внатрепартиски избори – Kurir.mk

Внатрепартиски избори во ДУИ

Тале Кристо — Sun, 02 Jul 2023 08:05:52 +0000

Демократската унија за интеграција (ДУИ) денеска одржува внатрепартиски избори за консолидација на нејзините партиските тела во 14 ограноци со примена на демократскиот принцип „еден член, еден глас“. - По успешно завршениот процес на регистрација на членството, проверката и објавувањето на кандидатурите и изборната кампања на кандидатите што завршува денес (петок, 30 јуни), во недела го повикуваме членството на Демократската унија за интеграција слободно да се изјасни за новото раководство на ограноците во Бутел, Чаир, Дебар, Јегуновце, Кичево, Крушево, Куманово, Липково, Битола, Петровец, Пласница, Преспа, Шуто Оризаре, Велес, стои соопштение од ДУИ. Во текот на овој изборен процес се гласа за избор на претседатели на ограноци, членови на раководството на ограноците, претседатели на локалните подограноци и членови на раководството на локалните подограноци, процес кој ќе го води Партиската изборна комисија. Примената на овој модел при изборот на партиските органи, се додава во соопштението, го докажува демократскиот пристап и капацитет на Демократската унија за интеграција. - На крајот на овој демократски процес, победници ќе бидат сите, бидејќи општото добро, придонесот за неговото остварување и ефикасната служба кон граѓаните се несомнено наша заедничка мисија, се подвлекува во соопштението од ДУИ.

Внатрепартиски избори во ДУИ

Тале Кристо — Fri, 30 Jun 2023 13:35:44 +0000

Демократската унија за интеграција (ДУИ) во недела ќе одржи внатрепартиски избори за консолидација на нејзините партиските тела во 14 ограноци со примена на демократскиот принцип „еден член, еден глас“. - По успешно завршениот процес на регистрација на членството, проверката и објавувањето на кандидатурите и изборната кампања на кандидатите што завршува денес, во недела го повикуваме членството на Демократската унија за интеграција слободно да се изјасни за новото раководство на ограноците во Бутел, Чаир, Дебар, Јегуновце, Кичево, Крушево, Куманово, Липково, Битола, Петровец, Пласница, Преспа, Шуто Оризаре, Велес, стои во денешното соопштение од ДУИ. Во текот на овој изборен процес се гласа за избор на претседатели на ограноци, членови на раководството на ограноците, претседатели на локалните подограноци и членови на раководството на локалните подограноци, процес кој ќе го води Партиската изборна комисија. Примената на овој модел при изборот на партиските органи, се додава во соопштението, го докажува демократскиот пристап и капацитет на Демократската унија за интеграција. - На крајот на овој демократски процес, победници ќе бидат сите, бидејќи општото добро, придонесот за неговото остварување и ефикасната служба кон граѓаните се несомнено наша заедничка мисија, се подвлекува во соопштението од ДУИ.

ФОТО: Според пратеникот на СДСМ од Куманово, во таа општина 50% од членовите не гласале воопшто за претседател на партијата

Магдалена Андонова — Mon, 13 Dec 2021 14:29:19 +0000

На 12.12.2021 година во СДСМ на вонредните внатрепартиски избори за наследник на Зоран Заев, е избран Димитар Ковачевски. Гласале вкупно 44.406 членови на СДСМ. Гласањето се одвиваше на 194 избирачки места низ општинските организации ширум државата, почнувајќи од 08:00 часот наутро, се до 19:00 часот попладне. Покрај Ковачевски, за претседател на партијата се кандидираа и Фросина Ременски, поранешна пратеничка и екс-потпретседателка на СДСМ и Јован Деспотовски, актуелен директор на Дирекцијата на ТИРЗ. Според пратеникот Мартин Костовски од СДСМ Куманово во таа општина 50% од ажурираните членови воопшто не гласале за претседател на партијата.

НЕОФИЦИЈАЛНИ РЕЗУЛТАТИ – еве кој ќе го замени Заев во СДСМ

Дарко Андоновски — Sun, 12 Dec 2021 20:05:53 +0000

Димитар Ковачевски е извесно дека ќе биде наследник на Зоран Заев на фунцкијата претседател на СДСМ по денешните втори внатрепартиски избори во владеачката партија. Ова го покажуваат податоците по обработени 49 избирачки места од вкупно 193. Ковачевски засега има 7.915 гласа и убедливо водство во однос на противкандидатите Фросина Ременски за која гласале 562 члена на СДСМ и Јован Деспотовски кој досега има 562 гласа. Неважечки се 108 гласа. Правото на глас на денешните вонредни внатрепартиски избори во СДСМ го искористиле 43.469 членови. Гласањето заврши во 19 часот и во тек е обработка на податоците. -Централната изборна комисија ќе ги соопшти резултатите од вонредните внатрепартиски избори за претседател на СДСМ, се наведува во соопштението од партијата.

Заврши гласањето на внатрепартиските избори во СДСМ

Дарко Андоновски — Sun, 12 Dec 2021 19:02:48 +0000

Гласањето на внатрепартиските избори во СДСМ заврши во 19:00 часот. На еден час пред затворањето на гласачките места, до 18:00 часот, на вонредните избори за претседател на СДСМ гласале 40.220 членови, односно 78,5 отсто од активно регистрираните. Од СДСМ соопштија дека гласањето течело мирно, демократски на сите 194 гласачки места во сите 80 општини. По затворањето на гласачките места во 19:00 часот и по обработка на податоците, Централната изборна комисија ќе ги соопшти резултатите од вонредните внатрепартиски избори за претседател на СДСМ, се наведува во соопштението од партијата. Членовите на СДСМ денеска можеа да гласаат за Фросина Ременски, Димитар Ковачевски и Јован Деспотовски. Зоран Заев беше избран за претседател на СДСМ во 2013 година. Во март годинава тој повторно беше реизбран на чело на СДСМ, но овој пат на непосредни внатрепартиски избори на кои можеше да учествува целото членство. По вториот круг од локалните избори во октомври, Заев ја најави својата оставка од лидерската и од премиерската функција.

До 14.00 часот вкупно гласале 27.248 членови на СДСМ, или 47% од активно регистрираните членови

Тале Кристо — Sun, 12 Dec 2021 14:18:15 +0000

Гласањето на вонредните избори за претседател на СДСМ на сите 194 гласачки места се одвива непречено, без застои во мирна и демократска атмосфера, со почитување на мерките за заштита од коронавирусот. Според последните информации од Централната изборна комисија, до 14.00 часот, гласале 27.248 членови на СДСМ, односно 47% проценти од активно регистрираните членови. Гласањето трае до 19 часот. По затворањето на гласачките места и по обработка на пристигнатите податоци, вечерва Централната изборна комисија на СДСМ ќе ги соопшти резултатите за вонредните внатрепартиски избори. СДСМ поставува нови, највисоки стандарди на македонската политичка сцена и македонската демократија, СДСМ својот претседател го бира на внатрепартиски, непосредни избори, информираат од СДСМ.

Ременски, Деспотовски и Ковачевски гласаа за нов лидер на СДСМ

Дарко Андоновски — Sun, 12 Dec 2021 13:32:56 +0000

Вонредните внатрепартиски избори за претседател на СДСМ се одржуваат денеска. Ременски гласаше во општинскиот штаб во Ѓорче Петров на вонредните вантрепартиски избори. Денеска гласаше кандидатот за претседател на СДСМ Јован Деспотовски во општинскиот штаб во Центар на вонредните вантрепартиски избори. Кандидатот за претседател на СДСМ Димитар Ковачевски денеска гласаше на вонредните внатрепартиски избори на СДСМ во општина Карпош, се наведува во партиското соопштение. Лидерот на СДСМ, Зоран Заев денеска гласаше во Струмица. Ќе се гласа до 19 часот.

Димитриевски не сака да се меша во внатрепартиските избори на СДСМ

Магдалена Андонова — Tue, 07 Dec 2021 16:24:28 +0000

Градоначалникот на Куманово, Максим Димитриевски на денешната прес-конференција, одговарајќи на новинарски прашања за изборот на лидер на СДСМ, им посака успех на кандидатите, додавајќи дека нема да коментира имиња, ниту пак ќе се меша во внатрепартиски постапки за избор на претседател. Според Димитриевски, на Социјалдемократскиот сојуз му се потребни суштински реформи и најмалку што му е потребно во овој момент е „да избира лидери кои се во сенка на поединци“. – Во една прилика реков и повторно ќе повторам без разлика на студениот однос на мојот политички субјект и на раководството коешто во моментов менаџира со него, на Социјалдемократскиот сојуз му се потребни суштински реформи и најмалку што му е потребно во овој момент е да избира лидери кои се во сенка на поединци, рече Димитриевски.

СДСМ направи жрепка – познат е редоследот на гласачкото ливче на внатрепартиските избори

Магдалена Андонова — Mon, 06 Dec 2021 20:31:35 +0000

Познат е редоследот на кандидатите за нов лидер на СДСМ откако во партијата беше спроведена ждрепка. Димитар Ковачевски ќе биде под реден број 1, Фросина Ременски под 2, а Јован Деспотовски под бројот 3. Вонредните избори за претседател на СДСМ ќе се одржат в недела на 12 декември.

Малчески за изборот на претседател на СДСМ: Ноторна глупост е дека вчерашниот ден бил некаков исчекор во демократијата, кој го гласаше членството Зоран или Заев?

Катерина Бојаџиева — Mon, 22 Mar 2021 17:58:26 +0000

Самоил Малчески од ВМРО-ДПМНЕ во вечерашното гостување во емисијата Анализа на ТВ 24, коментирајќи го вчерашниот избор на Зоран Заев за претседател на СДСМ, вели дека всушност вчерашните избори во СДСМ не се избори, бидејќи кога се има избори тогаш треба да се избира помеѓу нешто, па праша членството за кој гласаше дали за Зоран или за Заев. Малчески смета дека изјавите дека вчерашниот ден биле некаков исчекор во демократијата се смешни, укажувајќи дека ноторна глупост е дека ова се првите внатрепартиски избори. -Кога некој ќе каже дека вчерашниот ден бил некаков исчекор во демократијата мене ми е смешно и затоа се смеа. Зошто ми е смешно? Ноторна глупост е дека ова се првите внатрепартиски демократски избори. До 2003 година додека не беше сменет Статутот на ВМРО-ДПМНЕ тогашниот статут предвидуваше избори на претседатели на општински комитети, на месни комитети, членството гласаше непосредно на состаноци и тоа беше еден своевиден внатрепартиска демократија, рече Малчески и додаде: Понатаму, истото се случуваше и во СДСМ и тоа се случуваше до 2014, 2015 година кога практично Зоран Заев со тогашната промена на Статутот на СДСМ ги укина внатрепартиските избори. По луѓето кои што гласаа за претседателе на локални клубови, за делегати на конгрес на СДСМ, наеднаш почнаа да се поставуваат на конкурси небаре бирате мис а не партиско раководство. -Вчерашните избори во СДСМ прво не се избори. Имате избори кога треба да избирате помеѓу нешто. Што избираа вчера? Го гласаа Зоран или го гласаа Заев? Зошто не овозможија да има втор кандидат, прашува тој.