влатко ѓорчев – Kurir.mk

Ѓорчев: Оваа власт само купува време, но изборите ќе се случат и ќе бидат поразени

Ивона Петрова — Tue, 24 Oct 2023 19:00:27 +0000

Ние неколку пати им имаме кажано, не еднаш, многу пати имаме кажано дека време е за избори, дека немаат легитимитет, дека народот не ги сака, дека се делегитимирани, дека немаат ниту еден добар асален проект кој што ќе биде добар за луѓето и да речат сите браво. Не. Сѐ е ова купи ден помини, тендер со тендер, некоја коалиција, комбинација и слично, истакна членот на ИК на ВМРО-ДПМНЕ, Влатко Ѓорчев за време на неговото гостување во вестите на ТВ Алсат говорејќи околу политичката состојба во државата. Ѓорчев исто така додаде дека оваа власт одамна го изгубила својот легитимитет во очите на народот и вештачки се одржува во живот и купува време. „Генерално и во политиката и во животот и во економијата и секаде има една точка која на англиски се вели “point of no return”, точка од која што нема враќање. Кај народот и кај луѓето оваа власт е во точка од која што нема враќање“, потенцираше Ѓорчев и додаде: „Е сега дали тие ќе купат да ги одложат за две недели, месец дена, два месеца не е битно. Изборите мора да се случат, тоа е уставна категорија, законот вели мора избори. Е сега дали ќе бидат месец дена плус или минус, во ред ќе помине, но ќе бидат поразени“. За тоа дали е можно зачленување на Македонија во ЕУ до 2030 Ѓорчев истакна дека се надева но и дека со ваква влада и со вакви скандали кои се случуваат во државата тоа е тешко дека ќе се случи. " За жал оваа ваква Македонија каква што е со катастрофална економија, со најголема инфлација во Европа, со најлоша економија во Европа, со најголемо иселување во светот, со најголем број на починати луѓе од КОВИД во светот, со пукања, убиства, корупциски скандали, за жал оваа држава и особено оваа влада ваква каква што е апсолутно не е во состојба да стане членка на ЕУ“, потенцираше Ѓорчев.

Ѓорчев: Владата ги осиромаши граѓаните, во сите земји цените на храна се зголемени за десеттина проценти, само во Македонија 50 проценти

Катерина Бојаџиева — Fri, 06 Oct 2023 08:16:42 +0000

Оваа Влада ги демонтираше сите добри политики за граѓаните, за семејствата, за мајките, за децата. Напротив воведоа една лоша политика, ги гледаме и последиците од лошите политики на Владата, рече Влатко Ѓорчев, член на Извршниот комитет на ВМРО-ДПМНЕ на гостување на утринската програма на Канал 5. Ѓорчев информираше за конкретни бројки кои се последица од лошата владина политика или политиката која не води грижа за семејствата. „На пример од 2006 заклучно со 2016 година, Македонија е единствена држава во регионот која имаше раст на родени деца. Или имаше раст од нешто повеќе од два проценти. Тоа се должеше најмногу поради политиките за трето дете. Сега како резултат на немањето политики во оваа област сме земја која по бројка на родено трето дете е најлоша, имаме најмал број на родено трето дете“, кажа Ѓорчев. Ѓорчев се осврна на лошата еконсомска политика во земјава. „Човек треба лично да биде ангажиран и да ги поправи условите. Условите не се сјајни, ама не треба да се откажуваме, еве посебно кога зборуваме за темата семејството. Дедо ми биле десет деца, тоа бил период на војни, имало по илјада мртви дневно, баба ми е 15-то дете. Сега живееме во време на стрес, но замислете каков бил тогаш стресот, во тој период на војни многу деца умирале, замислете каков бил тој стрес тогаш да си го закопаш детето“, кажа Ѓорчев. Дополнително, додаде, Ѓорчев, ние денесека живееме во време кога цените на храната секаде се зголеми за 11 проценти, а во Македонија 50 проценти. „Во овие шест години станавме земја на највисоки, цени, највисока инфлација, највисоки даноци. За да смениме нешто мора да има пресврт. Или прво, најважно е младите да останат тука и второ, исклучително важен е корпусот на еконосмки прашања. Замислете луѓето се мислат дали да направат ајвар бидејќи се нема пари“, вели Ѓорчев.

Ѓорчев: Ни се случува демографска катастрофа, нема човек кој не размислува да се исели

Ивона Петрова — Mon, 02 Oct 2023 18:19:56 +0000

Ни се случува демографска катастрофа каква што Македонија наназад 100 или 200 години немала. Од Македонија секогаш имало иселување, печалбарство, имавме економска миграција, но ова што го имаме од 2017 година наваму откако дојде оваа влада, нам не ни се случува иселување, туку буквално егзодус, изјави Влатко Ѓорчев член на ИК на ВМРО-ДПМНЕ за Тема на денот во дневникот на МТВ. тој истакна дека сите можни индиктатори како и бројот на ученици ни го кажуваат тоа, никогаш не било полошо. - Причините се јасни, имаме катастрофална и најлоша влада во историјата, нема Македонец што не е потиштен. Нема економска катастрофа која не ни се случила, во здравството секогаш имало проблеми, но како на Онкологија ни се нема случено. Докторите немаат основни материјали, нема терапија за дијабетичари ваква катастрофа никогаш немало, изјави Ѓорчев. Тој посочи дека ако ги гледаме бројките од 2016 кога СДС викаа дека малку се 23000 новородени, до тоа да минатата година имаме 18.000 родени бебиња, односно 5.000 бебиња е паднат бројот. Ако ја погледнете статистиката од 2016 со 2023 прв квартал, бројот на новородени деца е паднат 40%. Нема земја во светот што има таков пад, рече тој. Ѓорчев потенцираше дека катастрофата се гледа по образованието, децата немаат учебници, минатата учебна година некои до крај не добија, од компјутер за секое дете сега се молиме за учебници. - Ние немаме доволно доктори, ученици, работници, немаме доволно луѓе да работат во било кој сектор, стануваме територија без население, ова засега се и треба да биде во главните теми. Истовремено претседателот, премиерот и министрите со прст не мрднуваат. Имплодира државата, власта не мрда за главната тема, нема семејство кое не размислува да се исели. Секогаш во Македонија имало повеќе родени од умрени, а сега е обратно. Тоа значи дека имаме антисемејни политики, дека стануваме неуспешна држава, рече Ѓорчев. Тој нагласи дека ако сакаме Македонија да преживее мораме да ставиме крај на оваа власт која ни ја пустоши државата.

Ѓорчев се сретна со Борис Џонсон, Лиз Трас, Скот Морисон, Тони Абот и Колинда Грабар Китаровиќ

Катерина Бојаџиева — Sat, 24 Jun 2023 15:31:01 +0000

За време на посетата на Лондон, членот на ИК на ВМРО-ДПМНЕ, Влатко Ѓорчев се сретна со поранешните премиери на Велика Британија, Борис Џонсон и Лиз Трас, екс премиерите на Австралија, Скот Морисон и Тони Абот, како и поранешната претседателка на Хрватска, Колинда Грабар Китаровиќ. На средбите Ѓорчев ги повтори позициите на ВМРО-ДПМНЕ во однос на актуелните прашања во Македонија и во светот. Ѓорчев додаде дека Македонија и македонскиот народ имаат право на свои права, посебност и идентитет. Ѓорчев учествуваше на ИДУ форумот по повод 40-годишнината од формирањето на најголемата светска организација на десниот центар, која обединува повеќе пд 100 политички сестрински партии со слична програма и принципи.

Ѓорчев во Лондон: Македонија и Македонците се борат за своите права и слободи

Ивона Петрова — Fri, 23 Jun 2023 17:13:17 +0000

Членот на ИК на ВМРО-ДПМНЕ Влатко Ѓорчев во Лондон се обрати пред извршниот комитет на ИДУ, најголемата глобална организација на десниот центар. Во своето обраќање Ѓорчев се осврна на внатрешните состојби во Македонија, како и поширокиот контекст околу државата. Ѓорчев истакна дека Македонија и Македонците се борат за своите права и слободи, не загрозувајќи никого. За жал, Македонија и македонскиот народ во 21-от век се соочени со оспорување и негирање на идентитетот и посебноста. Во поглед на домашната политика, Ѓорчев нагласи дека Македонија се соочува со економска катастрофа и егзодус на населението, проследени со огромна корупција и секојдневни скандали. Ѓорчев додаде дека ВМРО-ДПМНЕ води на сите релевантни анкети, а дека се очекува убедлива победа на следните парламентарни избори и составување на следната Влада на ВМРО-ДПМНЕ. Меѓународната демократска унија (ИДУ) е најголемата глобална организација на десниот центар, со повеќе од 100 сестрински партии од целиот свет.

Ѓорчев во Лондон на форумот на ИДУ

Катерина Бојаџиева — Thu, 22 Jun 2023 12:45:35 +0000

Членот на ИК на ВМРО-ДПМНЕ Влатко Ѓорчев во Лондон учествува на форумот на ИДУ, најголемата глобална организација на десниот центар. Владејачката конзервативна партија на Велика Британија е домаќин на собирот, со обраќање на министерот за надворешни работи Џејмс Клеверли. ИДУ одбележува 40 години основањето од страна на Џорџ Буш постариот, Маргарет Тачер и Хелмут Кол. На форумот во Лондон свои обраќања имаат поранешните премиери Борис Џонсон и Лиз Трас од Велика Британија, Стивен Харпер од Канада, Тони Абот, Џон Хауард и Скот Морисон од Австралија, Јанез Јанша од Словенија, екс претседателите на Украина и на Хрватска Петро Порошенко и Колинда Грабар Китаровиќ, како и екс државниот секретар на САД Мајкл Помпео. Меѓународната демократска унија (ИДУ) е најголемата глобална организација на десниот центар, во која членуваат повеќе од 100 партии со сродна програма и принципи.

Ѓорчев: Владата ја уништува демографски Македонија, стануваме држава без народ, само во март има пад на 18 проценти на новородени бебиња

Катерина Бојаџиева — Sun, 04 Jun 2023 18:24:15 +0000

Владата ја напаѓаат и демонтираат бројките кои што ги имаме во моментот во Македонија, а заклучокот е јасен дека никогаш во историјата на Македонија сме немале полоши демографски бројки и тие се влошуваат, без разлика дали гледаме за број на родени деца, број на ученици, број на средношколци или број на студенти, вели Владимир Ѓорчев, член на ИК на ВМРО-ДПМНЕ во вечерашното гостување во Тема на денот во централниот дневник на телевизија Сител. Ѓорчев истакна дека Македонија ги живее своите најтешки демографски години овие неколку години откако СДС е на власт. Она што е евидентно според бројките е тоа што Македонија ги живее своите најтешки демографски години овие неколку години. Според податоците на Државниот завод за статистика прв пат во 2019 година имаме повеќе умрени отколку родени лица во Македонија. во 2022 година имаме најмалку родени во историјата односно само 17.700 бебиња. Значи демографска година, рече тој. Ѓорчев истакна дека во време на владата на ВМРО-ДПМНЕ во 2016та година имало 23.002 родени бебиња, додека во време на владата на СДС во 2019та година имало 17.700 родени бебиња. Само за потсетување 2016 година значи во време на владата на ВМРО-ДПМНЕ имавме 23.002 бебиња. Е сега на тие 23.002 бебиња Зоран Заев, Мила Царовски и Стево Пендаровски велеа малку е лошо е, а еве сега дојдовме до 17.700 бебиња, додаде тој. Ѓорчев потенцираше дека само во март месец годинава има пад од 18 проценти на новородени деца. Само во март оваа година падот на новородени деца во однос на најлошата 2022 година е 18 проценти. Ако ги видиме бројките од првиот квартал од 2023 година и ги споредиме со првиот квартал 2016 година, доаѓаме до една фрапантна бројка, ужасна броја, а тоа е дека бројот на родени деца во Македонија е падната за 40 проценти, нагласи Ѓорчев. Ѓорчев рече дека неколку пати реагирал дека ова е сериозна тема бидејќи Македонија станува земја без народ, но како што рече на владата око не и трепнува. Во собрание 100 пати сум реагирал, и на Зоран Заев и на Мила Царовска и на Стево Пендаровски, ова е озбилна работа, ова е иднината на Македонија. Нема држава без народ, празна пуста земја станувам. Но, око не им трепнува, ароганција, посочи Ѓорчев.

Ѓорчев до Ковачевски и Пендаровски: 40 % деца помалку, најголем демографски пад во светот

Ивона Петрова — Fri, 02 Jun 2023 11:05:43 +0000

Изминативе 7 години со политиките на Таче Ковачевски, Стево Пендаровски и Зоран Заев Македонија е земјата со најголем демографски пад на светот. Падот од 2016 година, први квартал до први квартал оваа 2023 година во родени деца е фрапантни 40%, 40% помалку родени бебиња. Нема земја во светот кај што има ваков ужасен пад како Македонија, изјави на денешната прес-конференција Владимир Ѓорчев, член на ИК на ВМРО-ДПМНЕ. Посочи дека тоа значи дека од Македонија се случува егзодус, иселување и заминување. -Тоа значи дека Таче Ковачевски, Стево Пендаровски и Зоран Заев заеднички ги демонтираа сите политики кои што им помагаа на семејствата, на децата и на мајките. Тоа значи дека со овие 40% помалку родени бебиња во Македонија ќе имаме празни училници, празни училишта, наставници кои што ќе немаат доволно часови. Тоа значи дека ќе имаме празни улици и празни градови и села. Први квартал 2016 година во Македонија имало 5.600 родени бебиња, овој прв квартал 2023 имаме само 3.600 родени бебиња. Тоа е фрапантен пад во само еден квартал, во само три месеци од 2.000 помалку родени бебиња. 2.000 бебиња, тоа се 100 паралелки помалку. 100 паралелки помалку да ги наредите една по една е 1 километар празни училници. 1 километар празни училници во која што нема ниту едно дете, само празни клупи и празни столчиња. Тоа се бројките, тоа е статистиката, тоа се фактите пред кои што секој мора да молчи. Таче Ковачевски и Стево Пендаровски со око не трепнуваат за овие состојби. Ова е една македонска трагедија која што ги засега сите региони во Македонија, сите општини, сите градови, сите училишта, сите етникуми и сите населени места. Стануваме земја без народ, пуста земја во која што нема млади, во која што нема детски џагор. Изминативе седум години, со бројки Македонија е земја со најголем демографски пад од 40%, никој во светот нема паднато толку. Во Македонија имало и војни и кризи и падови, но ваква работа никогаш немало. Овој зулум кој што сега и се прави на Македонија, со тоа што Македонија се празни како никогаш порано е незабележан во македонската историја. Ако Македонија сака да живее, а сака, ако Македонија сака да напредува, а треба и сака да напредува мора да ги порази политиките на Таче Ковачевски, Зоран Заев и Стево Пендаровски, час поскоро, нагласи Ѓорчев.

Ѓорчев: Народот е незадоволен од економијата, од државните прашања, од образованието, време е да се каже силно против коруптивните политики на СДСМ и ДУИ

Дарко Андоновски — Sun, 21 May 2023 14:02:52 +0000

„Добар ден на сите од Негорци, општина Гевгелија. Одиме од место до место, од село до село, од човек до човек. Денес шест села во гевгелиска општина, а следната и наредниве недели ќе имаме посети на општините Валандово, Дојран, Богданци. Затоа што треба да ја вратиме надежта во Македонија, затоа што Македонија мора, мора да се исправи од оваа ситуација во која што ја доведоа со своите катастрофални политики Таче Ковачевски, Стево Пендаровски и Зоран Заев“, порача Владимир Ѓорчев, член на ИК на ВМРО-ДПМНЕ при посета на граѓаните, теренска активност на ВМРО-ДПМНЕ, насловена „Ова е Македонија за сите“. Ѓорчев додаде дека граѓаните се незадоволни од економијата државните прашања, националните прашања, социјалата,образованието и здравството. „Тука сме да кажеме дека народот е незадоволен од економијата, од државните прашања, од националните прашања, од образованието, здравството и социјалата. Тука сме да кажеме силно против коруптивните политики на СДСМ и ДУИ. Затоа продолжуваме мотивирани, обединети, сплотени и сложни. Затоа што Македонија заслужува човек да се бори за неа, затоа што Македонија, како многу, многу пати во својата историја, ќе се исправи. Затоа што ова, ова, браќа и сестри, ова е Македонија“, нагласи тој.

Ѓорчев: Индикаторите со демографијата во Македонија никогаш не биле полоши, затоа час поскоро мора да се ослободиме од оваа власт која ја уништи Македонија

Тале Кристо — Tue, 09 May 2023 17:45:26 +0000

„Со години ги следам бројките кои се поврзани со број на ученици, вработени, пензионери, средношколци, деца во градинки, родени бебиња, починати лица и после 15 години и повеќе од следење на овие бројки можам да кажам дека сите бројки до една и сите индикатори никогаш не биле полоши“, истакна членот на ИК на ВМРО-ДПМНЕ Влатко Ѓорчев при денешната трибина насловена „Социјални политики против иселување и сиромаштија“. Тој додаде дека никогаш не биле полоши бројките кои ја кажуваат состојбата во Македонија, таа се топи како снег во мај. „Имаме убедливо најмалку родени бебиња. Минатата година имаме 17,771 родено бебе никогаш помалку. Им оставивме во 2016-та година 23,002 родени бебиња тоа беше збирниот број на Македонија“, рече Ѓорчев. Тој посочи дека Македонија од 2006-та година до 2016-та година била единствена земја која има зголемен број на родени деца, од 22,585 на 23,002, а сега падот 5,400 родени деца. Поделено по 20 во паралелка, тоа се 270 празни паралелки само во една година без иселување само по природен прираст. 270 празни паралелки по 10 метра тоа е 2,700 метри или да одите 3 километри покрај празни училници. „Заклучокот е еден и единствен а тоа е час поскоро мора да се ослободиме од оваа власт која буквално ја уништува Македонија и никогаш не било полошо во Македонија“, потенцираше Ѓорчев.