вода – Kurir.mk

Децата во Газа се соочуваат со катастрофална ситуација: „Мамо, зошто не можам да пијам нормална вода како порано“?

Ивана Ефремовски — Mon, 30 Oct 2023 07:54:20 +0000

Детскиот фонд на Обединетите нации (УНИЦЕФ) денеска предупреди дека децата во Газа се соочуваат со катастрофална ситуација, бидејќи нивните родители немаат друг избор освен да им дадат да пијат солена вода. Портпаролот на УНИЦЕФ Тоби Фрикер изјави за Би-Би-Си дека недостигот од вода постоел и пред конфликтот и дека сега се е подигнато на „друго ниво“. „Една наша членка, има четиригодишно и седумгодишно девојче и само се труди да ги заштити, да го преброди денот. Ни рече дека пијат само солена вода, а нејзиниот ќерката ја прашува: „Мамо, зошто не можам да пијам нормална вода како порано“, рече Фрикер. На прашањето за хуманитарната помош која сега може да влезе во Појасот Газа, Фрикер рече дека е точно дека помошта пристигнала, но дека тоа е „исклучително мала количина“. „Кога ќе ги видите огромните потреби на теренот што ги имаме, мора да имаме многу, многу повеќе (помош)“, посочи тој. Фрикер повика на „итен хуманитарен прекин на огнот“ и зголемена помош за Појасот Газа на „трајна основа“. „Она што сега го гледаме секојдневно е дека деца се убиени, ранети, осакатени. Наш приоритет е да ги заштитиме животите на децата и да ги одржуваме децата во живот“, нагласи портпаролот на УНИЦЕФ. (МИА)

Водата во Скопје безбедна и квалитетна за пиење

Катерина Бојаџиева — Tue, 24 Oct 2023 10:29:10 +0000

Водата во Скопје e квалитетна и безбедна за пиење, покажуваат примероците за физичко-хемиска и микробиолошка анализа земени од 49 мерни места во Град Скопје, информираат од ЈП Водовод и канализација - Скопје. Неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој, земените 197 примероци за физичко-хемиска и 197 примероци за микробиолошка анализа на вода за пиење, од 49 мерни места во Скопје, во периодот од 16 до 20 октомври 2023, покажува дека сите примероци одговараат на Правилникот за барања за безбедност и квалитет на водата за пиење.

Водата за пиење во Скопје е безбедна и микробиолошки исправна

Ивона Петрова — Mon, 16 Oct 2023 08:43:37 +0000

Водата за пиење во Скопје е безбедна и квалитетна, покажува најновиот лабораториски извештај на ЈП „Водовод и канализација“. - Секторот за санитарна контрола во периодот во периодот од 9.10.2023 до 13.10.2023 зема 157 примероци за физичко-хемиска и 157 примероци за микробиолошка анализа на вода за пиење од 43 мерни места во Градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, наведува претпријатието.

ВИДЕО: Хеликоптерот на МВР исфрли над десет тони вода врз пожарот во село Блаце

Тале Кристо — Thu, 12 Oct 2023 19:07:43 +0000

Денеска (12.10.2023) Одделот за воздухопловни единици на МВР по добиено барање од Центарот за управување со кризи за гасење на пожар во близина на село Блаце, го упати хеликоптерот Бел-412 и во координирано постапување со пожарникарите од Територијалната противпожарна единица, локализиран е крак од пожарот. Хеликоптерот Бел-412 врз пожарот исфрли над десет тони вода.

ОН: 650.000 луѓе во Газа се соочуваат со страшен недостиг на вода

Ивона Петрова — Thu, 12 Oct 2023 09:49:33 +0000

Израелското бомбардирање на Газа срамни 1.000 домови од саботата и многумина на територијата се соочуваат со страшен недостиг на вода, гориво и медицински материјали, соопшти хуманитарната канцеларија на ОН. Уште 560 станбени единици се сериозно оштетени и се непогодни за живеење, а најмалку 12.600 домови претрпеа штета поради израелските воздушни напади, пренесува Ал Џезира повикувајќи се на агенцијата на ОН. Агенцијата соопшти дека сите 13 болници на територијата се само делумно оперативни поради големиот недостиг на гориво и клучните медицински материјали. Се вели дека намалувањето на залихите на вода поради заострувањето на опсадата на Израел резултирало со страшен недостиг на вода за повеќе од 650.000 луѓе на територијата од 2,3 милиони жители. Уништени се канализациските системи, што исфрла непријатна отпадна вода на улиците и претставува опасност по здравјето.

Израелската армија со препораки до граѓаните да складираат храна, вода и лекови

Тале Кристо — Mon, 09 Oct 2023 20:16:29 +0000

Командата на израелската армија (ИДФ) објави упатства со кои им укажува на Израелците да се погрижат да се снабдат со храна и вода за најмалку 72 часа. „Кампањата може да биде долга и важно е секое семејство да се погрижи да има вода, храна, лекови и потребна опрема за итни ситуации“, се вели во соопштението. Тие препорачаа луѓето да проверат каде е нивното најблиско засолниште за заштита од бомбардирање.

НОВ ИЗВЕШТАЈ: Дали е квалитетна водата која ја пијат скопјани?

Ивана Ефремовски — Mon, 09 Oct 2023 07:41:10 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 02.10.2023 до 06.10.2023 зема 198 приvмероци за физичко-хемиска и 198 примероци за микробиолошка анализа на вода за пиење од 41 мерни места во Градот Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Водата за пиење во Скопје е безбедна, покажаа резултатите од лабораториските испитувања

Катерина Бојаџиева — Mon, 02 Oct 2023 08:23:23 +0000

Водата за пиење во Скопје е безбедна, покажуваат добиените резултати од испитувањата, односно сите примероци одговараат на Правилникот за барања за безбедност и квалитет на водата за пиење (Службен весник на РМ, бр.183/18) ЈП Водовод и канализација – Скопје денеска информира дека Секторот за санитарна контрола во периодот од 25.09.2023 до 29.09.2023 зема 188 примероци за физичко-хемиска и 188 примероци за микробиолошка анализа на вода за пиење од 41 мерни места во Градот Скопје. ЈП „Водовод и канализациј“ Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018.

Водата во Скопје безбедна за пиење

Катерина Бојаџиева — Mon, 25 Sep 2023 09:53:16 +0000

Водата за пиење во Скопје е безбедна покажуваат резултатите од направените физичко-хемиски и микробиолошки испитувања од 47 мерни места во градот. -Секторот за санитарна контрола во периодот од 18.09.2023 до 22.09.2023 зема 194 примероци за физичко-хемиска и 194 примероци за микробиолошка анализа на вода за пиење од 47 мерни места во Градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, информираа денеска од ЈП „Водовод и канализација“. Овие информации, од јавното претпријатие ги објавуваат во рамки на неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Пиете вода во текот на оброците? Експертите објаснуваат зошто тоа не е добра идеја

Ристе Здравков — Fri, 22 Sep 2023 06:31:40 +0000

Распространета е навиката меѓу луѓето да пијат вода за време на оброците, меѓутоа, експертите истакнуваат дека таа може да биде бескорисна, па дури и штетна за дигестивниот процес. Водата има многу придобивки за нашето здравје – го поддржува варењето, ја одржува кожата хидрирана, помага при слабеење и обезбедува енергија. Се препорачува да се консумираат најмалку два литра вода дневно за да се одржи оптимално хидрирано телото. Сепак, важно е да се одвои внесот на вода од оброците. Експертите предупредуваат дека комбинирањето на вода со храна за време на оброкот може да ги разреди дигестивните ензими кои се клучни за варење на храната. Ова може да резултира со дигестивни проблеми, вклучително и запек. Покрај тоа, пиењето вода за време на оброците може да предизвика зголемување на нивото на инсулин, што го зголемува ризикот од складирање на маснотии во телото и може да доведе до дебелеење. Експертите препорачуваат да не се консумира вода половина час пред оброк и најмалку час по оброкот за да се избегнат потенцијални дигестивни проблеми. Доколку се чувствувате непријатно додека јадете и сакате да испиете голтка вода, подобро е тоа да го правите постепено, во мали количини, наместо да пиете големи количини вода за време на оброкот. Овој пристап може да помогне во одржување на ефикасно варење и одржување на добро здравје.