влез во држава – Kurir.mk

ВО КОСОВО ОД ДЕНЕС НЕМА ВЛЕЗ БЕЗ ТРИ ДОЗИ– еве што треба да направат вакцинираните само со две дози, се воведува и полициски час

Дарко Андоновски — Sat, 22 Jan 2022 08:29:20 +0000

По наглото зголемување на бројот на заболени од ковид-19, косовската влада синоќа донесе нови мерки за спречување на ширењето на пандемијата, според кои, меѓу другото, од денеска за влез во државата е потребно да се приложи потврда за примени три дози вакцини, или две вакцини и негативен ПЦР тест, не постар од 48 часа, јави дописникот на МИА од Приштина. Од обврската за приложување сертификати за вакцинација при влез во Косово се ослободени лицата кои патуваат транзитно, странските дипломати, децата до 12-годишна возраст и лицата кои имаат лекарска потврда дека се ослободени од вакцинација. Косовските државјани кои немаат примено две вакцини, по враќањето во земјата ќе треба да подлегнат на седумдневен карантин во своите домови. На сите вработени во јавните институции ќе им се бара сертификат за примени најмалку две дози. Со новите мерки, таканаречениот полициски час, односно забраната за движење, наместо од полноќ, од денеска ќе трае од 22 до пет часот наутро. Се скратува и работното време на угостителските објекти, кои, наместо до 23 часот како досега, ќе можат да работат до 21 часот, со тоа што музиката е дозволена до 20.30 часот. Забранета е работата на ноќните клубови и организирањето фестивали, концерти, свадби и веридби, додека на погребни церемонии е дозволено присуство само на најблиските роднини. Одлуката, која стапува во сила денеска, е со важност до 4 февруари. Во образложението за новите мерки Владата се повикува на најновата епидемиолошка ситуација, по порастот на случаите со Ковид-19. Иако според Институтот за јавно здравство на Косово ситуацијата се смета за стабилна, сепак се вели дека опасноста останува, поради доминацијата на варијантата Омикрон на вирусот. Последните денови во Косово имаше нагло зголемување на дневните бројки на заразени, така што само во петокот беа регистрирани 2.943 нови случаи, односно речиси 25 отсто од тестираните. Официјалната бројка на активни заболени во земјата, од околу 700, колку што изнесуваше пред две недели, вчера достигна до 12.396, додека медицинските експерти очекуваат задржување на негативниот тренд и во наредниот период.

Финска им забрани влез во земјата на невакцинираните, дури и да поседуваат негативен тест

Магдалена Андонова — Tue, 28 Dec 2021 18:11:13 +0000

Влез во земјава ќе можат само странските патници со негативен тест за Ковид-19 и оние кои ќе докажат дека се целосно вакцинирани или дека ја надминале инфекцијата, соопшти Министерството за внатрешни работи по седницата на Владата. Портпаролот на граничната служба потврдил за Франс прес дека невакцинираните странци ќе бидат одбиени, освен оние помлади од 16 години или оние кои се на списокот за изземање. - Без разлика на потеклото на странскиот државјанин, секој мора да покаже потврда за вакцинација и негативен тест кој не е постар од 48 часа, изјави Томи Кивенџури, претставник на финската гранична стража. Мерката, која стапила на сила во 14 часот, важи и за граѓаните на Европската унија, а се однесува на лицата родени пред 2006 година. Исклучок се здравствениот и транспортниот персонал, сериозни семејни причини или луѓето на кои им е потребна хуманитарна помош, како и некои жители на пограничните области на Шведска и Норвешка. Финска минатата недела објави дека ќе побара негативен тест од сите патници, и од граѓаните на ЕУ и вакцинираните патници, од 28 декември, со цел да се запре зголемувањето на бројот на случаи на ковид а-19 поврзани со варијантата омикрон.

НОВИ ПРАВИЛА – Швајцарија, Белгија и Австрија со нови Ковид-19 мерки кои важат и за патници од нашата земја

Магдалена Андонова — Thu, 16 Sep 2021 09:56:09 +0000

Швајцарија, Белгија и Австрија донесуваат нови Ковид-19 правила за патници кои влегуваат во нивните земји. За Швајцарија повеќе не е во сила забраната за влез на државјани од трети земји, вклучително и од Република Македонија, заради туристички или било каков друг вид престој, но само со потврда/сертификат за примени 2 дози од вакцина (Повеќе информации за видот на вакцината и условите за влез, може да се пронајде на следниот линк: https://travelcheck.admin.ch/check). Условот за поседување на негативен тест (PCR или Antigen), повеќе не се прифаќа како основ за влез за оваа категорија лица. Доколку лицето ги исполнува услови за влез во Швајцарската Конфедерација, потребно е до 12 часа пред влезот во Швајцарија, да го пополни формуларот кој се наоѓа на веб страна на Федералната канцеларија за јавно здравје на Швајцарија, или поточно на следниот линк: https://swissplf.admin.ch/formula Белгиската Влада воведува карантин за невакцинираните патници кои во Белгија ќе влегуваат од црвените зони меѓу кои е и Македонија.Поради зголемениот број на нови „Ковид-19” пациенти во болниците во регионот на главниот град и пошироко во Белгија, веќе од утре (петок, 17 септември) ќе се воведат построги правила на карантин за патниците кои пристигнуваат од црвената зона. Оние кои не се целосно вакцинирани (две дози во соодветен временски интервал) или немаат сертификат за прележана болест,по пристигнувањето во Белгија од црвената зона,мора да поминат 10дневен период на карантин. Карантинот може да се скрати ако резултатот од дополнителниот тестот на седмиот ден е негативен. Кога влегувате во Австрија, мора да обезбедите еден од следните докази: доказ за вакцинација или доказ за прележана KОВИД-19, што преставува единствен начин да се избегне карантин (самоизолација) 10 дена, која може да биде прекинат по 5 дена со нов негативен резултат на ПЦР тест. Малолетниците до дванаесет години, исто така, мора да се изолираат и да се регистрираат при пристигнувањето, освен ако возрасниот што патува со нив не е ослободен од самоизолација; децата над 12 години мора да поседуваат доказ за вакцинација или доказ за прележанаKОВИД-19. За примена вакцина со единечна доза, мора да покажете дека сте ја примиле вакцината пред повеќе од 21 дена, но не повеќе од 360 дена ) пред пристигнувањето. Повеќе информации за рестриктивните мерки за сите држави можете да најдете на веб страната на МНР, поконкретно на следниот линк -https://www.mfa.gov.mk/mk/page/1706/informacii-za-covid19

За Македонците оваа европска држава воведува најстроги мерки: За влез во државата ќе биде потребен сертификат, негативен тест и карантин

Магдалена Андонова — Fri, 03 Sep 2021 12:18:02 +0000

Од недела македонските државјани ќе може да влезат во Холандија со исполнување на сите три услови - сертификат за имунизација, негативен ПЦР тест и плус задолжителен 10-дневен карантин потоа. Од европските земји, овој драстичен услов ќе ваќи и за Црна Гора и Косово. - На 4 септември ќе стапат на сила голем број важни промени во врска со областите од многу висок ризик. Барањата за луѓето кои патуваат во Холандија од овие земји, исто така, ќе се променат. Северна Македонија ќе биде означена за многу ризична област од 4 септември. Патниците од Северна Македонија ќе можат да влезат во Холандија само ако се целосно вакцинирани или спаѓаат во една од категориите за ослободување за забрана за влез во ЕУ. Од 4 септември, исто така, ќе се бара да го почитуваат задолжителниот карантин од 10 дена. Од 6 септември, патниците од области со висок ризик, исто така, мора да покажат или негативен PCR тест не постар од 48 часа пред поаѓање или брз антиген тест не постар од 24 часа пред поаѓање, без оглед на вакцинацијата или статусот на опоравување на патниците, се вели во соопштението.

Црна Гора ги соопшти новите услови за влез во земјата

Магдалена Андонова — Fri, 20 Aug 2021 09:29:37 +0000

- Влегување во Црна Гора им е дозволено на црногорските и странските државјани од одредени земји само доколку имаат еден од четирите услови, односно доказ за вакцина (една или двете дози), негативен ПЦР тест не постар од 72 часа, доказ дека имал инфекција или негативен брз тест за антиген не постар од 48 часа - вели директорот на Институтот за јавно здравје Игор Галиќ. Тој на прес-конференцијата објави дека доколку некој од овие четири докази ги нема ќе мора да оди во самоизолација 14 дена, што ќе може да се запре по шест дена со негативен ПЦР тест. - Во Црна Гора безусловно продолжуваат да влегуваат од Србија, Хрватска, Босна и Херцеговина, Албанија, Косово и Македонија - рече Галиќ. Од 13 јануари 2021 година, на граѓаните на Србија им е дозволен влез во Црна Гора без да исполнуваат никакви услови поврзани со документацијата за ковид. Се уште е доволно да се покаже само пасошот или личната карта на граничниот премин. Свадби, родендени и други приватни прослави што се организираат во угостителски објекти во Црна Гора, може да се одржат со барем еден од доказите од Националниот дигитален сертификат за Ковид-19, што мора да го поседуваат и домаќините и гостите на настанот. Тој вели дека присуството и задржувањето на повеќе од 50 возрасни лица на отворено јавно место (тротоари, плоштади, улици, шеталишта и сл.) Е забрането, притоа почитувајќи ги пропишаните мерки (носење маска и држење дистанца).

БУГАРИЈА ОД ДЕНЕС ГИ ОТВОРА ГРАНИЦИТЕ: Еве во која зона се наоѓа Македонија

Дарко Андоновски — Thu, 01 Jul 2021 06:28:27 +0000

Од денес 1 јули, Бугарија воведува нов режим за влез на странци во државата при што земјите ќе бидат поделени на црвена, портокалова и зелена зона во зависност од развојот на пандемијата во нив. Тоа беше обелоденето вчера од техничкиот министер за здравство Стојчо Кацаров Тој објасни дека одлуката во која зона ќе бидат државите ќе биде донесена врз основа на бројот на пациенти и процентот на позитивните тестови во нив. За бугарските власти државите ќе бидат во – Зелена зона, Портокалова зона, Црвена зона. Списокот на земји по зони на бои се утврдува врз основа на објавени информации од Европскиот центар за превенција и контрола на болести (ECDC) – за земјите-членки на Европската унија и Европската економска област (ЕУ и ЕЕА), СЗО и Центарот за контрола на болести – Атланта, САД . За државите од каде нема податоци или недоследност во податоците, официјалните ќе се добиваат преку податоците објавени на веб-страниците на националните здравствени власти. Списокот ќе се анализира најмалку еднаш неделно и ќе се ажурира во понеделник, а доколку е потребно, и почесто ако се влоши состојбата со епидемијата во државата. -Луѓето кои се од државите во Зелената зона влегуваат со најлесен режим, во Портокаловата зона имаат малку построг режим, па дури и да имаат сертификат, некои од луѓето, по случаен избор, ќе се вршат дополнителни тестови. А, оние што се во црвената зона нема да им се дозволи влез во Бугарија, објасни Кацаров. Инаку, Македонија според одлуката на Бугарија се наоѓа во портокалова фаза, детално за сите земји и фази погледнете ги ТУКА.

Нови построги мерки во Србија – секое лице при влез на граница ќе биде тестиранo?

Магдалена Андонова — Tue, 16 Mar 2021 10:31:03 +0000

На денешната седница на Кризниот штаб во Србија за сузбивање на епидемијата на коронавирус беа донесени построги мерки со цел да се спречи ширењето на Ковид-19. Една од мерките, за која Кризниот штаб смета дека може да донесе позитивни резултати, е зголемување на капацитетот за тестирање, особено на границите, рече српската премиерка Ана Брнабиќ по сесијата. - Намерата е да се зголемат капацитетите за тестирање, особено на границите, така што секој што ќе влезе во Србија ќе биде тестиран - рече премиерот. - Правиме план како да го направиме тоа и јавноста ќе биде информирана за тоа. Сè уште не е познато дали тоа ќе биде на штета на државата или на сметка на оние што влегуваат во земјата и дали треба да направиме разлика помеѓу нашите и странските државјани - додава таа. Се планира PCR капацитете да се зголемат десеткратно.

Важна информација за сите кои што патуваат за Германија – воведен е задолжителен карантин!

Магдалена Андонова — Mon, 25 Jan 2021 13:26:07 +0000

Сите лица што престојувале во ризична област десет дена пред влезот во Германија, мора начелно да одат во карантин откако ќе влезат во оваа држава, објави на Фејсбук Германската амбасада во Скопје, посочувајќи дека ова важи и за оние што пристигнуваат од Северна Македонија, бидејќи земјава моментно е назначена како „ризично подрачје со особено голем ризик на инфекција од Ковид-19“. Амбасадата додава дека оваа обвска за карантин важи независно од државјанството, а изземени се само патници кои транзитираат со автомобил или авион. – Сите лица се дополнително обврзани најмногу 48 часа пред влезот да направат Ковид-тест, чиј резултат треба да го носат со себе на хартија или како електронски документ на германски, англиски или француски јазик и во рок од десет дена по влезот и веднаш да и го приложат на надлежната служба по барање, а пред да тргнат на пат да се пријават на веб-страната www.einreiseanmeldung.de, сенаведува во објавата на Амбасадата. Од Амбасадата додаваат дека само ако не е можно дигитално пријавување за влез, може да се приложи известување во писмена форма како замена за него, но патниците мора да носат со себе испечатена потврда од нивната пријава.(МИА)

Словенија признава само негативен ПЦР тест направен во земја од ЕУ, не постар од 24 часа – во спротивно се оди во карантин

Магдалена Андонова — Sat, 26 Dec 2020 11:17:18 +0000

Словенија од вчера ги промени правилата за влезе според кои престојот во земјата е можен без карантин, но со негативен ПЦР тест направен во ЕУ, односно од Шенген зоната, кој не е постар од 24 часа, се вели во одлуката објавена на веб-страницата на словенечката влада, пренесува Алсат.мк Според новата одлука веќе не е можно да се влезе со негативен ПЦР- тест направен во институции во земја надвор од ЕУ, односно Шенген зоната. Како што е наведено, влез во Словенија од земјите на тнр. „црвена листа“ без домашен карантин или без приложување негативен тест е можен само во седум случаи: -Прекуграничен мигрант, кој е вработен во една од земјите-членки на Европската унија или друга земја од Шенген – зоната, за што има доказ или со потпишана изјава ја докажува причината за преминување на границата како дневен мигрант и се враќа во рок од 14 часа од преминување на границата; -Лице кое извршува задачи во меѓународниот транспортен сектор, а тоа ќе го докаже со „Уверение за работници во меѓународниот транспортен сектор“ или друг соодветен документ од работодавачот; -Лице кое превезува стока во или од Словенија во комерцијален сообраќај, како и за товарен сообраќај во транзит и ја напушта Словенија во рок од осум часа по преминувањето на границата; -Лице кое транзитира низ Словенија и заминува не повеќе од шест часа по влегувањето; -Претставник на странска безбедносна институција (полиција или судство), кое извршува службена задача и ја напушта Словенија што е можно поскоро по завршувањето на задачата; -Лице кое било донесено во Словенија со брза помош или е медицинска придружба во тоа возило; -Лице со дипломатски пасош. Како што е наведено, веќе не важат исклучоците кои се поврзани со образование, итни деловни причини, планиран итен медицински преглед или постапка, за сопственици на земјиште на граница или од двете страни на државната граница, поради одржување контакти со најблиските членови на семејството. за пристап до продавници и услуги во соседната држава… За да се дозволи влез во овие случаи, потребен е негативен тест, во спротивно лицето ќе биде испратено во карантин. Извор: АЛСАТ