вода за пиење – Kurir.mk

Водата во Скопје безбедна за пиење

Катерина Бојаџиева — Mon, 24 Jul 2023 08:12:37 +0000

Примероци од вода, земени на 48 мерни места во Скопје одговараат на Правилникот за барања за безбедност и квалитет на водата за пиење, информира ЈП Водовод и Канализација - Скопје, соопштувајќи ги резултатите од неделниот извештај за анализа на водата за пиење. Од 17 до 21 јули биле земени 197 примероци за физичко-хемиска и 197 примероци за микробиолошка анализа на вода за пиење од 48 мерни места во Градот Скопје. Анализите, како што информира ЈП Водовод и Канализација - Скопје, ги направи Секторот за санитарна контрола - прва лабораторија во државата акредитирана според стандардот ИСО17025:2018.

Водата во Скопје безбедна за пиење

Катерина Бојаџиева — Mon, 10 Jul 2023 12:33:33 +0000

Примероци од вода земени на 39 места во Скопје одговараат на Правилникот за барања за безбедност и квалитет на водата за пиење, информира ЈП Водовод и канализација, соопштувајќи резултати од неделниот извештај за анализа на водата за пиење. Од 3 до 7 јули биле земени 183 примероци за физичко-хемиска и 183 примероци за микробиолошка анализа на вода за пиење, а анализите ги направи Секторот за Санитарна контрола – прва лабораторија во државата акредитирана за работа според стандардот ИСО17025:2018.

Пијат ли скопјани квалитетна и безбедна вода?

Катерина Бојаџиева — Mon, 19 Jun 2023 08:10:43 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 12.06.2023 до 16.06.2023 зема 187 примероци за физичко-хемиска и 187 примероци за микробиолошка анализа на вода за пиење од 43 мерни места во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Во Франција, водата за пиење контаминирана со пестицид забранет во 2019 година

Катерина Бојаџиева — Thu, 06 Apr 2023 17:59:48 +0000

Водата за пиење во Франција е во голема мера загадена со метаболити на хлороталонил, пестицид забранет во 2019 година, се вели во извештајот објавен денеска од Националната агенција за безбедност на храна, животна средина и здравје при работа. Се додава дека дури 34 отсто од водата што се дистрибуира во Франција не е во согласност со прописите, пишува париски „Монд“ и додава дека неколку месеци речиси насекаде во Франција, јавните власти за вода за пиење и делегираните компании се вознемирени од откривањето на високи концентрации на производи од разградувањето на хлороталонил, пестицид што го продава Syngenta, кој се користи од 1970 година, но беше забранет во Европа во 2019 година. Во извештајот, Националната агенција за храна, животна средина и здравје и безбедност при работа (ANSES) го потврдува речиси генерализираното присуство на метаболитот R471811 во површинските и подземните води на метрополата, и што е уште поалармантно, конвенционалните канали за третман на отпадни води не може да се ослободат од него, поради што голем број Французи добиваат вода од чешмата која поради оваа молекула не е во согласност со регулаторните критериуми за квалитет. Сепак, не е докажано никакво влијание врз здравјето на предметниот метаболит при овие дози на изложеност. Тие, исто така, наведуваат дека хлороталонил се користи 50 години и дека луѓето насекаде пијат неквалитетна вода долго време и дека се уште е отворено прашање колку време ќе биде потребно, по забраната на неговата матична молекула, за R471811 да исчезне од околината. Се додава дека швајцарските здравствени власти утврдиле дека R471811 бил присутен во 60 отсто од сливовите на Швајцарската висорамнина - регион каде се концентрирани две третини од населението во земјата. Главната непознаница е можното влијание на овие траги од пестициди врз здравјето, бидејќи не постојат долгорочни студии за неговите здравствени ефекти. Како што се наведува, потребни се инвестиции за третирање на тој пестицид, а експертите велат дека се потребни инвестиции на национално ниво од неколку милијарди евра.

УНИЦЕФ: Илјада деца умираат секој ден поради загадена вода за пиење

Ивона Петрова — Mon, 20 Mar 2023 06:32:58 +0000

Загадената вода за пиење и недостиг на санитарна инфраструктура ги загрозуваат животите на децата ширум светот, соопшти УНИЦЕФ. Секој ден, повеќе од илјада деца на возраст под пет години умираат од болести предизвикани од загадена вода, недостиг на санитарни услови и лоша хигиена, објави УНИЦЕФ денеска во Њујорк. Вкупно 190 милиони деца во 10 африкански земји се изложени на ризик, покажува новата анализа на организацијата. Ситуацијата е најсериозна во земјите од Западна и Централна Африка, како што се Бенин, Буркина Фасо, Камерун, Чад, Брегот на Слоновата Коска, Гвинеја, Мали, Нигер, Нигерија и Сомалија. Многу од овие земји страдаат од нестабилност и вооружени конфликти, што дополнително го отежнува пристапот на децата до чиста вода и канализација. Среда е Светски ден на водата, а на тој ден во Њујорк започнува конференцијата на ОН - целта е да се разгледа степенот до кој може да се постигнат меѓународно договорените цели, вклучително и целта за одржлив развој на ОН за пристап до чиста вода до 2030 година, јави ДПА. Според податоците на ОН, дури две милијарди луѓе во светот или секој четврти жител не може да смета на чиста вода.

Неделен извештај: Дали е квалитетна водата која ја пијат скопјани?

Ивана Ефремовски — Mon, 30 Jan 2023 09:21:14 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 23.01.2023 до 27.01.2023 зема 192 примероци за физичко-хемиска и 192 примероци за микробиолошка анализа на вода за пиење од 43 мерни места во Градот Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Неделен лабораториски извештај: Дали е квалитетна и безбедна водата за пиење во Скопје?

Ивана Ефремовски — Mon, 19 Sep 2022 10:25:37 +0000

ЈП Водовод и канализација - Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 12.09.2022 до 16.09.2022 зема 197 примероци за физичко-хемиска и 197 примероци за микробиолошка анализа на вода за пиење од 41 мерни места во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РСМ, бр.183/18).

Неделен лабораториски извештај: Каква е водата која ја пијат скопјани?

Ивана Ефремовски — Mon, 04 Jul 2022 07:45:35 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 27.06.2022 до 01.07.2022 зема 200 примероци за физичко-хемиска и 200 примероци за микробиолошка анализа на вода за пиење од 43 мерни места во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Штипјани да не ја користат водата за пиење и готвење

Ивона Петрова — Fri, 18 Feb 2022 08:37:03 +0000

Штипјани и денеска да не ја користат вода за пиење и готвење. Водата од системот за водоснабдување е само за техничка употреба. Директорот на ЈП „Исар“, Трајче Здравков за МИА вели дека веќе втори ден експертите од Словенија работат на подесување на двата система за водоснабдување. Штип ќе може да се снабдува со вода за пиење од бунарскиот систем и од хидросистемот „Злетовица“. Здравков закажа прес-конференција во 12 часот на која подетално ќе објасни за каква процедура станува збор, околу прилагодувањето на филтер станицата во која е инсталирана современа опрема за ултра филтрација од над пет милиони евра. На веб страницата на ЈП „Исар“ ќе бидат објавени локациите во населбите каде ќе има цистерни со вода за пиење и готвење. Здравков апелира граѓаните да имаат разбирање, бидејќи со подесување на системот, градот Штип во наредните децении ќе нема проблеми со водоснабдувањето, ниту пак со намален притисок на водата во високите зони.

Еве каква вода пијат скопјани според најновата анализа

Дарко Андоновски — Tue, 19 Oct 2021 08:32:30 +0000

Водата во Скопје е безбедна за пиење, покажуваат анализите од примероците за физичко-хемиска и микробиолошка анализа земени од 47 мерни места во градот. Од Јавното претпријатие „Водовод и канализација“ информираат дека во периодот од 11 октомври до 15 октомври се земени 162 примероци за физичко-хемиска и за микробиолошка анализа на вода за пиење. – Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, се наведува во денешното соопштение на „Водовод и канализација“.