влатко лозаноски – Kurir.mk

Влатко Лозаноски ги откри новогодишните желби: Јас уште верувам во Дедо Мраз

Ивана Ефремовски — Mon, 02 Jan 2023 10:14:02 +0000

Скромното момче од Кичево кое пред повеќе од 10 години ја почна својата музичка кариера јако гази напред, но апсолутно ништо не е променето во однос на неговото однесување, тој и понатаму е истиот – ненаметлив, коректен и исклучително културен. Влатко Лозаноски со прекар Лозано е несомнено нашиот најпопуларен пејач. Во ексклузивно интервју за "Бекстејџ" ги откри своите новогодишни желби, направи ретроспектива на годината која е веќе зад нас, но и за желбите.

Голема ѕвезда, но сепак едно скромно момче: Лозано откри кога најчесто плаче (ВИДЕО)

Магдалена Андонова — Thu, 03 Jun 2021 10:58:21 +0000

Иако Влатко Лозаноски последниве години важи за најголемата македонска машка музичка поп ѕвезда, во суштина е многу обично момче, кое среќен го прават обичните работи. А како и секој обичен човек знае да пушти и солзи, а самиот вели дека кога би имал магично стапче би променил многу работи. Неговите песни сите ги знаат и пеат, но за неговата приватност и интима многу малку се знае. Особено по раскинувањето на долгогодишната врска со моделот Сава Грачанин, Лозано личните работи остана да ги чува само за себе… И можеби уште за многу тесен круг на неговите најблиски. Иако скромното момче од Кичево силно гази напред, кај него воопшто ништо не е променето. Тој и понатаму е скромен, нанаметлив, коректен и исклучително културен! Екипата на најгледаниот ТВ магазин „Бекстејџ“ се обиде да извлече неколку досега неоткриени детали од животот на Влатко Лозаноски, кој самиот ги откри пред камерата на „магазинот од зад сцената“. Од што најмногу се плашиш, од што имаш најголем страв? Лозано: Од височина и од змии! На кого би сакал јавно да се заблагодариш? Лозано: Буквално на сите… Им благодарам на сите! Патики или чевли? Лозано: Дефинитивно, патики! Од што најмногу се плашиш, од што имаш најголем страв? Лозано: Од височина и од змии! На кого би сакал јавно да се заблагодариш? Лозано: Буквално на сите… Им благодарам на сите! Патики или чевли? Лозано: Дефинитивно, патики! Скопје или Кичево ( родниот град на Влатко – н.з.)? Лозано: Нормално Кичево како родно место, но… И Скопје, како моментално живеалиште! Какво мислење имаш за пластичната хирургија? Лозано: Немам мислење… не барем во моментов! Таско или 2Бона? Лозано: И обете, односно сите… Одлични се! Елена Ристеска или Марјана Станојкоска? Лозано: Двете се прекрасни, така што… Но, ете… Елена нека биде! Кога последен пат си плачел и зошто? Лозано: Што знам, обично сум емотивен… Најчесто кога победува Македонија на спортски настани, ми доаѓа некоја солза! Кога би имал магично стапче што би направил или променил? Лозано: Искрено, многу работи би направил да имам магично стапче. Што те прави среќен? Лозано: Среќен ме прават обичните работи. Наутро утринското кафе, убава музика, добра серија, да се слушнам со пријатни луѓе, блиските… Обичните, едноставните работи ме прават среќен. Кога би избирал помеѓу убава и паметна жена, кој би бил твојот избор? Лозано: Пааааа… најверојатно паметна! Што би купил ако имаш милион долари? Лозано: Многу работи… Исто како прашањето со магичното стапче! Би ги распределил за многу работи: дел за кариерата, дел приватно, можеби дел би подарил…! Која била најдобра, а која најздодевна публика на еден твој настап? Лозано: Не знам, обично секаде биле ОК… Можеби има само некои на кои им треба малку повеќе време да ги загрееш. Нема здодевна публика, секаде публиката е пријатна! Мотор или автомобил? Лозано: Автомобил!

ВИДЕО: Лозано повторно блесна, слушнете ја „Вардаре“

Ивона Петрова — Thu, 29 Apr 2021 08:29:51 +0000

„Вардаре“ е насловот на новата песна на нашиот Влатко Лозаноски - Лозано, кој по подолга пауза поради коронавирус пандемијата објави несомнено нов хит. Креатори на ова дело одново е братско – сестринскиот авторски тандемот Лазар и Магдалена Цветковски, додека пак режисер на видеото е Даниел Јовески, кој и овојпат направи приказна која ќе допре до секој од вас. Инаку во овој најнов проект на Лозано учествуваа и работеа повеќе од дваесет луѓе, а меѓу нив се актерите Емилија Мицевска Трајковиќ, Горан Глигориески, Марко Богдановски и Сања Јаневски, а тука беа и нивните помлади колеги од актерската школа на Весна Петрушевска – Бејби. „Вардаре“ е дел од проектот „Километри“ на Лозано.

По револтот на граѓаните се огласија и естрадните ѕвезди: „Нема да дозволиме да се руши Универзална сала“

Магдалена Андонова — Thu, 30 Jul 2020 09:06:49 +0000

Идејата за уривање на Универзална сала ја крена јавноста на нозе, го бунтуваше народот, кому му се приклучија и голем дел од актерите, музичките уметници, естрадните ѕвезди, пишува Вистина.мк… па скопскиот градоначалник Петре Шилегов под притисок на јавноста, се уплаши и преку ноќ се премисли, па ретерираше во ставот за уривање на Универзална сала! Од вчерашниот прес (среда, 29 јули 2020) наваму, паркот веќе никој не го споменува. Шилегов “уцвика“ па го премолчи, давајќи три нови предлози со можност за референдумско изјаснување што ќе биде со Универзална сала? Обновена и реновирана на истото место, Новоизградена и дислоцирана на друга локација или двете заедно: И реновирање на постоечкиот објект и изградба на уште една, нова сала на друго место! Но, тоа не ја запре лавината на негодувања која ја предизвика неговата „штик проба“ на мала врата да протне „голема бизнис“, па цунамито од реакции не стивнува ниту на социјалните мрежи, ниту во медиумите. Еве неколку реакции за денес на некои од најистакнатите музички уметници и естрадни ѕвезди во Македонија, имиња кои не само што ја полнеле Универзална сала, туку луѓе кои знаат што значи да се има еден ваков епски храм на културата. Македонската гитарска легенда и најзначајниот музички уметник во поп-рок-џез културата не само во Македонија туку и пиошироко, Влатко Стефановски, кусо се обрати преку својот официјален Инстаграм профил со порака: „Не го чепкајте храмот во кој настапувале Реј Чарлс, Џими Смит, Мек Којтинер, Би Би Кинг, Херби Хенкок, Шарл Азнавур, Дејвид Брн, Фреди Хабард, Чик Кореа, Брајан Фери, Мик Тејлор, Давид Силвијан, Џон Меклафлин, Џое Завинул, Лери Карлтон, Корни Група, Тајм, Ју Група, Индекси, Леб и Сол, ВС трио, Кингс оф Стрингс, Скопје Џез Фестивал… и други бројни уметници од земјава и од странство. Реновирање да, друго нееееееее“, напиша Стефановски на Инстаграм. Најголемата македонска поп ѕвезда по заминувањето на Тоше Проески, идолот на младите генерации и пејачот чии хитови ги пејат и повозрасните, а токму во таа Универзална сала и како простор и како институција – организатор на Македонскиот радиски фестивал МАРС неговите песни последниве неколку години во низа поред беа прогласувани за хитови на годината, Влатко Лозаноски – Лозано за Вистина.ком.мк го произнесе своето мислење: „Дефинитивно треба да се направат некакви потези, превземат чекори за Универзална сала да се реновира или да се реобнови на истата локација. Универзална е уметнички музеј, дел од македонската музичка концертна историја. Таму се спомените и почетоците на многу уметници, но и на конзументите на уметноста. Се надевам дека ќе се има слух за да не се урива, туку ќе пронајде соодветно решение и Универзална ќе го врати стариот сјај како порано“ – изјави популарниот Лозано за порталот Вистина.ком.мк И македонската поп пејачка Ребека, која не само во својство на естраден уметник туку и како еден од основачите на здружението на граѓани за лица со дисфунцкии, хендикеп, ретки болести и посебни потреби ‘‘Дајте ни крилја‘‘ се огласи на социјалните мрежи потенцирајќи ја важноста и неопходноста од постоењето на Универзална сала. И тоа не само културен храм, туку и место каде хуманоста безброј пати се покажала на дело, а таа била сведок, протагонист и непосреден учесник и во двете: И во естрадно-уметничките перформанси и во хуманитарните настани и настапи. „Нема шанси да дозволиме!!! Универзална е поврзана со десетици најубави спомени од моето детство и музичката кариера. Тука втор пат отидов на концерт на,Златно Славејче после оној на Бело Копче во Маракана. 50тина мои настапи во Универзлна/Universal Hall, награди кои таму ми беа доделени…Се сеќавам кога настапив на Мис на Македонија,со трчање од автобус накај Универзална само што стигната од Србија(Белград) каде што снимав видео за песната Едно,се сопнав,а тоа штиклата пукнала. Излегов на сцена и пеев пред Северина која носеше преубав бел фустан и на самиот почеток штиклата се скрши. Ги соблеков двете и продолжив боса. Летав на сцената од среќа и се забавував до бескрај. Неколку Златни Буба Мари, 12 Величевствени, неколку гостувања на концерти,меѓу кои на мојот драг Игор Џамбазов,Борис Трајанов,Ребис и двата концерти и дуетот со Оливер Драгоевиќ. Нема да го заборавам и настапот со Стефче Стојкоски на вечерта посветена на Егејците кога ја испеав Со маки сум се родила и му ја посветив на мојот,сега веќе покоен дедо Атанас Катиновски Гоче. Стана дедо ми од седиштето додека пеев и плачеше таму пред целата публика, а потоа сите се расплакавме со него. Концерти на големи светски имиња на наши доајени,колеги се длабоко врежани во моите сеќавања,театарски представи,балетски представи и уште колку многу настани кои токму таму се одржуваа. Ве молам не ја рушете Универзална!!! Не можам да го замислам Скопје без Универзална! Универзална треба да ја чуваме и да ја обновиме,а не да ја рушиме!!!“ Оригиналниот текст видете го на Вистина.мк

Одлична изведба на прекрасната песна: „Километри“ на Лозано никогаш не звучела поемотивно (ВИДЕО)

Ивана Ефремовски — Sat, 18 Apr 2020 14:15:42 +0000

Еден од најдобрите македонски вокали Влатко Лозаноски, со одлична изведба ја израдува публиката. 34-годишниот пејач го изведува својот голем хит „Километри“ придружуван од својот бенд.

Лозано објави нов летен хит на еден ден пред неговиот голем концерт во Охрид (ВИДЕО)

Ивана Ефремовски — Thu, 01 Aug 2019 11:38:05 +0000

На само еден ден пред неговиот голем концерт закажан за на 2-ри август на стадионот "Билјанини извори" во Охрид, најголемата музичка ѕвезда во Македонија, Влатко Лозаноски - Лозано ја објави новата песна. "Не те вадам од памет" е насловот на летниот хит, а се разбира и овој пат како автори се потпишуваат тандемот Лазар Цветковски и Магдалена Цветковска. За новата песна, Лозано сними и видеоспот на кој како режисер се потпишува Даниел Јовески. Спотот е снимен на неколку локации во земјава, а покрај Лозано во него главната улога ја има и една од најубавите девојки во Македонија, Мартина Михајловска. -Ова е нешто ново и можеби поразлично од мене досега. Убеден сум дека ќе и се допадне на публиката и со нетрпение чекам да ја испеам на концертот на стадионот "Билјанини извори" - вели Лозано во неговата куса изјава. Инаку организаторите на концертот, "Прагма Продукција" најавуваат вистински музички спектакл, а Лозано ќе биде запишан како првиот домашен изведувач кој ќе настапи на охридскиот стадион и тоа на најголемиот македонски празник - Илинден! Вратите на стадионот се отвараат во 19 часот, а пред Лозано на големата бина со свои настапи ќе се претстават неговите помлади колешки, Антониа Гиговска и Лина Пејовска. Влезници се уште може да купите преку продажната мрежа на "kupikartizase.com", на плоштадот во Охрид, како и на вратите на стадионот "Билјанини извори".

„Ми фали за Велигден јас да си дојдам, ми фали да сум дома“-стихови кои денес болат многумина

Ивана Ефремовски — Sun, 28 Apr 2019 11:14:34 +0000

Велигден е најголемиот празник кој го слави нашиот народ. Симболот за Велигден се семејните собири, трпезата во домот, дружбата со најблиските. Денес многумина Македонци кои живеат надвор од границите чувствуваат болка поради далечината. Песната „Километри“ на Влатко Лозаноски говори токму за овие емоции. „Ми фали, тој мирис, на јоргован, ми фали, фали, ми фали, тој мирис, мене душа да ми гали, ми фали за Велигден јас да си дојдам, ми фали да сум дома“...

Емотивен текст и мелодија која допира до срце: Ќе уживате во песната „Мајко“ на Влатко Лозаноски (ВИДЕО)

Ивана Ефремовски — Mon, 11 Mar 2019 17:29:05 +0000

На неколку денови пред големиот концерт, Влатко Лозановски денес ја промовираше песна „Мајко“. Автор на музиката и аранжманот е Лазар Цветковски, текстот го потпишува Магдалена Цветковска. „Не жали, жали, не жали за ништо веќе не жали, кажи ми моја мајко утеха дај ми само, излажиме бар ти“-ова е дел од текстот кој сигурно ќе ве привлече да ја чуете песната.

Лозано собира награди: По „Златна Бубамара“, популарниот пејач награден и во Бања Лука

Ивана Ефремовски — Tue, 05 Mar 2019 11:47:22 +0000

По двете награди на „Златна Бубамара“ за пејач на годината и хит на годината, популарниот пејач Влатко Лозаноски – Лозано доби признание и надвор од границите на нашата земја. Вчеравечер во спортската сала „Борик“ во Бања Лука се одржа традиционалната манифестација „Оскари на популарноста“, каде Лозано како единствен изведувач од нашата земја ја освои наградата во категоријата „Најпопуларни изведувачи од регионот“. - Ми значи секоја награда, а покрај наградите кои ги добив на „Златна Бубамара“, исто така и оваа ми е многу драга, особено што доаѓа надвор од границите на нашата земја. Ова е доказ дека песната и музиката немаат граница, изјави Лозано. Влатко пред тамошната публика се претстави со двете добро познати нумери од неговиот албум „Десет“, „Километри“ и „Јако Јако“, а неговиот настап беше награден со громогласен аплауз од многубројната публика. На оваа престижна манифестација покрај Лозано се појавија и познати музички имиња речиси од целиот Балкан како што се: „Тропико Бенд“, Кики Лесендриќ, Ален Исламовиќ, Зорица Брунцлик, „Црвена Јабука“, Неда Украден и многу други. Инаку Лозано периодов работи под полна пареа, бидејќи на 23 март е закажан неговиот прв и голем солистички концерт во спортската сала „Вип Арена“, а за неколку дена ќе биде објавена и неговата најнова песна со наслов „Мајко“.

Владата одлучува дали ќе го тужи Влатко Лозаноски

Ивана Ефремовски — Mon, 16 Jul 2018 11:38:47 +0000

Владините служби денеска ќе одлучуваат дали ќе го тужат музичарот Влатко Лозаноски-Лозано кој што во саботата одби да настапи на прославата по повод добивањето на условната покана за влез во НАТО. Лозано беше еден од четириесетината артисти, како што ги нарекува владата кои што требаше да ја забавуваат публиката. Тој требаше да да настапи во Охрид но пред концертот одлучил да не настапи затоа што најважна за него е публиката која што овој пат не ја поддржа најавата за негов настап на политички собир. Во своето обраќање до јавноста Лозано вели дека е свесен за тоа дека може да биде тужен од страна на владата но е подготвен за сите последици. За непочитување на потпишаниот договор Владата може да покрене тужба за непочитување на договорот при што Лозано и останатите кои одбија да настапат или се повлекоа во текот на настапот поради малиот број на публика ќе треба да платат високи пенали. Во владата се размислува и за опцијаата артистите кои бојкотираа само да ги вратат парите ако веќе ги добиле или да се согласат на писмено дека нема да ги бараат затоа што сами го прекршиле договорот. Неофицијално, владини извори велат дека ќе се направи обид за мирно надминување на проблемот затоа што Лозано е многу популарна и влијателна личност и Владата не треба дополнително да влегува во конфликти со јавноста пред референдумот за името, објави Прес24. А Лозано со оваа порака на социјалните мрежи објасни зошто одбил да учествува на таканаречениот „НАТО фест“ Почитувани, Должност ми е да ви се обратам вам, на мојата публика, и да се изјаснам за она што се случуваше во врска со настанот. Да, бев дел од листата на изведувачи, но одлучив да не присуствувам и не настапив во Охрид. Ова беше моја голема одлука, околностите не беа лесни и засегнати беа многу страни, но она што секогаш во прв план го ставам е публиката. До ова скалило до кое што сум дојден на музичката сцена е само поради вас и секогаш ќе биде само поради вас. Јас сум пејач, музичар и уметник и само поради такви причини сум прифаќал настапи пред публиката. Овојпат ситуацијата ескалираше и увидов дека во такви моменти не треба да пеам. Верувам дека ќе има многу убави музички настани во иднина каде ќе ја славиме музиката. Пред вас сум за да ве спојам меѓусебно преку музиката, а не да ве поделам. Никогаш не сум бил политички определен, музиката е таа што ме насочувала и ќе ме насочува во животот. Искажувам голема почит кон сите мои колеги и организаторите на настанот, но мене публиката секогаш ќе ми биде на прво место. Сите овие години ви дадов толку многу љубов вам, на моите фанови, и двојна љубов ми беше возвратена од вас, што никаква пречка нема да дозволам да се појави за тој круг да се прекине. Свесно и одговорно стојам зад оваа одлука без разлика какви ќе бидат последиците. Ви благодарам за големата поддршка цело ова време! Со почит, Влатко Лозаноски-Лозано.