вмро-дпмне ок битола – Kurir.mk

ВМРО-ДПМНЕ ОК Битола: Криминалот во Клиничката болница во Битола го потврди и обвинителството

Дарко Андоновски — Mon, 16 Oct 2023 12:24:27 +0000

Криминалот во Клиничката болница во Битола го потврди и обвинителството, ова денеска преку изјава за медиумите го истакнуваат од ВМРО-ДПМНЕ ОК Битола. „КРИМИНАЛОТ ВО КЛИНИЧКА БОЛНИЦА БИТОЛА, ПОТВРДЕН И ОД ОБВИНИТЕЛСТВОТО Финансиските грабежи, злоупотребата, криминалот и корупцијата на оваа централна власт, конечно, потврдени. Во центарот на криминалниот скандал, овој пат, Клиничката болница во Битола. Дефинитивно е потврдено и од Основното јавно обвинителство-Битола, дека се отворени истраги за состојбите односно наводните финансиски злоупотреби во Клиничката болница Битола, после објавата на извештајот на Државната ревизија. Во фокусот се финансиските злоупотреби или на што незаконски се трошеле парите на граѓаните, Вашите пари почитувани. Така, да потсетиме, константирани се манипулации со исплатата за нега, злоупотреба на финансиски средства при ангажирање на немедицински персонал и злоупотреба за исплата на прекувремени работни саати. ВМРО ДПМНЕ, од овде, јасно и недвосмислено го охрабрува Обвинителството, професионално и чесно да ја одработи својата работа, без подлегнување на ничии евентуални притисоци и закани и силно сме убедени, дека тие, како професионалци тоа, овој пат, ќе го направат. Секој поминат ден со оваа власт е провалија! Расчистувањето на овој случај, нека биде првиот чекор за совладувањето на провалијата која тонеме сите, заедно! Република Македонија не заслужува ваква корумпирана, криминална и неспособна власт. Одлуката е Ваша, почитувани граѓани, на претстојните парламентарни избори!“, велат од ВМРО-ДПМНЕ ОК Битола.

ВМРО-ДПМНЕ ОК Битола: Дали вработени лекари во Клиничката болница Битола по “договор” различно се платени поради партиски книшки?

Дарко Андоновски — Tue, 28 Mar 2023 16:33:28 +0000

Дали вработени лекари во Клиничката болница Битола по "договор" различно се платени поради партиски книшки, ова денеска преку видео изјава го прашуваат од ВМРО-ДПМНЕ ОК Битола. „Денешната реакција е по Ваше барање и инсистирање, почитувани граѓани и е адресирана до директорот на битолската Клиничка болница Александар Обедниковски. Секако, најдиректниот повод е и големата трагедија што се случи и во оваа прилика изразуваме длабоко и искрено сочуство до родителите и семејството. И тој, како носител на јавна функција во витална институција треба јасно и гласно да одговори колку кратно го зголемил долгот од 22 милиони? Граѓаните ги интересира, исто така, колку народни пари тежи неговиот потпис - во категоријата РЕПРЕЗЕНТАЦИЈА? Дали е вистина дека во моментов во Клиничка болница Битола работат 20 вработени, без надомест, без осигурување и без санитарни книшки? Дали тоа е не е кршење на работничките и човековите права, а уште пострашно, работењето без санитарни книшки е директна закана за пациентите. Граѓаните ги интересира, меѓу другото, според кои критериуми, ако на сите лекари им се исплаќа по договор на дело 34 000 денари, сестрата на сопругата на советникот Борче Корлевски зема 50 000 денари? Болницата се распаѓа, а Обедниковски, како неговата претходничка е носител на хаосот, трошењето и импровизацијата во менаџирањето со Болницата. Во меѓувреме, во целиот овој хаос, додека им доцнеше платата на здравствените работници, директорот Александар Обедниковски се прошетал и до Америка. Пораката од граѓаните е иста како до неговиот партиски локален шеф, Крајовски. Таа гласи: оди си, доста е! А, институциите и за овој случај јавно ги повикуваме, да реагираат по допрен глас и конечно да почнат сериозно да си ја работат својата работа! Одговорност мора да има, веќе цената од импровизациите е немерлива, велат од ОК на ВМРО-ДПМНЕ Битола.

Бојкоски: Дали склучениот договор во вредност од 4 милиони денари со АД ЕСМ е дел од буџетот за кампањата на Христо Кондовски?

Дарко Андоновски — Sat, 09 Oct 2021 12:13:37 +0000

Менаџерот за живот на рати Христо Кондовски досега покажа многу лица, по едно за секоја прилика, ама сите за негова корист, ова денеска преку изјава за медиумите го истакна Бојан Бојкоски од ВМРО-ДПМНЕ ОК Битола. -Со едно од неговите многу лица, повеќе пати кажува дека никогаш не располагал со државни пари добиени од државни фирми. Затоа денес го прашуваме, дали е тоа вистината или преку договори за услуги склучени со државни компании стекнал вистинско богатство на маката на граѓаните? Денес го презентираме, Договорот склучен помеѓу една од фирмите на Христо Кондовски, потпишан лично од самиот Кондовски со АД Електрани на Македонија. Овој договор е потпишан и заверен на 26.10.2020 година , а неговата вкупна вредност е 4 милиони денари, или 166.666 денари месечен паушал, кои ги исплаќа договорниот орган АД Електрани на Македонија кон една од фирмите на Кондовски, вели Бојкоски. Тој додава дека Христо Кондовски, треба да одговори, дали овој договор, склучен лично со неговиот ментор Васко Ковачевски, попознат меѓу народот како банкарот на Заев, е дел од буџетот народни пари со кои ја финансира неговата скапа кампања? -Христо Кондовски, треба да одговори, дали договорот е сеуште на сила и дали има судир на интереси. Почитувани битолчани, вистинското лица на Христо Кондовски не може да се препокрие ниту со милијарда билборди и плакати низ градот. Менаџерот за живот на рати, не сака да работи, туку сака само да заработи!, вели Бојкоски.

ВМРО-ДПМНЕ ОК Битола: Шеќеринска молчи и за кривичната пријава за директорот на ЈП Стрежево

Магдалена Андонова — Sat, 11 Jul 2020 17:05:00 +0000

-Почитувани, СДСМ се плаши да се соочи со вистината и со граѓаните на Битола. Заради тоа во паника и во последен момент го откажаа вчерашниот митинг, најавен уште од стартот на кампањата. Но тоа не е и најважно. Најважното е тоа што граѓаните бараат одговори од носителот Радмила Шеќеринска, а прашањата секојдневно се зголемуваат. Дали Шеќеринска и СДСМ ќе молчат до крајот на кампањата за сериозните најразлични обвинувања, од непотизам до криминал?, истакнуваа од ВМРО-ДПМНЕ ОК Битола. -Госпоѓо Шеќеринска дали е точно дека за заменикот на регионалниот штаб на СДСМ и актуелен директор на ЈП Стрежево Менде Граматковски, е поднесена кривична пријава до Основното јавно обвинителство и СВР Битола за незаконска набавка на Локатор за подземна инсталација?При тоа, наместо по вообичаената пазарна цена од 750 илјади денари, Локаторот е платен по пет пати повисока цена од 3 528 000 денари. Госпоѓо Шеќеринска, ќе останете неми и овој пат, за, како што стои во кривичната пријава, “сериозните сомневања за сторен криминал, чија правна квалификација се исцрпува во член 353 став 5 и став 1 од Кривичниот законик? И на крајот, на граѓаните уште сте им должна и за одговорите на прашањата: – Дали е точно дека шефот на изборниот штаб Васко Ковачевски, изнудувал и рекетирал фирми за 250 000 евра како директор на РЕК Битола? – Дали е точно дека кандидатот за пратеник Горан Козаров, покрај непотизмот со вработувањето на сопругата и кумот, исто така станал сопственик на недвижен имот во Дихово, а истиот не го пријавил во својот анкетен лист; што е негова обврска како именуван функционер? Прашања има уште, а Вие имате се помалку време да ги одговорите. Од 15 јули, право и правда мора да има за сите!, додаваат тие.

ВМРО-ДПМНЕ ОК Битола: Градот конечно и дефинитивно е приоритет на новата влада предводена од ВМРО ДПМНЕ, по победата на 12 април

Дарко Андоновски — Sat, 22 Feb 2020 08:25:50 +0000

Битола конечно и дефинитивно е приоритет на новата влада предводена од ВМРО ДПМНЕ и коалицијата, по победата на 12 април, ова преку прес-конференција за медиумите го истакнаа од ВМРО-ДПМНЕ ОК Битола. -Битола, се поврзува со нов автопат со Скопје, Битола конечно добива и нова пруга со Грција. Идната опозиција - СДСМ, до сега во овие три години потврди, дека ништо не направи и не умее со капиталните инвестиции во Битола, а иако ветуваа во нивното владеење поинаков статус за Битола, од најградскиот и најубавиот град направија место кое, за жал, сакаат да го напуштат и тие што останаа во него. Потребна е Вашата поддршка, почитувани граѓани на Битола, потребен е силен активизам, конечно Битола да ја направиме достоинствен град и пристојно место за живеење. Потребна е поддршка на новиот пристап и новите генерации во политиката, сега е време да се поддржат политичари кои зборуваат за одговорност, отчетност, реални проекти, правда, принципи и обнова. Политиканството е завршено - Вие, граѓаните сте вистински и реални наши партнери, врз Вашите потреби ги предлагаме проектите, со Вашето силно сојузништво и влегуваме во нивна реализација. Вие, граѓаните на Битола, заслужувате вистинско зголемување на платите, пензионерите заслужуваат зголемени пензии, неопходно е намалувањето на даноците, а младите до 29 години заслужуваат да не плаќаат персонален дaнок, потенцираат од партијата. Од ВМРО-ДПМНЕ потенцираат дека Битола добива нови инвестиции и нови работни места. Обновата на 12 април да ја започнеме ЗАЕДНО, тоа и го должиме на Битола, тоа секој од нас го должи пред себе, им го должиме на нашите деца, на идните генерации. Заедно, за обнова на 12 април

ВМРО-ДПМНЕ ОК Битола до СДСМ: Не ги потценувајте битолчани, зашто иста лага два пати не поминува, ниту во приказните

Дарко Андоновски — Tue, 21 Jan 2020 17:38:03 +0000

Вие, господине Макрадули, кој само по потреба се нарекувате битолчанец, по кој знае кој пат идите во Битола и терате партиска агенда, наместо да си ја работите својата работа, како заменик министер, во ресорот за екологија, ова денеска на прес-конференција го истакнаа од ВМРО-ДПМНЕ ОК Битола. -Повторно во функција на предизборен политички популизам денес во Битола ден губите, а битолчани и натаму се соочуваат со страшни болести и смртност, како последица на загадениот воздух. Не ги потценувајте битолчани, зашто иста лага два пати не поминува, ниту во приказните. Колку пати,вашиот сега бивш премиер Заев, вашата колешка Шекеринска, па и поранешниот потпреседател на владата Анѓушев, заедно со вас, во овие три години дрско лажевте и рековте: ќе почне реконструкцијата на електростатските филтри во РЕК, ќе отпочне постапката, почнува од понеделник, за на крајот да пропадне тендерот и да нема ништо од тоа! Прашајте ја градоначалничката Наташа Петровска, дали е точно дека одделува само 0,24 проценти за Програмата за животна средина од досега најголемиот буџет од над две милјарди денари и што друго направила во градот, кој само во првиот месец од годинава што ја почна има едвај неколку денови без загаден воздух, прашајте ја, или имате заедничка вина, зошто едната мерна станица долго не работи, да ви одговори господине Макрадули, што спровела од ЛЕАПОТ и што реализирала од Планот за чист воздух. Ова што вие денес го правите е класична злоупотреба на функцијата која што во моментов ја вршите и со парите на граѓаните терате предизборна кампања на СДСМ. Ама, да бидете сигурен тоа ви е бадијала, зошто одамна не врват лагите и манипулациите со кои се расфрлате, велат од партијата. Од таму додаваат дека политичката казна на ова што го правите ќе ја добиете на 12ти април, а за морална одговорност, сам си знаете и можеби конечно ќе престанете да им се продавате од Скопје на битолчани. -Обновата на Македонија и Битола ќе ја донесат граѓаните на 12ти април, со што ќе ги испратат политичарите како вас, кои наместо за екологија, за што сте платени со народни пари, ја користите позицијата, во само година и пол да и договорите тендер од 90 илјади евра на сопругата, додаваат од ВМРО-ДПМНЕ ОК Битола.

ВМРО-ДПМНЕ ОК Битола: Половина мандат поминат во бунило- виновни сите само не нејзината неспособност и неработење

Катерина Бојаџиева — Fri, 23 Aug 2019 10:10:08 +0000

Да доаѓаш од образование, а патем најголемите гафови да ги направиш во тој дел, до толку да си неспособен, па да ја заборавиш својата основна законска обврска и да не им обезбедиш превоз на учениците, при тоа да заработиш кривична пријава, а да излезеш во бунило и паника и своите најголеми лаги да ги претставуваш како најголем успех е нешто многу посериозно од лицемерие, незнаење и неработење, велат од ВМРО ДПМНЕ ОК Битола. -Двете години, досега невидено катастрофално водење на градот од страна на СДСМ и ЛДП, почитувана збунета наставничке, не можете да ги покриете со Вашата само лична убеденост во големиот успех, кој што не е ништо друго туку само една голема лага. Кажете им чесно на граѓаните дека долгот од 13 милиони евра на Општината, беше само Ваша фикција, а сега зборувате за други бројки. Не лажете за Вашите „херојски” подвизи за работи и процеси кои треба сами по себе да функционираат во една нормална локална самоуправа, со еден нормален градоначалник. Мандатот го започнавте со лаги и манипулации, лажевте кога им се нудевте на битолчани, лажете и сега и се појавувате збунета од немај -каде, после две години да зборувате за „Вашите големи успеси”, стои во партиската реакција и се додава: „Наташа Петровска, Ви преседнаа изгледа летните горештини, температурите се високи, Вие и Вашата СДСМ, заедно со послушниот привезок ЛДП го уништивте градот, ја уништивте Битола. Не постои афера во државава во која Петровска и СДСМ немаат главна улога. Сега збунети и исплашени, повторно со лоша математика, се појавувате, ама никако да кажете каде и на што го трошите досега најголемиот буџет на Општина Битола, од 28 милиони евра, без малку 2 милијарди денари, оти повеќе од очигледно е дека ништо не работите. И на крајот, да! Битола можеше да има и еден покриен базен или 10 еколошки автобуси, ама само ако имаше градоначалник!“.

ВМРО-ДПМНЕ ОК Битола: Наташа Петровска уште еднаш покажа дека нема намера и не сака да се справи со проблемите во образованието

Дарко Андоновски — Wed, 27 Mar 2019 17:34:00 +0000

Наташа Петровска уште еднаш покажа дека нема намера и не сака да се справи со проблемите во образованието, ова денеска преку прес-конференција го истакна Марина Стефановска- Јованчева, член на Општинскиот комитет на ВМРО-ДПМНЕ Битола. -Своето неработење и фактот што нема вложено ниту денар од буџетот на општина Битола во училиштата, таа лицемерно и крајно безобразно се обидува да го покрие фалејќи се и сликајќи се со туѓи донации. Наташа Петровска,без ни трошка срам имаше лице да се појави и да се слика со донацијата во ОУ„ Климент Охридски“, која ја претстави како заедничка донација на Општината, Рек Битола и родителите, но всушност вистината е следна: Од вкупната донација која беше не повеќе од 55.000 денари, дури 80% е донација од родителите, која ги опфаќа тоалетите и вратите во училишната сала. Општина Битола беше донатор единствено на 2-3 лавабоа и неколку сифони , додека Рек Битола направи промена само на неколку сијалици за рефлектори. А,додека претходно,една година пред доаѓањето на Петровска на местото Градоначалник, беа променети рефлекторите,променети беа армираните стакла,комплетно беше реконструиран кровот и салата беше целосно бојадисана. Но,никаква лента не беше сечена од страна на Градоначалникот,затоа што тоа се редовни обврски на директорот и општината, потенцира Стефановска- Јованчева. Таа додава дека, ова не и е прв пат на Градоначалничката, таа истото го направи и со грантот од Јапонска амбасада кој беше целосно обезбеден уште во 2017 година од страна на претходната Директорка на ова училиште, но Наташа не ја пропушти приликата да се слика со Јапонската Амбасадорка и да ги земе сите заслуги за овие средства,иако претходно како советник во Советот на Општина Битола беше најголем противник на решавање на проблемите со донации. -Иако капиталните инвестиции во училиштата како и решавањето на проблемите со училишниот превоз и беа едни од најприоритетни проекти во предизборната кампања, откако седна во удобната градоначалничка фотеља во Општина Битола, Петровска сосема заборави што ветувала. Капиталните расходи за реконструкција на училиштата се само по основ на донации. Бараме, Петровска да се потсети на она што го зборуваше како советник од опозиција и на своите предизборни ветувања и конечно да започне да ги остварува, вели Стефановска- Јованчева.

Ангелевска: РЕК Битола повеќе од една година наназад служи само за лично богатење на власта и згрижување на нивни роднини и пријатели

Дарко Андоновски — Sat, 02 Feb 2019 15:18:21 +0000

РЕК Битола, стожерот на електроенергетскиот систем во Република Македонија повеќе од една година наназад служи само за лично богатење на власта и згрижување на нивни роднини и пријатели. После капиталната ремонт на блок 1 завршен само пред неколку месеци поради неспособноста и непотизмот на раководството хавариите во РЕК Битола стануваат секојдневие што резултира со зголемени трошоци за цената за производство на мегават час електрична енергија, а тоа директно го плаќаат граѓаните, ова денеска преку прес-конференција го истакна Силвана Ангелевска од ВМРО-ДПМНЕ ОК Битола. -Моментално надвор од функција е блок 1 со наводно планиран застој, а всушност се работи за дефект на пара генераторот и блок 1 ќе биде надвор од употреба цели 10 дена. Најважната активност на ова раководство е пресметката со стручните лица и нивно постојано деградирање само да ги задоволат желбите на ново вработените партиски послушници и нивни роднини и пријатели без притоа да се води сметка за непреченото функционирање на комбинатот. Наместо да се пресметувате со вработените кои чесно и професионално си ја вршат работата, вработените во РЕК Битола прашуваат до каде се со ветувањата кои што ги дадовте. Топлификацијата на Битола проект кој од претходната влада на ВМРО-ДПМНЕ е во завршна фаза со дозвола за градба со обезбедени финансиски средства, а кој што многу ќе влијае позитивно на намалување на загадувањето на воздухот во Битола. До каде е набавката на сопствената механизација за потребите на РЕК Битола што требаше да се реализира во минатата 2018 година? До каде е реконструкцијата на електростатските филтри, десулфуризацијата, третманот на одпепелувањето што требаше да опфати изградба на заштитен појас канал за одводнување систем за прскање, третман на отпадните води и многу други најавени а нереализирани проекти, потенцира Ангелевска. Од ВМРО-ДПМНЕ ОК Битола порачуваат да се престане да се замајуваат граѓаните со вашите лажни соопштенија и ветувања. Прифатете ја понудата за предвремени парламентарни избори за да видите колку граѓаните ви веруваат и колку се задоволни од грабежот кој го правите на секое поле.

ВМРО-ДПМНЕ ОК Битола: Партиските вработувања и неработењето постануваат единствената одлика на локалната власт во Битола

Дарко Андоновски — Thu, 06 Sep 2018 16:48:23 +0000

Партиските вработувања и неработењето постануваат единствената одлика на локалната власт во Битола предводена од СДСМ, ова денеска на прес конференција го истакна Горан Степановски од ВМРО-ДПМНЕ ОК Битола. -СДСМ уште еднаш покажаа неумешност при вработување на партиските кадри, доскорешниот вршител на должност на јавното претпријатие водовод, Козаров по завршувањето на првиот мандат на 19 јуни, беше назначен по втор пат за веде директор, за по неполн месец да биде разрешен и на неговото место да биде поставен нов веде директор. Веднаш по поставувањето на функцијата новиот В.Д директор распишува оглас за вработување на раководно лице оперативен менаџер на кој со согласност од Наташа Петровска како единствен кандидат се вработува Козаров, вели Степановски. Од ВМРО-ДПМНЕ ОК Битола ја прашуваат градоначалничката која била причината за разрешување на В.Д директорот по неполн месец од неговото назначување? -Дали можеби поскапувањето на водата или причината е да биде вработен и згрижен, а со тоа и да се зголеми бројот на општинско или по ново на партиско претпријатие водовод. И на крај зошто во повеќето општински претпријатија се уште се В.Д директори или таму не можете да најдете соодветни решенија?, прашува Степановски.