го ветија гледам спотови прават за него. Нема ништо лаги и манипулации. Сакам да ја говорам вистината, а вистината е дека овие три години се посветија на само едно прашање, само како да се смени името. Како да се создаде немир и омраза меѓу граѓаните, а сите останати во власта поготово и техничкиот премиер гледаа само како да се збогатат, ништо повеќе. Куманово заслужува повеќе Куманово има чесни луѓе доби луѓе и така мора да биде така и да остане, истакна Мисајловски од Куманово. Мисајловски предупреди дека после 15-ти јули може да биде касно. „И на претходните избори велевме дека Зоран Заев е нечесен и она што го кажува е измама. Сега он вели многу убави работи да ги чуете, но ќе бидете измамени. Немојте по втор пат да ве измамат. Вие во Куманово треба први да кажете дека е доста. Ова е најголем град во Македонија. Град кој заслужува најмногу, кој треба да биде еден од најубавите урбани центри, јас ве уверувам дека Христијан Мицкоски и овој тим ќе донесат многу за Куманово. Ќе донесе Обнова. Јас лично ви ветувам дека ќе бидам тука независно од функциите тие се менливи најважно да останеме луѓе. Во новата влада ќе има многу луѓе од Куманово што ќе ја водат власта. Христијан Мицкоски е лојален на Македонија. Од другата страна го имате техничкиот премиер и Зоран Заев кој ништо немаат направено за Куманово. Но одликата е ваша. Вие ќе изберете. Дали сакате Куманово да биде просперитетен град или да остане во овие црнила во кои е долги години. Знам дека сакате да го видите вашето дете тука во Куманово". -На овој 15-ти јули да гласаме за Македонија бидејќи друга резервна земја ние немаме, порача Владо Мисајловски. -Додека некој смислуваат црни сценарија, рекет и корупција, Христијан Мицкоски и ние во ВМРО-ДПМНЕ заедно со коалицијата размислувавме како да направиме 1000 проекти, како да има индустриска зона во Куманово, како да продолжат експресните патишта, како да има поголеми пензии, како да има поголеми плати, но овој пат вие одлучувате. одлучувате бидејќи може да биде доцна. Народе разбуди се, Обновата доаѓа Куманово ќе биде предводник на победата јас знам дека ќе биде овие прекрасни луѓе ќе ја направат победата на ВМРО-ДПМЕН а вие ќе се гордеете во наредните 4 години кој ќе ја води оваа држава, заклучи Мисајловски од Куманово.

Мисајловски на увид кај пругата во Куманово која СДСМ ја опустоши! (ФОТО)

Ивана Ефремовски — Thu, 25 Jun 2020 13:53:54 +0000

Носителот на листа на ВМРО-ДПМНЕ во ИЕ2, Владо Мисајловски денес беше во посета на Куманово, заедно со претседателот на ОК Куманово и кандидат за пратеник Бране Петрушевски. Тој направи увид на пругата која требаше да се гради, но поради непосветеноста и непрофесионалноста на СДСМ, остана опустошена. Имено, Германците се откажаа од изградба на пругата Куманово-Бељаковце. Од Македонски Железници Инфраструктура потврдија дека од компанијата Вибе, задолжена за изведба на тој проект, на 29 мај добиле известување дека го раскинуваат договорот, а со тоа официјално ја запреле изградбата на пругата. Во меѓувреме, околу 50 работници ангажирани за германски Вибе преку Агенција која посредува за вработување, останаа без работа. Патот кон Шупљи Камен е целиот разрушен. Пругата која требаше да се гради пропадна, а жителите од овој дел секојдневно мора да поминуваат низ овие рушевини каде ги оштетуваат сопствените возила.