вмро-дпмне ок гази баба – Kurir.mk

Делегација на Општинскиот комитет на ВМРО-ДПМНЕ Гази Баба положи свежо цвеќе пред споменикот на Методија Андонов Ченто

Дарко Андоновски — Wed, 24 Jul 2019 08:13:03 +0000

Делегација на Општинскиот комитет на ВМРО-ДПМНЕ Гази Баба положи свежо цвеќе пред споменикот на Методија Андонов Ченто по повод 62 години од неговата смрт. Делегацијата фотографиите ги споделија на Фејсбук страната на ВМРО-ДПМНЕ ОК Гази Баба.

ВМРО-ДПМНЕ ОК Гази Баба присуствуваше на откривањето на споменикот на Горан Стојменовиќ кој загина во Диво Насеље

Дарко Андоновски — Fri, 10 May 2019 15:31:13 +0000

Претставници од ВМРО-ДПМНЕ ОК Гази Баба денеска присуствуваа на откривањето на споменикот на Горан Стојменовиќ кој загина во Диво Насеље бранејќи ја нашата татковина. -Во името на Општинскиот комитет Гази Баба на ВМРО ДПМНЕ денес присуствувавме на откривањето на споменикот на Горан Стојменовиќ кој загина бранејќи го интегритетот и суверенитетот на нашата татковина Република Македонија во Диво Насеље. Положивме свежо цвеќе и оддадовме почит на неговиот лик и дело. Неговиот паметник нека биде спомен за неговата жртва а пак неговата жртва нека биде пример за нас и за генерациите после нас за тоа како се брани татковината! Нека почива во мир и нека му е вечна слава!, стои во постот на Фејсбук на Жаклина Пешевска од ВМРО-ДПМНЕ.

ВМРО-ДПМНЕ ОК Гази Баба: Гази Баба е пример како се сака и се настапува кога е во прашање Република Македонија

Дарко Андоновски — Mon, 06 May 2019 18:58:18 +0000

ВМРО-ДПМНЕ ОК Гази Баба -Искрено Ви благодарам и Ви честитам за успешниот резултат што го постигнавме заедно во Гази Баба. Конечен резултат :

- ВМРО-ДПМНЕ 18.085 - СДС ( и сите други на купче) 12.177 Разлика од околу 6000 гласови. Гази Баба е пример како се сака и се настапува кога е во прашање Република Македонија. Благодарност до сите членови, поддржувачи и симпатизери на ВМРО - ДПМНЕ, но и до граѓаните на Општина Гази Баба за покажаната висока демократска и национална свест. Заедно продолжуваме до конечен пад на оваа недемократска и делегитимирана власт. Да живее ВМРО - ДПМНЕ !!! Бобан Стефковски - Претседател ВМРО-ДПМНЕ ОК Гази Баба, стои во постот на Фејсбук на ВМРО-ДПМНЕ ОК Гази Баба.

Гордана Силјановска го презентираше својот план и визија за Република Македонија во ОК на ВМРО-ДПМНЕ Гази Баба (ФОТО)

Дарко Андоновски — Thu, 07 Feb 2019 08:17:55 +0000

Вчеравечер во просториите на Општинскиот комитет Гази Баба се одржа претставување на професорката Гордана Силјановска Давкова која е еден од кандидатите на конвенцијата за кандидат за претседател на Република Македонија. Пред членовите професорката ги презентираше својот план и визија за Република Македонија. Инаку претходно, професорката ја започна внатрепартиската кампања од ОК на ВМРО-ДПМНЕ Ѓорче Петров.

ВМРО-ДПМНЕ ОК Гази Бава: Борче Георгиевски треба да разбере дека Општина Гази Баба не е негова приватна сопственост

Дарко Андоновски — Tue, 16 Oct 2018 19:07:53 +0000

Градоначалникот Борче Георгиевски по којзнае кој пат ја погази волјата на граѓаните на општина Гази Баба, ова денеска на пресконференција го истакнаа од ВМРО-ДПМНЕ ОК Гази Баба.

-Имено, на изборите за совети на Месни и Урбани заедници кој се одржаа на 23.09.2018 година, граѓаните на најдемократски начин си ги избраа претставниците кои ќе ги застапуваат во Месните и Урбаните заедници. Борче Георгиевски е тој што повикуваше на ставање на ред во функционирањето на Месните и Урбаните заедници, а неговото лицемерие излезе на виделина по само десетина дена. Како резултат на тоа што во Месните и урбаните заедници не биле избрани негови партиски луѓе, Градоначалникот Борче одлучил комплетно да ги поништи изборите, прикривајќи се зад некои негови пропусти кои тој лично или намерно ги направил со носење на несоодветна одлука. Граѓаните на Општина Гази Баба нема да бидат жртва на самоволието на Борче Георгиевски, потенцираат од ОК Гази Баба.

Тие додаваат дека Борче Георгиевски треба да разбере дека Општина Гази Баба не е негова приватна сопственост и со постапките кои ги превзема докажува дека неговиот интерес не се потребите и барањата на граѓаните туку слепата партиска послушност.

-Граѓаните веќе го препознаа ова деструктивно и незаконско работење на Борче Георгиевски и СДСМ и за тоа соодветно ќе ги казнат. ВМРО-ДПМНЕ и советничката група предводена од ВМРО-ДПМНЕ ќе продолжи да работи за интересите на граѓаните на Општина Гази Баба и за овие прекршувања и злоупотреби ќе поднесе соодветни пријави, завршија од партијата.