вмро-дпмне ок прилеп – Kurir.mk

ВМРО-ДПМНЕ ОК Прилеп: Сугарески тогаш кога имаше можност да направи нешто за Прилеп, ја направи најголемата штета на Прилеп

Дарко Андоновски — Sat, 09 Oct 2021 09:38:21 +0000

ВМРО-ДПМНЕ ОК Прилеп преку видео изјава потенцира дека Горан Сугарески тогаш кога имаше можност да направи нешто за Прилеп, тој му ја направил најголема штета на градот. -Горан Сугарески е продолженија на приказната Илија Јованоски, значи прочитана приказна. Прочитана приказна заради тоа што и едниот и другиот како и раководството на партијата од која што потекнуваат се синоним за не работа, велат од ВМРО-ДПМНЕ ОК Прилеп. Од таму додаваат дека доктор Борче Јованоски и Дејан Проданоски се луѓето кои што од првиот ден ќе започнат со работа и заедно со прилепчани ќе ги остварат најголемите победи во наредните четири години.

ВМРО-ДПМНЕ ОК Прилеп: Покрај најавите за обилни врнежи од снег, локалната власт предводена од СДСМ и оваа година се чини е изненадена од снегот

Дарко Андоновски — Sun, 14 Feb 2021 11:36:32 +0000

Покрај најавите за обилни врнежи од снег, локалната власт предводена од СДСМ на чело со градоначалникот Јованоски и оваа година се чини е изненадена од снегот, ова денеска преку изјава за медиумите го истакнаа од ВМРО-ДПМНЕ ОК Прилеп. -Иако за зимско одржување за сезоната 2020/2021 година е склучен договор во висина од 12 милиони денари, сепак Градоначалникот и службите во локалната самоуправа, целосно потфрлија и уште еднаш по којзнае кој пат го покажаа сопственото незнаење за тоа како да раководат со градот. Најголемиот дел од градските улици се целосно неисчистени, а за периферните делови од градот, да не ни споменуваме. За жал жителите на Општина Прилеп повторно се оставени на милост и немилост, затоа што надлежните не знаат како да реагираат согласно временските неприлики. Прашуваме, треба ли да се случи некоја посериозна несреќа за конечно да се сфати сериозноста од една ваква негрижа? Последиците од овој несериозен однос, имавме можност да ги почувствуваме особено во текот на вчерашниот ден кога движењето на пешаците и на возилата низ градските улици кои беа подмрзнати и неисчистени, беше крајно ризично и се одвиваше во хаотични услови, велат од партијата. Од таму додаваат дека можеби градоначалникот Јованоски, ја дополнил предизборната програма, па во неможност да ги реализира ветените проекти, ќе реализира проект со кој Прилеп го претвора во зимски туристички центар? -Почитувани, локалната власт мора да сфати дека здравјето и безбедноста на граѓаните се на прво место. Успешноста на еден градоначалник се гледа токму во вакви услови. Токму затоа прилепчани ќе ви го испорачаат поразот на следните локални избори, бидете уверени во тоа, велат тие за медиумите.

Делегација на ВМРО-ДПМНЕ во Прилеп положи свежо цвеќе на споменикот во чест на загинатите војници кај Карпалак

Дарко Андоновски — Sat, 08 Aug 2020 12:00:15 +0000

Делегација на ВМРО-ДПМНЕ од Прилеп на одбележувањето на 19 годишнината од Карпалак. Делегација од ВМРО-ДПМНЕ на чело со пратениците Петар Ристески и Ане Лашкоска денеска положија цвеќе пред споменикот во чест на трагично загинатите војници на Карпалак во 2001-та година. Инаку на одбележување на денешниот ден денеска од ВМРО-ДПМНЕ положија цвеќе и на самото место каде што се случи трагедијата кај местото Карпалак.

ВМРО-ДПМНЕ ОК Прилеп: Неспособноста на градоначалникот во опасност ја доведе цела населба, ќе достигне ли мостот во Сточен пазар 1 милион евра?

Дарко Андоновски — Fri, 07 Aug 2020 13:41:53 +0000

Неспособноста на градоначалникот во опасност ја доведе цела населба. Ќе достигне ли мостот во Сточен пазар 1 милион евра? Во изминатиот период во повеќе наврати алармиравме за изградбата на овој мост тука во населбата Сточен пазар, а власта на СДСМ и градоначалникот Илија Јованоски ги игнорираше сите предупредувања, ова денеска преку изјава го истакнаа од ВМРО-ДПМНЕ ОК Прилеп. -Мостот кој се гради веќе втора година, а неговата изградба никако не започнува, вчера дури стана потенцијална опасност за целата населба и ќе беше причина за поплавување на куќите во оваа населба и големи штети за граѓаните. За целото време додека ВМРО-ДПМНЕ апелираше, Јованоски и општината овде изигруваа големи градежници и ветуваа најубав и најголем мост. Во мај месец градоначалникот пред вас медиумите истакна дека изградбата ќе заврши за 4-5 месеци, а денеска гледаме дека работите воопшто не се мрднати од мртва точка. Наместо нов мост, сега општината ја забрани за сообраќај на оваа улица во траење од 60 дена, што ќе биде дополнителен проблем за одвивање на товарниот сообраќај во Прилеп. Потсетуваме дека првичниот договор за изградбата на овој мост чинеше 500.000 евра, а пред неколку месеци градоначалникот потпиша и анекс на договорот за дополнителни 14 милиони денари. До каде ќе оди забеганоста во трошење на народните пари на оваа ненародна власт? Ќе достигне ли ова мовче сума од 1 милион евра како и четирите автобуси болиди? Сите овие случувања не’ наведуваат нас и граѓаните да мислиме дека единствената и главна цел за изградбата на овој мост е само перење на пари и ништо повеќе од тоа, додаваат од ВМРО-ДПМНЕ ОК Прилеп.

Неспособноста на градоначалникот во опасност ја доведе цела населба. Ќе достигне ли мостот во Сточен пазар 1 милион... Posted by ОК на ВМРО-ДПМНЕ Прилеп on Friday, August 7, 2020

Унија на жени на ВМРО-ДПМНЕ ОК Прилеп: Обновата доаѓа по 15 јули (ВИДЕО)

Дарко Андоновски — Tue, 07 Jul 2020 20:32:56 +0000

Унијата на жени на ВМРО-ДПМНЕ ОК Прилеп сподели видео на својот Фејсбук профил од своите активности овие денови. Пред насобраните граѓани им беше преставена програмата која ја содржи обновата на Македонија. Истата има над 1.00 проекти кои ќе се реализираат во следните четири години.

Унија на жени ВМРО ДПМНЕ ОК Прилеп #ОбноваНаМакедонија?⚫?? Posted by Ирена Стерјовска Локвенец on Tuesday, July 7, 2020

ВМРО-ДПМНЕ ОК Прилеп: Кривична пријава за директорот на градинките во Прилеп

Дарко Андоновски — Thu, 18 Jun 2020 15:23:12 +0000

Општинскиот комитет на ВМРО-ДПМНЕ Прилеп денес ќе поднесе кривична пријава во Основното јавно обвинителство Прилеп, против Орце Тодоровски, директор на Јавната општинска установа за деца Детска градинка „Наша иднина“-Прилеп, ова денеска преку изјава за медиумите го истакнаа од ВМРО-ДПМНЕ ОК Прилеп. -Имено, Орце Тодоровски, како одговорно лице кое раководи со институција со помалку од 300 вработени во ЈОУДГ „Наша иднина“- Прилеп, без обезбедена согласност од Министерство за финансии, ангажирал повеќе од 3 лица за вршење на интелектуална работа и склучил договори за дело како и анекси за нивно продолжување на 40-тина лица, со што постои основано сомнение дека истиот постапил спротивно на Законот за трансформација во редовен работен однос во кој закон се предвидени и казнени одредби. Наместо кадрите на СДС, да ги почитуваат преземените мерки и активности од владата во борба со коронавирусот, преку уредби со законска сила, одлуки и заклучоци кои важат за време на вонредната состојба, истите тие кадри побрзаа предизборно да ги задоволат апетитите на партиските војници, во период на епидемија, кога беше ставен клуч на градинките и беше прекинат воспитно-образовниот процес. Очигледно за директорот на ЈОУДГ „Наша иднина“ нема никакво влијание заклучокот од Владата со кој се забрануваат нови вработувања, нови ангажирања преку агенции за привремени вработување и нови договори на дело, освен за ангажирања на соодветен кадар во здравствениот сектор и во други сектори кои се во насока на справување со последиците од коронавирусот, потенцираат од партијата. Од таму додаваат дека очекуваме Основното јавно обвинителство во најбрз можен рок, да постапи согласно законските овластувања, како би ја утврдило фактичката состојба и би ги потврдило наводите од оваа поднесена пријава. -Никој не е и не смее да биде над законот! Одговорност и правда ќе има! Ве уверуваме дека секој што се огрешил пред законот, ќе одговара. После големиот пораз на СДС на претстојните парламентарни избори, доаѓа обновата на Македонија!, истакнуваат од ВМРО-ДПМНЕ ОК Прилеп. https://www.facebook.com/okprilep/posts/3107695415985905

Јовчески: Дали неконтролираното делење хуманитарни пакети на СДС во Прилеп е причина за ново жариште на вирусот???

Дарко Андоновски — Thu, 14 May 2020 12:33:28 +0000

Градот од почетокот на оваа здравствена криза е трето жариште во државата, а нови случаи со заразени лица од вирусот имаме секојдневно, ова денеска преку изјава за медиумите го истакна Борче Јовчески од ВМРО-ДПМНЕ ОК Прилеп. -И покрај тоа лидерот на СДСМ, Зоран Заев инсистира на брзи избори кои во една ваква ситуација можат да бидат опасни по здравјето на граѓаните. Освен брзањето на Заев, Прилеп се соочува со уште еден голем проблем, а тоа е бројот на тестирања кои се извршени досега. Како што извести градоначалникот Илија Јованоски, до пред десетина дена во Прилеп биле направени само 642 тестирања за Ковид -19. Тоа почитувани сограѓани значи дека здравствените власти вршеле само по десет тестови во просек во изминатите 2 месеци во Прилеп, вели Јовчески. Тој додава дека поради тоа денеска прашуваме, Дали бројката од 184 досега заболени лица е реална, или пак можеби оваа бројка е поголема? Дали властите планираат да спроведат скрининг процес на повеќе категории граѓани во Прилеп, со цел откривање на сите асимптоматични случаи? Исто така, го прашуваме градоначалникот и здравствените власти, дали е точно дека во изминатиот период се појавиле повеќе позитивни случаи на корона вирус во населбата Тризла? Потсетуваме дека општината која ја предводи Јованоски и партискиот огранок на СДСМ со Миле Талески како претседател, во оваа населба неконтролирано делеа пакети со прехрамбени продукти, при што се создаваа гужви. https://www.facebook.com/okprilep/posts/3015486125206835

ВМРО-ДПМНЕ ОК Прилеп: Додека во Прилеп бројката на новозаразени расте, СДСМ во групи дели пакети со продукти

Дарко Андоновски — Wed, 15 Apr 2020 14:04:36 +0000

Во ек на пандемија и во овие тешки денови за сите кога бројката на новозаразени од коронавирусот во Прилеп постојано се зголемува, СДСМ во групи дели пакети со продукти, ова денеска преку изјава за медиумите го истакнаа од ВМРО-ДПМНЕ ОК Прилеп. -Вчерашните фотографии од пред штабот на СДСМ кај Табана се доказ за целото лицемерие и непочитување на мерките за заштита на здравјето на граѓаните, кои патем токму тие како власт ги носат. Овие фотографии се загрижувачки и значат само едно, загрозување на здравјето на граѓаните! Уште еднаш ги повикуваме јавно да одговорат: Од каде толку пари во буџетот на вашиот партиски огранок? Врз основа на што одредувате кое семејство треба да добие помош, а кое не? И дали ќе покажете јавно и транспарентно сметки пред јавноста за извршени набавки? Денешната прес конференција ќе ја искористиме и да прашаме, дали началникот на Интерно одделение во градската болница “Борка Талески”, Д-р Лимбески си поднесе оставка? Доколку е вистина, дали причините за ова се несогласувањата со директорот на болницата и недоволната заштита на медицинскиот кадар? Дали е вистина дека 14 вработени од ова одделение се во самоизолација и веќе една медицинска сестра е заразена од коронавирусот?, прашуваат од ВМРО-ДПМНЕ ОК Прилеп. https://www.facebook.com/okprilep/posts/2946342485454533

ВМРО-ДПМНЕ ОК Прилеп: Прилепското езеро испразнето пред претстојната земјоделска сезона, тутунарите загрижени

Дарко Андоновски — Thu, 30 Jan 2020 15:23:34 +0000

Поради неспособностa на СДСМ да менаџираат со езерото, во прашање е ставена иднината на 10.000 земјоделски семејства од целиот регион, чии земјоделски култури ќе останат без вода, ова денеска преку изјава за медиумите го истакнаа од ОК на ВМРО-ДПМНЕ Прилеп. -Сега веќе е јасно дека земјоделците одново ќе се соочат со недостиг од вода за наводнување, бидејќи на само неколку месеци од почетокот на работата во полињата езерото речиси е празно. За оваа еколошка катастрофа која и оваа година им се подготвува на земјоделците некој мора дебело да одговара. Ве прашуваме, како ли без малку срам се појавувате пред нив, пред оние кои деноноќно работат за да обезбедат егзистенција за нивните семејства и барате гласови? Зарем ви е малку тоа што стотици тутонопроизводители од Прилеп и прилепско деновиве ги оставате без пари и без откупен тутун, па оваа година планирате да ги оставите и со празни ниви? Како планирате да го наполнете езерото чиј вкупен капацитет изнесува 6 милиони метри кубни вода?, прашуваат од партијата.

Мицкоски од Прилеп: Народот е револтиран затоа што денес во Македонија владее хибридниот режим на Заев

Катерина Бојаџиева — Tue, 28 Jan 2020 18:04:13 +0000

Одржав состанок во општинскиот комитет во Прилеп, каде беше претесна салата да го прими народот кој во ВМРО ДПМНЕ гледа шанса и надеж, што за мене е најголема обврска и должност. Народот е револтиран затоа што денес во Македонија владее хибридниот режим на Заев, напиша лидерот на ВМРО-ДПМНЕ Христијан Мицкоски на Фејсбук. -Први сме како држава само по корупцијата која не го одминува ниту Прилеп. Нема ниту едно ветување кое го исполнија, а само рекетот и криминалот тој кој расте. И едно е сигурно дека не се може повеќе вака. Потребна е работа, исправена кичма и чест. Обновата доаѓа, а Прилеп ќе биде на вистинската страна, на страната на обновата, на страната на Македонија!