вмро-дпмне охрид – Kurir.mk

Донев до Георгиески: Зошто да бидеш агенција за недвижности, кога можеше да бидеш решителен градоначалник?

Дарко Андоновски — Thu, 03 Oct 2019 11:11:08 +0000

Претседателот на ВМРО-ДПМНЕ ОК Охрид, Сашо Донев, преку статус на социјалната мрежа Фејсбук реагираше на изјавата на градоначалникот Константин Георгиески дека Нефи Усеини му кажал да му побара локација за бетонската база, на што тој му одговорил дека не е агенција за недвижнини. Во објавата Донев го прашува Георгиески, зошто да бидел агенција за недвижности, кога можел да биде решителен градоначалник. – Наместо да се криеш со месеци за време на градењето на бетонската база, можеше да ја стопираш изградбата на истата. Прво под притисок на јавноста и медиумите изјави дека си немал тендер за да ја рушиш основата на терасата кај чинарот, сега па не била твоја надлежност… Не ти требаше тендер, доволен беше само еден багер од било кое јавно претпријатие. Не е време за ситни политички поени. Биди решителен, храбар и пред се неселективен. Доста е од гостувањата по емисии… п.с. Да не сте случајно договорени да глумите скарани?, се вели во статусот на Фејсбук на претседателот на ВМРО-ДПМНЕ ОК Охрид, Сашо Донев.

Донев: Катастрофална е реализацијата на буџетот на општина Охрид

Дарко Андоновски — Fri, 16 Aug 2019 13:07:04 +0000

ВМРО-ДПМНЕ ОК Охрид денес одржа прес-конференција на која говореше претседателот на Општинскиот комитет, Сашо Донев.

-Катастрофална е реализацијата на буџетот на општина Охрид и во овој период од годината кога станува збор остварувањето на ветените проекти пред граѓаните. До кога локалната власт на СДСМ и градоначалникот Константин Георгиески планира да користи ЌЕ, заложба на општината е, реализацијата на програмата ќе придонесе за…? Имено, имаме околу 20% реализација на Програмата за изградба и реконструкција на улици и патишта, само 16% реализација на Програмата за туризам и најскромна реализација од само 10% за Програмата за локален економски развој кој всушност треба да биде моторот за економските активности во Охрид. Хаосот со сообраќајот во Охрид го отсликува тоа што ништо не е сработено, односно 0% за изработка на сообраќајна студија и 0% за изработка на сообраќајни проекти и сообраќајни решенија, потенцира Донев.

Тој додава дека граѓаните се’ уште чекаат преприклучување на водоводната мрежа и изградба на нова водоводна линија на улиците „Абас Емин“ и „Јане Сандански“.

-Зошто нема ништо од изградба на улична фекална канализација на дел од „Туристичка“ од бензинска пумпа Окта до улица „Ариф Мустафа“? Нема ништо од преприклучување на нова фекална канализација и изградба на улична фекална и атмосферска канализација на „Абас Емин“ и изградба на атмосферска канализација на улица „7 Ноември“. Реконструкцијата на улиците „Асном“ и „7 Ноември“ како ветени проекти ќе почекаат подобри времиња. СДСМ и Георгиески немаат никаква успешност во реализација на Буџетот и остварување на програмите и зацртаните активности за овој период. Со СДСМ и Георгиески охриѓани не може да очекуваат проекти за подобра иднина, истакна Донев.

Францускиот амбасадор Тимоние се сретна со Донев и Милошевски

Катерина Бојаџиева — Tue, 02 Jul 2019 10:08:40 +0000

Амбасадорот на Франција во Република Македонија, Кристијан Тимоние, на наше големо задоволство беше остварена средба и со нашите претставници Сашо Донев, претседател на ОК на ВМРО-ДПМНЕ Охрид и Митре Милошевски, кандидат за градоначалник од нашите редови на неодамнешните избори за градоначалник на општина Охрид. -Во текот на посетата на неговата екселенција, амбасадорот на Франција во Република Македонија, Кристијан Тимоние, на наше големо задоволство беше остварена средба и со нашите претставници Сашо Донев, претседател на ОК на ВМРО-ДПМНЕ Охрид и Митре Милошевски, кандидат за градоначалник од нашите редови на неодамнешните избори за градоначалник на општина Охрид. Во пријателска и конструктивна атмосфера беше разговарано на повеќе теми од кои би издвоиле две, на кои се осврнавме со посебно внимание, информираат од Центарот за комуникации на ВМРО-ДПМНЕ ОК Охрид. -Прво, поразговаравме за текот на неодамнешните избори за градоначалник на општина Охрид, на кои победи кандидатот на нашите политички опоненти. Се осврнавме на одредени појави кои се’ уште претставуваат предизвик за нашите изборни процеси и можностите за елиминирање на појави кои го компромитираат овој највисок демократски чин, потенцираат и додаваат: „Друга значајна тема на која подолго се задржавме, се секако, настаните поврзани со можноста да добиеме статус на загрозено природно и културно светско наследство наредниве денови во Баку. Констатиравме дека препораките кои ги добивме пред повеќе од една година треба најсериозно да се сфатат и најдоследно да се импламентираат. Предочивме на нашата загриженост заради многубројните активности и состојби кои сериозно го загрозуваат како езерото и природата, така и автентичноста на Охрид и неговото културно наследство. Импресионирани сме од степенот на информираност на амбасадорот Тимоние за состојбите во нашиот и светски бисер Охрид. Изразивме благодарност за заинтересираноста и желбата да добиеме помош во справување со овој, во моментот најголем предизвик за градот“. ВМРО-ДПМНЕ од Охрид, потенцираат, и во иднина ќе ја користи секоја можност за конструктивни средби со претставници на дипломатскиот кор и други истакнати членови на меѓународната заедница на кои ќе ги афирмираме своите заложби за развиен, просперитетен и космополитски Охрид со зачувано природно и културно наследство.

ВМРО-ДПМНЕ Охрид: Повеќе од недела дена нема никаква реакција од страна на властите за бесправното узурпирање на брегот на Охридското Езеро

Дарко Андоновски — Fri, 28 Jun 2019 14:11:23 +0000

Повеќе од недела дена нема никаква реакција од страна на властите за бесправното узурпирање на брегот на Охридското Езеро, ова денска на прес-конференција го истакна Лидија Петкоска од ВМРО-ДПМНЕ Охрид. -Без дозвола се гради бетонска база на самиот брег на езерото. Ваквото бесправно градење и непочитување на законите од страна на локалните моќници е возможно само во вистински режим, како овој на Зоран Заев и криминалната влада која ја предводи. Охрид ризикува да го изгуби статусот на град заштитен од страна на УНЕСКО поради самоволието на локалните моќници. Локалната власт која е во директна спрега со Усеини е на пат да го сруши угледот на Охрид во светот, потенцираше Петкоска. Таа додава дека бетонската база е опасност како за статусот на Охрид како град под заштита на УНЕСКО, така и по Охридското Езеро, кое е природно богатство на Република Македонија. -Ја повикуваме централната власт веднаш да превземе мерки за запирање на ова дивеење среде Охрид, и доколку во најкус можен рок ништо не се превземе, штетите ќе бидат преголеми и ненадоместливи. Законот е јасен и дециден. Дивеењето на урбаната мафија мора да запре. Мора да бидат превземени мерки согласно закон. Секој оној кој сега спротивно на закон го овозможува хаосот и градењето без дозвола ќе биде санкциониран кога ќе се врати владеењето на правото во Република Македонија, рече Петкоска.

ВМРО-ДПМНЕ Охрид: СДСМ и Георгиески продолжуваат со предизборни активности, ДИК ова не смее да го толерира

Ивана Ефремовски — Tue, 26 Mar 2019 12:28:43 +0000

За СДСМ и Константин Георгиески законите се мртво слово на хартија и тие не важат. Спротивно на законите кандидатот за градоначалник Георгиески продолжува со предизборни активности, обвинува Перчо Божиновски, потпарол на ОК на ВМРО-ДПМНЕ Охрид. -Зошто не се почитуваат одредбите од Изборниот законик коишто се однесуваат на забрана за активности пред официјалниот почеток на кампањата? Каква демократска држава е таа во која не се почитува членот 69 со што се нарушува начелото на демократски принципи на функционирање на изборниот процес? Државната изборна комисија апелираше, Георгиески и СДСМ одат спротивно на тоа. Георгиески веќе неколку денови е во придружба на партиски членови на СДСМ на јавни настани што е доказ дека Георгиески на настаните е присутен по партиска агенда. Ова е флагрантно кршење и непочитувње на законите, вели тој. Од ВМРО-ДПМНЕ Охрид велат дека Државната изборна комисија не смее да го толерира ваквото однесување на Георгирски и мора да го санкционира. -Ги потсетуваме претставниците на ОБСЕ да го имаат предвид кршењето на одредбите на Изборниот законик и нарушувањето на демократските процеси. Георгиески ја потценува интелигенцијата на охриѓани. Наместо да води предизборна кампања што е спротивно на законот треба да понесе одговорност за неспособноста за правилно менаџирање на Општината и Јавните претпријатија. СДСМ и Константин Георгиески се кочницата за развојот на Охрид. Ветија многу работи, а не направија. Што побрзо си заминат од власт, а брзо ќе си заминат, тоа подобро за Охрид и охриѓани, порача Божиновски.

ВМРО-ДПМНЕ Охрид: Георгиески е успешен образец на матрицата на заевизмот наречена “ветувам-негирам-заборавам“

Ивана Ефремовски — Wed, 06 Mar 2019 09:45:44 +0000

Заевизмот и продолжената рака се чувствуваат и во Охрид. Воден од примерот на својот лидер, кандидатот за градоначалник Константин Георгиески е успешен образец на матрицата на заевизмот наречена ветувам-негирам-заборавам! Но, граѓаните не забораваат за што го дале својот глас и го очекуваат ветеното, порачуваат од ВМРО-ДПМНЕ Охрид. -Во населбата Видобишта беше ветено асфалтирање на улицата „Прва македонска ударна бригада“, изградба на тротоари и нејзино улично осветлување. Зошто се’ уште не е реконструирано детското игралиште кај Стобекс? До кога жителите ќе очекуваат непречено функционирање на месната организација? Нема никакво поставување на улично осветлување на улицата „Малесија“. Ќе почека и реконструирањето на уличната мрежа на споредните улици во населбата. За целиот овој период не успеаја да се постават барем хоризонтални ограничувачи на брзината на улицата „Момчило Јорданоски“, истакнуваат тие. Од ВМРО-ДПМНЕ Охрид оценуваат дека приоритет не е конкретна помош за граѓаните туку вработување партиски и роднински кадри. -Каде Ви е моралот, ако граѓаните не Ви се приоритет, каде Ви се одговорите кои се должни да ни ги дадете, нели Ви е срам што не реагирате на нашите барања? Не заслужуваме ли чесна, вистинита и релевантна информација за тоа каде одат нашите пари? Очекувавме да покажете барем минимум човечка и политичка коректност и барем во периодот што измина да најдевте начин и да ги погледневте граѓаните во очи. До кога ќе го применувате тој дегутантен и коруптивен образец при што граѓаните ги третирате како неписмена маса која копнее за своите стотина метри асфалт и не разбира која Ви е играта во позадина? Разберете веќе еднаш дека граѓаните препознаваат кога се изиграни. Вие не одговоривте на нивните барања, но затоа тие на 21 април ќе Ви испратат повеќе од јасна порака, порачуваат од ВМРО-ДПМНЕ Охрид.

ВМРО-ДПМНЕ Охрид: Локалната власт ја карактеризираат безидејност, неработење, неодговорност и негрижа

Ивана Ефремовски — Tue, 05 Mar 2019 12:20:23 +0000

Локалната власт на СДСМ и в.д. градоначалникот Константин Георгиески за цел овој период од без малку година и пол ја карактеризираат безидејност, неработење, неодговорност и негрижа за охриѓани. Ни трага ни глас од одржлива мобилност, безбедни улици, реагираат од ВМРО-ДПМНЕ Охрид. -Нема ни трага, ни глас од ветените проекти за минатата година, нема ништо од изградба на катни гаражи во централното градско подрачје и изведба на кружен тек на сообраќај кај автобуската станица. До каде се поведувањето иницијативи за изградба на експресен пат Охрид - „Свети Наум“ и изградба на обиколница Мауцкер-Косел? Го повикуваме в.д градоначалникот Георгиески да се фотографира со дел од лажните ветувања како што се комплетното инфраструктурно уредување на улица „Абас Емин“ и асфалтирањето на улица „Прва македонска ударна бригада“. Фотографирањето, не знаеме веќе по кој пат, со истите мали градежни зафати низ градот не е ништо друго туку празен маркетиншки трик пред претстојните локални избори, истакнуваат од ВМРО-ДПМНЕ Охрид. Од партијата велат дека Георгиески дава само празни ветувања, но тоа се лажни зборови. -Кога веќе градоначалникот Георгиески сака да се слика, доколку нешто сработил, тогаш веднаш нека почне да ги посетува нереализираните капитални проекти од програмата со која ветуваше живот за да ги презентира пред охриѓани. Само празни ветувања, само лажни зборови! Ќе дојде денот кога охриѓани повторно ќе имаат можност да гледаат како се реализираат проекти, порачуваат од ВМРО-ДПМНЕ Охрид.

„Охрид стана небезбедно место за живеење, градот нема решение за кучињата скитници“

Ивана Ефремовски — Tue, 26 Feb 2019 12:14:59 +0000

Охрид стана небезбедно место за живеење. Охриѓани живеат во страв. Охрид нема ден, а да не биде споменат во билтенот на МВР. Охриѓани секојдневно гледаат глутници кучиња кои се нивна опасност насекаде во градот, реагираат од ВМРО-ДПМНЕ Охрид. -Неспособноста на локалната самоуправа и в.д градоначалникот Констатнтин Георгиески и после година и пол од преземањето на власта резултира со нерешен проблем со кучињата-бездомници. За жал се случи она што цело време предупредувавме. Сведоци сме како граѓаните кои како последица од напад на кучиња завршуваат со рани по телото. Кој ќе понесе одговорност за малолетното девојче каснато од куче на Градскиот плоштад? Директорот на ЈП „Охридски Комуналец“, Љупчо Грданоски до кога планира да ветува дека ќе го реши проблемот? Освен набавените две возила за транспорт на животните и шинтер во Претпријатието не гледаме никакво решение, истакнуваат тие. Од ВМРО-ДПМНЕ Охрид прашуваат: Зарем целта е најмалите да бидат исплашени и трауматизирани, со оставена трага во нивниот понатамошен контакт со кучиња? -Нетретираните кучиња се преносители на зараза која може да има посериозни последици по здравјето на граѓаните. Наместо долгоочекуваниот стационар видовме нов возен парк на директорот Грданоски. Доколку Георгиески и Грданоски не знаат чесно е да признаат, ние сме тука да помогнеме затоа што е во интерес на граѓаните. ВМРО-ДПМНЕ нема да дозволи поради нечие незнаење да страдаат жителите и туристите на Охрид. Граѓаните чекаат резултати, порачуваат тие.

ВМРО-ДПМНЕ Охрид: Вистина ли е дека постои „медијатор“ помеѓу барателите на имот и владата?

Ивана Ефремовски — Mon, 04 Feb 2019 13:13:02 +0000

Неодговорното однесување на локалната администрација никако да запре сакајќи преку Советот на општина Охрид да протурка штетни и непримерни одлуки. Градиште е огледало на тоа како функционира целиот систем на Република Македонија. Лицемерието односно контрадикторните ставови во однос на заштитата на градот од УНЕСКО се очигледни, реагираат од ВМРО-ДПМНЕ Охрид. -Легализацијата на 7 бесправно изградени објекти во кампот Градиште во најзаштитениот појас, во непосредна близина на езерото, експресно државата и нејзините институции ги издале сите потребни согласности за овие легализации. Замислете тие и незаконски веќе се вметнати во катастар на Република Македонија како „зпз земјиште под зграда". Го повикуваме в.д градоначалникот Константин Георгиески да ја повлече точката од дневен ред за легализација на дивоградбите на утрешната седница на Советот и веднаш да се донесе одлука за мораториум во согласност со препораките од УНЕСКО, истакна Перчо Божиновски, шеф на центар за комуникации на ВМРО-ДПМНЕ ОК Охрид. Од таму прашуваат: Вистина ли е дека постои „медијатор“ помеѓу барателите на имот и владата? -Како е подготвена Владата да им плати на сопствениците на имоти во државни обврзници по 6000 денари по м2, а притоа барателите да ги повлечат и да се откажат од сите досегашни тужби и жалби во врска со денационализацијата на Градиште? Кој ќе биде сопственик на овие бесправно изградени објекти? Зошто молчи ЈУНП Галичица, со оглед дека овој локалитет е во Зоната за одржливо користење, или Хидробиолошкиот институт во Охрид? Повикуваме на разумност, исто како што ги повикуваме и сите еколошки друштва и граѓански здруженија да продолжат да се грижат и да се борат за зачувување на езерото. Препораките на УНЕСКО не посочуваа ваков несериозен начин на работи во Градиште и незаконски да се заграби најатрактивниот простор на Охридското крајбрежје, порачуваат од партијата.

ВМРО-ДПМНЕ Охрид бара решавање на проблемите кои настанаа при исплата на штетите од земјотресите

Ивана Ефремовски — Wed, 16 Jan 2019 09:47:34 +0000

ВМРО-ДПМНЕ бара разгледување на проблемите кои настанаа при исплата на штетите од земјотресите во општина Охрид во 2017 како и предлог-мерки за нивно надминување. Затоа, денес од Советот на општина Охрид како највисок орган на општина Охрид бараме да го надополни дневниот ред со оваа точка и истата заради итноста да се разгледува како прва точка на дневен ред. Ова го истакна Перчо Божиновски, шеф на Центар за комуникации на ВМРО-ДПМНЕ ОК Охрид: Со цел операционализација на активностите на општина Охрид и во услови кога гледаме дека раководството на локалната самоуправа несериозно пристапува кон надминување на оваа состојба, ги предлагаме следните заклучоци:

В.д. Градоначалникот Констатнтин Георгиески веднаш, усно на самата седница да реферира за досегашните преземени мерки и активности во врска со проблемите кои настанаа при исплтата на штетите од земјотресите
Се задолжува Претседателот на Советот на општина Охрид г-ѓа Живка Ангелоска, во рок од 1 (еден) ден од оваа седница да упати писмо во име на Советот на општина Охрид, со кое ќе го извести Основното јавно обвинителство во Охрид за сомнежите кои постојат во однос на исплатата на штетите;
Се задолжува Претседателот на Советот на општина Охрид г-ѓа Живка Ангелоска, во рок од 1 (еден) ден од оваа седница да упати писмо во име на Советот на општина Охрид, со кое ќе го извести Секторот за внатрешни работи во Охрид за сомнежите кои постојат во однос на исплатата на штетите;
Се задолжува Претседателот на Советот на општина Охрид г-ѓа Живка Ангелоска, во рок од 1 (еден) ден од оваа седница да упати писмо во име на Советот на општина Охрид, со кое ќе ја извести Владата на Република Македонија за сомнежите кои постојат во однос на исплатата на штетите;
Се задолжува В.д. Градоначалникот Константин Георгиески на наредната седница на Советот на општина Охрид да достави писмен детален извештај за преземените активности во врска со надминување на овој проблем, кој ќе се разгледува како посебна точка на дневен ред.

Во изминатиов период до ВМРО-ДПМНЕ пристигнаа определени информации од кои може да се утврди дека постојат многу сомнителни активности со исплатите на проценетите штети предизвикани од земјотресите во 2017 година. Како одговорна политичка партија, а се’ со цел да ги потврдиме нашите индиции, согласно Законот за слободен пристап до информации од јавен карактер до општина Охрид доставивме барање за информации од јавен карактер, со кое побаравме да добиеме информации за нашите сомнежи и соодветна пропратна документација поврзана со случајов. Од тој момент раководната структура во општина Охрид отпочна постапки со цел расчистување на настанатата состојба во однос на испплата на штетите. Од нашите информации кои се јавно достапни прекината е исплатата на штетите до расчистување на случајот. Кој знае колкава ќе беше штетатата на општина Охрид и Буџетот на Република Македонија и какви се’ не процедурални грешки ќе направеше раководството на локалната самоуправа во Охрид, доколку ВМРО-ДПМНЕ не ја откриеше целата афера и не доставеше барање за информации од јавен карактер во однос на овој проблем. И во периодот потоа, очигледна е збунетоста и нерешителноста на раководството на локалната самоуправа и надлежните институции за надминување на оваа состојба. Отворено се сомневаме и во направените проценки на штети и исплатата на високи штети кај одредени високи структури ангажирани во локалната самоуправа во Охрид. Сето ова не’ наведува на тоа да се сомневаме за направени огромни штети на буџетот на Република Македонија. Од тие причини бараме денес Советот на општината да го надополни дневниот ред со цел надминување на проблемот во интерес на граѓаните. Советот има надлежност и мора да го разгледа овој проблем како донесувач и чувар на буџетот на општина Охрид.