внатрешна безбедност – Kurir.mk

Лиза Монако назначена за привремен шеф на внатрешната безбедност на САД

Тале Кристо — Fri, 15 Jan 2021 06:49:36 +0000

Новоизбраниот американски претседател Џозеф Бајден побара од Лиза Монако, неговиот кандидат за заменик државен обвинител и советник за борба против тероризмот на поранешниот претседател Барак Обама, да биде привремен советник за внатрешна безбедност. Веста во пресрет на претстојната инаугурација на Бајден ја соопшти портпаролот на транзицискиот тим на Бајден, пренесуваат британските медиуми. -Г-ѓа Монако ќе му помогне на избраниот претседател и ќе работи со идниот советник за национална безбедност, идниот советник за внатрешна безбедност и сегашните службеници за безбедност и за спроведување на законот, вклучително и тајната служба на САД во нивните планови за инаугурацијата, изјави портпаролката.

Aдвокат со кубанско потекло назначен за шеф за внатрешна безбедност на САД

Магдалена Андонова — Tue, 24 Nov 2020 08:47:58 +0000

Новоизбраниот американски претседател Џо Бајден го номинираше Алехандро Мајоркас, адвокат со кубанско потекло, за американски секретар за внатрешна безбедност, соопшти тимот на Бајден. На Мајоркас, поранешен јавен обвинител во Калифорнија и заменик-министер за внатрешна безбедност на САД во администрацијата на Барак Обама, му е доверено Министерството за внатрешна безбедност и се очекува да ја смени строгата имиграциска политика на Трамп. Министерството за внатрешна безбедност е основано по терористичките напади на 11 септември 2001 година, управува со крајбрежната стража и тајната служба, вработува околу 240.000 луѓе и е одговорно за безбедноста на границата, имиграциската контрола и кибер безбедноста, природни катастрофи и обезбедување помош на ранливите категории. Мајоркас, кој сега има 61 година, е роден во Хавана, но со семејството побегнал од режимот на Кастро во САД кога имал една година, прво во Флорида, а потоа во Калифорнија. - Соединетите Американски Држави ми дадоа на мене и на моето семејство место за живеење и засолниште. Денес сум номиниран да ги заштитам сите Американци и оние кои емигрираат во Америка барајќи подобар живот за себе и за своите најблиски, напиша Мајоркас на Твитер. (МИА)

Американскиот секретар за внатрешна безбедност поднесе оставка

Тале Кристо — Sat, 12 Oct 2019 07:28:39 +0000

Претседателот на САД Доналд Трамп соопшти дека вршителот на должноста секретар за внатрешна безбедност, Кевин Мекалинен (48) поднел оставка, а следната недела ќе биде назначен нов в.д. „Кевин, по многу години во владата, одлучи да минува повеќе време со своето семејство и да биде во приватниот сектор“, напиша Трамп на Твитер. Мекалинен во април годинава стана четвртата личност на чело на Министерството за внатрешна безбедност од почетокот на претседателството на Трамп.