водич – Kurir.mk

Канадскиот водич за с*кс во време на пандемија го насмеа светот

Ристе Здравков — Fri, 24 Jul 2020 19:04:59 +0000

Можеби целта не им беше таква, но канадските совети за безбеден секс во време на пандемија успеаја да го насмеат светот во овие тешки времиња. Смеата на сите ни е потребна, а канадските власти баш се потрудија да нè расположат. Здравствените служби на сојузната држава Британска Колумбија објавија совети за безбеден секс среде пандемија кои изгледаат искрено, но се на прв поглед смешни. Листата со совети наречена „COVID-19 и секс“ е објавена оваа недела од Центарот за контрола на болести на Британска Колумбија и стана главна тема на социјалните мрежи Советот е дека во овие тешки времиња мастурбацијата би можела да биде најдобра опција, истакнувајќи дека „вие сте си ваш најбезбеден сексуален партнер“. „Доколку на некој и понатаму му треба друштво, а се чувствува здраво, за време на чинот би требало да носи прекривка или маска за лице и да избегнува бакнување“, стои во листата. Сексуалните играчки не треба да ги делите со други. „Мијте ги играчките темелно со сапун и вода пред и по употреба“. Се додава партнерите да избегнуваат допири по лицето, сугерирајќи употреба на маски и прегради дури и за време на орален секс. „Користете прегради како ѕидови или дупки во ѕидовите кои ви овозможуваат секс, но спречуваат близок контакт лице в лице“, советуваат Канаѓаните. Новата листа на Британска Колумбија е инспирирана од претходно објавен документ на здравствените власти во Њујорк.

The BC Centre for Disease Control is recommending using “glory holes” to practice safe sex during the pandemic — and I just want to know if this is a common thing people have in their homes. pic.twitter.com/sS7vmFuCDa
— Kamil Karamali (@KamilKaramali) July 21, 2020

Колку килограми може да слабеете неделно – водич за жени

Ристе Здравков — Wed, 04 Mar 2020 08:53:46 +0000

Ако некогаш сте почнале режим на исхрана или вежбање (или и двете), сигурно сте сакале да знаете со кое темпо ќе губите килограми. Слабеењето кај мажите и кај жените е различно, како и кај секоја индивидуа посебно, но има некои параметри по кои може да се водите. Доктор Ентони Балдузи ги советува жените како правилно и одржливо да ги остварат своите фитнес цели и како да имаат реални очекувања од напорите за слабеење.

Несекојдневен водич низ магичната Прага

Ивона Петрова — Thu, 21 Dec 2017 09:53:06 +0000

Познат како градот на кулите, Прага секоја година сè повеќе привлекува илјадници туристи на своите улици кои се богати со историја, култура и архитектура. Црквите и историските плоштади на овој град настанале под влијание на романтизмот, готиката, ренесансата и барокот, а неизмерно допринесуваат за неговиот шарм. Доколку сте вљубеник во традицијата, ве советуваме да го посетите Хотелот Четири сезони кој е идеално сместен покрај реката Влтава, а блиску до него е и стариот град, односно најпосетуваното туристичко место. За љубителите на историјата, Хотелот Аугустин кој некогаш бил манастир, а се состои од седум градби, е совршената опција. Модернизмот стана дел од историските објекти благодарејќи на Олга Полици која ги инкорпорирала елементите на кубизам во ентериер. И покрај тоа што Прага поседува голем број на музеи, театри и воопшто културни локалитети каде можете да го поминувате вашето време, овој град има репутација за рај за зависниците од купување. Посетете ја Париската улица за да го откриете најдобриот интернационален луксуз со брендовите Диор, Версаче, Хермес и многу други. Стариот град и неговите улици се идеалниот локалитет за купување на сувенири или за потрага по богатство во бројните антикварници. Со чешката гастрономија можете да се запознаете во ресторанот La Degustation Boheme Bourgeoise кој се смета за најдобар во градот, а отворената кујна ќе ви даде можност да погледнете што се случува зад сцената. Во Прага буквално ќе уживате во секоја уличка, бидејќи ќе наидете на некоја забавна активност. Посетете го домот на писателот Франк Кафка и музејот кој му е посветен или пак посетете го оригиналниот Beer Spa. Покрај понудениот луксуз, богатата историја и наследство, овој град сигурно ќе ве наведи повторно да го посетите.