вмро-дпмне ок тетово – Kurir.mk

ВМРО-ДПМНЕ ОК Тетово: Прифаќањето на бугарските барања е најголемото предавство во независна Македонија, дипломатски нокаут и македонска капитулација!

Тале Кристо — Thu, 21 Jul 2022 16:01:25 +0000

Македонија претрпела безброј понижувања низ историјата, нејзиниот народ претрпел многу неправди, ѕверства и јареми. За жал, и денес историјата се повторува. Денес, во 21 век, во две илјади дваесет и второ лето господово со изградена држава, кодифициран јазик, во Македонија повторно се најдoja силеџии кои што отвораат средновековни прашања и радосно и триумфалистички потпишуваат капитулација која ја слават, велат од ВМРО-ДПМНЕ ОК Тетово. Дали се срамите пратеничке од СДСМ Фаница Николовска ? Дали Македонија била попонижена некогаш во историјата? Прифаќањето на бугарските барања е најголемото предавство во независна Македонија! Дипломатски нокаут и македонска капитулација! Протоколот да точно,ја отвара вратата за ЕУ, но на Албанија, а ја подзатвара вратата на Македонија. Да бидам попрецизен, со протоколот кој што го потпиша Бујар Османи, сега Албанија ги почна преговорите за влез во Европската унија, но не и Македонија. Македонија за да ги започне преговорите потребно е да се промени Уставот, односно преамбулата, а со промената, Бугарите да станат државотворен народ. Па дури потоа, да отпочнат преговорите на Македонија со Европската Унија. Дека нема да биде сменет Уставот, говори бројноста и категоричната одлучност на пратеничката група на ВМРО-ДПМНЕ. Тоа се 44 пратеници, плус пратеници од опозицијата кои што исто така се противат и не ја прифаќаат идејата за промена на Уставот. Така што, во овој момент владата нема две третини потребно мнозинство на пратеници во Собранието, што значи дека предлог преговарачката рамка останува предлог преговарачка рамка неусвоена. Што доби Македонија со потпишувањето на Протоколот? Само сликање и овековечување на предавството кое што го направи владата на СДСМ и Димитар Ковачевски. Ова е предавство и замка за македонскиот народ, бидејќи Македонија е уценета од страна на источниот сосед! Но, нема да помине ниту еден ден, без да бидете опоменувани и потсетувани за направеното предавство! Одговорност за вакви предавства мора да има!, порачуваат од ВМРО-ДПМНЕ ОК Тетово.

ВМРО-ДПМНЕ ОК Тетово: Коалицијата предводена од СДСМ и ДУИ и градоначалничката Арифи заборавија на хероите кои се бореа за ослободувањето

Дарко Андоновски — Thu, 19 Nov 2020 12:09:51 +0000

Тетово денес одбележува седумдесeт и шест години од ослободувањето. Со уништувањето на окупаторските сили и нивните слуги кај Кичево, Гостивар и Тетово и со ослободувањето на овие градови беше завршена операцијата за ослободување на западна Македонија, а со тоа и наполно беше ослободена Македонија. Тетово даде три партизански одреди и двајца народни херои, Тодор Ципоски Мерџан и Ѓоце Стојчевски - Амбарче, чиишто херојски животи вечно ќе бидат втемелени во историјата на град Тетово, ова денеска преку реакција до јавноста го истакнаа од ВМРО-ДПМНЕ ОК Тетово. -Општина Тетово, односно коалицијата предводена од СДСМ и ДУИ на чело со градоначалничката Теута Арифи, очигледно не ги почитува народните херои што се бореа против фашистичките окупатори и затоа не ги враќа бистите на соодветно место, ниту пак некогаш е носител на ваквите празнувања, а гледаме дека денес, како и години наназад нема ниту свои претставници на чествувањето кои би оддале почит на жртвите што го дадоа својот живот за слободна Македонија. Денес, низ Тетово нема ниту едно државно знаме со кое би се симболизирало дека Тетово го чествува ослободувањето, иако сите знаеме дека за време на НОБ, загинале многу луѓе од различни етникуми токму од овој град, велат од партијата. Од ВМРО-ДПМНЕ ОК Тетово потенцираат дека, за жал, концептот едно општество за сите не ги победи стереотипите и поделбите се уште останаа и се продлабочуваат ! За жал, општество кое се води од еднаквоста, праведноста и правичноста остана само илузија ! Се надевам дека со промена на власта (најпрвин локалната) бистите на народните херои Мерџан и Амбарче ќе бидат поставени на соодветно место за да можеме достојно да им оддаваме почит и притоа прославата по повод овој значаен ден ќе се организира од Општината како законска и морална обврска. Нека ни е честит и вековит денешниот ден! Нека е вечно Тетово ! Нека ни е вечна Македонија!

ВМРО-ДПМНЕ ОК Тетово: Фаница Николоска од СДСМ си тераше кампања и ги злоупотреби пожарникарите во службена униформа, во службени простории

Дарко Андоновски — Thu, 09 Jul 2020 13:00:54 +0000

ВМРО-ДПМНЕ ОК Тетово преку статус на Фејсбук пишува дека граѓаните на Република Македонија секојдневно се сведоци на погубното владеење од СДСМ и нивните партнери. -Граѓаните на Република Македонија секојдневно се сведоци на погубното владеење од СДСМ и нивните партнери. Нивната безидејност, фрустрација и слаб одзив кај народот се рефлектираат и со незаконско водење на кампања, притисоци, предизборен поткуп но исто така и злоупотреба на државни институции за партиски цели.. Имено во изборниот законик во делот изборна кампања точно е наведен начинот на јавно собирање и јавни настани организирани од страна на организаторот на кампања, Особено би се задржале на делот предизборни собири. Во член 82 став 1 се вели - Предизборните собири не смеат да се одржуваат во воени објекти, верски објекти, болници, домови за стари лица, училишта, детски градинки и други јавни институции. Во истиот член став 4 продолжува и вели - за потребите на изборната кампања не е дозволено да се користат просториите, опремата или другиот имот што е наменет за работа на државните органи и органите на општината и градот Скопје. Член 187 предвидува Глоба во износ од 3.000 до 5.000 евра во денарска противвредност ќе се изрече на ќе се казни за прекршок политичка партија, коалиција, односно носител на независна листа од група избирачи, која: го организира собирот спротивно на членовите 81 и 82 од овој законик. Исто така Член 188 предвидува Глоба во износ од 300 до 800 евра во денарска противвредност за прекршок ќе се изрече на одговорното лице на надлежниот државен орган, верска заедница или јавна институција која на организаторот на изборната кампања ќе му дозволи организирање на предизборни собири спротивно на членот 82 од овој законик. Вчера Фаница Николоска од СДСМ си тераше кампања во Тетово, и ги злоупотреби пожарникарите во службена униформа, во службени простории. За жал ова е второ прекршување на изборниот законик за кој се предвидени и казни. Па бидејќи Г-ѓа Николоска е правник, тетовци бараат одговор на следниве прашања. Дали територијалната противпожарна единица во Тетово е јавна институција или не? Дали противпожарната служба е под капата на Општина Тетово или не? Дали Николоска од СДСМ агитираше да гласаат за неа или пак само лажно вети дека ќе им помогне на пожарникарите околу неисплатените додатоци за плати за кој веќе имаат и пресуди? Исто така македонската јавност сака да знае Дали Фаница Николоска води државна институција или партиска кампања? Во кое својство Фаница Николоска имаше средба со Дамјан Манчевски во Министерство за информатичко општество и администрација во Скопје? Дали на таа средба се дадени списоци од вработени во државната администрација каде треба да се изврши влијание и да се добие глас плус за СДСМ, односно глас минус за ВМРО-ДПМНЕ? Почитувани сограѓани, времето на притисоци, закани, уцени помина, иако СДСМ вети правда, таа донесе економски пустош, мито, корупциија и сиромаштија. На 15 Јули, ветуваме дека заедно ќе ја победиме оваа ненародна власт, на 15 Јули гласајте за ВМРО-ДПМНЕ, гласајте за број 14, гласајте за реални и конкретни проекти, гласајте за Обнова на Македонија, стои во нивниот пост на Фејсбук.

Граѓаните на Република Македонија секојдневно се сведоци на погубното владеење од СДСМ и нивните партнери. Нивната... Posted by ВМРО-ДПМНЕ ОК Тетово on Thursday, July 9, 2020

ВМРО-ДПМНЕ ОК Тетово: Дали улицата Гоце Делчев во Тетово не се реконструира поради името?

Катерина Бојаџиева — Thu, 07 Nov 2019 18:39:44 +0000

Дали улицата Гоце Делчев во Тетово не се реконструира поради името?, прашуваат општинскиот комитет на ВМРО-ДПМНЕ Тетово. -Општинскиот комитет на ВМРО-ДПМНЕ Тетово многупати досега реагираше за непревземањето мерки од страна на градоначалничката на општина Тетово Теута Арифи за реконструкција на улицата Гоце Делчев. И денес, повторно сме сведоци на уште едно континуирано арогантно и инфериорно однесување на локалната власт предводена од СДС и ДУИ, која нема воопшто интерес за реконструкција на ул. "Гоце Делчев", иако истото беше едно од многубројните предизборни ветувања. Истото беше и остана само празно ветување, остана само лажна надеж за граѓаните, за кое што ветување се нема ниту желба, а ниту волја да се реализира, велат од ВМРО-ДПМНЕ ОК Тетово и додаваат: „Почитувана градоначалничке, Ве прашуваат Вашите граѓани: Дали Ви смета името на улицата "Гоце Делчев", па затоа одбивата да ја реконструирате? Дали е проблем тоа што во овој дел на градот на ул."Гоце Делчев" живее мнозинско македонско население? Покажете дека сте мајка на град Тетово, покажете дека имате ист однос и грижа кон сите граѓани и превземете мерки за достоинствен живот на сите граѓани на Тетово без оглед на етничка и верска припадност. Граѓаните кои живеат на ул. „Гоце Делчев“ се соочуваат со проблеми кои што не се разбирливи за во 21-ви век. Почитувана градоначалничке, разбирате ли дека овие граѓани немаат нормално движење, немаат можност да си ги извршат своите секојдневни обврски поради состојбата во која се наоѓа улицата "Гоце Делчев". Голем број дупки, отворени шахти и разместени бехатон плочки кои го отежнуваат нормалното функционирање! Дождовите почнаа, но нема ниту санирање на ударните дупки, а не пак реконструкција. Ве повикуваме, веднаш на ул."Гоце Делчев" да превземете соодветни мерки за санирање на ударните дупки, чистење и санирање на каналот за атмосферска вода, изработка на нови и поголеми таложници и спречување на поплавување на домовите со фекалии. Не ја предизвикувајте трпеливоста на овие обесправени граѓани за преземање на порадикални мерки за искажување на револтот кои со години тлее!“.

Претседателот на ВМРО-ДПМНЕ ОК Тетово со своја изјава за посетата на членот на раководството на СДСМ Аднан Џафероски

Дарко Андоновски — Sat, 17 Aug 2019 12:21:48 +0000

Претстедателот на општинскиот комитет на ВМРО ДПМНЕ од Тетово Ангел Карапетров на прес конференцијата ја коментираше посетата на Аднан Џафероски, член на раководството на СДСМ. -Пред некој ден во посета на Тетово беше членот на ЦО на СДСМ Аднан Џафероски, човек кој целата македонска јавност го памети по тоа што на социјалните мрежи ширеше говор на омраза и посакуваше смрт на сите оние кои не ги делат неговите политички ставови. Само да Ве потсетиме на еден негов ФБ статус кога истиот напиша, Ви цитирам: „Па дај умрете веќе еднаш…само ако умрете оваа сирота земја ќе може да преживее“. Навистина, многу неодговорно и непрофесионално изгледа кога првиот човек на Дирекцијата за заштита и спасување кој има за задача да заштитува и спасува човечки животи, истиот притоа да посакува и нечија смрт. Па се прашуваме, дали безбедноста и сигурноста на нашите граѓани може да се довери во рацете на оваа власт, истакна Ангел Карапетров Тој се осврна и на политиките на СДСМ. -Изминува третата загубена година отткако е на власт оваа неспособна елитистичка и корумпирана коалиција на СДСМ и ДУИ и на централно и на локално ниво, а тие дури сега се сетија дека во оваа држава има граѓани кои имаат свои потреби и барања. Оваа владејачка гарнитура ветуваше “ЖИВОТ” во Македонија и даде безброј ветувања. Доколку ги заборавиле, ќе ги потсетиме. Ветуваа: Враќање на иселените, 500 евра месечна просечна плата, 100 000 денари плата на лекарите, поголеми пензии, бесплатно болничко лекување, странски инвестиции, нови вработувања, реконструирани патишта, нови булевари, катни гаражи, почист град, среден сообраќаен хаос, слободни пешачки премини и тротоари, спортски сали . Меѓутоа, се што вети оваа “ЌЕ ВЛАДА“ излажа. Единствено во што успеаа оваа е обезличувањето и понижувањето на македонскиот народ и држава. Ги гледаме како се собрале во едно од маалата во градот Тетовчанка, луѓе за кои дошол ЖИВОТ и вработување, но тоа е само најтесните раководства на СДСМ и нивните потесни семејства, додека останатите граѓани преживуваат и мака мачат да истераат крај со крај со мизерните плати и безработицата. Почитувани, Тетово се иселува, се иселуваат цели семејства како никогаш до сега на што сме сведоци секојдневно, а и тие што не заминале бараат начин како да заминат. Тоа е за жал, наши сограѓани, суровата реалност денес во која живееме.Затоа, оваа неспособна Влада на која приоритет и се партиските и личните интереси мора час поскоро да си замине., ги повикуваме сите граѓани да ни се придружат во оваа наша заедничка борба, за да ја вратиме државата на вистинскиот пат и ја вратиме изгубената надеж во секој наш дом. Народот и ВМРО-ДПМНЕ ќе победат убедливо на предвремените избори. И да одговорност, мора да има. Никаков компромис со никој кој се огрешил спрема законот, кој злоупотребил народни пари без разлика кој и да е. Октоподот е во слободен пад, доаѓа обнова на Македонија, рече Ангел Карапетров.