влатко лозановски – Kurir.mk

Зеаднички голем концерт: ДНК и Лозано доаѓаат во Гевгелија!

Тале Кристо — Tue, 27 Jun 2023 14:03:41 +0000

ДНК и ЛОЗАНО – звучи како одлична комбинација за зеаднички концерт. Епа, токму тоа и ќе се случи на 8-ми јули во Гевгелија, поточно во дискотеката „Де Факто“. После подолго време, гевгеличани и луѓето од околните градови ќе имаат прилика во живо да ги слушнат и видат едни од најбараните музички имиња во нашата земја во последните неколку години... Со други зборови Гевгелија ќе „гори“ на 8-ми јули од многубројните хитови на Лозано и ДНК. Тие ветуваат одлична забава и ноќ за паметење... „ Драги наши, по подолго време и на наше огромно задоволство на 8-ми јули (сабота) во вашиот омилен клуб „Де Факто” ќе одржиме заеднички концерт (Лозано и ДНК) пред гевгелиската публика која ќе има можност да ги слушнете сите наши познати рефрени низ три часовен концерт. Влезниците ке бидат во строго ограничен број, а првите 300 "early birds" влезници ке бидат пуштени во претпродажба по цена од 300 денари и ќе може да се набават исклучиво на билетарата на клубот од четврток до сабота. Потоа цената ке изнесува 400 денари и доколку останат на врата ке бидат остане истата цена. Затоа подгответе се на 8-ми јули на "Полна месечина" ве чекаме да се гушнеме “Јако Јако” и да се направиме "Авиони", да испишеме уште неколку “Километри” па “Што сака нека биде"...“ – стои во нивната зеадничка објава. Инаку концертот ќе го отвори младиот диџеј – Милан Петков, кој е миленик на публиката во Гевгелија. После Гевгелија, ќе следи најмалку уште еден ваков задинчки концерт, а локацијата ќе биде објавена наскоро.

ВИДЕО: Подарок за публиката на неговиот роденден, Лозано ја објави „Ме нервираш“

Ивона Петрова — Mon, 27 Jun 2022 12:29:58 +0000

Денеска е роденден на нашиот најпопуларен пејач Влатко Лозаноски – Лозано, а по тој повод наместо роденденско парче торта, Влатко публиката ја чести со нова песна. Станува збор за летна песна со „заразен“ текст и мелодија, a нејзиниот наслов е краток и јасен: „Ме нервираш“. Aвтори на истата се Лазар Цветкоски, односно музика и аранжман, додека пак текстот е дело на Магдалена Ена Цветкоска – тимот со кој Лозано соработува од почетокот на својата кариера. Како и за сите други песни, така и за оваа Лозано и неговиот тим на соработници снимија видеоспот во прекрасниот хотел „Мирор“ во Скопје. Како режисер на ова видео се потпишува Дарио Јанковиќ, односно Генерал Јанковиќ, а главната улога во спотот ја има една од најубавите девојки во Македонија, манекенката Ана Марија Јанковиќ. -Со нетрпение ги чекав овој ден за да ја објавиме мојата најнова песна. Ќе бидам искрен и ќе кажам дека мене ова ми е една од подрагите песни и мислам дека ја споделуваме со публиката во вистинско време, вели Лозано. Лозано за кратко време на публиката и промовира две песни. Пред два месеци тој ја објави песната „После полноќ“, па денеска дојде редот на „Ме нервираш“, а тој со неговиот тим веќе работат на подготовки за снимање на видеоспот за уште една нова песна. Инаку летово Влатко и неговиот бенд настапуваат низ повеќе градови во нашата земја, а следните концерти се закажани во Скопје, Тетово и Битола…

All Stars спот на „Паскалин“: Најдобрите го избираат најдоброто

Super Admin — Wed, 27 Apr 2022 09:19:30 +0000

Врвните актерски имиња Никола Ристановски и Јелена Јованова, топ-моделот Катарина Ивановска, Дрита Ислами – атлетичарка, олимпијка и национална рекордерка, како и нашите извонредни музичари Каролина Гочева и Влатко Лозановски се собраа на едно место во новиот ѕвезден ТВ-спот на најдоброто кафе на македонскиот пазар – „Паскалин“. Истрајност, храброст и неуморност се особините што ги поврзуваат овие шест докажани имиња, кои долги години опстојуваат на врвот, секој во својата област. Токму таков е и „Паскалин“, бренд препознатлив меѓу љубителите на кафе по својот квалитет, вкус и стил.

- Некои луѓе едноставно не прават компромиси, храбро и неуморно грабат кон врвот, веруваат во себе, ги совладуваат препреките, ги надминуваат стравовите и никогаш не запираат. Токму такви се нашите нови бренд-амбасадори, кои се одбрани неслучајно. Тоа се вредностите кои се вткаени во секое пакување „Паскалин“, направено од најдобрите арапски зрна кафе, преработени со врвна италијанска технологија за производство – велат од „Паскалин“ и додаваат дека благодарение на контролата на квалитетот и соодветната амбалажа, омиленото кафе на познатите ја задржува својата арома подолго време.

Врвно. Без компромиси. Спотот се снимаше цели четири дена, на седум локации, меѓу кои и скопскиот акведукт и салата на македонската Филхармонија. Реализиран е во продукција на агенцијата „Бец Шолц енд Френдс“, а на него работеше екипа од над 20 врвни професионалци. Овој спот е само почеток на соработката меѓу „Паскалин“ и шесте македонски ѕвезди. Можете да го погледнете тука. https://www.youtube.com/watch?v=TrxnoWh9Smg

Лозано ја откри најчудната понуда која ја добил за настап: Добивам понуди да пеам на погреби и разводи (ВИДЕО)

Дарко Андоновски — Wed, 20 Apr 2022 07:14:41 +0000

Скромното момче од Кичево кое пред повеќе од 10 години ја почна својата музичка кариера јако гази напред, но апсолутно ништо не е променето во однос на неговото однесување, тој и понатаму е истиот - ненаметлив, коректен и исклучително културен. Неодамна тој ја објави неговата нова песна под наслов „После полноќ“, па токму тоа беше и причината да биде гостин во естрадниот магазин „Бекстејџ“ Освен за новата песна, Лозано зборуваше за најчудната понуда која ја добил за настап, па додаде: „Добивам понуди да пеам на погреби, свадби разводи...во такви моменти јас и мојот тим не знаеме како да реагираме. Но, мора да се навикнеме.“ – рече Лозано Целото интервју погледнете го во продолжение:

Ќе ве „зарази“ уште на прво слушање: Лозано има нова песна – „После полноќ“ (ВИДЕО)

Дарко Андоновски — Sat, 09 Apr 2022 11:42:28 +0000

Конечно, по подолго време една од нашите најголеми музички ѕвезди – Влатко Лозаноски – Лозано ја објави својата најнова песна. „После полноќ“ е името на новата нумера и дефинитивно таа ќе биде пријатно изненадување за публиката. Иако можеби повеќето очекуваа дека Лозано повторно ќе објави песна слична на претходната, тој и неговиот тим, продуцентите Лазар Цветкоски и Ена Цветкоска создадоа ремек-дело со светски звук. “Презадоволен сум тоа како звучи песната, а се разбира и од тоа како изгледа видеоспотот. Сега останува само публиката да си го каже своето, јас сум сигурен дека ќе им се допадне - изјави накусо Лозано. Како режисер на видеоспотот се потпишува познатиот Даниел Јовески со кого Влатко соработува веќе неколку години, додека пак за стајлингот и овојпат беше задолжен Андреј Ѓоргиевски - Папаз. Инаку ова е само најава за она што допрва ќе следи од Лозано и неговиот тим. Тие веќе имаат подготвено неколку нови песни, а деновиве се работи и на сценариото за новиот видеоспот кој треба да почне да се снима многу скоро, а тоа значи уште една нова песна во блиска иднина... Да не должиме многу, погледнете, слушнете и споделете доколку ви се допаѓа...

Денес е еден од најпознатите македонски пејачи – уште од најмали нозе бил слатко и талентирано дете, еве со што израснал тој во рацете (ФОТО)

Дарко Андоновски — Sat, 22 Jan 2022 12:57:18 +0000

Преку шоу за млади таленти почна да го трасира својот пат кон македонското музичко небо, а денес со многу отпеани хитови од неговиот славејски глас, тој стана еден од најдобрите наши пејачи на забавната музичка сцена. Можеби веќе погодувате… Да, станува збор за Влатко Лозаноски кој уште како мало дете знаел дека музиката ќе биде негов животен пат. Влатко често знае да се присети на детството, и тоа на различна возраст. Од времето кога бил во рацете на мама и тато, кога свирел хармоника… сите овие моменти од детството ги има на негиот профил на социјалните мрежи.

Лозано со нов хит за најпознатата детска емисија „Дајте музика“ (ВИДЕО)

Дарко Андоновски — Wed, 10 Feb 2021 11:20:32 +0000

Ако на нашите радио станици го слушнавте последниот хит на Влатко Лозаноски – Лозано, тогаш сигурно знаете за неговата соработка со детскиот серијал „Дајте музика“. Песната „Другар“ е веќе хит на радио станиците и на каналот Јутуб . Весела разиграна и забавна, песната „Другар“ највеќе од се‘ допре до децата. Во година на пандемија, во време кога сите деца посетуваат он-лајн настава, детскиот серијал „Дајте музика“ им влеа надеж на сите деца за подобра иднина, а песната „Другар“ нe' потсети на едно безгрижно детство полно со авантури и забава. Лозано одлично се вклопи во концептот на „Дајте музика„ за една нова модерна генерација на детски идоли кои ги почитуваат вистинските вредности: добро однесување, здрави навики, искреност, одговорност, вистинско другарство и емпатија. Лозано е еден од најмоќните вокали кај нас, а за него беше предизвик да се појави заедно со децата и зад себе да остави хит кој уште многу генерации ќе го пеат. Како и за претходните песни на Лозано, така и за оваа како автори се потпишуваат, тандемот Лазар и Ена Цветковски. Погледнете го спотот:

Најголемата музичка ѕвезда Влатко Лозаноски заминува на голема концертна турнеја во Америка и Канада!

Дарко Андоновски — Thu, 13 Feb 2020 18:44:53 +0000

По барање на иселениците во дијаспората, нашата најголема музичка ѕвезда - Влатко Лозаноски - Лозано на почетокот на март заминува на голема турнеја во Америка и Канада. Лозано ќе одржи неколку концерти во најголемите градови каде живеат Македонци, а интересот досега е незапаметен како никогаш досега. Организаторот на турнејата, вели дека иселениците со нетрпение ги очекуваат закажаните концерти во Чикаго, Колумбус, Детроит, Њу Џерси и Торонто. - Помина само еден ден откако официјално објавивме дека Влатко има турнеја во Америка и Канада и верувајте дека мојот мобилен телефон не престанува да ѕвони. По се изгледа нашинците ќе го видат Влатко и во неколку други градови во Америка - изјави тој. Влатко на настапите ќе биде придружуван од неколкумина професионални музичари, а покрај неговите најголеми хитови како „Километри“, „Јако, јако“, „Мајко“, „Ова лето ќе се памети“, „Сонце не ме грее“, „Надеж“, „Не те вадам од памет“ и многу други, на концертите Лозано ќе ги запее и најпознатите македонски народни песни. - Се радувам што за првпат ќе настапувам пред многубројната македонска публика во Америка и Канада. Наназад низ годините имав доста понуди од таму, но решивме дека сега е вистинско време за една голема турнеја. Со нетрпение очекувам да дојде март и да започнат концертите. Она што е интересно, откако објавивме на социјалните мрежи дека ќе одржам неколку концерти ми пристигнаа и доста пораки од Срби, Босанци, Хрвати и Бугари кои ми кажаа дека ќе бидат дел од публиката - вели Влатко Лозаноски. Инаку Лозано како што кажавме, важи за најголемата музичка ѕведа во Македонија последниве неколку години. Доказ за тоа беше и преполната спортска арена „Борис Трајковски“ во март, минатата година, потоа следea и концертите низ останатите градови низ цела Македонија, а исто така беше и единствениот македонски артист кој одржа успешен концерт на стадионот „Билјанини извори“ во Охрид. Исто важно што треба да се спомене, е тоа што пред само неколку недели, Влатко во Белград на големиот музички настан во Јужна Европа - „МАК“, ја освои наградата за најдобра поп-фолк нумера за целиот регион за песната „Мајко“.

ФОТО: Предизвикот го прифатија и македонските ѕвезди, но еден од нив ги збуни сите- можете ли да погодите за кого се работи?

Дарко Андоновски — Thu, 17 Jan 2019 13:00:58 +0000

На социјалните мрежи има нов предизвик: Постирај фотографија како изгледаш денес и како си изгледал пред десет години, па покрај светските ѕвезди фотографии од себе си објавуваа и нашите ѕвезди. Предизвикот го прифатија неколку наши познати лица а еден кој навистина ги збуни сите, и скоро никој не можеше да го препознаа беше Влатко Лозановски. Фотографијата како што напишал му е не од пред 10 туку од пред 15 години, некаде од училишните денови, а на неа денешната поп ѕвезда е речиси непрепознатлив.

View this post on Instagram

#15yearschallenge yeaaah ???

A post shared by ?????? (@vlatkolozanoski) on Jan 16, 2019 at 1:00pm PST

Започна божиќното канење за Бадник и Божиќ- првата покана доаѓа од домот на Влатко Лозановски (ВИДЕО)

Дарко Андоновски — Fri, 07 Dec 2018 09:34:17 +0000

На точно месец дена до најблескавиот период од годината, кога се слави Бадник и Божик, започна божиќното канење. ПРВАТА БОЖИКНА ПОКАНА доаѓа од домот на Влатко Лозаноски. Едно е сигурно, и оваа година, најпопуларните поп пејачи во Македонија ќе се обединат околу Божикната пештера и ќе подготват голема БОЖИКНА МАНИФЕСТАЦИЈА закажана за 6-ти Јануари (недела) во 11 часот, на голема бина, на платото пред Црквата „Св.Димитриј“. За неколку дена, тие влегуваат во студио за да возобноват уште една православна Божикна песна, со што ќе го збогатат репертоарот на празнични православни песни што ќе ги остават во наследство на генерациите што доаѓаат. А „Вечниот Бог“- како Божикна песна што веќе сите деца ја знаат, останува главен музички симбол на манифестацијата. Многубројните изненадувања што се подготвуваат за 6-ти Јануари и самата БОЖИКНА МАНИФЕСТАЦИЈА, ќе Ви ги откриваме дел по дел, во периодот што следи, со нови интересни видео пораки.