влажен бран – Kurir.mk

Од утре влажен бран во Македонија, најавени дожд и снег

Ивона Петрова — Fri, 18 Nov 2022 11:11:50 +0000

Подрачјето на нашата земја за време на викендот и во почетокот на следната седмица ќе биде под влијание на серија влажни бранови. Времето ќе биде променливо облачно, наместа со врнежи од дожд со променлив интензитет, најавуваат од УХМР. Утре ќе биде релативно топло со сончеви периоди, а в недела и понеделник врнежи ќе има на повеќе места. Локално ќе биде нестабилно со пообилен дожд од над 40 литри на квадратен метар и појава на грмежи. Ќе дува умерен до засилен, а повремено и силен ветер од јужен правец, со над 60 километри на час. Од понеделник температурите ќе бидат пониски и на повисоките планини ќе има повремени врнежи од снег.

Влажниот бран добредојден за земјоделството

Ивона Петрова — Tue, 08 Mar 2022 10:19:53 +0000

Ладниот бран со врнежи од снег и дожд што ја зафати земјава е поволен за земјоделството. Оние овошки кои не ја почнале вегетацијата, добро е се уште да бидат во фаза на мирување зашто време за негативни температури се уште има. Како што велат агрометеоролозите, зимата се уште трае. -Доколку, пред се, почвените услови дозволуваат, земјоделците треба да продолжат со подигање нови овоштарници или лозови насади, како и со кроење на овошките и виновата лоза, работа која се уште не е насекаде целосно завршена, препорачуваат од УХМР. Според агрометеоролозите, дождот е добредојден во овој период. -Во суштина, вакви временски услови, како минатата недела, треба да имаме во овој период од годината – променливо време со врнежи од дожд и снег, при што дојде до разладување на атмосферата, со пониски дневни температури, кои го успорија пролетното будење на овошките, со исклучок на Повардарието и јужните делови каде бадемот, сливата џанка и кајсијата се расцветани или беа во почеток на цветање, велат од УХМР.

Променливо време со слаб дожд и снег, нов влажен бран од сабота

Ивона Петрова — Wed, 17 Mar 2021 06:05:42 +0000

Времето во земјава ќе биде променливо облачно, студено и ветровито, претежно на планините со услови за провејување на слаб снег, на југозападот понекаде со слаб дожд. Попладне ќе биде посончево. Ќе дува засилен, во источните делови и вдолж Повардарието силен северозападен ветер (на места ќе достигнува брзина и над 60 км/час). Утринската температура ќе се движи од -2 до 6, а дневната од 3 до 13 степени. Во Скопје, променливо облачно и ветровито, попладне посончево. Ќе дува засилен ветер од северозападен правец. Утринската температура ќе се спушти до 3, а дневната ќе достигне до 10 степени. Во следните денови ќе преовладува променливо облачно и студено време со сончеви периоди, а претежно на планините повремено ќе провејува снег. Утринските температури во четврток и во петок во најголем дел од земјава ќе бидат под нулата. Нов влажен бран со врнежи од дожд се очекува од сабота попладне.

ОД УТРЕ ДОАЃА ВЛАЖЕН БРАН: Обилни врнежи од дожд, на повисоките места снег

Ивона Петрова — Mon, 08 Mar 2021 11:50:44 +0000

Од ноќеска на пониските места на северозапад ќе има повремени врнежи од дожд кои понекаде на повисоките места ќе преминуваат во снег, а на планините на северот повремено ќе врне снег, информира Управата за хидрометеоролошки работи (УХМР). -Утре и в среда ќе преовладува променливо облачно време, во западните делови и особено на северозападот со повремени врнежи од дожд, а на планините и на некои повисоки места со повремен снег. Утре преку ноќта и во среда во северните делови на планините ќе се формира дополнителна снежна покривка, а мала снежна покривка ќе се формира понекаде и на повисоките места, соопшти УХМР. Пообилни врнежи над 25 литри на квадратен метар, како што најавува УХМР, ќе има во западниот дел од земјава особено во вторник во вечерните часови и во среда претпладне кога ќе почне да дува повремено силен северозападен ветер со брзина од над 65 километри на час. Потоа, како што велат од УХМР, следува период на стабилно и се потопло време.

Врнежи од дожд и снег до задутре, од сабота нов влажен бран

Ивона Петрова — Tue, 10 Dec 2019 11:16:59 +0000

Преодно стабилизирање на врнежите од дожд кои од попладне на планините и на некои повисоки места ќе преминат во снег ќе има задутре, а в петок кон крајот на денот и в сабота се очекува нов влажен бран со врнежи од дожд, а на планините од снег, покажува прогнозата на Управата за хидрометеоролошки работи (УХМР). За денеска се најавени врнежи од дожд, пообилни во западните и јужните делови, каде се очекуваат над 25 литри дожд на метар квадратен. Попладне и во текот на ноќта на планините и на некои повисоки места тие ќе преминуваат во снег. Ќе дува слаб доумерен, кон крајот на денот повремено засилен ветер од северен правец. Максималната температура ќе биде во интервал од пет до 11 степени Утре времето ќе биде претежно облачно и постудено со врнежи од дожд, а на планините и на некои повисоки места од снег, особено претпладне.Преодно стабилизирање ќе има в четврток, а во петок кон крајот на денот и во сабота се очекува нов влажен бран со врнежи од дожд, а на планините од снег, стои во прогнозата на УХМР. Минимални температури до минус три степени се очекуваат в четврток и в петок, а дневните ќе се искачат до 11 односно 13 степени