вмро-дпмне ок делчево – Kurir.mk

ВМРО-ДПМНЕ ОК Делчево: „КОНЦЕПТ 800+” е наш влог за иднината на Делчево

Дарко Андоновски — Mon, 18 Sep 2023 07:24:05 +0000

На прес конференција Општинскиот Комитет на ВМРО-ДПМНЕ Делчево го презентираше својот “КОНЦЕПТ 800+” за граѓаните на Делчево. Повеќе претставници на опозициската ВМРО-ДПМНЕ во Длечево од највисокиот извршен орган на партијата на локално ниво презентираа повеќе генерални карактеристики на “Концепт 800+” кој што според извори од партијата е разработен да биде оперативен план за развој на Делчево по превземеањто на власта од страна на ВМРО-ДПМНЕ на наредните парламентарни избори. Анастасија Лазарова од ОК на ВМРО-ДПМНЕ го даде воведното образложение за природата и суштината на “Концепт 800+”: “Почитувани сопартијци, драги делчевчани, НИЕ НЕМАМЕ РЕЗЕРВЕН ДОМ- НАШИОТ ДОМ Е ДЕЛЧЕВО! На сите нас тука ни припадна должноста и честа да се избориме за подобро утре. Ние нема да ви зборувам за лошите состојби во Делчево, затоа што секој еден граѓанин, секој ден се буди и заспива со порази. Нашата обврска како политичари е да се надвиснеме над сите можни проблеми, меѓусебни недоразбирања во интерес на граѓаните на Делчево, И уште повеќе за да обезбедиме просперитет на Македонија. Општинскиот Комитет на ВМРО-ДПМНЕ Делчево е подготвен за новото време на победи! ВМРО-ДПМНЕ во Делчево е обединето и силно! Тоа е успех на секој еден член на партијата! Нашата наредна голема цел ќе биде да создадеме успеси за секој граѓанин на Делчево, за секој жител на нашиот град и приградските населби Басарица и Ѕвегорска Река, Како и сите села подеднакво: Од село Разловци до село Илиово и село Бигла… Турија, Вратиславци, Селник, Драмче…. од село Чифлик до село Ѕвегор, Град, Вирче, Стамер, Тработивиште, двата Истевници, Очипала, Полето, Косово Дабје… Сите заедно обединети имаме сила и знаење да го промениме текот на историјата кон подобро! Делчево и делчевчани тоа го очекуваат од нас!” -рече Анастасија Лазарова од ВМРО-ДПМНЕ ОК Делчево. Во продолжение на прес конференцијата се обрати Потпретседателката на ОК на ВМРО-ДПМНЕ Делчево Марија Сумрачка која изнесе дел од опфатот на предвидени активности како и човечки потенцијал со кој опозициската партија ќе работи во наредниот период со граѓаните на Делчево за подобрување на стандардот за живеење во оваа општина на крајната источна граница на Македонија: “Во изминатите неколку недели заедно со моите најблиски соработници започнавме со реализација на нов начин на водење на политика кој што сметаме дека кај делчевчани ќе пробуди интерес. КОНЦЕПТ 800+ е наш влог во иднината на Делчево. Концептот 800+ подразбира: -повеќе од 800 проекти за граѓаните од најразличен карактер во сите сфери на општествен живот во Делчево. Имаме капацитет и знаење за развој и подобрување на живеењето во Делчево; Концептот 800+ подразбира: -Посветен ангажман на повеќе од 800 активисти со кои заедно ќе пријдеме на секој еден граѓанин на Делчево, да разговараме за сите прашања, да ги констатираме предизвиците и заеднички да најдеме решенија; Секој граѓанин на Делчево е важен за иднината на нашиот град. Секој делчевчанец заслужува внимание од сите нас и со превземање на власта на институциите во Делчево. -Делчево има над 800 локалитети вредни за внимание на јавноста како и локалните и државни институции. Дали станува збор за природни капацитети и ресурси, историски, културни, верски или спортски објекти и настани… Нашите села, традиционални градби, археолошки наоѓалишта…. Сите тие можат да бидат развиени и афирмирани како препознатлив белег на нашето Делчево во функција на засилување на нашиот локален патриотизам но и како туристичка понуда пред остатокот на светот. Со заживување на традицијата, да изградиме модерна иднина по која заеднички ќе го подобриме животот на сите делчевчани” -рече Марија Сумрачка- Потпретседател на ВМРО-ДПМНЕ ОК Делчево Д-р Билјана Гоеоргиевска која што исто така е потпретседател на ВМРО-ДПМНЕ ОК Делчево во своето обраќање пред присутните медиуми се заложи за развој на над 800 еко точки за унапредување на животната средина во Делчево, како и развој на малите и средни претпријатија и граѓанскиот сектор во општината: “-На Делчево му требаат над 800 еко-точки од каде што ќе започне препород на нашите планини, реки, ливади, шуми, пасишта, полиња… Делчево и Пијанец некогаш беа најчистиот и најживописниот дел од Република Македонија. Денес тоа не е така. Наша должност пред себеси и пред идните генерации е да го возобновиме квалитетниот живот за сегашните и идните генерации преку негување, унапредување и облагородување на животната средина. Со повеќе од 800 еко-точки ќе поставиме пример за тоа како се работи за сегашноста и се чува иднината. -Во Делчево нашата визија е да има повеќе од 800 мали и средни компании, работни организации и здруженија на кои што им е потребна силна поддршка и помош од институциите на државата. Нашиот човек е трудољубив и работен. Сите заедно да создадеме услови за остварување на сечиј сон за развој и напредок овде во нашето Делчево! Не да ги користиме приватниот и граѓанскиот сектор за политички злоупотреби туку да бидеме нивен доверлив партнер во развојот на стопанството и јавните дејности.” Александар Николовски од ОК на ВМРО-ДПМНЕ во своето обраќање во јавноста се осврна на потребата секој жител на Делчево да има достоинствен живот за себе и своето семејство овде во Делчево, како и развој на политики, мерки и активности за соработка со делчевската дијаспора со цел за развој на Делчево. “ВМРО-ДПМНЕ ПО ПРЕВЗЕМАЊЕТО НА ВЛАСТА НА НАРЕДНИТЕ ПАРЛАМЕНТАРНИ ИЗБОРИ, пред себе има голема и света задача да ја врати Македонија на Македонците, на народот… Секој еден човек е важен… и Македонец и ром и турчин и влав и албанец и србин…. секој кој што си го сака родното огниште, да живее заедно со најблиските од неговата фамилија, пријателите со кои пораснал… -Наша цел ќе биде да допреме до над 800 исселени делчевчани со кои би поразговарале во насока за подобрување на животот во Делчево, за нивните семејства кои останале во родните огништа, па дај Боже еден ден и тие самите да посакаат да се вратат во градот кој го носи името на големиот Гоце Делчев. Ќе го направиме Делчево посакуван дом за сите делчевчани на кои денес погледот им е свртен кон некоја странска држава… Делчево е нераскинлив дел од голем број делчевчани кои животниот пат ги однел некаде во странство… -рече Александар Николовски од ВМРО-ДПМНЕ ОК Делчево. Претседателот на Општинскиот Комитет на ВМРО-ДПМНЕ Делчево Иван Гоцевски како заклучоци од промоцијата на “Концепт 800+” пред јавноста ги изнесе главните политички пораки за тоа што ќе значи овој концепт за делувањето на ВМРО-ДПМНЕ ОК Делчево во наредниот период: “КОНЦЕПТ 800+ за подобро Делчево, КОНЦЕПТ 800+ за народно Делчево за Делчево со силни и среќни делчевски семејства, КОНЦЕПТ 800+ за Делчево со квалитетно образование, спорт, култура и јавни дејности, Делчево од кое младите и работниците нема да бегаат во потрага по егзистенција и подобар живот, за Делчево кое што ќе биде спокојна животна средина за највозрасните, за пензионерите, КОНЦЕПТ 800+ за Делчево кое што ќе биде инфраструктурно развиено и поврзано со остатокот од државата, со модерна сообраќајна и енергетска и телекомуникациска инфраструктура. Тоа е мојата визија, тоа се заложбите на мојот тим а верувам во иднина и на секој еден од вас. Пред нас претстои многу труд и работа, многу залагања и саможртви. Патот нема да биде лесен, но ве уверувам дека ВРЕДИ! Да живее ВМРО-ДПМНЕ, да е вечно и просперитетно Делчево. Да е вечна Македонија!” -порача Иван Гоцевски- Претседател на ОК на ВМРО-ДПМНЕ Делчево. Целата прес конференција на ОК на ВМРО-ДПМНЕ Делчево погледнете ја на видеото во продолжение:

ВМРО-ДПМНЕ ОК Делчево: Право и правда за Македонија мора да има! 5-ти мај е денот кога ќе започне падот на оваа ненародна власт

Дарко Андоновски — Wed, 01 May 2019 08:33:43 +0000

Делчево е препознатливо по многу работи од неговото постоење па до денес. Со актуелната власт на СДСМ во Делчево, Делчево стана препознатлива и како претстолнина на непотизмот во државата и пошироко на Балканот, ова преку прес-конференција го истакнаа од ВМРО-ДПМНЕ ОК Делчево. -Во изминатите нешто помалку од две години апсолутна власт на СДСМ во општината, вработувањето на блиски роднини на функционери на СДСМ стана погубно правило како никогаш досега во историјата на нејзиното постоење.

Цела држава разбра за семејниот непотизам и прекумерното користење на јавни буџетски пари од страна на пратеничката Мира Стојчевска.
Градоначалникот на Општина Делчево Горан Трајковски, се чини има најголема фамилија, па си ги вработи:

- кумашинката Ивана Ивановска како правник во Општина Делчево, - сваќата Даниела Такева како технички секретар во Општина Делчево, - сопругата на прв братучед, Наташа Тодоровска, во детската градинка „Весели Цветови“ Делчево, - а својот прв братучед Миле Тодоровски го унапреди како водач на група во ТППЕ Делчево,

Кире Тренчевски, актуелен советник од СДСМ во Советот на Општина Делчево и член на Централниот Одбор на СДСМ, си ги вработи:

- Неговата сопруга, Анка Тренчевска во Министерството за финансии – трезорска канцеларија Делчево, - Неговиот брат, Горан Тренчевски во детската градинка „Весели Цветови“ – Делчево и - Неговиот прв братучед, Стојче Ситновски во Дирекцијата за заштита и спасување;

Дејан Георгиевски, актуелен советник во Советот на Општина Делчево, си ја вработи неговата снаа Елизабета Георгиевска во ФЗОМ Делчево;
Маријана Стоименовска, заменик директор во ООУ “Ванчо Прќе” Делчево си го вработи својот син Младен Стоименовски како наставник во целодневна настава во истото училиште.
Поранешниот пратеник во Македонскиот парламент од СДСМ и кум на градоначалникот на Делчево, Голупчо Ангелов, од професор сe вработи во МВР;
Драган Апостоловски, син на поранешниот пратеник од СДСМ Никола Апостоловски, е вработен во МВР;
Горан Георгиевски, поранешен претседател на ОО СДСМ Делчево и поранешен кандидат за пратеник во два изборни циклуси, се вработи во МВР;
Благица Јочевска, поранешен советник во Советот на Општина Делчево се вработува во МВР, ПС Берово, а нејзиниот брат Андреј Ангеловски во Шумската Полиција – Делчево;
Љупчо Прачковски, поранешен градоначалник на Општина Делчево од СДСМ во периодот од 1996-2000 и поранешен директор на СОУ „М.М.Брицо“ – Делчево, повторно е назначен за директор на истото средно училиште. Неговата сопруга Билјана Прачковска, поранешен директор во Центарот за вработување, повторно е назначена за директор на истиот;
Шабан Багашов, член на ОО СДСМ Делчево е унапреден како Раководител на секторот за финансиско работење во Општина Делчево. Покрај него, ги вработија и неговата сопруга Нахида Багашова во ЈЗУ Здравствен Дом „Гоце Делчев“ Делчево и неговиот син Денис Багашов во ТИРЗ Скопје;
Миле Стоименовски, член на ОО СДСМ Делчево, поранешен директор на ЈП Македонски Шуми – подружница Голак Делчево, кој во еден период ја напушта работата во јавното претпријатие, сега повторно е вработен во истото претпријатие како шумарски инженер. Неговата ќерка Касандра Стоименовска, е вработена како благајник во ОУ „Св. Климент Охридски“ – Делчево;
Ѓорги Багевски, поранешен директор во ОУ „Св. Климент Охридски – Делчево“ и сегашен наставник, си ја вработи неговата ќерка Милена Багевска во истото училиште како економист;
Марија Глигорова, поранешен директор на ЈЗУ Здравствен Дом „Гоце Делчев“ – Делчево е повторно назначена за директор на истиот, иако требаше да биде пензионирана уште минатата година;
Владимир Мерзликин, некогашен Секретар на Општина Делчево, повторно е вработен во Општината, иако минатиот јуни требаше да замине во старосна пензија, потенцираат од ВМРО-ДПМНЕ ОК Делчево.

Од таму додаваат дека ова е скандал без преседан! -Ова е невидено непотистичко здружување на актуелните функционери на СДСМ во Делчево кое ги надминува границите на нашата држава. За нивните семејни, пријателски и партиски вработувања плаќаат сите граѓани, а општината пропаѓа уште подлабоко со овој гломазен камен закачен околу нејзиниот врат. За да биде лицемерието пуштено на нај-јако, овие исти луѓе кои што си ги вработија своите роднини и пријатели, повторно, без трошка срам и образ доаѓаат во Вашите домови и ја бараат Вашата поддршка, за да гласате за нивниот кандидат на овие избори, наместо да си поднесат оставки како морален чин за непотизмот и да го ослободат Делчево од нивните канџи кои служат за потсмев на цела држава! Оваа погубна пракса мора да престане. Право и правда за Македонија мора да има! 5-ти Мај е денот на Правдата, ден кога сите заедно ќе покажеме во каква општина и држава сакаме да живееме. Со Вашата поддршка за Проф. Д-р Гордана Силјановска Давкова ќе започне падот на оваа ненародна власт, истакнуваат од ВМРО-ДПМНЕ ОК Делчево.