Лажна величина, фасада, лажна плоча. Така обично прават политичарите кои се фарса без суштина, што само го покажува системот на владеење на СДСМ, изјави потпретседателот на ВМРО-ДПМНЕ Александар Николоски одговарајќи на новинарско прашање како го коментира повторното вадење на плочата од манастирот Св. Прохор Пчински посветена на првото заседание на АСНОМ.

-Тргањето на плочата посветена на првото заседание на АСНОМ од манастирот Св. Прохор Пчински е потврда дека се работи за најголемата измама и за најголемата фасада на македонската политичка сцена. Стево Пендаровски со голема помпа во јавноста велеше дека се враќа прославата во Прохор Пчински, притоа излажа и не кажа дека  последно тоа се случи во 2009 година, туку велеше дека се случило многу порано, рече Николоски.

Тој истакна дека Пендаровски излажал кога кажал дека проблемот со плочата е речени за после неколку дена од неговиот кабинет да кажат дека се работи за лажна плоча.

-Но, она што е најбитно рече дека проблемите се решени, положи цвеќе пред една плоча која што ја видовме сите, за после неколку дена таа плоча да е тргната и самиот да признае преку соопштение од неговиот кабинет дека се работи за лажна плоча, односно како што тие велат за време плоча. Што да ви кажам? Лажна величина, фасада, лажна плоча. Така обично прават политичарите кои се фарса без суштина, што само го покажува системот на владеење на СДСМ, потенцираше потпретседателот Николоски.

Се работи за една влада која што е обид за спас на слободата на Зоран Заев, тој е свесен дека ќе дојде време кога ќе треба да одговара за криминалот и злоделата кои што ги направил, и се обидува да го одложи тоа време и оваа влада е продукт на таков компромис од една страна, и од друга страна оваа влада е влада во која што апсолутна доминација има политичката партија ДУИ, вели потпретседателот на ВМРО-ДПМНЕ Александар Николоски во интервју за радиото „Македонски корени“ од Сиднеј.

Николоски потенцираше дека причина зошто власта бега од одржување на предвремени парламентарни избори е лошиот рејтинг, но и серијата на лоши политики и потфрлање во делот со справување со енергетската, економската и здравствената криза.

-Немам никакви очекувања по однос на оваа влада, бидејќи Македонија по сите параметри потфрла, дали е тоа енергетската криза каде што порасна цената на електричната енергија или цената на греењето кое во Скопје ем е поскапо, ем и скоро да го нема, буквално илјадници станови во градот се без парно греење, а граѓаните смрзнуваат затоа што нема соодветно парно греење. Понатаму во делот со справување со економската криза, со здравствената криза, една серија на серија на потфрлање и лоши политики кои што се резултат на овие лоши компромиси. И затоа ние континуирано бараме предвремени парламентарни избори и доколку власта беше сигурна дека добро стои помеѓу луѓето тогаш ќе се согласеше да оди на предвремени избори, но имајќи во предвид дека се свесни дека имаат исклучително слаб рејтинг бегаат од изборите, истакна тој.

-И тие ќе се случат без разлика на отпорот кој што го дава владејачката коалиција СДСМ и ДУИ, порача Николоски.

Во однос на сознанијата кои што тој ги добил дека Реџепи на денот на гласање на недоверба на владата бил чуван во премиерската вила на Водно, нагласи дека и самиот Реџепи ги потврдил овие сознанија со тоа што не демантирал дека бил таму, нагласувајќи дека ова само по себе говори каков авторитарен режим владее во државата.

-Кастриот Реџепи беше киднапиран на денот на гласање и тоа не сака да го признае ни тој, ниту ти кои што го киднапираа, но тоа е факт и тоа беше единствената причина зошто не се појави во Собранието. Инаку тој ја подржа иницијативата за гласање на недоверба на владата и тој беше 61от кој што всушност се потпиша на таа иницијатива. Значи сакаше условно кажано да биде тој со чии што глас ќе се одлучува и немаше ниту една логика во неговото променливо однесување, освен тоа што се случи. Затоа што доколку меѓувремено се предомислил во тие три дена од поднесувањето на иницијативата до гласање на недоверба на владата, можеше да дојди во собранието и да гласа за останување на владата или можеше да дојде во собранието и да одржи прес конференција на која што ќе каже дека мисли дека владата на Заев е добра. Но, наместо тоа исчезна, а исчезна затоа што некој не бил сигурен како ќе гласа дента во собранието и потоа ја доби онаа позната понуда од латиноамериканските крими филмови сребро или олово и очигледно го избрал среброто и затоа го направи тоа што го направи. Во меѓувреме до мене дојде сознанија дека на денот на гласање бил чуван во премиерската вила на Водно која што е државен објект. Точно е дека премиерот ја користи но таа не е приватен, туку државен објект, и тоа е директна злоупотреба на државни ресурси и е тешко кривично дело затоа што пратеник кој што е највисок орган во државата да биде чуван во државен објект е кривично дело и за тоа ќе има кривична одговорност. И самиот Кастрио Реџепи еден ден по мојата изјава практично ја потврди мојата изјава со тоа што не демантираше дека бил таму и на тој начин се потврди каков авторитарен режим во моментот владее со Македонија, за кој што единствено што размислува е да го заштити криминалот, додаде Николоски.