вмро-дпмне ок штип – Kurir.mk

ВМРО-ДПМНЕ ОК Штип: Рамбабова да објасни зошто НЕ го послуша гласот на народот кој ја плаќа да седи во парламентот

Дарко Андоновски — Tue, 19 Jul 2022 11:09:55 +0000

Од ВМРО-ДПМНЕ Штип преку прес-конференција ја прашуваат пратеничката од СДСМ од Штип, Емилија Рамбабова дали е предавник од Штип, дали е предавник на македонскиот народ? Од таму додаваат дека таа треба да објасни дали како пратеник ги застапува интересите на народот и дали ја знаевте содржината на предлогот пред да гласате за него? Целата прес-конференција ја објавија од ВМРО-ДПМНЕ ОК Штип на нивната Фејсбук страница: -📢 Рамбабова да објасни зошто НЕ го послуша гласот на народот кој ја плаќа да седи во Парламентот ‼️ ✅ Дали го предадовте народот❓ ✅ Дали го асимилиравте Македонецот по Бугарски терк❓ 📢Народот чека одговори ❗ #НикогашПовеќеСдсвоШтип, стои во нивниот пост на Фејсбук.

Ефтимов: Клиничката болница во Штип наместо да се грижи за здравјето на пациентите и вработените е жариште на опасната болест

Дарко Андоновски — Wed, 10 Mar 2021 16:08:10 +0000

Каква голема трагедија ни се случува пред нашите очи! Поради неефикасен распоред на вработените и несоодветни протоколи од страна на менаџментот во одделенијата на болницата, медицински персонал од Кардиологија и Физикална се во изолација. Неодговорноста на директорот и неговите блиски соработници резултира со ширење на пандемијата, токму онаму каде што треба да сме најсигурни. Клиничката болница во Штип, наместо да се грижи за здравјето на пациентите и на вработените, покажува знаци за жариште на опасната болест, ова денеска преку изјава за медиумите го истакнува Игор Ефтимов од ВМРО-ДПМНЕ ОК Штип. Ефтимов додаваат дека до сега повикувавме на одговорност за криминалните тендери, нефункционелните апарати, неразјаснетата смрт на пациентите и неажурноста на раководниот тим на Болницата. -Меѓутоа, свесно загрозување на здравјето на пациентите и вработените од Кардиологија и Физикална, не само што бара оставка, туку и кривична одговорност, потенцира Ефтимов.

Ефтимов: Власт практикувана од непрокопсани функционери, резултира со криминал во сите ешалони

Дарко Андоновски — Thu, 11 Feb 2021 16:22:05 +0000

Почитувани, Власт практикувана од непрокопсани функционери, резултира со криминал во сите ешалони, ова денеска преку изјава за медиумите го истакна Игор Ефтимов од ВМРО-ДПМНЕ Штип. -Таков пример дава и жената на висок функционер од СДС, која неколку години вешто ја оштетувала сметката на Клиничката болница. Почитувајќи ја презумпцијата на невиност, прашуваме: Дали Главна сестра на Одделението за Физикална терапија во Клиничка болница-Штип во 2017 и 2018 година, направила разлика меѓу фискалниот пазар и благајна во износ од 95.000 и 496.000 денари, соодветно? Дали Јавното обвинителство и МВР веќе имаат отворено предмет за овој случај? Дали криењето на овој криминал, направен од жена на највисок функционер на СДС во Штип, значи и забошотување на истиот?, прашува Ефтимов. Тој додава дека инсистираме да се произнесат сите инволвирани страни, а институциите тековно да ја известуваат јавноста за развојот на овој бесрамен криминал!

ВМРО-ДПМНЕ ОК Штип: Вчерашните избори ниту беа мирни, ниту демократски

Дарко Андоновски — Mon, 14 Dec 2020 12:56:46 +0000

И повторно нѐ осамна уште еден ден, кога стануваме посвесни за криминалите на СДС, ова денеска преку соопштение до јавноста го истакнуваат од ВМРО-ДПМНЕ ОК Штип. -Вчерашните избори ниту беа мирни, ниту демократски. Делењето пари и притисоците врз јавната администрација не се нешто нормално, но беше очекувано да го видиме од криминалната локална багра. Меѓутоа, она по што ќе останат запаметени овие избори е загрозувањето јавното здравје и окуражувањето на лица во изолација да дојдат на гласачките места. Во моментов, членовите на избирачките одбори на избирачките места: 2252, 2265 и 2276 стравуваат за своето и здравјето на семејствата, затоа што неодговорната власт, допуштајќи да гласаат лица со Ковид 19, ги изложи на оваа болест, велат од партијата. Додаваат дека неправилностите не ги одминале и гласачкото место 2266 каде што се пронашло едно вишок ливче, но и гласачкото место 2292, каде имало семејно гласање потпомогнато од членовите на избирачкиот одбор, блиски до власта. -Или резимирано, вчерашниот ден беше ист како владењето на СДС - дивеење, одврзани раце на мафијата и газење преку трупови за добивање на власт и фотелји, велат тие во своето соопштение до јавноста.

Ефтимов: Болната желба на властодршците за функции, позиции и работни места во јавниот сектор во Штип не престанува

Дарко Андоновски — Mon, 30 Nov 2020 13:58:09 +0000

Болната желба на властодршците за функции, позиции и работни места во јавниот сектор, не престанува, ова денеска преку изјава за медиумите го истакна Игор Ефтимов од ВМРО-ДПМНЕ ОК Штип. -Пример за такво однесување и непотизам во редовите на СДС е неодамнешната промена во статусот на претседателката на Советот на Општина Штип. Непотизмот во таа фамилија е до степен, таа од функција на претседателка во Совет на Општина Штип да си го вработи сопругот во претпријатие основано токму од таа општина. Но, претседателката, очигледно не беше задоволна со добиеното. Па затоа, од неодамна е Раководителка во една од најдобро платените институции во државата - Централен регистар. Значи, во моментов претседателката на Советот зема приходи од најмалку 3 места, вели Ефтимов. Тој додава дека ова е само најнов пример за тоа како се однесуваат властите. Очигледно е дека независно дали има или нема избори, за високите функционери на власта има и работни места, но за обичните граѓани не можат да се набават ниту боци за кислород. -Се прашуваме, што ќе каже на ова, Државната комисија за спречување на корупцијата, граѓаните кои останаа без работни места и компаниите кои ставаат клуч поради пандемијата, потенцира Ефтимов.

ВМРО-ДПМНЕ ОК Штип: Никој нема да ви верува дека она што не го завршивте за три и половина години, ќе го завршите за осум месеци

Дарко Андоновски — Fri, 27 Nov 2020 12:32:25 +0000

Поминуваат 7 денови од кампањата за градоначалник на Општина Штип. И досега не слушнавме ништо друго и ништо ново, туку истите манипулации и обезвреднувања на гласачкото тело, со кои СДС се служи веќе подолг период, ова денеска преку соопштение до јавноста го истакнаа од ВМРО-ДПМНЕ ОК Штип. -Почитувани челници на СДС во Штип, никој нормален нема да ви верува дека она што не го завршивте за 3,5 години, ќе го завршите за 8 месеци.! Разоткриени сте, прочитани сте и веќе не сте интересни. Вие не го заслужувате вниманието на граѓаните, затоа што веќе сите ги научија вашите шарени лаги, велат од партијата.

ВМРО-ДПМНЕ ОК Штип: Јасно е дека докторот Николов преку градоначалничката функција бара спас за фамилијарната фирма пред стечај

Дарко Андоновски — Wed, 04 Nov 2020 13:00:13 +0000

Согласно Хипократовата заклетва, неетички е во време на светска пандемија на сметка на здравјето на граѓаните, доктор да гледа политички и личен интерес преку јавни функции. Јасно е дека докторот Николов преку градоначалничката функција бара спас за фамилијарната фирма пред стечај - Баргала, која несомнено тоне во долгови и проблеми, ова денеска преку реакција до јавноста го истакнаа од ВМРО-ДПМНЕ ОК Штип. Од таму додаваат дека граѓаните на Штип знаат што значи за градот семејната компанија на докторот Николов, колку плата земаат вработените и колку семејства останаа без егзистенција овој период. -Затоа, залудни ќе останат обидите на СДС да го искористат докторот како алатка за добивање на политичка моќ, велат од ВМРО-ДПМНЕ ОК Штип.

ВМРО-ДПМНЕ ОК Штип: Бочварски бидејќи нема реализирано ниту еден проект за граѓаните избега од функцијата

Дарко Андоновски — Mon, 31 Aug 2020 10:41:52 +0000

На последната прес конференција, Благој Бочварски не‘ потсети за неговата неспособност и кукавичлук. Сакајќи да се претстави како најуспешен градоначалник, тој всушност покажа дека нема реализирано ниту еден од ветените проекти, а заради тоа бега од функцијата и од своите сограѓани, ова дненеска преку соопштение до јавноста го истакнаа од ВМРО-ДПМНЕ ОК Штип. -Неизградбата на Жичарата и СРЦ Суитлак, нерешавањето на сообраќајните проблеми, неизградбата на картинг центар, брана на р. Отиња, сала за боречки вештини, катна гаража, гасификација, некоректниот однос кон администрацијата, се само дел од неуспесите со кои Бочварски го обележа овој мандат. Прашањето е, ако за овој период Бочварски не работеше на развој на градот, дали барем го зајакна својот бизнис, а преку останатите јавни институции обезбеди сигурна иднина за компаниите на неговите најблиски? Или можеби со новата функција, ова му е можност да добие голем дел од колачот кој изминативе 3 години власта го граба од џебот на граѓаните?, прашуваат од партијата. Од ВМРО-ДПМНЕ ОК Штип потенцираат дека едно е јасно! Во владеење на СДСМ, најнеуспешниот градоначалник, оној кој мереше асфалт во метри, го унапредија во Министер за транспорт и врски, а младите кои завршиле високо образование, токму од вакви кадровски решенија, веќе ги спакуваа куферите и заминаа далеку од овде.

ВМРО-ДПМНЕ ОК Штип: Дали раководството на СДСМ проблемот на работниците во Баргала гледа да го скрие „под тепих“

Дарко Андоновски — Thu, 27 Aug 2020 17:13:36 +0000

Бројните реакции на работниците во Баргала и други локални фирми, не го активираат алармот на власта за покренување на санкции за прекршувањето на правата на работниците. Иако владеачката СДСМ се правда и навидум „ги штити“ правата на работниците, сепак, праксата и реалноста покажуваат друго, ова денеска преку соопштение до јавноста го истакнуваат од ВМРО-ДПМНЕ ОК Штип. -Имено, Здружението Гласен Текстилец неколку пати посочува дека постојат дури 200 тужби на работници за нарушување на нивните права, во делот на исплатени плати и придонеси. Меѓутоа, овие предмети не се процесуирани, па недвосмислено се поставува прашањето дали за тоа е одговорен претседателот на судот, кој е прв братучед на претседателот на СДСм во Штип-Александар Кангалов? Дали раководството на СДСМ проблемот на работниците во Баргала гледа да го скрие „под тепих“, единствено затоа што е фамилијарна компанија на пратеникот од СДСМ - Сашко Николов? Ова се само дел од прашањата кои имаме да ги поставиме на оваа власт, но и на локалното раководство на оваа тиранска и тоталитарна партија, стои во партиското соопштение до јавноста.

ВМРО-ДПМНЕ ОК Штип: Бараме одговорност за односот на директорот на училиштето бидејќи правото на протест е основно човеково право загарантирано со устав

Дарко Андоновски — Thu, 05 Mar 2020 15:46:20 +0000

Запрепастени сме од настапот на директорот на средното училиште „Коле Нехтенин” кој со закани сака да го спречи најавениот протест на средношколците поради укинување на организираниот превоз и без трошка срам и вели дека е забрането малолетници да протестираат и ако протестираат ќе бидат казнени со 500 евра, ова денеска преку прес-конференција за јавноста го истакнаа од ВМРО-ДПМНЕ ОК Штип. Снимка од заканите на Директорот осамна ова утро на неколку интернет портали,а и ние би сакале да ја презентираме со цел сите граѓани да слушнат како локалните фунцкионери на СДС кои треба да ги учат учениците на принципи и вредности, им се закануваат бидејќи нивната партија носи погрешни одлуки на штета на младите. Бараме одговорност за ваквиот однос на Директорот на училиштето бидејќи правото на протест е основно човеково право, загарантирано со устав и никој нема право да го ускрати. Ги повикуваме и сите надлежни институции да реагираат на овие притисоци кон средношколците кои се спротивни на сите мегунарадни стандарди за изразување и мирен протест. Вака не треба да се постапува со иднината на нашата земја,но очигледно е дека локалните фунционери на СДС се во паника поради извесниот пораз кои им следи на 12 април,па не разликуваат партиски штаб од училиште, истакнуваат од ВМРО-ДПМНЕ ОК Штип. Тие додаваат дека со закани и притисоци нема ништо да постигнете, младите се авангарда и наскоро ќе се уверите во тоа. По 12 април доаѓа правда за сите,и ќе има одговорност!