вложување – Kurir.mk

Зошто е најдобро Вашите пари да ги вложите во Уни Банка!

Ристе Здравков — Wed, 12 Jul 2023 09:17:46 +0000

Дефинитивно да се чуваат пари дома е лоша опција! Поради инфлацијата парите губат на вредност, а тука е и ризикот од кражба. Во такви услови се наметнува вечното прашање каде и во што да се инвестираат слободните финансиски средства? Кои се најдобрите расположливи можности? Исклучително високите цени по метар квадратен, навистина делуваат демотивирачки за инвестиции во недвижен имот. Да речеме сме инвестирале во недвижен имот, и станот го издаваме. Која е сигурноста дека тој постојано ќе биде издаден? Дека ќе имаме „домаќински настроени“ кираџии? Но, ако сепак веќе сме цврсто решени за стан, кредит од УНИБанка секогаш е одлична опција. Втора добра опција се акции. Секогаш се атрактивни акциите на македонските банки или големите компании, бидејќи цената е горе-доле стабилна. Во последно време, се повеќе се наметнува трета опција, а тоа се штедните влогови. Каматите навистина се поволни и претставуваат атрактивна инвестициска опција. Ако решите да орочите парични средства на одреден временски период, постепено заштедата ќе Ви се зголемува. Колку е подолг периодот на кој ги орочувате Вашите парични средства на „чување“ во банката, толку е повисока каматата која ќе Ви ја исплати при подигнување на депозитот. Ова и понатаму останува проверено најсигурниот начин да ги инвестирате Вашите средства. Умната Депозитна Сметка на УНИБанка е продукт кој овозможува каматна стапка која прогресивно расте дури до 5%. Колку повеќе вложувате, толку повеќе добивате! Се разбира тука е и Депозитот Фикс со фиксна каматна стапка од дури до 3,9%. Депозитите се осигурани во Фондот за осигурување депозити. Преку УНИБанка може да инвестирате и во граѓанска обврзница, која исто така е сигурна можност за инвестирање. Важно е да имате диверзификувано инвестиционо портфолио. И секако во животот не е важно само да се има цел, туку да се имаат и корисни информациие за да можеме да донесеме правилна одлука. На Вас е да одлучите!

„Тесла“ оствари профит од вртоглава сума од вложување во биткоин

Магдалена Андонова — Mon, 22 Feb 2021 11:13:23 +0000

Американскиот производител на електрични автомобили „Тесла“ оствари речиси една милијарда долари од вложувања во биткоини, изјави аналитичарот Даниел Ив. Според него, „компанијата би можела од вложувањата во биткоини да заработи повеќе отколку од продажбата на своите електрични возила во цела 2020 година“. На почетокот на овој месец „Тесла“ во поднесокот доставен до Комисијата за хартии од вредност открил дека купил биткоини во вредност од 1,5 милијарди долари за да го направи „пофлексибилен за натамошно диверзифицирање и максимизирање на поврат на готовина“. Тргувањето е објавено минатиот месец, но компанијата не открива точно кога и по која цена. Засега не се знае дали „Тесла“ продал некои од купените биткоини. Најголемата светска дигитална валута забележа невиден раст оваа година, достигнувајќи постојано нови рекордни нивоа. Даниел Ив не објаснува како дошол до пресметувањето на заработката на „Тесла“ од биткоинот. Според податоците на КоинДеск, цената на оваа криптовалута на 31 јануари била на дневен максимум од 34.793,45 долари, а на 20 февруари, кога Ив ја објавил својата белешка, изнесувала 57.487,03 долари. Тоа претставува раст од околу 65 проценти, што значи дека профитот на „Тесла“ од вложување на 1,5 милијарди долари во биткоин во тој временски период би изнесувал околу 975 милиони долари. Бидејќи биткоинот достигна денеска нов историски рекорд од 58.332,36 американски долари, профитот на Тесла надминува една милијарда долари. (МИА)

Моравјецки: Европа преку Северен поток 2 како да вложува во руско оружје

Магдалена Андонова — Tue, 04 Aug 2020 12:54:11 +0000

Гасоводот Северен поток 2 е опасен за Европа и со неговата изградба таа како да вложува во руско оружје, изјави полскиот премиер Матеуш Моравјецки за време на расправата во Атлантскиот совет. – Не можам да кажам дека во Полска имаме остра антируска реторика. Меѓутоа постојат работи кои не ни се допаѓаат. На пример, Северен поток 2, истакна Моравјецки. Според него, доколку Русија ја исклучи Украина од транзитот на гас кон Западна Европа, тогаш ќе има големо влијани врз таа земја. – Затоа Северен поток и Северен поток 2 се многу опасни за нашиот регион и затоа поради нив ја критикуваме германија, нагласи полскиот премиер. Полска смета дека Северен поток 2, кој двојно би го зголемил рускиот извоз на гас преку Балтичко Море, претставува закана за енергетската безбедност на Европа и со него ќе се зајакне доминацијата на Газпром на пазарот. (MИА)