вмро-дпме – Kurir.mk

ВМРО-ДПМНЕ: Убиството на заштитените кафеави мечки директна последица на нефунционалноста и криминогеноста на Општина Маврово Ростуше и Националниот парк Маврово

Тале Кристо — Wed, 30 Aug 2023 16:41:14 +0000

Убиството на заштитените со закон кафеави мечки е директна последица на нефункционирањето и негрижата на Националниот парк Маврово под раководството на партискиот кадар на власта Семир Адини и општината Маврово Ростуше Медат Куртовски, велат во партиското соопштениеод ВМРО-ДПМНЕ. Комуналното претпријатие на општината во континуитет, и покрај апелите на жителите на Мавровско Реканскиот крај не реагира на создавањето на бројните диви депонии кои меѓудругото привлекуваат диви животни. Од друга страна Националниот парк Маврово наместо кон заштита на животната средина е ориентирано кон правење на бизнис, прекумерна и криминална сеча на дрва, како и ловокрадство пред кое во континитет се замижува. Секаде во светот кафеавите мечки се заштитуваат, само во Македонија тие се убиваат. Секаде во светот Националниот парк ја штити природата, само во Македоника се прави бизнис од нејзиното уништување. Националниот парк Маврово оваа влаат го направи бизнис машина за интересите на локални моќници. Јавна тајна е дивата сеча на дрва во најзелените краеви на Македонија. Сегашните власти треба да знаат дека ќе одговараат за сите сомнежи за криминал и незаконско работење. Нивната неспособност и криминогеност е на штета на сите граѓани. Бараме од институциите ОЈО МВР и Инспекторатот за заштита на животна средина, да бидат превземени сите мерки за Целосно расчистивање на случајот, со цел да не ни се побторуваат вакви или слични ситуации!, се вели во соопштението на ВМРО-ДПМНЕ.

Мицкоски: Пендаровски ми звучеше како аналитичар, наместо претседател

Катерина Бојаџиева — Wed, 22 Dec 2021 19:18:13 +0000

Лидерот на ВМРО-ДПМЕ, Христијан Мицкоски во интервју за емисијата „Само вистина“ што се емитува на телевизија Канал 5, се осврна на годишното обраќање на претседателот Стево Пендаровски, оценувајќи дека тој звучел повеќе како аналитичар, наместо како претседател. „Од она што го слушнав и што читав што во медиумите ми делува како аналитичар не како претседател. Тој има алатки и можности. Сите можеме да констатираме и да кажеме како е. Треба да кажеме како да се направи да чини. Тој е претседател бил дел од владеачко мнозинство и треба да каже како треба да биде подобро“, рече Мицкоски. Тој кажа дека не се замрзнати односите, но тоа не значи не може тој да критикува. „Мој став е ова и луѓето не треба да се лутат кога некој ги критикува. Јас имам аргументи за моите ставови“, рече Мицкоски.

Мицкоски: Ковачевски е слеп послушник на Заев

Катерина Бојаџиева — Wed, 22 Dec 2021 18:17:48 +0000

Од тоа што го слушам во јавноста политиките се исти што ќе ги води Ковачевски. Јас не видов тој да каже ова ќе го работам, од ова ќе се оградувам, рече лидерот на ВМРО-ДПМЕ, Христијан Мицкоски во интервју за емисијата Само вистина што се емитува на телевизија Канал 5. „Првиот впечаток е дека тој, Димитар Ковачевски се поклонува на заевизмот и политиките на Заев. Ако тој е слеп поклоник на политиките на заевизмот тогаш се е исто. Погледнете каков декор е. Каков декор беше на средбите со Заев во Елбасан“, рече Мицкоски. Според него сега нема ништо ново, туку само слеп поклоник и послушник на политиките на Заев. „Затоа и за него ќе биде добро да излезе на избори. Добро ќе биде за него да излезе од сивилиото на Заев и да побара поддршка од граѓаните, да излезе на избори и да каже што ќе работи и да граѓаните да кажат што мислат за програмата и тоа што мисли да го работи“, посочи Мицкоски.

ВМРО-ДПМНЕ: СДСМ со партизираниот државен апарат прават притисок врз медиуми под лажниот превез на борба со лажни вести

Тале Кристо — Tue, 21 Apr 2020 15:46:40 +0000

Македонија е повторно најлоша во регионот по медиумските слободи и тоа не е изненадување, реагираат од ВМРО-ДПМНЕ. На место борба за справување со здравствената и економската криза предизвикана од пандемијата, СДСМ се грижи единствено за својот ПиАр. Бескурпулозната партизација која што се врши во сите институции, СДСМ посакува да ја спроведе и во Советите на АВМУ и МРТ со една цел која е далеку од реформа - да има целосна партиска контрола врз медиумите, што е далеку од демократија и градење здраво општество. Во Македонија СДСМ со партизираниот државен апарат прават притисок врз медиуми под лажниот превез на борба со лажни вести, ги делат на провладини или ги прогласуваат за непријатели, судат и гонат новинари за искажан збор и поставени прашања, дискриминираат медиуми преку владината прес служба. И ова е само дел од состојбите. Владата со најголем број советници креираше стратегија за борба со "вестите од ВМРО-ДПМНЕ" што е јавно кажано од еден од владините стратези што е невиден преседан во демократските општества кон кои се стреми Македонија, а тоа е целосна партизација на медиумскиот простор. Токму затоа за Македонија е оценето дека владее Хибриден режим, кој што годинава ја преминува границата кон авторитарен еднопартиски режим, се вели од соопштението на ВМРО-ДПМНЕ.

Арсовски во интервју за Лидер: Утре ВМРО-ДПМНЕ објавува огромен скандал – вистината за бизнисот со марихуана! (ВИДЕО)

Тале Кристо — Thu, 23 Jan 2020 17:26:06 +0000

Портпаролот на ВМРО-ДПМНЕ, Димче Арсовски во интервју за порталот Економски Лидер откри дека утре ВМРО-ДПМНЕ ќе објави огромен скандал во врска со законот за опојни дроги, односно законот за марихуана. -Во текот на утрешниот ден ќе биде објавен еден сериозен скандал кој што зема сериозни размери во јавноста, тоа е дел од законот за опојни дроги, народски кажано законот за марихуана кој што во моментот власта сака да си го донесе по свој терк, вели во интервју за Лидер портпаролот на ВМРО-ДПМНЕ. Арсовски не откри многу детали за истиот, но увери дека станува збор за голем скандал каде што власта на СДСМ и фамилијата Заеви личните интереси ги ставаат пред државните -Не би откривал повеќе детали би оставил јавноста утре да ги чуе од тој скандал но, меѓутоа верувајте ова е уште еднен скандал низ низа на други скандали, каде што власта ги става, односно власта на СДСМ и фамилијата заеви ги става своите лични интереси пред сите останати државни интереси кои што се во интерес на граѓаните, истакна Арсовски.