вмро-дпмне ок велес – Kurir.mk

Палашев: ВМРО-ДПМНЕ ветува нови индустриски зони и отворање на нови работни места во Велес

Дарко Андоновски — Wed, 13 Oct 2021 14:57:21 +0000

Само со силен и брз економски развој, ќе се развива и Велес . ВМРО-ДПМНЕ покажа во минатото како се работи кога се во прашање инвестициите и отворањето на нови работни места. Па така денес во индустриската зона Караслари работат повеќе од 700 наши сограѓани, а таа бројка дополнително се зголемува како што се зголемува и развојот на оваа индустриска зона, ова денеска преку изјава за медиумит го истакна Дејан Палашев од ВМРО-ДПМНЕ ОК Велес. -ВМРО-ДПМНЕ ја отвори и индустриската зона Мамутчево каде речиси сите парцели веќе се продадени и компаниите треба да отпочнат сo градба на објекти, каде ќе се вработуваат наши сограѓани. Но за жал, досега не е започната ниту една компанија да гради ниту да работи во оваа зона. А виновници за тоа се СДСМ и Ненад Коциќ затоа што во изминатите 4 години, Општина Велес не инвестираше ништо со што сопствениците на плацовите би можеле да отпочнат со градење. Тој и Аце Коцевски не успеаа за 4 години да ја изградат ниту основната инфраструктура, патна и комунална, за да може процесите да започнат, да почнат да се градат објекти и фабрики се со цел, да може нашите сограѓани да почнат да се вработуваат во истите. Ние навистина не знаеме како планираат да дојдат до бројка од 0% невработеност кога немаат ниту еден метар цевка или асфалт поставено за 4 години во веќе постоечка индустриска зона. Место кое има огромен потенцијал за развој. Ненад Коциќ и СДСМ најавуваат 0% проценти невработеност исто како што на времето ветуваа по еден вработен од секое семејство, и за жал, тоа никогаш не се оствари. За велешани останаа само празни ветувања, вели Палашев. Тој додава дека но затоа сме сигурни дека, по доаѓањето на Марко Колев и ВМРО-ДПМНЕ, како приоритетен проект, се обврзуваме веднаш да се изгради основната инфраструктура во постоечката индустриска зона Мамутчево и отварање на нова индустриска зона Мамутчево 2 каде ќе можат да дојдат нови инвестиции кои ќе отворат нови работни места. -Работите не се решаваат со убави зборови и паушални ветувања. Не треба само да ветите 0% невработеност туку треба да знаете како ќе го направите тоа, за да имате лице после 4 години да застанете повторно пред граѓаните. Ние ветуваме дека со напорна работа ќе отвориме што е можно повеќе работни места и ќе донесеме многу повеќе инвестиции. Една од тие работи е и отварањето на индустриската зона Мамутчево 2. Ова во минатото се покажа како одлична стратегија, затоа и ќе дадеме силни заложби за инвестирање во овие сегменти. Затоа во Недела на 17ти, вашиот глас за Марко Колев и советничката листа на ВМРО-ДПМНЕ и коалицијата предводена од Зоран Љутков, е глас за нови инвестиции и нови работни места во Велес. Драги сограѓани, Велес ќе биде поубаво место за живеење, истакна Палашев.

Димески: Ненад Коциќ и СДСМ ги излажаа велешани за гасификација на градот

Дарко Андоновски — Mon, 11 Oct 2021 16:08:06 +0000

Ненад Коциќ и СДСМ ги излажаа велешани за гасификација на градот. Ненад Коциќ како носител на советничката листа на СДСМ на претходните избори, им ветија на граѓаните на Велес дека ќе биде спроведен гас до нивните домови а на компаниите до нивните фабрики во индустриските зони, ова денеска преку прес-конференција го истакна Драган Димески, кандидат за советник во Велес од редовите на ВМРО-ДПМНЕ. -Па затоа сакаме да ги запрашаме господата од власта до каде е гасификацијата на Велес? За волја на вистината, Ненад Коциќ лажеше и ветуваше се и сешто, се со цел да дојде до функција до која ќе може да задоволува само партиски интереси. А од гасификацијата на Велес нема ни траг! Нема ниту едно метро цевки поставено! Господине Коциќ зошто ги лажевте велешани, зошто не бевте искрени со нив и реално да им ја кажете вистината дека не сте способни да го гасифицирате Велес?! Треба да испаднете пред граѓаните на Велес и да им се извините за сите лаги што ги кажавте во претходната кампања! Да побарате извинување што залудно трошевте народни пари за директор кој ништо не работеше а земаше екстремно висока плата. Потрошивте над 1.2 милиони денари за некакви трошоци и за плата на еден човек, додека народот се обидува да врзе крај со крај. Цели две години трошење на народни пари за директорска плата а на виделина ништо! Како не ви е срам да испаднете пред граѓаните и да нудите нова програма, нови проекти а немате реализирано ниту еден капитален проект од претходните ветувања, во претходната кампања, каде вие бевте носител, вели Димески. Тој додава дека ова се лагите на Коциќ и СДСМ кои се повторуваат секогаш кога итаат по функции. Тие се неспособни да раководат со општината и институциите. Освен лаги и манипулации на народот на виделина нема ништо друго. -Затоа народот ќе ги казни на 17 со огромна разлика. Народот гледа и препознава реална програма со реални проекти. ВМРО-ДПМНЕ и коалицијата не ветуваат нешто што не може да се реализира. Врз тој принцип беше направена и програмата за претстојните локални избори составена од 213 проекти. Проекти кои се произлезени директно од секојдневните разговори со граѓаните. Тие го препознаваат тој искрен пристап и затоа на денот на изборите, мудро ќе одлучат и ќе ги казнат погубните политики на Ненад Коциќ и СДСМ и ќе гласаат за редниот број 7. За Марко Колев за градоначалник и Зоран љутков како носител на советничката листа на ВМРО-ДПМНЕ и коалицијата, вели Димески.

ВМРО-ДПМНЕ ОК Велес: Ненад Коциќ и СДСМ молчат за злоупотребата на медицинскиот персонал од Инфективното одделение за партиски цели среде изборна кампања

Тале Кристо — Thu, 07 Oct 2021 16:18:35 +0000

Ненад Коциќ и СДСМ, 24 часа молчат по злоупотребата на медицинскиот персонал од Инфективното одделение во текот на нивното работно време, реагираат преку денешната прес конференција од ВМРО-ДПМНЕ ОК Велес. Во продолжение интегрален текст и видео од прес-конференцијата на на Кирил Лазов – кандидат за советник од редовите на ВМРО-ДПМНЕ: СДСМ и Коциќ не најдоа оправдување после реакцијата на ВМРО-ДПМНЕ за крајно неморалниот партиски настан каде во текот на работното време го извадија целиот персонал на болницата за да се слика со Коциќ за партиски цели сред изборна кампања. За ова некој мора да понесе одговорност! На фотографиите кои ги сподели Коциќ се гледа дека додека докторите се сликаат пациенти чекаат пред влезот на инфективното одделение, а многу веројатно е дека пациентите кои се сместени во болницата се оставени сами на себе додека докторите и медицинскиот персонал мораат да се сликаат со кандидатот на градоначалник на СДСМ за Велес. Ниту директорот на болницата Бојаџиев не одговори на прашањата кои му ги поставивме. Дали можеби тој дал насока на медицинскиот персонал да ги напуштат работните места и да се сликаат со Коциќ? Ако не е така дали ќе покрене постапка за да се открие кој дал наредба за вработените да ги напуштат работните места и истиот да биде санкциониран? Има ли некој воопшто со пациентите во болницата додека тие присуствуваат на партискиот настан на СДСМ? Ете за тоа почитувани граѓани сме земја со најголема смртност, затоа што додека луѓе во болницата се борат за живот, докторите некој ги пратил на партиска промоција на кандидат за градоначалник. За ваквата ситуација треба најмногу да е свесен самиот Ненад Коциќ како здравствен работник и треба да ја призне грешката да им се извини на граѓаните за неодговорното однесување, и да побара одговорност од надлежните во болницата. Почитувани, Правниот тим на ВМРО-ДПМНЕ ќе ги извести сите надлежни институции OSCE, ODIHR, ДИК, Антикорупциската комисија и јавното обвинителство. Ние како политичка партија сме згрозени од ваквиот чин и нема да премолчиме за скандалозната и неморална постапка на функционерите на СДСМ. За ова некој ќе одговара!, порача Лазов.

Трајкова: Поминаа точно две години од работењето на градоначалникот Аце Коцевски, а граѓаните се уште немаат видено конкретни резултати од ветувањата за живот

Дарко Андоновски — Wed, 23 Oct 2019 12:59:22 +0000

Поминаа точно две години од работењето на локалната власт предводена од градоначалникот Аце Коцевски, а граѓаните се уште немаат видено конкретни резултати од ветувањата за живот, ова денеска преку изјава за медиумите го истакна Наде Трајкова од ВМРО-ДПМНЕ ОК Велес. -Велес постепено од ден на ден се претвора во слепо црево на државата. Градот како никогаш до сега е преполн со нечистотија, ѓубре, дупки по улиците, раскопани улици, и како никогаш досега се подлабоко и подлабоко тоне како резултат на безидејноста и неработењето на локалната власт и градоначалникот Аце Коцевски. Почитувани сограѓани наместо на истекот од половината од мандатот на Коцевски да зборуваме за реализирани проекти, за остварени резултати , за прогрес на градот, гледаме само назадување и неработење. Каде е се она што го ветивте пред две години, господине градоначалник кога оптимистички најавувавте живот и едно општество? До каде се проектите од програмата кои се обврзавте дека ќе ги реализирате? Нема никаква најава ниту за почеток на изградба на пливачкиот базен во дворот на основното училиште Васил Главинов, - ниту на катната гаража во центарот на градот? - Ветувавте градски паркинзи над железничките пруги, а за две години немате изградено ниту еден паркинг и веќе нефункционалното јавно претпријатие за паркинзи го згаснувате и барате начин да го спасите, да го споите кон уште едно претпријатие Парк спорт! - Зошто не се гради ново основно училиште во населба Тунел што го ветувавте, туку наспроти тоа затвара те и спојувате постоечки училишта, а учениците се возат со јавниот превоз изложени на безброј ризици? - Зошто не се гради атмосферска канализација за прифаќање на водите што се слеваат на улица Благој Ѓорев? - Не се градат ниту колекторски системи и пречистителни станици за фекалните води што ги ветувате. - Каде е трговско-деловниот центар Градски Пазар и трговско деловниот објект Градски саат од вашата програма? - Зошто не се гради заобиколен пат од Башино село до Превалец како што ветувавте? - Ветувавте продолжување на кејот на Вардар, а за две години не изградивте ниту милиметар, потенцира Трајкова. Таа додава дека Аце Коцевски, ветуваше на Велешани дека ќе ја намали цената на водата за пиење и ќе се намалат сметките кои ги плаќаат нашите сограѓани на комуналното претпријатие Дервен. Наместо тоа во овие две години воведовте две нови давачки на тотално нетранспарентен начин и без јавна расправа -На сметките на Дервен се воведоа надоместок за јавно зеленило и надоместок за одржување на јавна чистота, и ја покачивте цената на водата за пиење. Почитувани сограѓани зарем половина мандат не е доволен период за да видиме дел од ветените проекти на Аце Коцевски изработени или барем започнати во нивната изработка. Господине Коцевски не можеме да видиме ниту почетоци на изградбата на пешачкиот надвозник од младинскиот парк до спортската сала ГЕМИЏИИ. Да не зборуваме пак за проектите од вашиот план за Живот во Велес за кои како рокови за изградба се ставени 2020та и 2021 та година. Зборувавте и ветувате сериозни проекти за нашата општина, проекти за чија реализација е потребна огромна подготовка која во изминативе две години не се ни забележува. Наместо проекти и современа општина каква што ветувавте, граѓаните на Велес секојдневно се соочуваат со проблемите на своите улици, проблемот со кучињата скитници, загадениот воздух, повисоките цени на услугите кои добиваат а со намален квалитет. Toa се работите кои ги одбележуваат вашите две години во водењето на Општина Велес, не оние измислени 680 градежни зафати кои никаде ги нема. Градот се гуши господине Коцевски, а Вие сте зафатен со приватни обврски, спортот го уништивте а културата ја заборавивте. Згаснаа скоро сите културни манифестации кои беа обележје на градот. Велешани, господине Коцевски се мудар народ, и ја препознаа вашата неспособност во водењето на општината, ја препознаа вашата ироничност во решавањето на секојдневните проблеми и вашата смисла за културното издигнување и настаните од културно забавен карактер во Велес. Нереализираните проекти и неработењето на институциите брзо се шират помеѓу ушите на јавноста. За сите овие работи Вие и вашиот тим ќе треба да одговорите пред граѓаните, да застанете на улиците помеѓу Велешани и да ги погледнете во очи. Две години градоначалник Аце Коцевски - две изгубени години за Велес. Господине Коцевски, граѓаните немаат повеќе време за губење. Граѓаните не бараат само измислени отчети туку и конкретни проекти, а и одговорност од Вас, рече Трајкова.

ВМРО-ДПМНЕ ОК Велес: Хаосот во ПОУ „Маца Овчарова“ трае со години

Дарко Андоновски — Fri, 27 Sep 2019 14:41:05 +0000

Веќе трета учебна година во Посебното основно училиште со ученички дом „Маца Овчарова“ од нашиот град, раководи директорката Лена Гаданец. Со доаѓањето на оваа функција по трет пат во 2017 г, односот во раководењето со училиштето и вработените е непрофесионално и арогантно и пред се нестручно - реагираат вработените и родителите на дечињата кои го посетуваат училиштето, ова денеска преку соопштение го истакнуваат од ВМРО-ДПМНЕ ОК Велес. -Во училиште во кое секој специјален едукатори - дефектолог треба да работи со позитивна енергија, смирен, релаксиран, за да се препушти во работата со децата со ментален хендикеп, се случува токму спротивното. После дневна доза на притисок од страна на директорот, колективно или поединечно во нејзината канцеларија, со нарушена емоционална состојба, наставниците треба да реализираат настава. Како државно основно училиште за кое е надлежен министерот за образование и наука, прашуваме: ● Дали директорката Лена Гаданец е дефицитарен кадар со неполни 67 години сеуште да раководи со училиштето. Имено според член 5 од Законот за измени и дополнувања на Законот за работни односи, и член 104 од Законот за работни односи, во кој се утврдени условите за продолжување на работниот однос по исполнување на условите за пензионирање, се утврдува дека за лица од женски род, рокот на продолжување може да биде до навршување на 65 години старост, односно за мажи до 67 години. Таа во месец март наполни 66 години… ● Од кои причини и дали министерот и ги потпишува изјавите за продолжување на работење на директорката Лена Гаданец и по многуте претставки и реакции како од родителите, така и од вработените; ● Дали е запознато Министерството за образование и наука, дека за време на претседателската кампања, училишното комбе директорката дозволи да се користи за партиски потреби, а личен превоз секогаш кога има потреба, наместо да го користат учениците за кое МОН наменски го има купено. За истата злоупотреба ние реагиравме како партија, но никој не понесе одговорност. ● Кој и дозволи на директорката Лена Гаданец да ја користи училишната кујна за подготвување на оброци за друго локално училиште; дали училиштето има регистрирано посебна фирма за давање на услуги; на кој начин ја набавувала храната; на која сметка се стасани парите од услугата за исхрана и дали и како и платила данок на државата за учебната 2018/2019год; ● Зошто Државниот просветен инспекторат ги премолчува неправилностите во раководењето на директорката Лена Гаданец, и покрај неколкуте претставки поднесени за неправилното работење. ● Се повикува ДПИ да утврди дали директорот се става над Законот за основно образование и прима деца во продолжен престој во предметна настава за која нема согласност. ● Исто така, Лена Гаданец зема менторски додаток, со што директно го прекршува член 85 став 7 од Законот за основно образование каде што децидно е наведено дека директор не смее да биде ментор на приправник додека ја обавува директорската функција. Повикуваме, сите надлежни институции по допрен глас да ги испитаат сите овие неправилности во Посебното основно училиште со ученички дом „Маца Овчарова“ од Велес, а Министерството за образование и наука да изнајде решение за хаосот предизвикан од директорката Лена Гаданец. Почитувани, ако ова е животот што го ветуваа, ако овие „млади” 67-годишни кадри продолжат да ни го диктираат функционирањето на општеството не ни се пишува добро, потенцираат од ВМРО-ДПМНЕ ОК Велес.

ВМРО-ДПМНЕ ОК Велес: Сведоци сме на нови партиски вработувања во Велес иако градоначалникот го ветуваше спротивното

Дарко Андоновски — Tue, 17 Sep 2019 15:19:07 +0000

Како советничка група на општествено одговорна партија како што е ВМРО-ДПМНЕ и нејзините коалициони партнери, сакаме јавно да ги запознаеме граѓаните на Општина Велес за тоа што се случува со „домаќинското” работење на Општина Велес на чело СО градоначалникот Коцевски и неговите соработници и кадри, ова денеска преку прес-конференција го потенцираа од ВМРО-ДПМНЕ ОК Велес. -Имено на вчерашната, 40-та седница на Советот на Општина Велес, советничкото мнозинство предводено од СДСМ донесе ПРЕДЛОГ ГОДИШЕН ПЛАН ЗА ВРАБОТУВАЊЕ во ЈКП Дервен. Да ве потсетам, почитувани сограѓани, господинот Коцевски пред две години ни велеше дека има превработеност во јавните претпријатија и општинската администрација, за сега да бидеме сведоци на еден ваков план кој предвидува рекордни 142 нови работни места, од кои 42 се референти и шефови. Повторно ќе бидеме сведоци на нови партиски вработувања сега во ЈКП Дервен, кое веќе две години работи со енормна загуба. Господинот Коцевски заедно со директорот на ЈКП Дервен, Душко Ќумбев, повторно планираат нови вработувања а со тоа и проширување на мрежата на партизирана администрација, потенцираат од ВМРО-ДПМНЕ ОК Велес. Од партијата истакнуваат дека В.Д Директорот на ЈКП Дервен, кој не беше избран поради неисполнување на условите за директор, би морал да им одговори на велешани зошто имавте прекин на договорите и отпуштања од работа на околу 40 вработени кои не беа политички истомисленици со вас, за сега да планирате нови 142 работни места. Одговор господине директоре ќе морате да дадете и за недомаќинското работење кое резултира со огромна загуба за време на вашето директорување. -Почитувани сограѓани, вакво е работењето на СДСМ и Аце Коцевски во нашиот град и јавните претпријатија. Ова е се само не е домаќинско работење кое го ветуваа и за кое тврдеа дека ќе го донесат додека гордо мафтаа презентирајќи ја програмата за живот. нКако последица на тоа логично би било да очекуваме ново поскапување на цените на водата и јавните давачки за да може да ги задоволат апетитите на партиската војска на СДСМ. Со овој план и динамика на нови вработувања, прашање е кога тие вработени ќе престанат да земаат плата поради побарувањата кон ЈКП ДЕРВЕН, и дали се уште сметаат дека се оправдани покачувањата на хонорарите на членовите на УО во време на задолжувања, додаваат тие.

Здравковски: Две години поминаа откако СДСМ и ДУИ ја превземаа локалната и централната власт, а овој пустош не го заобиколи ниту Велес

Дарко Андоновски — Wed, 15 May 2019 12:45:12 +0000

Две години поминаа откако СДСМ и ДУИ ја превземаа локалната и централната власт во речиси цела држава, и овој бран на неработење и пустош не го избегна и Велес како еден од градовите кои дадоа многу, но и најмногу изгубија од погубните политики на овие деспоти, ова денеска на прес-конференција го истакна Игор Здравковски, Претседател на ОК на ВМРО-ДПМНЕ Велес. -Две години откако на чело на локалната власт е господинот Коцевски, и две години напразно очекување да отпочнат со реализација некои од неговите ветени проекти во изборната програма. Ветувањата и проектите останаа заборавени во неговата изборна програма, а секое негово излегување во јавност е само низа изговори, оправдувања, барање виновници низ минатото и нови шарени лаги. Ветивте затворен градски базен, а го затворивте и отворениот. Единственото место кое за и онака нискиот стандард на Велешани беше достапно за разладување во летниот период. Пред точно една година, во април 2018 година на прес конференција од општинската администрација беше објавено дека таа сезона базенот нема да работи бидејќи е ризичен, и ги замоливте граѓаните да бидат трпеливи, дека ќе биде најдено решение. И тие беа трпеливи Коцевски, но една година подоцна, поточно 02/2019 год. излеговте и најавивте дека не само што ќе биде ставен во употреба градскиот базен, ами и дека до него ќе се гради нов затворен базен. Сега е веќе средина на мај, а градскиот базен нема ниту градежни зафати, ниту некој се движи таму, и повторно ќе побарате од граѓаните да бидат трпеливи. Велешани господине Коцевски немаат веќе трпение за вашите празни ветувања и шарени лаги. Доста им е од ветувања кои се само предизборен трик, ве прочитаа и никогаш повеќе нема да ја вратите довербата, а тоа јасно ви го кажаа и на последните избори на кои бевте катастрофално поразени со речиси 3.000 гласови разлика и пад од цели 6.500 гласови за две години, а за тој резултат сте виновни единствено Вие - челниците на градот поставени од владејачката гарнитура, потенцира Здравковски. Тој додава дека вие знаете, но знаат и граѓаните дека формиравте две нови јавни претпријатија за паркинзи и за гасификација, претпријатија кои по една година постоење немаат ниту своја годишна програма за работа ниту некаков проект, а не па приход кој ќе влегува во општинската каса, претпријатија кои служат само да се вдоми по некој партиски кадар и да зема плата. -Постоечките јавни претпријатија кои никогаш не работеле со загуба сега прикажуваат и тоа континуирано зголемена загуба, Јавното комунално претпријатие „Дервен“ и Јавното претпријатие за стопанисување со спортски објекти „Спорт Парк“ – работат со загуби, а неумеењето да се менаџира и да се постават вистински професионалци доведе само до чести менувања на раководните лица, од кои дел сами си поднесуваат оставки, и сето тоа уште повеќе ги хаотизира работите, а претпријатијата тонат, па сега поради лошите резултати, дополнително се дрзнувате да ги прераспоредувате работниците на други работни места, единствено затоа што тие не се ваши истомисленици и не ги поддржуваат погубните политики. Нема ниту катни гаражи, нема паркинг простор, нема трговски деловен центар, градски пазар, нема атмосферска канализација која ви беше предвидена во изборната програма и досега требаше да биде реализирана, но се уште има тука азбести цевки - а ветивте град без азбест - нема ништо од она што го ветувавте - доста е Коцевски. Велешани видоа доволно за овој период, ама не го видоа она што вие го ветивте – гледаат само смет, ископани улици со дупки кои ниту не се санираат, ниту имате намера да ги поправите, гледаат депонии кои горат со месеци, загаден воздух кој ги уништува, ги гледаат зголемените давачки по неколку основи на сметката на секој граѓанин, ја гледаат поскапата вода и што уште треба да видиме?! Вие Вашето си го кажавте Коцевски, а граѓаните едвај чекаат да си го кажат своето на следните избори. Колку побрзо сфатите дека проблемот е во вас, а не во народот, толку подобро ќе биде за и градот и за граѓаните. Коцевски до крајот на вашата политичка кариера остануваат уште две години. Време е да почнете да работите нешто, за како - така достоинствено да заминете во историјата, рече Здравсковски.

ВМРО-ДПМНЕ ОК Велес: Да го заокружиме бројот 2 и да зададеме уште поголем удар, бидејќи тоа и е потребно на нашата татковина

Дарко Андоновски — Thu, 02 May 2019 14:07:35 +0000

Најнапред сакам да Ви ги честитам велигденските и првомајските празници со искрени желби за подобар и подостоинствен живот. Во недела Македонија ќе одлучи дали сакаме да бидеме тоа што сме Македонци, дали сакаме да живееме во државата во која сме раснеле и државата во која ја гледаме нашата иднина или пак сакаме да живееме во обезличена, поделена, ново создадена творба која се темели на законот на силата, уцените и заканите, ова денеска преку прес-конференција го истакна Игор Здравковски, претседател на ОК на ВМРО-ДПМНЕ Велес. -Сосем блиску сме до враќањето на достоинството. Сосем блиску сме до будењето на македонскиот народ. Сосем блиску сме до патеките по кои одеа нашите предци.Верувам дека вашата одлука е веќе донесена, одлуката во првиот круг во Општина Велес покажа сама по себе дека ние си ја сакаме нашата држава. Партијата на власт во овој период помеѓу двата круга води кампања која се базира на заплашувања и уцени. Ве заплашуваат со нешто што поминало без притоа да имаат доблест да се извинат за нивните штетни одлуки без да го оправдаат нивното неработење и одење напред кон амбисот без да кажат за секојдневните неправди, криминали и непотизам. Ве плашат со минато време за кое еднаш народот го казни ВМРО-ДПМНЕ со губењето на локалната власт. Но за волја на вистината ниту еден клинец од тогаш не е закован и ниту една инвестиција не е отворена. Овие две години ги гледаме како се уште глумат опозиција за се наоѓаат виновници во минатото и ги гледаме секојдневно како се задолжуваат, во очи ве лажат. Ги гледаме дека освен со розови наочари поинаку не знаат. Не умеат од својата ароганција да го видат пустошот што го прават. Не умеат да ги видат стотиците затворени дуќани во градот. Не умеат да го согледаат намалувањето на бројот на учениците од образовните институции поради масовното иселување, потенцира Здравковски. Тој додава дека токму затоа во недела на 5-ти мај ден Ѓурѓовден тие ќе си го ожнеат тоа што си го посеале. На 5-ти мај ќе им ги симнеме розевите очила. -На 5-ти мај сите заедно ќе им кажеме на народот му фали правда и правдина. Ќе кажеме дека не е доволно само да си ја свиткаме кичмата пред соседите и да лажеме дека така ќе влеземе во ЕУ. За да не примат во ЕУ треба работа, посветеност, искреност и реформи. Првата реформа ќе биде назначувањето на искрен и достоинствен кандидат за претседател на Република Македонија, претседател кој ќе се бори за право и правда за својата држава, а не што ќе се заканува на нејзините граѓани. Ве повикувам масовно да и дадеме поддршка на професорката Гордана Сиљановска Давкова, да го заокружиме бројот 2 и да зададеме уште поголем удар од оној од пред две недели бидејќи тоа е потребно на нашата татковина, истакнува Здравковски.