ВМРО-ДПМНЕ битола – Kurir.mk

Општина Битола, со над 72% реализација на капиталните инвестиции во инфраструктурата со 300 000 000 денари

Катерина Бојаџиева — Mon, 21 Nov 2022 20:52:34 +0000

Почитувани од СДС, На вашите лаги, лицемерие и ситни спинови им нема крај... Сепак, во прилог на вистината, зборуваат видливите факти и бројките кои нив дополнително ги потврдуваат. Со реализација од 75% од буџетот на Општина Битола, 2022 година ќе биде запаметена како најуспешна година во делот на паметното и прецизно реализирање на средствата предвидени со буџетот. Потврда за развојниот буџет на општина Битола, се капиталните инвестиции во инфраструктурата со близу 300 000 000 денари исплатени средства или над 72% реализација, велат од ВМРО-ДПМНЕ- Битола. -Ваква реализација на капиталните инвестици во буџетот за изминатите 4 години не била забележана, а истата во тој период се движела од 23% до најмногу 58% во изборната година. Не мора да сте економист или математичар, доволно е да застанете и да ги прочитате кварталните извештаи, пред Вашата весела математика неточно да пресмета, дека ова се средства само за 11 километри асфалт, онолку колку Вие поставивте за 4 години, а оваа локална самоуправа, толкава должина асфалтираше уште во првата година. Покрај асфалтирањето, дел од капиталните инвестиции во вредност од 300 000 000 денари или 72% реализација се и улиците во АРМ, канализациони мрежи како онаа во Брусник која е во финална фаза, на улица Стара Чешма, санирање, рехабилитација и уредување на улици со бекатон плочки, гребен асфалт, тампон, санирање на ударни дупки на улиците кои претходно не ги допревте, инвестиции за трите нови детски паркови, за активностите на паркот во Нова Битола…и ДА! За исплаќање на обврските од над 2 милиони евра, оставени од раководството на СДС заклучно со 10 ноември, денот кога неуспешното раководење на СДС со Битола, стана минато. За жал, денес, живееме и со предизвиканата енергетска криза од страна на неспособната влада на СДС, па Општина Битола само за првите 6 месеци исплати над 1 милион евра за електрична енергија, наспроти 100 000 евра колку се исплатувале просечно изминатите години. Во сите овие делувања, локалната самоуправа предводена од ВМРО ДПМНЕ, со 2,89% од планираниот општински буџет, продолжува со грижа за традицијата, уметноста, културата и богатото културно наследство, целосно заборавено од сите нивоа на претходната власт. Перјаниците на локалната СДС, иако постојано присутни во првите редови на културните настани поддржани или организирани од Општина Битола, крајно лицемерно критикуваат за средствата вложени во оваа област. Разочарувачки е фактот што со тоа ги манипулирате граѓаните, но Вашето присуство на настаните, сепак потврдува дека општината го прави вистинскиот избор во културата, затоа што, за разлика од блиското минато, сега се распишуваат повици, апликациите комисиски се разгледуваат од стручни лица во областите и на тој начин се носат одлуки, но најважно, во целиот тој процес, клучна е комуникацијата со јавноста. За да се зајакни транспарентноста на буџетското планирање, општината објави повик за поддршка во реализација на културни настани за 2023 година, а направена е и анкета за битолското културно лето, на која над 90 % од испитаниците позитивно се изјаснија за квалитетот и содржините на Битфест 2022 година. Перјаниците на СДС, доколку имаат аргументи, јавно нека ги изнесат причините поради кои во Битола не треба да има уметност и култура, дека општината не смее да поддржува, помага и организира културни настани во градот на Браќата Манаки, првите сниматели на Балканот, Кирил Македонски, композиторот на првата македонска опера "Гоце", Ајри Демировски, авторот на Битола мој роден крај, Јонче Христовски, авторот на Македонско девојче, Виолета Томовска, Владимир Костов, авторот на Свадбата на Мара, претстава победник на Стерино позорје во 70 тите години кога почна подемот на Битолскиот театар, Горан Стефановски, кој е роден во Битола, автор на култните Диво Месо и Црна Дупка, Ацо и Димче Стефановски... Почитувани од СДС, културата не познава партиска определба. За среќа, мала група од Вас, сега не ја носат одлуката дали културата во Битола, треба да продолжи да се негува. За тоа се прашуваат граѓаните, истите тие кои Ве казнија на последните локални избори, а тоа ќе го сторат и на парламентарните. Битола се сака со дела, не со празни зборови и лаги во кои и самите не верувате.

„Ковачевски заборави на чистиот воздух и здравата животна средина кои ги ветуваше како пратеник на СДСМ“

Ивана Ефремовски — Tue, 03 Apr 2018 12:41:02 +0000

Раководството на ЕЛЕМ, покрај директната одговорност што ја има со лошото менаџирање со водостојот на Охридското езеро, со што неколку дена под вода се поголем дел од улиците и објектите во Охрид, со своето нестручно работење деновиве повторно од незнаење и недобро менаџирање и негрижа предизвикува уште една еколошка катастрофа со расејување на пепелта од депонијата од РЕК Битола низ цела Пелагонија, рече Олга Лозановска од ВМРО-ДПМНЕ. -Јавноста во Битола добро знае што зборуваше Васко Ковачевски како пратеник и советник од Битола. Денес како генерален директор на РЕК заборави на здравјето на Битолчани и граѓаните од околните населени места. Заборави на чистиот воздух и здравата животна средина, што им беше главна порака на изборите за добивање на гласовите на Битолчани. Денес очигледно се заборави на штетноста на пепелта по здравјето на граѓаните, за нејзината канцерогеност, за која секојдневно се обраќаа до граѓаните дека под итно треба да се реши. Денес за нив се поважни тендерите во четири очи, денес пепелта не можат да ја видат, иако на фотографиите тоа се гледа дури од Прилеп, а да не зборуваме да се има обврска да се покрие навремено. Дали денес Васко Ковачевски и раководството на СДСМ сами на себе ќе си поднесат кривични пријави за загрозувањето на здравјето на Битолчани и животната средина, како што правеа кон претходното раководство. Или тоа беше уште една голема лага само да се дојде на власт. Дали ќе продолжат со започнатиот проект за отпепелување што претходното раководство го почна со решавање, а тие 10 месеци како и сите други проекти важни за граѓаните ги пролонгираа. Ова е уште еден доказ за врвното лицемерие на СДСМ, едно ветуваат во кампањата, друго прават на дело, истакна таа.

Власта наместо да вработува и да отвора нови работни места секојдневно отпушта: 133 лица од РЕК Битола денес останаа без работа

Дарко Андоновски — Fri, 29 Dec 2017 14:35:59 +0000

-Се прашувамe дали е ова првата одлука на Васко Ковачевски, неформалниот директор на РЕК, одлука која наместо промоција за некој нов проект или вработување, е одлука за отказ на 133 лица. Вработените кои останаа без работа се лица кои се ангажирани во РЕК Битола уште од август 2015 година. Се работи за 133 фамилии од Битола, Демир Хисар, Могила, Новаци и Ресен останаа без своите средства за егзистенција токму пред самиот почеток на Новата година. Ако на ова се надоврзат уште 50на фамилии од образованието и детската заштита сликата За Живот за сите се комплетира во целост. Власта мора да престане да се однесува како државата и државните институции да се нејзин приватен посед. Државата мора да биде еднаква за сите. Со еднакви услови и можности за секој граѓанин, истакнуваат од ОК ВМРО-ДПМНЕ Битола. Од Општинскиот Комитет велат дека ништо од животот кој го најавуваше СДСМ. Граѓаните на Битола и битолско добија само беда и заплашување. -СДСМ не го интересираат граѓаните. Начинот на кој се однесува власта покажува дека единствена цел им е ослободување на работни позиции, на кои подоцна треба да се вработат луѓе од СДСМ. Власта мора веднаш да запре со праксата на бркање луѓе од работа. Граѓаните не смеат да бидат жртва на политиките на СДСМ за бркање по рецептот од „Чистачка до министер“. Граѓаните и нивните судбини не смеат да бидат заложници на теснопартиските апетити. Државата мора да биде еднаква за сите. Граѓаните заслужуваат демократија и држава во која ќе се почитува принципот на владеење на правото, стои во соопштението на ОК ВМРО-ДПМНЕ Битола.