ВМРО-ДПМНЕ ОК – Ресен: Заев нема да присуствува на митингот, бидејќи нема што да ги лаже граѓаните на Преспа!

Тале Кристо — Wed, 06 Oct 2021 19:30:34 +0000

Почитувани вечерва во нашиот град актуелната власт ќе одржи митинг. Како што веќе знаете актуелниот премиер не е дел од делегацијата . Зошто? •Нема што полошо да донесе за нашата општина? •Нема што да ги лаже граѓаните на Преспа? •Остана без нови лаги за земјоделците? Но, добро познатиот филозоф Сенека рекол: "Еден дел од нашето време ни го крадат, добар дел ни го измамуваат, а делот што останува неприметно се губи“ Епа за да не го губиме ни ја прати Шекеринска да ни каже дека сме во Нато , додека луѓето горат во болниците . Да ни каже дека им купила нови чизми на војниците додека соседството се подновило со најнова артилериска опрема . Да ни каже дека откупот на јаболкото е загарантиран? Да не излаже дека имаме потврдена цена за индустриското јаболко исто колку и новиот откупен центар што ќе го изградеше⁉️ И да "Нема вистина во личност која не е во состојба да го контролира својот јазик и лагата" Може да бегате од Ресен , но не и од одговорноста‼️ Ќе одговарате‼️, стои во Фејсбук реакцијата на ВМРО-ДПМНЕ ОК - Ресен, по повод денешниот митинг на СДСМ во РЕсен.

Тозиевски: Додека ВМРО-ДПМНЕ го изгради и овој 30 километарски патен правец и вложи милиони денари, СДСМ не може да реконструираат 30 метри свлечиште

Предраг Кукиќ — Fri, 24 Aug 2018 13:03:56 +0000

Во изминатиот период граѓаните на Ресен и Преспа се сведоци на неодговорното работење на локалната самоуправа на Општина Ресен и министерството за транспорт и врски. Имено иако во Преспа сеуште во тек е туристичката сезона на дел од патот покрај Преспанското крабрежје кој води до дел од Преспанските плажи подолг временски период постои свлечиште за кое никој од локалната самоуправа од Општина Ресен и министерството за транспорт и врски не води грижа, изјави Јован Тозиевски, претседател на ОК на ВМРО-ДПМНЕ Ресен и додаде: „Истиот овој дел од патот до неколку населени места до плажите води и до неотворениот граничен премин „Маркова нога“ во Долно Дупени со Република Грција. Граѓаните во Ресен и Преспа од досегашното раководење на Општината од страна на СДСМ не виделе никаква полза и никаков капитален проект. Има неколку проекти за кои СДСМ сака да ги присвои но тоа се проекти започнати од ВМРО-ДПМНЕ со пари добиени од европските фондови кои мораше да бидат довршени само од нивната страна. За време на владеење на ВМРО-ДПМНЕ во Ресен и Преспа беа направени повеќе капитални инвестиции меѓу кои и неколку во врска со развој на туризмот во Преспа. Беа асфалтирани повеќе патишта кои водат до манастирите, до плажите, беа изградени две супер модерни плажи во Стење и Сливница се со цел и желба да се развива туризмот. И додека ВМРО-ДПМНЕ го изгради и овој 30 километарски патен правец и вложи милиони денари, СДСМ не може да реконструираат 30 метри свлечиште.“ Тозиевски вели дека на министерството за транспорт и врски поважно им е парите да се насочат кон претстојниот референдум. -ВМРО-ДПМНЕ ќе продолжи бурно да ја следи работата на локалната власт на општина Ресен и во наредниот период , а на граѓаните останува да дадат оценка за тоа кој гради и кој партиципира во туристичкиот напредок на Ресен и Преспа, додаде Тозиевски.

вмро-дпмне ок ресен – Kurir.mk

ВМРО-ДПМНЕ ОК – Ресен: Заев нема да присуствува на митингот, бидејќи нема што да ги лаже граѓаните на Преспа!

Тозиевски: Додека ВМРО-ДПМНЕ го изгради и овој 30 километарски патен правец и вложи милиони денари, СДСМ не може да реконструираат 30 метри свлечиште