вмро-дпмне ок кичево – Kurir.mk

ВМРО-ДПМНЕ ОК Кичево: На државно земјиште приватна фирма изведува дислокација на канализациона постоечка мрежа без никаква дозвола

Дарко Андоновски — Thu, 20 Oct 2022 18:48:09 +0000

ВМРО-ДПМНЕ ОК Кичево преку статус на Фејсбук велат дека на државно земјиште приватна фирма изведува дислокација на канализациона постоечка мрежа без никаква дозвола. „Самоволието и дивеењето со градежни активности во Кичево продолжува без никакви граници. Имено два дена на локација во кичевската населба Кутлабица на државно земјиште приватна фирма ангажирана од приватно физичко лице изведува градежни активности и тоа дислокација на канализациона постоечка мрежа, без никаква дозвола, проект, согласност буквално без никаква документација. Покрај тоа што овие активности се апсолутно против сите законски одредби, со нивното изведување директно се доведени во опасност неколку поголеми населби и индустриски објекти кој што се приклучени на оваа мрежа. Апел до сите надлежни институции да превземат мерки овие активности под итно да прекинат“, стои во нивниот пост на Фејсбук.

ВМРО-ДПМНЕ ОК Кичево: Апелираме ВЕДНАШ да се сопре сечењето на боровата шума во месноста Крушино!

Тале Кристо — Mon, 21 Feb 2022 17:03:41 +0000

Веднаш да се сопре сечењето на боровата шума во месноста Крушино!, бараат од ВМРО-ДПМНЕ ОК Кичево. После сите алармирања, апели, пријави до сите можни надлежни институции, прашуваме зошто истите тие молчат. Зошто сите се глуви и неми за ова злосторство од невидени размери што и се случува на природата, прашуваат од ВМРО-ДПМНЕ ОК Кичево. Во продолжение видео од прес конференцијата на ВМРО-ДПМНЕ ОК Кичево:

Митрески: Во Кичево власта нема исполнето ниту едно ветување за младите, ниту имаат направено спортско игралиште

Дарко Андоновски — Tue, 06 Jul 2021 12:07:26 +0000

Филип Митрески од ВМРО-ДПМНЕ ОК Кичево преку статус на Фејсбук пишува дека оваа власт не исполнила ниту едно ветување за младите, ниту еден реализиран проект нема во Кичево, а уште помалку нема ниту едно реновирано или изградено спортстко игралиште. -Со ниту едно исполнето ветување за младите, ниту еден реализиран проект, ниту едно реновирано или изградено спортско игралиште, неисчистен град и диви депонии на секој чекор, СДС излегува со слоганот " Најдоброто за нашата општина". Ова на сликиве е тоа "најдоброто"?! Не сте вие најдоброто, вие сте најголемата катастрофа што некогаш им случила на Кичево и Кичевчани!!!, стои во неговиот пост на Фејсбук.

ВМРО-ДПМНЕ ОК Кичево со апел до СДСМ и ДУИ да го санираат свлечиштето кое може да зароби стотина жители (ВИДЕО)

Дарко Андоновски — Wed, 13 Jan 2021 12:35:22 +0000

ВМРО-ДПМНЕ ОК Кичево преку прес-конференција потсети за опасноста која демне од свлечиштето кое може целосно да ги отсече од градот месноста Крушино и село Кнежино. -Како последно предупредување и апел од нас ни преостанува да ги замолиме локалните функционери од СДС и нивните коалициони партнери од ДУИ барем за кратко да одморат од реализирање на нивните ветени проекти кои требаше да бидат завршени уште во 2019 година, а 99 проценти од нив не се ни започнати и под итно да се заложат за решавање на овој проблем, велат тие. Додаваат дека мора итно да се санира ова свлечиште.

Унијата на млади сили на ВМРО-ДПМНЕ ОК Кичево со порака до сите: Заокружете го бројот 14 за да ја донесеме историската победа (ФОТО)

Дарко Андоновски — Wed, 08 Jul 2020 15:52:25 +0000

Унијата на млади сили на ВМРО-ДПМНЕ ОК Кичево денеска преку акција упатија порака до сите да го заокружат бројот 14 кој ќе ја донесе најголемата историска победа за Македонија. -Младите како движечка сила на ВМРО-ДПМНЕ ќе го заокружат бројот 14 и ќе ја донесат најголемата историска победа за Македонија! #ИсправиСеМакедонијо?? #ОдбериОбнова✅ #УМСКичево?, стои во нивниот пост на Фејсбук.

Младите како движечка сила на ВМРО-ДПМНЕ ќе го заокружат бројот 14 и ќе ја донесат најголемата историска победа за Македонија! #ИсправиСеМакедонијо?? #ОдбериОбнова✅ #УМСКичево? Posted by Умс Вмро-Дпмне Кичево on Wednesday, July 8, 2020

ВМРО-ДПМНЕ ОК Кичево: Ниту еден проект кои СДСМ го ветија на граѓаните на Кичево не го реализираа (ВИДЕО)

Дарко Андоновски — Thu, 20 Feb 2020 08:41:26 +0000

ВМРО-ДПМНЕ ОК Кичево преку изјава за медиумите порачаа дека ниту еден проект кои СДСМ го ветија на граѓаните на Кичево не го реализираа. Тие порачуваат поради тоа на 12 април тие ќе бидат сменети, а новата влада ќе ја формира ВМРО-ДПМНЕ. -Ниту еден проект кои СДСМ го ветија на граѓаните на Кичево не го реализираа. Затоа на 12 април ќе бидат сменети. ВМРО-ДПМНЕ ќе ја формира идната влада, стои во постот на Фејсбук на Ѓорѓија Сајкоски.

ВМРО-ДПМНЕ ОК Кичево: Градот го загадува негрижата на раководството на РЕК Осломеј!

Дарко Андоновски — Tue, 24 Dec 2019 12:43:44 +0000

Општинскиот комитет на ВМРО-ДПМНЕ Кичево на својот Фејсбук профил сподели видео на кое се гледа како РЕК Осломеј го загадува градот. -Кичево го загадува не грижата на раководството на РЕК Осломеј! Изминативе неколку месеци Кичево стана најзагаден град во Македонија но и во Европа. Навистина е жално и тешко за верување како еден град кој беше најчист во Македонија стана најзагаден. Трагајќи по причините за загадувањето може да се констатира дека негрижата на раководството на РЕК Осломеј го направи Кичево најзагаден град. Имено последниве неколку месеци поради не грижа ископаниот јаглен кој го чуваат на депонија е запален и го прави најголемото досега загадување во овој крај. Од видеото кое го направивме може да се види чадот кој е од запалениот јаглен директно го загадува нашиот град но секако најголема штета прави на работниците кои работат тука.

За негрижата на раководството мора да има одговорност. ВМРО-ДПМНЕ О.К. Кичево, стои во нивниот пост на Фејсбук.

ВМРО-ДПМНЕ ОК Кичево: Модернизација на железничката станица во Кичево е само уште едно нереализирано предизборно ветување од СДСМ

Дарко Андоновски — Thu, 10 Oct 2019 12:31:49 +0000

ВМРО-ДПМНЕ ОК Кичево денеска преку изјава за медиумите потенцираше дека СДСМ ветуваше модернизација на железничката станица во Кичево, но од тоа остана само уште една предизборна лага. -Капиталните проекти се едни од најважните за развојот на економијата во Македонија. Еден од битните сегменти е и железничката инфраструктура, вклучувајќи ги тука железничките линии и железничките станици. СДСМ во нивната изборна програма „План за живот во Македонија“, на стр. 76 ветуваше соларни железнички станици во насока на модернизација за енергетска ефикасност на железничките станици. За железничката станица во Кичево ветија дека тоа ќе се случи во втората фаза од проектот, но до денес нема ниту прва фаза, ниту пак е распишан тендер за вградување на ваков систем, а не се споменува ни во државниот буџет.

Еве во каква состојба е денес железничката станица во Кичево - руинирана и небезбедна, без ниту еден денар вложен за нејзина реконструкција. За споредба, за време на владеењето на ВМРО-ДПМНЕ, беа реконструирани повеќе од 60% од железничките станици во Македонија, а беа набавени и нови возови со што граѓаните добија поквалитетен железнички превоз. И што е уште потрагично, кичевчани во моментов имаат само една линија во денот до Скопје. И уште едно нереализирано ветување од СДСМ за кичевчани, или уште една од многуте лаги - Изградба на пруга Кичево-Охрид-Струга-граница со Република Албанија - страна 196 од нивната програма за живот. Потоа најавуваа дека истата ќе биде готова до 2022 година, но ништо и од тоа ветување. Кичевчани паметат и единствено што бројат се лагите на Заев и СДСМ. Затоа, на наредните избори ќе заминат, а Македонија ќе биде обновена од луѓе способни за просперитна и богата Македонија!, потенцираат од партијата.

ВМРО-ДПМНЕ ОК Кичево најостро се спротивставува на селективното работење на локалната власт- кичевчани не ја заслужуваат оваа ненародна власт

Дарко Андоновски — Tue, 08 Oct 2019 12:11:48 +0000

Општинскиот комитет на ВМРО-ДПМНЕ во Кичево на својот Фејсбук профил сподели статус во кои пишува дека и по шест години откако е променета локалната власт кичевчани живеат со чувство дека локалните власти не се грижат подеднакво за сите граѓани на општината. -И по 6 години од промената на локалната власт во Кичево, кичевчани живеат со чувство дека локалните власти не се грижат подеднакво за сите граѓани на општината. Локалната власт на ДУИ поддржана од нивниот коалиционен партнер СДСМ упорно и намерно ги запоставува селата и населените места каде живее или е доминантно македонското население. ОК на ВМРО-ДПМНЕ од Кичево најостро се спротивставува на селективното работење на локалната власт, при што како пример ги посочуваме катастрофалните локални патишта кон селата Мијокази, Орланци, Светорача, Рабетино, Козичино, Патеец и Крушица каде навистина е срамно и жално во 21 век жителите на овие населени места да се движат по ископани и стари патишта, додека секогаш општината средствата ги насочува кон населените места од северниот дел на градот Кичево.

Кичевчани не ја заслужуваат оваа ненародна власт. Затоа, со промените кои набрзо ќе следуваат, ВМРО-ДПМНЕ ќе го обнови Кичево, ќе ја обнови Македонија. Општина Кичево повторно ќе биде достоинствено место за живеење на сите граѓани!, стои во нивниот пост на Фејсбук.