вмро-дпмне кавадарци – Kurir.mk

Ангеловски: Каде се тие агенции за интервентен откуп што ги ветуваше Заев пред да дојде на власт?

Ивана Ефремовски — Sat, 21 Sep 2019 10:08:48 +0000

СДСМ е партија со две лица. Првото е лажното лице кога се во опозиција, а второто е нивното вистинско лице кога се на власт, обвинува Гоце Ангеловски од ВМРО-ДПМНЕ Кавадарци. -Денеска ќе се потсетиме што ветуваше нивниот лидер Зоран Заев во 2016 година кога не бираше средства да се догреби до власта. Дали е потребен дополнителен коментар? Оваа шетање на Заев по пунктовите е во 2016 година кога во државата имаше вишок од над 40 милиони килограми на грозје кои визбите во Република Македонија немаа услови да го откупат цело грозје, меѓутоа тогаш се интервенираше и се откупи цело грозје и цената беше 13 денари за вранецот и 11 денари за смедеревката. Денеска поради сушата имаме над 50 милиони килограми на гројзе помалку во однос од минатите години а цената е за два до три денари пониска во однос на минатите години, истакна тој. Ангеловски прашува: Каде се тие агенции за интервентен откуп што ги ветуваше Заев пред да дојде на власт? -Дали откупните цени на грозјето се знаат триесет дена пред бербата откога Зоран Заев а премиер? Дали државата е партнер со земјоделските производители и со откупувачите? Дали субвенциите од еден денар се исплатени во февруари или до ден денеска не се исплатени во целост? Се што ветија за се излажаа. Оваа влада не само што нема концепт за работа туку и целосно ги потценува лозарите. Го повикуваме министерот за земјоделие во бела кошула Трајан Димковски да не си игра со чувствата на лозарите. Да не игра популистички игри со кои ќе купи уште некој месец д социјален мир. Состојбата во државата со лозарството е премногу сериозна. Постои опасност лозарството целосно да се уништи. Затоа им порачуваме под итно да ги прифатат амандманите кои се поднесени од страна на пратеничката група на ВМРО ДПМНЕ за ребалансот на буџетот и да ги субвенционираат лозарите со три денари по килограм грозје за сортите вранец и смедеревка. На крај на локалното раководство на СДСМ во Кавадарци да им порачам: Не бранете нешто што не се брани.Смешни сте пред народот и самите знаете дека бродот на Заев тоне. На Република Македонија ќе и се случи обнова,а таа обнова ќе ја направи многу наскоро идната владата на ВМРО ДПМНЕ со идниот премиер Христијан Мицкоски, порача тој.

ОК ВМРО-ДПМНЕ Кавадарци: Не ги понижувајте земјоделците, нивниот труд и мака, промените доаѓаат

Катерина Бојаџиева — Fri, 28 Jun 2019 13:57:05 +0000

СДСМ и Зоран Заев предизвикаа вистинска катастрофа во македонското земјоделство. Две години без грам срам ги лажат земјоделците, а на сметка на тоа работат единствено на лично богатење и луксузирање. Пред само две недели претставници на министерството дојдоа во Тиквешијата и ветија дека сите праски ќе се откупат. За понижувањето да биде поголемо донесоа и купец кој за само два дена исчезна. Ова не само што е лажење, ова е директно понижување на трудот и мака на земјоделците од Тиквешијата, изјави Претседателот на Општинскиот комитет на ВМРО-ДПМНЕ Кавадарци Зоран Јованчев. Во денешната изјава Јованчев посочи дека владата на СДСМ и Заев ги излажале земјоделците во предизборниот период кога ветувале зелена нафта, сигурен откуп и цена на земјоделските производи, додавајќи дека има сериозни сознанија дека винариите уште сега ги намалуваат откупните квоти за грозјето. -Оваа влада нема никаква стратегија и план за да ги реши проблемите на земјоделците. Имаме сериозни сознанија дека винариите уште сега ги намалуваат откупните квоти за грозје за да пред самата берба ги стават лозарите пред свршен чин за да немаат шанса да побараат покачување на цената на грозјето. Очекуваме и предупредуваме дека најверојатно ќе се изврши покачување на прагот на минималните шеќерни единици на грозје од сортите смедеревка и вранец и со самото тоа лозарите ќе бидат приморани да го дадат грозјето по пониски цени се со цел да не им остане на нивите како што сега остануваат праските, кајсиите, јаболката во Ресен и многу други земјоделски култури, вели Јованчев. ОК ВМРО-ДПМНЕ Кавадарци предупредуваат до владата на СДСМ да престане да ги понижува и омаловажува земјоделците и нивниот труд и мака, порачувајќи дека многу набрзо во Македонија ќе се случат промени.

ОК ВМРО-ДПМНЕ Кавадарци со повик до кавадарчани да го ажурираат своето членство и да се приклучат во борбата против антинародната власт на Заев и СДСМ

Ивана Ефремовски — Thu, 29 Nov 2018 17:07:30 +0000

Црнило ја завило Република Македонија со СДСМ на власт. Државата тоне во сите сегменти. Дозволете ми во име на најголемата и најмоќната организирана политичка структура во Република Македонија, ВМРО-ДПМНЕ да ги повикам сите членови да го ажурираат своето членство. А сите симпатизери и неопределени граѓани на општина Кавадарци да ни се приклучат заедно во оваа борба против антинародната и недемократска власт на СДСМ и Зоран Заев, истакнуваат денес од ВМРО-ДПМНЕ Кавадарци. -Да ја отпочнеме битката на чело со претседателот Христијан Мицкоски и да ја поразиме оваа ненародна власт, изјави денес на прес конференција секретарот на општинскиот комитет на ВМРО-ДПМНЕ Кавадарци, Гоце Ангеловски. Тој додаде дека ажурирањето на членството почнува од 1-ви декември, кое ќе се врши во општинските комитети на партијата ширум државата. Ангеловски ги потсети кавадарчани дека ВМРО-ДПМНЕ секогаш е на браникот на националните и државните интереси на Македонците и на татковината. -Кавадарчани знаат дека ВМРО-ДПМНЕ е првата демократска партија во независна Македонија која ги предводела и ќе ги предводи демократските процеси во државата. Кавадарчани знаат дека ВМРО-ДПМНЕ е партија во чие време се преземаат најголемите економски проекти, даночни ослободувања, намалување на невработеноста, реформи во здравството и образованието, подобрување на животниот стандард на граѓаните, покачување на пензиите, воведување на голем број на проекти за студентите и ред други проекти кои се од големо значење за сите граѓани на Македонија, истакна тој. Ангеловски ги повика членовите и симпатизерите на ВМРО-ДПМНЕ на средба со претседателот Христијан Мицкоски во сабота во партиското седиште во Кавадарци во 18 часот.

ВМРО-ДПМНЕ Кавадарци: Земјоделците се на раб на егзистенција- наместо живот, Заев донесе смрт за земјоделските производи

Катерина Бојаџиева — Wed, 22 Aug 2018 15:27:40 +0000

Поради ниските цени за најзастапените вински сорти грозје вранец и смедеревка, лозарите во Тиквешијата се пред одлука во наредниот период да ги ископачат лозовите насади. Врнежите од град, како и болестите пламеница и пепелницата која ги зафати лозовите насади поради временските услови го намалија родот на грозјето за речиси 40% во Тиквешијата, додека за речиси исто толку проценти се зголемени трошоците на производство, сега кога винарските визби имаат недостиг од грозје беше моментот лозарите да добијат пристојни цени за грозјето, истакна Гоце Ангеловски од ВМРО-ДПМНЕ Кавадарци. -Политиката на винариите е го земат грозјето на лозарите за што е можно пониска цена. Но, министерот за земјоделие Љупчо Николовски е тука за да ги менаџира процесите за формирање на цените и да и решава проблемиете на земјоделците. Впрочем и самиот Љупчо Николовски во предизборниот период ветуваше дека е тука и дека ќе ги брани нивните интереси. Земјоделците се на раб на егзистенција. Зоран Заев ветуваше дека кога ќе дојде на власт проблемите на земјоделците ќе бидат решени. Но, сега не само што не се решени туку земјоделците се оставени сами на себе. Заев изјави дека ако земјоделците имаат пари ќе живеат и градовите. Но, наместо живот, Заев донесе смрт за земјоделските производи. Според него, Владата на СДСМ и Зоран Заев се штета за македонското земјоделие и земјоделците. -Од кога оваа влада направи пустош со праските, со зелката, со доматите со оризот, со сливите,сега на ред дојде и лозарството. Освен распродажбата на националните интереси преку штетниот договор со Грција каде што јасно се гледа уништувањето на македонскиот национален идентитет,договорот со Бугарија каде се брише историјата на Македонија,покрај секојдневното културно уништување на државата, покрај уништувањето на духот на македонецот,оваа влада уште еднаш удри по столбот на Македонија а тоа е македонскиот чесен и вреден земјоделец кој произведува квалитетни земјоделски производи познати низ целиот свет. Општинскиот Комитет на ВМРО ДПМНЕ Кавадарци уште пред два месеци ја повика владата да се вклучи во менаџирање при формирањето на цената на грозјето, меѓутоа наидовме на ароганција и целосно заобиколување од страна на институциите, а за разлика од нив политичката партија СДСМ која ги узурпира институциите во државата, преку евтини политички изјави ги демантираше апелите кои доаѓаа од ВМРО ДПМНЕ, рече Ангеловски и додаде: „Заев и Николовски го потценуваат трудот на производителите. Нема ништо од ветувањата на СДСМ за евтина зелената нафта на земјоделците. Заев и Николовски единствено што прават е креирање на хаос во земјоделието. Недозволиво и крајно неодговорно е неспособноста на Заев, Николовски и владата на СДСМ да ја трпат земјоделците. Зелената нафта одамна не ја спомнуваат, додека акцизата од 3 денари по литро нафта се уште е на товар на македонскиот народ, со исплатата од 600 денари по декар за обештетување од ланските пролетни мразеви целосно го потценија македонскиот земјоделец. Наместо да понудат конкретни решенија на проблемите на земјоделците Заев ја задолжува државата и граѓаните, а на сметка на тоа си ги задоволува сопствените интереси и интересите на неговите блиски соработници. Додека Николовски и Заев продолжуваат отворено да манипулираат со земјоделците, сметките на луѓето блиски до власта се полнат со милионски суми. За Македонија да оди напред, а граѓаните да живеат подобро, СДСМ, Заев и Николовски мора веднаш да си заминат“.

ВМРО-ДПМНЕ Кавадарци: Владата на Заев на најдрзок начин се обидува да ги уништи земјоделците во тиквешкиот регион

Дарко Андоновски — Tue, 17 Apr 2018 10:31:01 +0000

Владата на Заев преку своите партиски полтрони кои се поставени на клучни позиции во државата на најдрзок начин се обидува да ги уништи земјоделците во тиквешкиот регион, ова на прес конференција го потенцираше Васко Керов од ВМРО-ДПМНЕ Кавадарци. -Се наоѓаме на почетокот на новата поливна сезона, а каналите со кои стопанисува „Водостопанство Тиквеш“ се во катастрофална состојба, тие ниту се исчистени, а полни се и со земја и нанос, а вегетацијата од капини не е ниту искастрена, а сифоните и цевководите се целосно хаварисани. Пумпните станици се во таква состојба што оваа година земјоделците од така наречените горни зони речиси и да не очекуваат вода за наводнување. Уште пред два дена согласно законот за водостопанство, а и по барање на жителите на селата требаше официјално да почне поливната сезона, меѓутоа прашање и дали после еден месец ова неспособно раководство на „Водостопанство Тиквеш“ ќе овозможи да протече вода низ каналите, потенцира Керов. Тој додава дека и доколку би протекло вода после еден месец истата ќе биде неквалитетна бидејќи талогот речиси е невозможно да се исчисти во овој период. -Повеќе од сигурно е дека жителите на пет општини во овој регион, Кавадарци, Росоман, Градско, Неготино и Демир Капија навреме нема да добијат вода за наводнување. Со овие чекори им се нанесува штета на производителите на градинарски култури како и житариците, сето ова отвора сомнеж дека станува збор за незаконско делување кое би требало да биде санкционирано. Имено за чистење на каналите „АД Водостопанство Тиквеш“ има распишано тендер и истиот го има добиено тендер од Ново село Струмица и покрај тоа што фирмата која го добила тендерот за чистење на каналите чистат работници од „Водостопанство Тиквеш“. Тоа значи дека некоја фирма на крајот ќе се офајди, а работниците од водостопанство чистат, истакна Керов. Тој ги повикува надлежните институции да поведат соодветни постапки.