вмро-дпмне штип – Kurir.mk

Ефтимов: 11 видови на чаеви, 30 килограми чоколадни бонбони – “големите потреби“ на градоначалникот на Штип

Ивана Ефремовски — Tue, 18 May 2021 11:41:45 +0000

Единаесет видови на чаеви, триесет килограми чоколадни бонбони, шестотини литри негазирана вода се само дел од „големите потреби“ на Градоначалникот на Општина Штип и неговиот кабинет. Неверојатни и неоправдани се потрошените 121.000 денари, за набавка на такво разнообразие од продукти, кое асоцира на живот на висока нога, обвинува Игор Ефтимов од ВМРО-ДПМНЕ Штип. -Дисперзираното кафуле кое функционира во рамки на општината, прикажува расипништво кое не се памети да се случувало. Градоначалникот, на сметка на народот, се опуштил до степен на неговите гости да им нуди палета од пијачки, на кое би им подзавиделе и добро снабдени кафулиња. И додека угостителскиот секор тоне во долгови и моли за помош од државата, градскиот татко наместо да креира мерки и да го помогне овој сектор, самиот си прави услови за кафуле во рамките на јавната институција со која раководи, вели тој. Порача: „Очигледно, животот на висока нога длабоко се всадил во начинот на живот на оној кој треба да демонстрира скромност и солидарност со оние кои немаат“!

Мицевски и Димков положија цвеќе на Споменикот на децата бегалци во дворот на црква „Свети Константин и Елена“ во Штип

Катерина Бојаџиева — Sat, 07 Sep 2019 20:16:52 +0000

По повод Денот на независноста на Република Македонија и 70 години од крајот на граѓанската војна во Егејска Македонија 1946-1949 година пратениците од пратеничката група на ВМРО ДПМНЕ, Никола Мицевски и Трајче Димков како и претставнички од УЖ положија свежо цвеќе на Споменикот на децата бегалци во дворот на македонската православна црква"Свети Константин и Елена" во населбата Балканска.

ВМРО-ДПМНЕ Штип: Се намалија расходите за капитални инвестиции, а најголем удар беше зададен на здравството

Ивана Ефремовски — Thu, 25 Oct 2018 14:07:28 +0000

Воопшто не е случајно тоа што ребалансот на буџетот помина далеку од очите на јавноста, во екот на предавничката промена на името. На вечерна седница на Владата на Република Македонија се намалија расходите за капитални инвестиции, а најголем удар беше зададен на здравството, вели Љубе Здравков од ВМРО-ДПМНЕ Штип. -Во првата половина од годината, реализацијата на капиталните инвестиции беше само 11%, Владата ветуваше раст во втората половина, но тој процент не се зголемува и кон крајот на 2018 година. Секојдневно се уверуваме во неспособноста на моменталната власт и нејзиниот мал капацитет за завршување на почнатите капитални инвестиции во нашиот град. Иако неколкупати и’ посочувавме на власта да го зголеми интензитетот на градба на Клиничката болница во Штип, сепак ниту наидовме на слух, ниту имаше интерес да се забрза работата. Најголемиот апсурд настана минатата недела кога се намалија средствата за изградба на болницата. И колку и да звучи неверојатно, и како наизуст повторувано обвинување на опозицијата, за жал е вистинито, рече тој. Здравков потенцира дека негрижата на пациентите од Источниот регион се отсликува во прекроениот Буџет на Владата. -На почетокот од годината имаше средства за доградба на Клиничката болница, но на крајот истите средства беа насочени кон педесетина партиски вработувања. Замислете, СДСМ за граѓаните од Источниот регион вака ја крои политиката - пари за болница нема, но пари за партиски вработувања секогаш има! И додека болните од истокот лежат на дотрајани кревети, во несоодветни болнички услови и се судираат со недостаток на медицински материјал, кој пречесто го набавуваат и самите, Владата реши да скрати дури 600.000 евра за изградба на нова и современа болница. Во моментов, работата на болницата е стопирана и никој од власта не се осудува да се соочи со граѓаните и да даде одговор зошто е тоа така и кога се очекува рестартирање на градежните активности. Затоа, ВМРО-ДПМНЕ како одговорна и будна опозиција, ги повикува Државниот секретар во Министерството за здравство и самиот Министер за здравство да им образложат на граѓаните: Како е можно да се обезбедат 1,5 милиони евра за набавка на лубриканти и пари за 50 партиски вработувања, а парите предвидени за градбата на новата болница во Штип да исчезнат со ребалансот на буџетот за 2018 година, прашуваат од ВМРО-ДПМНЕ Штип.

ВМРО-ДПМНЕ Штип: Да излеземе на 2-ри јуни пред Владата, затоа што ново утро се раѓа

Ивана Ефремовски — Fri, 01 Jun 2018 09:23:41 +0000

Една година Владата нè понижува, ни го гази достоинството, нè уништува. Една година откако нелегитимната Влада не ја подобрува економијата, здравството, културата, социјалната заштита, инфраструктурата. Веќе една година сме заложници на деструктивни политики и историски најголеми задолжувања, реагираат од ВМРО-ДПМНЕ Штип. -Државата е во сериозна криза и нема напредок во ниту една сфера. Затоа, време е да станеме и да се бориме против тоа! Граѓаните на Македонија заслужуваат да бидат почитувани и да ги имаат основните човекови права. Да останеме будни и да не дозволиме да ја испуштиме историската шанса да кажеме НЕ на оваа Влада! Сега е нашата можност и обврска да покажеме дека сакаме светла иднина. Да не се откажуваме и храбро да тргнеме кон заштита на нашата иднина! Да излеземе на 2-ри јуни пред Владата, затоа што ново утро се раѓа, новото утре, кое ќе донесе нова надеж за Македонија и за граѓаните на Република Македонија. Ве повикувам, во сабота во 18:00 часот пред Новата пошта, да тргнеме заедно на големиот собир против оваа ненародна власт, наведуваат од ВМРО-ДПМНЕ Штип.

Мајсторски: Додека го чекаме „животот“ кој го ветуваше СДСМ, ќе почнеме да ги губиме животите на патиштата

Ивана Ефремовски — Mon, 26 Mar 2018 13:19:11 +0000

Колку СДС се грижи за граѓаните од Источниот регион покажува токму овој дел од патот, кој води кон Скопје,истакна денес Филип Мајсторски, советник на ВМРО-ДПМНЕ во општина Штип. -На оваа сообраќајна делница, секојдневно минуваат по илјадници граѓани од овој регион, меѓутоа со огромен ризик по нивниот живот. Иако, клучката кај Три Чешми, која треба да ги поврзува автопатот Штип - Миладиновци и експресните патишта Штип - Кочани и Штип – Радовиш, требаше да биде завршена уште минатата година, овие педесетина метри сведочат за неработата на актуелната власт. И покрај тоа што помина една година откако СДС ја формираше Владата и откако ветуваа проекти, со акцент на капиталните, до денес не можат да асфалтираат само педесетина метри регионален пат, вели тој. Советникот порачува дека СДСМ на последните избори ги манипулираше граѓаните с о логото „Живот во Македонија за сите“. -Моменталната власт, ниту работи врз подобрување на животот, ниту ја интересираат граѓаните на Источна Македонија. Единствено на што работи СДС во клучните претпријатија е промена на раководните функции, со партиски послушници. Овој патен правец е еден од најважните во регионот, но истиот тој носи најголем ризик по животот на сите граѓани кои минуваат по него. Оваа собраќајна делница ја покажува неодговорноста на актуелната власт и ја отсликува неажурноста и неспособноста на Владата во сите сфери на живеењето, истакна Мајсторски. ВМРО-ДПМНЕ од Штип прашува – уште колку време е потребно да се чека да се заврши овој патен правец? -Зарем треба да изгубиме човечки животи, за Владата да се сети да си ја заврши работата? Кој ќе ги врати парите на граѓаните за амортизација на возилата? Ги повикуваме СДС да одговорат на овие прашања, затоа што од Животот во Македонија, ќе почнеме да губиме животи на патиштата во Македонија, порача тој.

Јорданов: СДСМ го направи производството на ориз нерентабилно- едно ветува од опозиција, друго прават кога се на власт

Катерина Бојаџиева — Tue, 06 Feb 2018 14:33:41 +0000

Неодговорниот пристап на СДСМ кон земјоделието остави над половина од минатогодишниот реколт на ориз од кочанско-виничкиот крај во амбарите. СДСМ пред изборите вети дека цената на оризот ќе биде 25 денари за оризова арпа, додека пак белиот ориз ќе биде 50 денари. СДСМ вети, СДСМ излажа. Цената на оризот во моментов е 35 денари. Ова беше уште една лага на СДСМ само за да добијат глас повеќе на изборите и да седнат во фотелјите, истакна Иван Јорданов, член на ИК на ВМРО-ДПМНЕ, во просториите на ОК на ВМРО-ДПМНЕ Штип. -ВМРО-ДПМНЕ бара власта веднаш да најде решение за неоткупениот ориз и да обезбеди услови за рентабилно производство во оваа сезона. Со откупна цена на оризот од 35 денари и со покачувањето на нафтата, СДСМ го направи производството на ориз нерентабилно. Земјоделците од единствениот регион на државата кој произведува ориз се помалку се одлучуваат да ги посеат своите површини со оваа култура. СДСМ едно ветува од опозиција, друго прави кога е власт. Кога се бореа за гласовите на земјоделците од истокот ги лажеа и ветуваа се и сешто. Ништо од тоа што ветија не остварија, рече Јорданов и додаде: „СДСМ ветуваше сигурен откуп на земјоделските производи. Откуп нема. СДСМ ветуваше зелена нафта за земјоделците. Не само што нема зелена нафта за земјоделците, туку владата ја зголеми и акцизата. Ветуваа поголеми субвенции. Субвенциите се намалени. Зоран Заев дополнително им стави до знаење на земјоделците, дека ако немаат повисоко производство од минатата година нема ни субвенции. Како земјоделците да произведат кога откупот не им е сигурен, субвенциите намалени, а цената на нафтата висока“. Оризопроизводителите во кочанско-виничкиот регион, подвлече тој, се со загрозена егзистенција. -Поради ниската откупна цена и покачената цена на нафтата неизвесна е претстојната сеидба на оризот. Стотици земјоделци од кочанско-виничкиот регион на своја кожа го почувствуваа животот на СДСМ. Негрижата на власта го уназади земјоделието. По односот кој го манифестира власта земјоделците ги очекува тешко и мачно време под власта на СДСМ.

Јорданов: Отпуштања на неистомислениците наместо проекти, приоритет на локалната власт во Штип

Ивона Петрова — Thu, 28 Dec 2017 14:44:51 +0000

Претседателот на ОК на ВМРО-ДПМНЕ Штип, Иван Јорданов на денешната прес-конференција истакна дека поминале два месеци откако СДСМ е на власт на локално ниво. -Наместо напредок и подобрување на ветениот „живот“ за граѓаните, станавме сведоци на реваншизам и задоволување на тесно партиските интереси на локалното раководство. Очигледно е дека реформите кои ќе се случат во администрацијата и за кои постојано зборува СДС, не подразбираат системски промени кои ќе се базираат на искуство и долгогодишна работа, туку само селекција и елиминација на неистомисленици на партијата на власт, вели Јорданов. Тој вели дека проектите и делата не се врвни приоритети на локалната власт, туку отпуштање на кадарот кој долги години работи во локалната самоуправа, училиштата и градинките и на тоа место, вработување на кадарот на партијата на власт. - За да биде апсурдот уште поголем, овој партиски реваншизам на СДС се случува во очи на новогодишните и божиќните празници. Стотина луѓе празниците ќе ги дочекаат во очај и незадоволство од предвидените реформи кои не се спроведуваат. Ова го отвора прашањето: Дали девизата на Зоран Заев – „ќе јадеме живи луѓе“ се претвора во водилка при работата на оваа партија?, прашува Јорданов. Претседателот на ВМРО-ДШМНЕ Штип додава дека повеќе од јасно е дека таканаречениот животот кој дојде е живот само за неколку фамилии во СДС.