Шест работи кои не би требало да ги чистите со ВЛАЖНИ МАРАМЧИЊА: Бидете внимателни

Ристе Здравков — Thu, 23 Mar 2023 14:28:18 +0000

Секогаш мора да запомните дека влажните марамчиња содржат алкохол. Ако ги избришеме чувствителните површини со нив, можеме засекогаш да ги оштетиме. Ова се шестте работи кои не смеете да ги избришете со овие марамчиња. Кожни чанти или кожен мебел Ако вашата омилена кожна чанта се извалка или истурите нешто на парче мебел обложен со кожа, можеби мислите дека најбрзиот начин е да ја избришете површината со влажно марамче, но тоа може трајно да ја оштети кожата. Наместо тоа, набавете средство за чистење на кожата или, за прва помош, нежно исчистете ја областа со сапун и вода. Очила за очи Не треба да ги бришете стаклата со влажни марамчиња, бидејќи тие со текот на времето можат да го отстранат заштитниот слој од површината на стаклото. Исчистете ги со крпа и средство за чистење на очила или со специјална ткаенина за таа намена. Бисерен накит Бришењето на бисерни ѓердани или сличен накит со марамчиња за дезинфекција воопшто не е добра идеја. Амонијакот, кој е вообичаена состојка во овие марамчиња, може да ги оштети деликатните бисери, па тие го губат својот сјај. Екран на допир Да, отпечатоците се насекаде низ вашиот телефон, таблет и други уреди, но не ги бришете со влажни марамчиња. Може да се случи еден дел од екранот да стане трајно заматен. Подобро решение е да користите крпа за очила или средство за чистење на екран на допир. Чувствителна облека Кога ќе истурите нешто на вашата кошула, не посегнувајте по влажно марамче. На овој начин може да се оштетат многу материјали, па затоа е подобро обичното хартивче само да се намокри со вода. Тепих Теписите можат да бидат доста чувствителни и не треба да се перат на никаков начин. Ако истурите нешто на тепихот, подобро е да не посегнувате по влажно марамче, бидејќи тие можат да ја оштетат областа. Наместо тоа, исплакнете со обична вода или квалитетно средство за чистење теписи.

Важен совет за дамите: Сигурно ја правите оваа грешка, мора да престанете за да не си го уништите лицето

Ивана Ефремовски — Sun, 08 Aug 2021 18:48:52 +0000

Темелното и правилното вадење шминка е еден од главните фактори што влијаат врз изгледот на кожата на лицето. Без разлика колку лесна шминка користите, таа мора темелно да се отстрани од лицето, бидејќи во спротивно може да предизвика огромни проблеми. Доколку шминката се задржи на лицето, таа може да се затне и да ги извалка порите, а тоа подоцна може да предизвика појава на акни кои се болни и не изгледаат воопшто привлечно. За да дише кожата и да има простор за регенерација, треба целосно да ја отстраните шминката. Иако ова им е очигледно и јасно на сите, често се случува шминката да ја отстраниме само со марамчиња за вадење шминка или невнимателно да преминеме преку лицето со некое средство, а дерматолозите предупредуваат дека токму влажните марамчиња се главната причина за сите проблеми со тенот. Размислете дали баш секоја вечер темелно го миете лицето и ги отстранувате сите траги од пудра и останати производи? Најголемата грешка е токму вадењето на шминката со влажни марамчиња. Тие само навидум ја отстрануваат шминката, но иако се чини дека веќе ја нема на лицето, таа останува во ситните пори, кои многу лесно се затнуваат и потоа настануваат многу сериозни проблеми. Честата употреба на марамчиња доведува до сериозен ризик од појава на акни, па затоа нивната употреба сведете ја на минимум.

влажни марамици – Kurir.mk

Шест работи кои не би требало да ги чистите со ВЛАЖНИ МАРАМЧИЊА: Бидете внимателни

Важен совет за дамите: Сигурно ја правите оваа грешка, мора да престанете за да не си го уништите лицето