внук – Kurir.mk

ЈАСНО Е НА КОГО ЛИЧИ – Цеца објави прва фотографија од внукот Крстан, ќе биде ли нејзин омилен член од семејството? (ФОТО)

Дарко Андоновски — Mon, 31 Jul 2023 08:47:56 +0000

Помладиот син на Богдана и Вељко Ражнатовиќ се роди во април оваа година и донесе неопислива радост во нивниот дом, а освен што веднаш ги освои срцата на членовите на семејството, малиот Крстан стана вистинска ѕвезда на социјалните мрежи. Неговите блиски во последно време гордо објавуваат фотографии кои наидуваат на општиот ентузијазам во јавноста и предизвикуваат најдобри реакции, а најрадосна е популарната баба Цеца која својот помал внук сака да го покаже на целиот свет. - Мојот убав Крстан - напиша пејачката со срце и преслатка фотографија на која малото момче спие и ги разбуди најнежните емоции во армијата обожаватели. Во улогата на баба, во која веќе е многу добра, Цеца очигледно ужива, а задоволна е и од комплиментите што помалиот син на Богдана и Вељко Ражнатовиќ ги добива на толку млада возраст, бидејќи тој е ликот и портретот на Ражнатовиќ. Многумина се согласуваат дека малиот Крастан неодоливо личи на неговиот постар брат Жељко и дека и двајцата несомнено ќе ги скршат женските срца кога ќе пораснат. За потсетување, кога преслаткиот Крстан ја здогледа светлината на денот на 17 април, пејачката не можеше да ја сокрие среќата, а емоциите ги сподели со медиумите веднаш по породувањето на Богдана.

КОНЕЧНО ПРОСЛАВА ВО ДОМОТ НА АНА НИКОЛИЌ: Пејачката се огласи, скандалот е зад неа – убавите вести се проширија со брзина на светлината (ФОТО)

Дарко Андоновски — Tue, 11 Jul 2023 18:16:58 +0000

Пејачката Ана Николиќ веќе со недели е во центарот на вниманието откако во јавноста се појавија видео снимки од нејзиното лице кое буквално се распаѓа. По неколкуте недели агонија и изолираност од јавноста, денес пејачката конечно со убави вести кои ги сподели преку својот Инстаграм профил. Имено Ана јавно и го честиташе роденденот на својот внук Коста од братот Марко Николиќ кој и беше и нејзин менаџер до неодамна, но таа ја прекина заедничката соработка поради тоа што тој од неа очекувал војничка дисциплина како и ред и поредок. -Мој Коста...душа мала... те сакаме со Тара многу. Среќен роденден.10.07.2018, напиша пејачката со што се докажува дека е посветена тетка и ги сака своите внуци.

„Кланот од Зајас се стекна со мултимилионски бизниси, на Абази му седат на глава, а Ковачевски не смее збор да изусти“

Дарко Андоновски — Sat, 01 Jul 2023 07:01:55 +0000

Кланот од Зајас се стекна со мултимилионски бизниси, на Абази му седат на глава, а Ковачевски не смее збор да изусти, ова денеска преку соопштение до јавноста го истакнаа од ВМРО-ДПМНЕ.

-Внукот на Али Ахмети, Дрин, на само 25 години, без вложен денар се стекна со 39% од луксузниот деловен центар „Соравиа“. Никој во светот не отстапува некому 39% за џабе, сите знаат зошто Дрин Ахмети добива без пари 39% од „Соравиа“. Дрин Ахмети со друга своја фирма поседува и каменолом во Кичево, а со трета фирма концесија за мала хидроцентрала за чија изградба се потребни 1.2 милиони евра, велат од партијата.

Од таму додаваат дека и додека Али Ахмети е лидер на ДУИ и пратеник, внукот на Ахмети влегува во мултимилионски бизниси, а институциите не смеат да преземат ништо.

„Криминалците од ДУИ мора да одговараат. Одговорност ќе има“, стои во партиското соопштение.

Антикорупциската комисија нема надлежност да постапува за внукот на Ахмети, вели Ивановска

Дарко Андоновски — Fri, 23 Jun 2023 13:14:56 +0000

Внукот на Али Ахмети не е избрано и именувано лице поради што, Државната комисија за спречување на корупцијата (ДКСК) директно нема надлежност да постапува по него, рече денеска претседателката на ДКСК, Билјана Ивановска. Одговорајќи на новинарско прашање дали ДКСК го следи случајот „Соравија“ во кој е наводно инволвиран внукот на Ахмети и дали има можност за постапување, Ивановска напомена дека ДКСК веќе четири години укажува на неопходноста од донесување закон за потекло на имот. - Веќе четири години кажуваме дека е неопходен закон за потекло на имот согласно кој, секој граѓанин ќе се изјасни од каде му се средствата за стекнување на имотот. Законот почна да се подготвува, се оформи работна група со поддршка на Советот на Европа уште од претходниот Кабинет за борба против корупцијата, кога беше вицепремиер Љупчо Николовски, почна постапката за овој закон, стигна до некоја драфт верзија, која од минатата година до пред две недели е во Кабинетот на вицепремиерката Грковска. Пред две недели не викнаа на состанок за да видиме дека е променет насловот на законот и тој веќе не е закон за потекло на имот, туку е закон за конфискација без донесување судска пресуда, што по мене е нелогично, бидејќи, како би се вршела конфискација ако не се испита потеклото на имотот?, рече Ивановска на прес-конференција. Таа информира и дека е избришан делот од законот во кој ДКСК барала секој граѓанин да има обврска да го пријави и имотот, но и средствата со кои е стекнат. - Според нас, се губи основната цел на постоењето на тој закон. Дали Владата ќе донесе понатаму одлука, дали ќе формира работно тело за подготовка, не знам, но мислам дека се изгуби многу време, а тој закон е основен ако сакаме вистинска борба против корупцијата зашто ние имавме бројни случаи и дојави дека некој има некаков имот, а кога ќе го провериме со Катастарот, имотот му е во ред. Значи, упатува на тоа дека е пријавен на друго лице. Единствен начин да се спречи тоа, е да се има клучна контрола. Клучната контрола треба да даде црвени светла каде постои ризик дека нешто е незаконски, а тоа може да се постигне само ако се направи поврзување на податоци кои ги имаат институциите кои регуларно ги собираат и изготвување софтвер кој ќе детектира ризици. Тоа не е воопшто тешко да се спроведе, но треба добра волја, потенцира Ивановска.

Два дена притвор за осомничените за грабнувањето на внукот на Бошкоски, однесени се во затворот во Шутка

Дарко Андоновски — Thu, 09 Mar 2023 20:03:14 +0000

Притвор добија двете лица кои се осомничени дека имале улога во грабнувањето на Самоил Костадиновски, внук на Љубе Бошкоски. Судија од Кривичен суд го прифатил предлогот даден од скопското Обвинителство, па лицата со иницијали В.М. и С.Ч. ќе останат два дена во затворот „Скопје“ во Шутка. Двете лица се осомничени за кривично дело грабнување. Повеќе детали од институциите не се споделуваат, а со оглед дека истрагата е во тек. Засега непознато е и дали МВР успеа да го лоцира Костадиновски, кој пет дена се води како исчезнат. Истрагата за грабнувањето на Костадиновски ја води МВР во координација со скопското Обвинителство. Лицето беше пријавено за исчезнато, а потоа започнаа и шпекулации дека е киднапиран. Гласините и информациите допреа до Обвинителството, со што се потврдува дека грабнување имало. Изминатите денови се појавија и информации дека Костадиновски е грабнат од криминална група од Албанија и Турција – но ова остана непотврдено од институциите. Шпекулациите беа дека се работи за нерасчистени односи кои тој ги имал со тие лица. Костадиновски за исчезнат беше пријавен од неговиот брат. Потоа, беа земени снимки од безбедносни камери, информации од очевидци, а беа сослушани и лица од кои беше можно да се добијат повеќе информации. 26-годишното момче, Самоил Костадинов е внук од брат на Виолета, сопруга на Љубе Бошкоски. Таа за неколку медиуми веќе има изјавено дека е потресена од целото случување. Ниту таа, ниту семејството, немаат детали информации што се случило со скопјанецот, освен раскажувањата од негови пријатели.

СЕ ОДМОТУВА КЛОПЧЕТО – овие две лица знаат многу повеќе од сите нас за киднапирањето на внукот на Бошкоски, се бара веднаш да бидат притворени!

Дарко Андоновски — Thu, 09 Mar 2023 18:10:52 +0000

Две лица се приведени и за нив се бара притвор како осомничени дека учествувале во грабнувањето на Самоил Костадиновски, внук на Љубе Бошкоски, дознава „Макфакс“. Извори од Кривичен суд, додаваат дека осомничените се изведени пред судија, кој ќе треба да одлучи дали ќе им определи 48-часовен притвор како што побарал обвинителот кој го води случајот. Истрагата за грабнувањето на Костадиновски ја води МВР во координација со скопското Обвинителство. Лицето беше пријавено за исчезнато, а потоа започнаа и шпекулации дека е киднапиран. Гласините и информациите допреа до Обвинителството, со што се потврдува дека грабнување имало. Изминатите денови се појавија и информации дека Костадиновски е грабнат од криминална група од Албанија и Турција – но ова остана непотврдено од институциите. Шпекулациите беа дека се работи за нерасчистени односи кои тој ги имал со тие лица. Костадиновски за исчезнат беше пријавен од неговиот брат. Потоа, беа земени снимки од безбедносни камери, информации од очевидци, а беа сослушани и лица од кои беше можно да се добијат повеќе информации. 26-годишното момче, Самоил Костадинов е внук од брат на Виолета, сопруга на Љубе Бошкоски. Таа за неколку медиуми веќе има изјавено дека е потресена од целото случување. Ниту таа, ниту семејството, немаат детали информации што се случило со скопјанецот, освен раскажувањата од негови пријатели.

БРАНКО ЦРВЕНКОВСКИ СТАНА ДЕДО – неговиот внук ќе носи име на кое ќе се гордее најмногу поранешниот претседател!

Дарко Андоновски — Tue, 15 Nov 2022 13:22:50 +0000

Поранешниот претседател и премиер на Македонија и поранешен лидер на СДСМ, Бранко Црвенковски, стана дедо откако неговиот син Љупчо викендов стана татко на синче, кое, според најавите од семејството, би требало да биде крстено по дедото - Бранко. Неизмерна е радоста во семејството на Бранко Црвенковски. Поранешниот претседател и премиер на Македонија и поранешен лидер на СДСМ, Бранко Црвенковски, стана дедо откако неговиот син Љупчо викендов стана татко на синче, кое, според најавите од семејството, би требало да биде крстено по дедото – Бранко. Бранко Црвенковски и сопругата Јасна имаат две деца, син Љупчо и ќерка Марија. Синот е оженет со ќерката на поранешниот директор на Комерцијална банка Скопје, Драгољуб Арсовски, кој, во времето на Владата на СДСМ во 2002-2004, ја водеше Комерцијална банка додека Хари Костов беше министер за внатрешни работи.

ТОА БЕШЕ И МОЕ ДЕТЕ – српската пејачка пред една година доживеа голема трагедија, Бог ги зема само таквите и тоа на овој ден! (ФОТО)

Дарко Андоновски — Tue, 08 Nov 2022 21:15:56 +0000

Пејачката Јана Тодоровиќ била во странство кога пред една година дознала за смртта на нејзиниот внук, чиј роденден би бил денес. Кога семејството Тодоровиќ доживеа голема трагедија, Јана беше на турнеја во Америка. Денеска тој ќе прославеше роденден, да не починеше ненадејно. Па затоа по тој повод денес пејачката се огласи на својот Инстаграм каде објави нивни заеднички фотографии и емотивна порака. - Бане мој, срце на тетка! Денес е твој ден, најважен за мене иако веќе не си тука. Најубавиот ангел на тетка, Господ зема само такви! Само да го издржам овој ден – напиша Јана. Да потсетиме, внукот на Јана почина пред една година, а пејачката неколку пати потенцираше дека таа не му е тетка туку втора мајка. - Се уште се опоравувам од најголемата трагедија во мојот живот. Не умре мојот внук, туку моето дете. Тоа е еден млад живот, зад себе остави петгодишна ќерка. Тој не е само дете на сестра ми, туку беше и мое дете – изјавила во една прилика.

Внукот на Тоше Проески порасна во вистински заводник – неговиот вујко забранил да се појави во неговиот спот поради оваа причина! (ФОТО)

Дарко Андоновски — Tue, 18 Oct 2022 16:45:48 +0000

Поминаа 15 години откако Тоше Проески загина во сообраќајна несреќа, но неговата ѕвезда сè уште свети со истиот сјај. Македонскиот пејач имаше само 26 години кога почина, но и тогаш уживаше во статусот на еден од најдобрите музичари во регионот. За длабокиот белег што го остави Тоше Проески на сцената говори и тоа што ниту еден музички натпревар не поминува без хитовите што ги сними, а многу млади пејачи кои штотуку избиваат на сцената се обидуваат да го копираат неговиот начин на пеење. По патот на Тоше тргна и неговиот внук Кристијан Ристески, син на неговата сестра Дора, која има 25 години. Пошироката јавност првпат слушна за Кристијан кога како момче ја пееше песната „Моја малечка“ заедно со неговиот познат вујко, а видеото кое е снимено една година по смртта на Тоше го сочинуваат фотографии од нивниот семеен албум.

‒ Тоше и Кристијан беа многу блиски. Му всадил љубов кон музиката, го научил да свири и да пее. Сепак, тој никогаш не сакал јавно да го разоткрие својот внук. Се сеќавам кога го снимаше спотот за песната „Мој свет“, посветена на „Уницеф“, во кој се појавуваат многу деца, нашата мајка го праша зошто не го покани и Кристијан, а тој одговори: „Кристијан е многу талентиран. Ќе дојде време кога ќе биде претставен на јавноста. Засега сакам да го држам настрана, тешко е да се биде дел од естрадата. Моите синови Кристијан и Никола беа во шок кога тој почина, не можеа да прифатат дека го нема“, изјавила во една прилика неговата сестра. Кристијан Ристески, за кој се вели дека е вистинскиот наследник на Тоше Проески, живее во Скопје. Студирал на Факултетот за аудиовизуелни уметности, а извесно време престојувал во Лондон на покана на британскиот продуцент Енди Рајт, кој бил и соработник на Тоше.

Ана Бекута му даде отказ на својот син – еве кого постави на негово место, од одлуката буквално подзина цела естрада (ФОТО)

Дарко Андоновски — Tue, 07 Jun 2022 09:37:52 +0000

Познатата српска пејачка Ана Бекути последните години ја менаџираше синот Игор Полиќ, но бидејќи во последно време имаше неколку деловни испади, таа реши да го замени со внукот Бранко Полиќ. Игор ги закажуваше настапите на Ана, ги договараше цените на тезгите и ги правеше сите придружни работи што ги предвидуваше неговата работа, но направи неколку грешки кои мајка му не сакаше да ги толерира.

View this post on Instagram

A post shared by Ana Bekuta (@anabekuta1)

Според извор за српските медиуми, меѓу Ана и Игор дошло до недоразбирање бидејќи тој имал неколку последователни деловни неуспеси поради кои била принудена да го отпушти. Како решение за негова замена го гледала својот внук Бранко, бидејќи тој поминува многу време со неа и е упатен во сите деловни обврски, па претпоставувала дека добро ќе се снајде во новата улога. -Игор и Ана се прво мајка и син, а потоа се останато. Можеби е подобро да го отпушти за да нема жестока кавга меѓу нив, што може засекогаш да им ја наруши врската – го започнал изворот разговорот за гореспоменатиот медиум и открил како била прекината соработката меѓу мајката и синот.

View this post on Instagram

A post shared by Ana Bekuta (@anabekuta1)

– Ана минува низ тежок период откако почина Мрка, но продолжи да пее. Игор до неодамна и ги средуваше сите тезги, гостувања и настапи, но меѓу нив дојде до недоразбирање. Колку што слушнав, прво не го отпушти, го опомена и опоменуваше некое време, но очигледно без никаков успех. Игор направи неколку грешки со сопствениците на локалот каде што требаше да настапи Ана и не издржа повеќе – објасни соговорникот.

View this post on Instagram

A post shared by Ana Bekuta (@anabekuta1)

– Мислам дека парите не беа пресудни за да ја прекинат соработката, Игор не е таков човек. Мислам дека имаше некои пропусти околу организацијата, а Ана е суров професионалец и така се случи да му рече на синот дека повеќе нема да соработуваат. Сè уште се во добри односи, се гледаат како порано, таму ништо не се смени – заклучи тој.

View this post on Instagram

A post shared by Ana Bekuta (@anabekuta1)