влатко стојановски – Kurir.mk

Влатко Стојановски потпиша за Горица

Бошко Тасиќ — Mon, 09 Aug 2021 20:38:04 +0000

Македонскиот напаѓач Влатко Стојановски има нов клуб, стави потпис на договор со Горица. Стојановски откако не се снајде најдобро во Франција, го раскина договорот со Ним и се пресели во Хрватска, денеска беше промовиран како ново засилување на Горица. „Македонскиот напаѓач Влатко Стојановски е нов играч на Горица! Во Горица дојде како слобден играч и потпиша договор до 2024 година“, стои во соопштението на хрватскиот клуб.Стојановски вели дека е среќен со трансферот во Горица. „Се чувствувам одлично, мило ми е што дојдов во еден добро организиран клуб кој од година во година се повеќе напредува и има големи амбиции. Хрватската лига ми ми се допаѓа, ја следев и досега и мислам дека е многу квалитетна“, вели Стојановски.

Франција воведе забрана на фудбалерите кои се надвор од ЕУ,неизвесен настапот на Стојановски

Бошко Тасиќ — Thu, 18 Mar 2021 15:49:33 +0000

Mладиот фудбалер на Ним Влатко Стојановски, кој моментално игра на позајмица во Шамбли, повторно се најде на списокот на македонскиот селектор Игор Ангеловски, за почетокот на квалификациите за Светското првенство во Катар следната година. Стојановски и покрај повикот, нема да биде дел од ростарот на Ангеловски. Причината за тоа е поради фактот што утрово сите клубови од Првата и Втората француска лига едногласно изгласаа да им забранат настап на фудбалерите кои играат за националните тимови што не се членки на Европската Унија. „Поради сè поголемата криза со коронавирусот Лигата реши да не ги ослободи своите фудбалери да играат за националните тимови кои не се членки на Европската Унија. Сите клубови едногласно го изгласаа овој предлог, со што е активирано правилото на ФИФА кое беше донесено пред еден месец. Тоа значи дека клубовите нема да ги пуштат своите членови да играат за селекциите кои не се во Европската Унија“, се вели во соопштението на Француската Лига

Уште двајца македонски фудбалски репрезентативци не му останаа имуни на вирусот – позитивни се Ковид-19

Магдалена Андонова — Fri, 27 Nov 2020 12:31:21 +0000

Напаѓачите на македонската фудбалска репрезентација, Илија Несторовски и Влатко Стојановски, се позитивни на коронавирусот. Двајцата беа дел од македонската експедиција што играше на Кипар против Ерменија, во Лигата на нации. Несторовски, поради коронавирусот, не бил во составот на Удинезе, во саботата против Џенова (1:0). Стојановски, фудбалер на второлигашот Шамбли, бил ставен во изолација веднаш по враќањето во Франција. Извор: ТОЧКА

Стојановски: Сите знаеме колку е важен за нас натпреварот со Косово

Дарко Андоновски — Tue, 06 Oct 2020 09:33:41 +0000

Македонскиот фудбалски репрезентативец Влатко Стојановски се надева на успех на средбата со Косово. Тој вели дека сите негови соиграчи се подготвени за дуелот кој е претпоследна пречка на патот кон Европското првенство. -Од нас фудбалерите може да очекувате дека ќе го дадеме максимумот. Сите знаеме што значи овој натпревар, како за нас, така и за целата држава. Мислам дека ќе биде тешка средба, ама се надевам дека ќе го победиме Косово. Нивната игра добро ќе ја анализираме. Ќе с епотрудиме со нашиот квалитет д аги нападнеме нивните слаби страни и на крајот да се радуваме на победа, изјави напаѓачот Стојановски. На 8 октомври на Националната арена „Тодор Проески“ македонските фудбалери се домаќини на косовската селекција во полуфиналето од плејофот во Лигата на нации.