вмро-дпмне прилеп – Kurir.mk

„Ковачевски дојде во Прилеп, а повторно ги избегна тутунарите на кои не им се исплатени субвенции“

Ивана Ефремовски — Sat, 14 May 2022 12:27:24 +0000

Денес во посета на прилепската болница дојде Димитар Ковачевски, по повод пуштање во употреба на апарат и оддел за магнетна резонанца. Колку за потсетување, во време на владеењето на ВМРО-ДПМНЕ, крупните инвестиции во здравството беа секојдневие. Сега, дури после 5 години власт на СДСМ, конечно ние прилепчани, дочекавме некаква инвестиција во прилепската болница, во истата болница каде за време на грејната сезона немаше затоплување, реагираат од ВМРО-ДПМНЕ Прилеп. Во продолжение интегрален текст од нивната прес-конференција: Во болницата каде мамографот подолг период не е во функција и апартите не се одржуваат, во болницата во која долгот е сериозно зголемен од кога ја менаџираат кадри на СДСМ. Како не му е срам на премиерот Ковачески да доаѓа во болницата во која имаше најмногу смртни случаи за враме на Ковид – пандемијата! Прашуваме, зошто Ковачевски, повторно ги избегна тутунарите, на кои се уште не им се исплатени субвенциите? Ги праша ли воопшто некој од владата овие луѓе како набавуваат репроматеријали и нафта, како преживуваат и како врзуваат крај со крај? Дали е целта уништување на тутунопроизводството, се со цел задоволување на фамилијата т.е. мафијата да го користи регионот за производство на марихуана? Какви мерки презема Ковачески за безбедносната состојба во Прилеп кој се повеќе наликува на нарко мафијашки град во кој секојдневно има тепачки, пукање со огнени оружја во угостителски објекти, запалени автомобили, тешки кражби и убиства? Дали ваквата состојба се должи на поддршката на сторителите на криминал од страна на истакнати функционери на СДСМ во Прилеп? Дали ќе преземе нешто против сериозните скандали за вмешаност во криминал на високи полициски службеници? За жал неспособноста на Ковачевски и владата предводена од СДС најмногу ја чувствуваат граѓаните на свој грб. Во овие 100 дена старо-нова влада предводена од Ковачевски, како продолжена рака на деструктивните политики на Зоран Заев, нема ништо друго освен растечка сиромаштија, високи цени на основни прехранбени продукти, зголемени сметки и давачки, национално понижување, тргување со националните интереси. Почитувани, на Македонија и' се потребни предвремени избори час поскоро, бидејќи тоа е единствениот начин за спас од неспособноста на СДСМ и Ковачевски. Избори, за да се стави крај на недомаќинското работење, нерационалното трошење пари, огромното задолжување, крај на бедата и сиромаштијата кои ги имаат зафатено граѓаните.

Соколоски: Во три години на власт СДСМ не отвори ниту една нова инвестиција и ниту едно ново работно место во Прилеп

Ивана Ефремовски — Wed, 27 May 2020 12:29:37 +0000

Во три години на власт СДСМ не отвори ниту една нова инвестиција и ниту едно ново работно место во Прилеп. За кандидатот за пратеник од СДСМ, Миле Талевски, пред 8 години ова беше празна ливада, каде немало да никне ниту една фабрика и немало да се отвори ниту едно работно место, реагира Игор Соколоски од Комисија за економија на ОК ВМРО-ДПМНЕ Прилеп. -Само Талевски тогаш не сакаше да го види она што го гледаа сите граѓани, а тоа е индустриска зона каде денеска работат и функционираат 3 фабрики кои вработуваат неколку илјади граѓани. Ова е дело на макотрпната работа на ВМРО-ДПМНЕ што денеска обезбедува егзистенција за илјадниците наши сограѓани. Но, што направи партијата на Талевски во изминатите три години на власт? Одговорот е буквално ништо! Од нивните ветувања за нови инвестиции во оваа индустриска зона има само една голема нула, рече тој. Соколоски посочува дека инвестициите и новите работни места се мисловна именка за Талески, Јованоски и нивниот наредбодавач Зоран Заев. -Затоа сега во безислезна ситуација пред избори, СДСМ врши масовен поткуп на граѓаните и дели пакети со продукти за кои никако да покаже потекло. Со промената на власта на престојните избори ВМРО-ДПМНЕ ветува раст на платите до 25% во наредните 4 години и намалување на невработеноста во Република Македонија под 10%. Целосно ќе го напуштиме концептот на прогресивен данок и ќе воведеме рамен данок до 8 проценти. Во нашата програма ќе понудиме конкретни мерки за зголемување на извозната конкурентност на македонската економија и предвидуваме до 90% реализација на капиталните годишни инвестиции, порача тој.

Златески: Oва ли се проектите за младите кои ги промовираше градоначалникот Илија Јованоски?

Ивана Ефремовски — Fri, 31 Jan 2020 12:59:20 +0000

Директорот на Центарот за социјална работа Прилеп, Дејан Тошески, инаку кадар на Миле Талески, е уште еден во низата промашени кадри на криминално-рекетарското здружение наречено СДСМ, обвинуваат од ВМРО-ДПМНЕ Прилеп. -Тој во екот на работното време на својот Фејсбук профил јавно сподели соопштение на агенција која се занимава со посредување за вработување на млади луѓе во Германија. На ваков начин Дејан Тошески им го покажува правиот пат на младите, ПРАВ ПАТ КОЈ ВОДИ ЗА ГЕРМАНИЈА! Oва ли се проектите за младите кои ги промовираше и градоначалникот Илија Јованоски? Впрочем што да очекуваат младите и граѓаните од човек кој своите деца ги згржи во странство, а овде лицемерно ветуваше враќање на иселените во Прилеп, истакна Никола Златески, претседател на УМС на ВМРО-ДПМНЕ Прилеп. -Вака ли работите за враќање на оние 600.000 иселени луѓе кои со години ги споменувавте и редевте чевли пред владината зграда? Свесни ли се за вашето лицемерие и дволичност? Затоа што ако вие не сте, граѓаните целосно се свесни и многу добро проценија со кого си имаа работа изминатите 3 години, посочи тој.

ВМРО-ДПМНЕ ОК Прилеп: Се заблагодаруваат пред хероите кои се бореле за независна, суверена и самостојна Република Македонија, а не за нивната творевина Северна

Дарко Андоновски — Mon, 07 Oct 2019 13:47:48 +0000

Градоначалникот Илија Јованоски и претседателот на Совет, Миле Талевски, пред два дена овде на ова место бесрамно се фотографираа и полагаа некаква почит кон хероите чии дела и жртва ја продадоа. Се заблагодаруваат пред хероите кои се бореле за независна, суверена и самостојна Република Македонија, а не за нивната творевина Северна, ова денеска преку изјава за медиумите го истакнаа од ВМРО-ДПМНЕ ОК Прилеп. -Без срам и без никакво чувство, буквално како ништо да не било, се прават патриоти, а целата нација знае дека се најголеми предавници кои историјата ќе ги памети и ќе им суди. Вие немате никакво право на паролата која ја истакнувате, затоа што ништо не направивте за да ги зачувате и унапредите делата на борците чии коски почиваат овде во алејата на хероите. Вие сте само соучесници во овој современ геноцид кој секојдневно се извршува врз македонскиот народ, геноцид кој значи бришење на историјата и посебноста на Македонците, потенцираат од партијата.

Младеноски: Наместо 20% поевтини сметки за вода, прилепчани добија повисоки сметки за околу 60%

Катерина Бојаџиева — Wed, 06 Mar 2019 13:44:00 +0000

Иако градоначалникот Илија Јованоски ветуваше намалување на сметките за вода од 20% во предизборната кампања, прилепчани овие денови сведочат за спротивното. СДСМ удира повторно по џебот на обичниот граѓанин кој на своја кожа го почувствува зголемувањето на сметките за водни услуги, истакна Иван Младеноски од ОК на ВМРО-ДПМНЕ Прилеп. -Граѓаните се гневни и измамени затоа што поверуваа дека токму новата локална самоуправа предводена од СДСМ ќе си достои на својот збор и ветувањето кое го даде. За жал и на штета на сите прилепчани, со секој изминат ден се соголуваат ветувањата кои беа нафрлани без детална анализа, колку да се добија по некој дневнополитички поен. Она што на крајот од денот го интересира обичниот народ е есапот во секоја една куќа, кој со овие поголеми давачки воведени во време на СДСМ, го осиромашува и онака сиромашниот народ кој едвај врзува крај со крај. И наместо 20% поевтини сметки за вода, прилепчани добија повисоки сметки за околу 60%, рече тој и додаде: „Градоначалниче, прилепчани ве гласаа за 20% поевтини сметки за вода, а не за вработувања и поставување на директори на вашите внуци, зетови, братучеди. Прилепчани ве гласаа за да ги реализирате предизборните проекти, а не да агитирате за смена на име, национално предавство и двојазичен Прилеп. Почитувани, досегашното владеење на СДСМ, како на централно, така и на локално ниво се покажа како крајно ненародно и дрско, кое освен што го влоши животниот стандард на секој еден, не донесе ништо корисно. Затоа мора што поскоро да заврши ова владеење. Затоа што граѓаните заслужуваат подобар живот и власт која ќе се бори за доброто на секој граѓанин!“.

Ристески: Кирацовски ги лажеше прилепчани дека цветаат рози, а благодарение на СДСМ, Прилеп никогаш не бил во поочајна состојба

Ивана Ефремовски — Mon, 24 Dec 2018 14:15:57 +0000

Со кое лице Генералниот секретар на СДСМ, Кирацовски се појавува пред прилепчани, на истото место од каде што неговиот ментор Зоран Заев ја најави двојазичноста низ цела територија на Република Македонија и пропагираше смена на уставното име. Кирацовски си дозволува да ги прави прилепчани при очи слепи, и да ги убедува дека цветаат рози и се живее раскошно, истакна Петар Ристески, претседател на ОК на ВМРО-ДПМНЕ Прилеп. -Исто така прашуваме дали Кирацовски со локалните функционери ги посети дуќанџиите, занаетчиите, луѓето кои не се партиски послушници од редот на СДСМ, за да бидат експресно вработени на високи позиции во јавните установи за да ги праша како им е? Дали Кирацовски ја слушна маката и на пазарџиите, земјоделците, на сите овие луѓе кои секој ден водат тешка битка за заработувачка, кажувајќи како државата никогаш не била во полоша состојба, со најмизерен економски раст, со нула инвестиции, по сите светски анализи карактеризирана како најлошо место за живеење во Светот? И додека младите прилепчани секој ден се иселуваат се повеќе како никогаш порано и го бараат својот спас во странство, затоа што вие господа од СДСМ не сте способни да отворите ниту една фабрика, вие се занимавате се уште со ВМРО-ДПМНЕ како да сте опозиција, а не власт две години. Луѓето од вас чекаат резултати и испорачување на ветеното, а не гол популизам со веќе видена реторика, својствена за луѓе без идеи и желба за работа. Господа од СДСМ, она што досега успешно го сработивте е за задоволување на апетитите на неколкумина функционери на СДСМ, кои ја запоседнаа речиси целата стара прилепска чаршија со своите кафиќи и бизниси, додека останатите трпат за парче леб. Она што успешно го сработивте е вработувањето на вашите синови, ќерки, внуки, зетови, најблиски роднини и пријатели, покрај останатите луѓе професионалци кои се пријавија на огласите, а беа одбиени затоа што немаат партиска книшка од СДСМ, истакна тој. Ристески посочува дека она што досега успешно го сработи власта е донесувањето црнила какви што Македонија досега не памети. -Продажбата на нашето име, тргувањето со националните интереси, виткањето кичма пред Грција и Бугарија и склучувањето на катастрофални договори со нив. Благодарение на вас господа од СДСМ, Прилеп го изгуби сјајот и никогаш не бил во поочајна состојба. Спуштете се меѓу народот. Слушнете ја маката непосредно од истите засегнати и престанете да живеете во илузорен свет, затоа што сте смешни пред очите на јавноста. Прилепчани завчера преку масовно присуство на протестот предводен од ВМРО-ДПМНЕ, на чело со претседателот Христијан Мицкоски ви порачаа едно големо „НЕ“ на вашите погубни политики. Со ова почнува и официјално падот на оваа ненародна и предавничка власт. Новата Влада предводена од ВМРО-ДПМНЕ ќе ја врати Македонија на вистинскиот пат, порача тој.

Здравството е во колапс- наместо грижа за здравјето на прилепчани, Филипче води грижа за задоволување на апетитите на блиските соработници до власта

Катерина Бојаџиева — Tue, 21 Aug 2018 17:23:52 +0000

Иако од СДСМ ветуваа здравство по европски стандард, бесплатно болничко лекување, 100.000 денари плата за докторите, освен низа скандали за кои секојдневно сведочиме и нула инвестиции, нема што да им понудат на граѓаните. Здравството секаде е во колапс. Средствата од буџетот се трошат за задоволување на апетитите на блиски соработници до власта, а сето тоа на штета на обичниот граѓанин, истакна Иванчо Младеновски од ВМРО-ДПМНЕ Прилеп. -Она што Прилеп и прилепчани добија од оваа влада, е одлуката која Филипче ја кажа пред одреден период, а тоа е дека нашата општина останува без лабораторија па така прилепчани ќе бидат принудени лабораториските услуги да ги извршуваат во соседните градови како Битола. Пред некој месец, одделението во градската болница за анестезија и реанимација, беше оставено без основните лекови за работа, при што на пациентите им беа одлагани операциите, рече Младеновски и додаде: „За потсетување, во наше време беа вложени oколу 30 милиони денари во набавка на нова опрема, вклучувајќи четири ехо доплер апарати во одделенијата на рентген, интерно и урологија, оперативен стол со сателит светло и ехо апарат за операционата сала на гинекологија, мобилен RTG апарат на ортопедското одделение, пет пациент монитори, еден апарат за анестезија, компјутерски томограф и дигитален мамограф во Градската болница. Пет милиони денари беа инвестирани во апарати за дијагностика во лабораторијата, спортската и трудовата медицина во ЈЗУ Здравствен дом. Оваа установа доби и комплетно нов возен парк, со нови санитетски возила за службите на итна медицинска помош и домашно лекување“. Ги повикуваме, потенцираше тој, директорите на Здравствен дом, Градска болница и Центарот за јавно здравје да кажат кои инвестиции ги реализираа досега во нивните установи и со што придонесоа во нивно подобрување. -Колку средства од Буџетот на Република Македонија се издвоени за продолжување на овој тренд на реконструкција и набавка на нова опрема? И наместо да го замајуваат народот со некакви донации и вообичаената ЌЕ реторика за некое идно време, да кажат што конкретно сработија досега? Почитувани, за жал владата предводена од СДСМ е фокусирана на делење матни тендери од речиси 40 милиони евра на новорегистрирани фирми, тендери поврзани меѓу ќерка и татко, тендери во 4 очи без запазување на законската постапка, кои оставаат сомнеж за можен криминал, подвлече Младеновски и додаде: „За речиси 100 млади специјализанти кои неколку пати се обраќаат до Владата, нема плата. Со ваквата ароганција и водење грижа за неколкумина, се остава на цедило една цела генерација млади доктори кои се жртви на лажни ветувања. СДСМ не смее да си поигрува со животот и здравјето на граѓаните. Инвестирањето во здравствениот систем мора да продолжи! Затоа е потребно што поскоро оваа неспособна влада да си замине, затоа што нашите граѓани заслужуваат подобро“.

„Заев и Јованоски да прекинат со политички притисок“: За еден ден во Прилеп без работа останаа 270 луѓе

Ивана Ефремовски — Thu, 04 Jan 2018 14:39:34 +0000

ВМРО-ДПМНЕ Прилеп апелира до градоначалникот Илија Јованоски и до Зоран Заев дека политичкиот притисок и реваншизам најитно мора да го прекинат. -Со доаѓањето на Новата година,т.е. од првиот ден во неа, без работа во Прилеп останаа околу 270 луѓе, претходно вработени во училиштата, јавните претпријатија,градинките, болница итн. Денес ќе се задржиме само на политичките притисоци,закани и реваншизам кои Јованоски и Заев ги прават во образованието. На ниво на општина во моментов има околу 120 вработени во образование на кои им се прекинати договорите за работа. 20 од нив се со исполнети услови за трансформација. Сите кои тужат заради тоа што ново назначените директори не постапуваат по закон,од истите тие директори имаат добиено изјави дека нивните работни места не се од траен карактер. И замислете тоа го прават со изјава за морална и кривиична одговорност. Тврдат дека местат не се од траен карактер, при што сите директори треба да одговаараат кривично за давање на лажни изјави, истакнуваат тие. Од ВМРО-ДПМНЕ Прилеп обвинуваат и дека постои голема дискриминација при полагањето на тестот за познавање на мајчиниот јазик бидејќи сите директори ги имаат тестовите и тие тестови се даваат на кандидатите со политичко CV од СДСM. -А нормално тестот не смее да се дава, а и ако веќе им се дава нека им се даде на сите. Својствено за сдс- политичка дискриминација. До сега во еден месец раководење на училиштата од страна на директорите повеќе пати се има направено прекршување на законот. Интервентните договори на вработените се потпишани уште за еден месец со што се крши законот бидејки само еднаш во образование треба да се потпиши интервентен договор во траење од еден месец. Овде, сакаме да реагираме и за 19-те вработени во градинките во Прилеп кои останаа на улица, особено имајќи ја во предвид изјавата од вчера на министерката за труд и социјална политика Мила Царовска која кажува дека во петокот ги потпишала согласностите за продолжување на договорите, па и самата таа се прашува зошто договорите не им се продолжени? Дали некој локален моќник во Прилеп тргнал против нејзината одлука? Дали е тоа градоначалникот Јованоски, новата директорка на градинките или раководството на СДС? Ги повикуваме сите надлежни органи меѓу кои просветниот, трудовиот инспекторат да ги проверат овие наши укажувања и да превземат соодветни мерки. Искрено жалиме што нашите укажувања за време на кампањата дека се работи само за лаги и изборни манипулации на сдс се покажаа веднаш по нивното доаѓање на власт за вистинити, заклучуваат тие.