Коалициониот партнер на Заев ја повика владата да дозволи употреба на лични ПЦР тестови

Ивона Петрова — Mon, 15 Mar 2021 11:09:19 +0000

ВМРО-Народна партија по трет пат ја повикува Владата да дозволи увоз и употреба на лични и брзи ПЦР тестови. -Ваквите тестови се продаваат во аптеките во скоро сите наши соседни земји, а како што разбравме, од неодамна во Германија таквите тестови можат да се купат и во маркетите.Овие тестови покрај тоа што се многу поевтини, даваат и брза информација на секоја личност за неговата состојба со што се овозможува директен прекин на ланецот на ширење на заразата. Со воведувањето на овие тестови македонскиот граѓанин може само да добие, а никако да изгуби, се вели во сопштението на коалициониот партнер на Зоран Заев.

Членството на ВМРО-НП не се согласува со одлуката раководството да го поддржи Пендаровски

Ивана Ефремовски — Sun, 03 Mar 2019 11:41:47 +0000

Љупчо Балкоски, генерален секретар на ВМРО-НП, на социјалните мрежи објави дека партијата застанува зад кандидатурата на Стево Пендаровски. „ВМРО - Народна Партија учествуваше на состанокот на 31 политичка партија, на кој се донесе едногласна одлука, г-дин Стево Пендаровски да биде заеднички кандидат на Претседателските Избори. ВМРО - Народна партија со своите програмски цели за НАТО и Европската Унија е во редот на политичките партии кои овозможуваат Република Северна Македонија да е дел од НАТО и држава која во овој период ќе ги започне пристапните преговори за влез во ЕУ“-напиша тој. Но, бргу по неговата објава, стана јасно дека оваа одлука е донесена од мал круг на лица во партијата, блиски до Зоран Заев. Членовите на ВМРО-НП, не се согласуваат со одлуката раководството да го поддржи Пендаровски. Тие својот став го искажаа јавно и недвосмислено. Еден од коментарите гласи: „Реално, за да излезете дел од вас од илузиите дека ние сме Партија, веќе не сме. Ви гарантирам дека нема да имаме ни 15000 гласа на било кои наредни избори, дури и таа бројка можеби е преамбициозна. Сега да се повика ЦК ќе нема ни 20 делегати, за ИК да не зборам само формално на хартија... На локално ниво лидерите тоа добро го имат разбрано и ваквата ситуација на на нив одлично им одговара бидејки си прават шеми со сдсм единствено за личен интерес, а као глумат дека е за интерес на партијата па дури се чувствуваат и заслужни. Како и да е Љубчо тоа го знае и затоа не одржува вештачки на површината со неговиот авторитет и со по некое интервју на тв дека "као еве постоиме". Прашање е на време кога тоа ќе го разберат од сдсм и кога ќе ни дадат еден ѓон. Нашите луѓе кои се вработија на локално ниво, гледајки го тонењето на ВМРО-НП веќе и не се наши, сигурен сум дека барем 70% размислуваат за тивок трансфер во сдсм. ВМРО-НП во моментов служи само за да некои наши членови си ги задржат позициите на раб. места, комисиите и одборите... Инаку повеќето се свесни а и јас лично сметам дека оваа партија е само парче хартија во централен регистар. Затоа не се карајте и барајте си го чарето, од нас веќе партија не бидува“.

вмро-нп – Kurir.mk

Коалициониот партнер на Заев ја повика владата да дозволи употреба на лични ПЦР тестови

Членството на ВМРО-НП не се согласува со одлуката раководството да го поддржи Пендаровски