вмро-дпмне гази баба – Kurir.mk

Петровска: Автокоманда три години е заборавена од градоначалникот Борис Георгиевски, ветувања многу – реализација нула

Дарко Андоновски — Sat, 21 Nov 2020 14:00:59 +0000

Ви се обраќам денес со цел да ве информирам за сето она што се случуваше или подобро речено не се случуваше изминативе три години во Автокоманда. Граѓаните се гневни, лути и со право бараат услови за подобар живот кој пред три години во својата предизборна кампања го вети тогашниот кандидат, а сега градоначалник Борис Георгиевски, ова денеска преку прес-конференција го истакна Валентина Петровска од ВМРО-ДПМНЕ како и член на советот на општината Гази Баба. -ВЕТУВАЊА МНОГУ но, реализација на ветеното НУЛА. Градоначалник! Проблемот со водоснабдувањето во високата зона кој ветивте дека ќе биде решен, се уште е проблем. Не го решивте ни сообраќајниот хаос кој е секојдневие во Автокоманда. Дали изградивте барем еден од ветените паркинзи? НЕ Дали барем започнавте со реализација на ветената поликлиника во Автокоманда? НЕ За жал граѓаните три години чекаат обележување пешачки премини на трите улици, а за капиталниот проект гасификацијата во Автокоманда не станува ни збор. Дали некој води грижа што масовно се сечат повеќегодишните дрвја, за сметка на доградбите на зградите, а на нивно место не е посадено ниту едно ново дрво. Ги нема ниту ветените нови паркови и зелени површини или можеби ние не ги гледаме. Така ли ќе се решава проблемот со загадувањето во Автокоманда, која години наназад е меѓу првите населени места, ако не и прва по загадување во општината а и пошироко. Секако дека не, вели Петровска. Таа додава дека градоначалник, вие и вашата партија СДСМ ветивте и ,,Уредување на парк шумата Гази Баба” – денес сме сведоци дека и овој проект, како и повеќето ветени и нереализирани проекти, е само мртва буква на хартија. -Жителите на Автокоманда и Железара, како најблиски населби до парк шумата се сведоци на континуирана негрижа на власта за овој исклучително важен дел од општината и Градот Скопје. Трагедијата да е поголема, во овој дел се градат и објекти. Прашувам - Како е можно во заштитен и зелен појас во парк шумата Гази Баба, каде не е дозволено градење, некој да гради? Дали можеби тука никнува некаков си приватен центар за одгледување на кучиња? Но, тоа не е се, за крај би го споменала и скандалозниот предлог ДУП за Автокоманда кој предизвика огромен број реакции од страна на граѓаните и куќните совети. Забелешките на граѓаните кои се во огромен број, должни сте да ги прифатите и врз основа на забелешките комплетно да го преработите ДУП-от, а потоа да се повтори целата постапка и процедура за негово носење. Затоа почитувани граѓани не очекувајте за последнава година од мандатот на градоначалникот нешто да се смени. Автокоманда е заборавена. Со право граѓаните се лути и револтирани Со право сакаат ПРОМЕНИ . ПРОМЕНИ мора да има и ќе има. ВМРО-ДПМНЕ е партија од народот и за народот. ВМРО-ДПМНЕ ќе ја донесе промената во Автокоманда, вели Петровска.

ВМРО-ДПМНЕ ОК Гази Баба: Градоначалникот Борче Георгиевски продолжува со насилничкото владеење во Општина Гази Баба

Дарко Андоновски — Tue, 05 Mar 2019 20:13:43 +0000

Градоначалникот Борче Георгиевски продолжува со насилничкото владеење во Општина Гази Баба, ова денеска на прес-конференција го истакна Елизабета Стојменова, советник од ВМРО-ДПМНЕ во Совет на Гази Баба. -И покрај бројните реакции, големата загриженост и незадоволство на граѓаните на Општина Гази Баба и Град Скопје поради давањето на годишен закуп на градежно земјиште во Железара чија намена е тешка и загадувачка индустрија, градоначалникот Георгиевски остана глув на сите барања и иницијативи на граѓаните за неиздавањето на ова земјиште. Имено, Советничката група на ВМРО-ДПМНЕ и Коалицијата За Подобра Македонија во Општина Гази Баба на последната седница донесе одлука со која се иззема предметната парцела од програмата за работа со градежното земјиште но и ова не претставува преставува пречка Георгиевски самоволно и на сила да ја спроведе постапката и да го издаде земјиштето, потенцира Стојменова. Таа додава дека советничката група на ВМРО-ДПМНЕ и Коалицијата За Подобра Македонија во Општина Гази Баба со сите правни средства и можности ќе се спротивстави на ова самовластие на Георгиевски. -На жителите на Општина Гази Баба и Градот Скопје не им е потребна нова тешка и загадувачка индустрија. Заевизмот како матрица зазема свои големи размери и во Општина Гази Баба, вели Стојменова.

Кутлешовски: Борче Георгиевски во обид да влијае во работата на директорите на училиштата за да ги мести јавните набавки во иднина

Предраг Кукиќ — Sun, 19 Aug 2018 12:01:52 +0000

Градоначалникот на Гази Баба, Борче Георгиевски, на најгруб начин се меша во работата на директорите на основните училишта во Гази Баба. Имено, Борче Георгиевски по пат на допис и електронски маил до директорите на училиштата им наредува пред да објавуваат јавни набавки, кои се објавуваат по законски пат, да му ги праќаат на него за он да може да ги одобри или да влијае во менување на спецификациите и условите на јавните набавки, изјави Сашо Кутлешовски советник од ВМРО-ДПМНЕ во општина Гази Баба. -Незамисливо, недопустлив и крајно дрско од страна на Градоначалникот. Дописот кој го прати Георгиевски до сите директори, јасно пишува дека тој бара, сите оние јавни набавки и спецификации кои се поврзани со реконструкција и тековно одржување на училиштата, исхраната на учениците, издавање на училишните простори, да бидат претходно однесени во општина на одобрување или измена доколку не им се допаѓа, за во вториот е-маил кој го испраќате до директорите да пишува дека за секоја јавна набавка пред да се спроведе треба лично да се направи увид, за како што велите да не ви се жалат фирмите. Најверојатно мислите на фирмите блиски до СДСМ кои сега треба да си ги наплатат донациите од пред изборите, изјави Кутлешовски. Кутлешовски запраша дали Борче Георгиески како Градоначалник на Гази Баба со оваа постапка сака да ги уредува техничките спецификации местејќи ги за негови блиски фирми. -Нека ги каже јавно фирмите, кои се фирмите што се жалеле кај него? Со ова Георгиевски директно влијае во законската работа на директорите и врши груб обид за местење на јавните набавки во иднина. Го повикуваме веднаш да прекине со ова и да се зафати со реални проекти за работа, бидејќи увидот во јавните набавки нема да му донесе гласови, туку само бенефит на нивните блиски фирми. А, граѓаните тоа нема да го дозволат, некој на бандитски начин да ги испумпува нивните пари, додаде советникот од ВМРО-ДПМНЕ.

Донев: Градоначалникот на Гази Баба, Борис Георгиевски со прекршување на правилата за работа на Месни и Урбани заедници

Дарко Андоновски — Thu, 07 Jun 2018 13:16:58 +0000

Градоначалникот на Општина Гази Баба, Борис Георгиевски со прекршување на правилата за работа на Месни и Урбани заедници, преку еден нетранспарентен начин се обидува да организира и спроведе избори за Совети на Месни и Урбани заедници во Општина Гази Баба, вели Ристо Донев од ВМРО-ДПМНЕ. -Советничката група на ВМРО-ДПМНЕ и Коалицијата по барање на граѓаните на Општина Гази Баба јасно се спротивставува на обидите да се организираат избори на кои граѓаните на Општина Гази Баба ќе не можат да го искористат уставно загарантираното право, да избираат и да бидат избрани. Имено, градоначалникот Георгиевски го определи денот за поднесување на кандидатури за членови на Советот и денот за гласање за членови во Советот на Месни и Урбани заедници да биде работен ден и истовремено се ограничи бројот на граѓани кои можат да поднесат кандидатури. Сметаме дека ваквиот начин на организирање на изборите не гарантира транспарентен процес во кои сите граѓани ќе имаат подеднаква можност да бидат избрани и забелешките на граѓаните ги оценуваме како конструктивни, потенцира Донев. Тој додава дека во таа насока како Советници на ВМРО-ДПМНЕ бараат: Бројот на кандидати да не биде ограничен се со цел секој граѓанин на Општина Гази Баба кој сака да се вклучи во облиците на Месната самоуправа да има можност тоа да го стори и истото да биде поткрепено со 10 потписи од граѓани за поединечна кандидатура. Денот определен за поднесување на кандидатури и денот определен за гласање да биде неработен ден.