Мицкоски: За 100 дена влада Заеви заработија 13 милиони евра од пропаѓањето на Еуростандард и се направи криминал од 200 милиони евра со контроверзниот Дака

Магдалена Андонова — Wed, 09 Dec 2020 17:19:35 +0000

Претседателот на ВМРО-ДПМНЕ, Христијан Мицкоски на денешната прес конференција ги потсети граѓаните на фамозните 13 милиони евра кои фамилијата Заеви ги "заработила" преку не исплаќање на ратите од земените кредити од Еуростандард банка, како и на 200 милиони евра во соработка со мистериозниот Дака. Мицкоски истакна дека Зоран Заев има креирана мрежа од свои и фирми на блиску соработници со кои го дели нелегално стекнатиот профит, а конкретно за аферата со Еуростандард банка поврзани се дури 29 фирми кои дел се во сопственост на Заеви, а дел на блиски фамилијарни пријатели. Наместо остварување на ветените проекти и подобрување на животот на граѓаните на Република Македонија, подобрување на здравството во оваа пандемија или стабилизирање на економијата, Зоран Заев се посвети единствено на криминал, корупција и матни зделки по кои самиот тој е доволно познат во јавноста, додаде Мицкоски. Зоран Заев не е единствениот од криминалната врхушка на власт, туку заедно со него се и неговите блиски соработници кои на најразлични начини ја опустошија земјата и ги оставија граѓаните да трпат за леб, додека поранешната министерка за финансии Нина Ангеловска "магично" дознала во каков правец се движи Еуростандард банка, па навреме ги извадила средствата кои ги имала. Со ова само се докажува на каков начин работи СДСМ изминатите години и колку само граѓани се жртви на криминалната власт. Кога граѓаните очекуваа дека нешто можеби ќе се придвижи на подобро, дека барем нешто ќе се оствари од ветеното од страна на СДСМ и Зоран Заев, единствено нешто што со сигурност видоа е како функционира една мафија која царува во државата, без при тоа да одговара за било каков криминал. Практично, еден од примерите е аферата со Дака тешка 200 милиони евра. Се потврдија разговорите кои што беа стекнати на нелегален начин дека се точни, и во првите 100 дена контроверзниот бизнисмен анти-НАТО и анти-ЕУ направи бизнис со земјиштето на Шик Јелак вреден над 200 милиони евра, за нови над 2000 станови. Ова е се што македонските граѓани треба да знаат за Зоран Заев и неговите соработници од криминалната влада. Затоа граѓаните треба што поскоро да застанат на патот на оваа лакрдија која се случува и Македонија да почне да чекори на вистинскиот пат.

Ѓорѓиевски: Дониравме пакети со храна на 20-тина семејства, а СДСМ сака да се збогати преку новите згради во Расадник

Ивана Ефремовски — Sat, 17 Oct 2020 17:32:46 +0000

Советничката група на ВМРО-ДПМНЕ и коалицијата за Обнова на Македонија во во Кисела Вода , по повод “Светскиот ден на сиромаштијата” денеска донираше прехрамбени пакети на 20-тина семејства за да можат да го поминат месецот. „Посебно сме горди на скромната донација од страна на нашата советничката група за семејството Додевски, каде дониравме лап топ компјутер за нивните дечиња да имаат основни услови за функционирање и вклучување во наставата. Додека СДСМ сака да се збогати преку новите згради во Расадник, ние континуирано се грижиме за нашите сограѓани. Мораме заеднички да ги искорениме ектремните форми на сиромаштија. Никој наш сограѓанин не смее да остане без храна, без облека и без покрив над глава“, објави Орце Ѓорѓиевски. https://www.facebook.com/1OrceGj/posts/2856154464703986

вмро-дпмне кисела вода – Kurir.mk

Мицкоски: За 100 дена влада Заеви заработија 13 милиони евра од пропаѓањето на Еуростандард и се направи криминал од 200 милиони евра со контроверзниот Дака

Ѓорѓиевски: Дониравме пакети со храна на 20-тина семејства, а СДСМ сака да се збогати преку новите згради во Расадник