водител – Kurir.mk

„Ми дадоа отказ кога дознаа дека имам рак“: Водителот кој ја губи битката со тешката болест во неверување од тоа што му го направиле во телевизијата! (ФОТО)

Дарко Андоновски — Fri, 25 Nov 2022 12:04:11 +0000

Телевизискиот водител Џони Ирвин ги обвинил продуцентите на емисијата „A Place in the Sun“ дека му дале отказ откако им кажал дека боледува од рак во терминална фаза. Ирвин за „The Sun“ рекол дека „Freeform Productions“ „го исплатил за остатокот од сезоната и не го обновил неговиот договор“ што било „навистина низок удар“. Претходно овој месец, водителот открил дека ракот на белите дробови му се проширил на мозокот.

View this post on Instagram

A post shared by Jonnie Irwin (@jonnieirwintv)

Тој беше водител на емисијата „A Place in the Sun“ од 2004 година, а од 2010 година се појавува во емисијата „Escape to the Country“ на „BBC One“. Ракот му бил дијагностициран во 2020 година, а докторите му прогнозирале 6 месеци живот, но тој својата дијагноза ја објави дури неодамна. „Можев да работам на емисијата „Escape to the Country“ и да патувам на неколку дена. Кога ми кажаа дека не можам, срцето ми беше скршено. Тоа што повеќе не работам на емисијата влијаеше на моето ментално здравје. Сега сум семеен човек, но сакам да бидам водител, да патувам и да заработувам за моето семејство. Не мислеа на мене“, изјавил Ирвин.

View this post on Instagram

A post shared by Jonnie Irwin (@jonnieirwintv)

„По две недели, нова личност ја презеде емисијата. Мислам дека по 18 години заслужив малку повеќе почит. Тоа сепак беше мојата прва телевизиска работа“, додал водителот. „Freeform Productions“ и „Channel 4“, на кои се прикажува емисијата, велат дека „ниту еден камен не останал непревртен“ во потрага по начин за тој да остане, но не можеле да добијат осигурување.

View this post on Instagram

A post shared by Jonnie Irwin (@jonnieirwintv)

„Иако не можевме да продолжиме да снимаме со него во странство, драго нѝ е што можеше да остане како дел од нашиот тим во Обединетото Кралство. Ние, секако, разбираме колку тоа е фрустрирачки за него во овој неверојатно тежок момент“, се вели во соопштението.

View this post on Instagram

A post shared by Jonnie Irwin (@jonnieirwintv)

„Имам уште неколку месеци живот, ја оставам жената сама, а синовите ќе останат без татко“: Познат водител шокираше, има рак на белите дробови!

Дарко Андоновски — Mon, 14 Nov 2022 15:14:51 +0000

Познатиот британски водител Џони Ирвин објави дека се бори со канцер во терминална фаза, како и дека му останалe уште неколку месеци живот. Овој 48-годишниот водител во интервју за магазинот “Hello” обелодени дека ракот на белите дробови се проширил на мозокот и се надева дека неговата приказна ќе ги инспирира луѓето за „секој ден да го искористуваат максимално“. Они откри дека првиот симптом го почувствувал во август 2020 година кога видот одеднаш му се замаглил додека возел.

View this post on Instagram

A post shared by Jonnie Irwin (@jonnieirwintv)

„Во рок од недела дена од тој момент ми рекоа дека имам уште шест месеци живот. Морам сам да одам дома и да и` кажам на својата жена, која тогаш ги чуваше нашите тукушто родени близнаци, дека ќе остане сама. Тоа беше поразувачки. Се што можев да направам е да и` се извинам. Се чувствувам виновен за се што се случува“, раскажа водителот. Џони со сопругата Џесика има двегодишни близнаци Рафа и Кормака и тригодишниот син Рекс, а вели дека до неодамна сакал својата болест да ја крие од јавноста.

View this post on Instagram

A post shared by Jonnie Irwin (@jonnieirwintv)

„Сепак, сега дојде до точка кога се чувствувам како да имам некоја извалкана тајна, како да имам невидлив товар на градите. Се надевм дека ќе го тргнам тој товар и ќе ги инспирирам луѓето кои се во истата ситуација, на кои деновите им се изброени, да го искористат секој ден на најдобар начин, да им помогнам да погледнат, да можат да живеат добар живот, дури и ако умрат. Еден ден, ова ќе ме сретне, но правам се што можам за тој ден да дојде подоцна. Им го должам тоа на мојата жена и на синовите. Некои луѓе во мојата ситуација имаат исти желби, но јас само сакам да направиме што повеќе како семејство“, раскажа Ирвин. Овој Британец истакна дека не знае уште колку му има останато, но дека е извесно дека нема многу, па сепак се труди да остане позитивен и да има став дека живее со ракот, а не дека умира од него.

View this post on Instagram

A post shared by Jonnie Irwin (@jonnieirwintv)

„Поставувам мали цели, работи поради кои сакам да бидам тука. Стекнав навика да не планирам ништо однапред, бидејќи можеби нема да бидам доволно добро за тоа да ги реализирам. Но сега, сега сакам да правам планови. Сакам да правам спомени и да ги фатам моментите со своето семејство, бидејќи реалноста е таква што моите деца ќе пораснат, а нема да го познаваат својот татко и тоа да им го скрши срцето“, заклучи тој.

Славниот водител на „Пинк“ долго време бил во болница: Голготата е зад него, еве какви вести му е најтешко да сподели со јавноста

Ивана Ефремовски — Fri, 11 Nov 2022 18:21:11 +0000

Иван Голушин, водителот на „Националниот дневник“ на ТВ Пинк се соочи со здравствен проблем за кој никој не знаеше. Кога се заврши, на мрежите се појави фотографија од неговиот болнички кревет. Не е позната причината зошто неколку недели бил во болница, а сега кога се врати на малите екрани откри зошто бил далеку некое време. -По неколку недели оваа глетка, и конечно оваа глетка што ја сакам, напиша тој, објавувајќи фотографија од болница на која се гледа со инфузијата. Голушин еднаш откри како се чувствува во моментите кога на милиони лица пред малите екрани треба да им раскаже трагични вести. -Отсекогаш се трудев тоа што го кажувам да биде точно, професионално и без емоции, да не ме засега. Најстрашно е кога читам вести за силувачи, за семејно насилство, замислувам како му е на тој човек, но кога би се справил со тоа, само би си наштетил, додаде Иван.

По шлаканицата од Вил Смит, Крис Рок одбил да биде водител на „Оскарите“

Ивона Петрова — Tue, 30 Aug 2022 07:59:14 +0000

При сценски настап во Феникс, Аризона, САД, во неделата вечер, комичарот Крис Рок откри дека од него било побарано да биде домаќин и на следните „Оскари“, но дека тој тоа го одбил, откако пред пет месеци на последното доделување на филмската награда „Оскар“ Вил Смит му упадна на сцената и му удри шлаканица поради шегата за фризурата на неговата сопруга Џејда Пинкет-Смит. Според западните медиуми, Рок го споредил враќањето на „Оскарите“ со враќање на „местото на злосторството“… Повикувајќи се на судењето на О.Џ. Симпсон за наводно убиство во 90-тите, комичарот рекол дека враќањето на следното доделување би било како да ја замолите Никол Браун Симпсон „да се врати во ресторанот“ (сопругата на О.Џ. беше убиена со својот љубовник – помлад келнер во ресторан). Рок ја одбил поканата. Но, исто така, откри дека му била понудена реклама за Супербоул-финалето, заснована на немилиот настан – и тоа го одбил. – Тој (Вил Смит) е поголем од мене… Државата Невада нема да одобри борба меѓу мене и Вил Смит, се шегувал Рок. Американската Академија за филмски науки и уметност, инаку организатор на „Оскарите“, засега нема коментар за тврдењата на Рок.

Си-Ен-Ен го суспендираше својот водител Крис Куомо, брат на поранешниот гувернер на Њујорк

Ивона Петрова — Wed, 01 Dec 2021 06:52:29 +0000

Си-Ен-Ен го суспендираше својот водител Крис Куомо на неодредено време, откако се појавија детали за тоа како тој му помогнал на својот брат, поранешниот гувернер на Њујорк, Ендрју Куомо, да се соочи со обвинувањата за сексуално вознемирување, откриени претходно оваа година. Телевизиската мрежа објави дека документите објавени од њујоршкиот државен обвинител во понеделникот укажуваат на тоа дека Крис Куомо бил повеќе вклучен во одбраната на својот брат отколку што знаеле раководителите на Си-Ен-Ен. „Како резултат на сето ова, го суспендиравме Крис на неодредено време и чекаме дополнителни проценки“, соопштија од Си-Ен-Ен. Водителот извршил притисок врз изворите поврзани со жртвите на неговиот брат и ги информирал соработниците на гувернерот за своите сознанија, активно помагајќи да се развие одбранбен план и одговор на обвинувањата. Канцеларијата на државниот обвинител Летиша Џејмс откри дека Ендрју Куомо сексуално вознемирувал најмалку 11 жени.

Водител на утринска програма ја прогласи кралицата Елизабета за почината – социјлните мрежи „вриштат“

Магдалена Андонова — Wed, 12 May 2021 14:02:01 +0000

Водителот на утринската програма „Добро утро, Британија“ случајно ја прогласи за мртва кралицата Елизабета. За време на интервјуто на гостинот, домаќинот направи гаф, што можеше скапо да го чини. - Многу зборуваме за принцот Филип, откако кралицата почина - рече домаќинот во утринската програма. Му требаа неколку минути да сфати што сторил, или некој од директорот го известил, па тој се извинил за грешката. Водителот рече дека го помешал нејзиното височество со принцот Филип, кој почина на 9 април. Додека гостинот разговараше, водителот одеднаш го прекина да им се извини на гледачите. - Извинете, дали можеби да кажам нешто. Мислам дека случајно ја прогласив кралицата за мртва. Секако, мислев на принцот Филип - рече водителот.

Alastair Campbell just accidentally announced the death of the Queen on #GMB. 😂
— Evil Del (@evil_del) May 12, 2021

Колешката се обидела да го утеши, велејќи дека „гледачите сигурно разбрале што сакал да каже“. Сепак, дотогаш водителот веќе стана ѕвезда на социјалните мрежи. Гледачите ги споделија своите статуси како луди.

I don't think the Queen is dead #GMB
— Intoxicated Jesus (@TheIntoxicatedJ) May 12, 2021

Почина легендарниот водител Лери Кинг

Тале Кристо — Sat, 23 Jan 2021 14:28:30 +0000

На 87 годишна возраст во болница во Лос Анџелес почина легендарниот и долгогодишен водител на „Си-Ен-Ен“ Лери Кинг. Во 2017 година на Кинг му беше дијагностициран рак на белите дробови, преживеа и неколку срцеви удари и имаше други здравствени проблеми, а на почетокот на месецот беше хоспитализиран поради ковид-19. Легендарниот водител стана славен во 70-те години од минатиот век со неговата емисија на радио „Шоуто на Лери Кинг“. Потоа доби сопствено шоу на „Си-Ен-Ен“ „Лери Кинг во живо“, кое се емитуваше од 1985 до 2010 година. Од 2012 до 2020 година се префли на „Хулу“ и „РТ Америка“ со шоуто „Лери Кинг сега“.

ПОЗНАТИОТ СРПСКИ ВОДИТЕЛ СТАНУВА СВЕШТЕНИК – еве која е причината за таа одлука

Магдалена Андонова — Sat, 16 Jan 2021 20:30:20 +0000

Дејан Станковиќ, познат како Деки Крал, е српски водител и учесник во реално шоу. Тој беше домаќин на контроверзната емисија „Луда куќа“, а во 2010 година беше еден од учесниците во реалното шоу „Фарма“. Дејан на крајот на 2016 година стана учесник во реалното шоу „Парови“, Станковиќ се повлече од јавноста во последните години, а сега ги изненади сите со нов оглас. Имено, тој напиша дека сака да ги остави зад себе сите работи што досега ги имал и да стане свештеник. - Сакам да станам свештеник !!! Како дипломиран теолог, напишав молба за ракополагање. Ако моето барање биде одобрено, ќе се вратам во Србија како свештеник - се наведува во соопштението на поранешниот водач, кој моментално живее во Брисел.

Голема трагедија во домот на водителот Лари Кинг: Ниту еден родител не би требало да го погреба своето дете

Ивона Петрова — Tue, 25 Aug 2020 10:37:11 +0000

Познатиот водител Лари Кинг (86) деновиве доживува вистинска семејна трагедија. Остана без две од своите пет деца и тоа во период од три недели. Прво на 28 јули од срцев удар почина 65 годишниот син Енди, а три недели подоцна од рак на белите дробови животот го загуби неговата ќерка Чиа (51). Кинг по овој повод се огласи на социјалните мрежи. -Со тага и скршено срце ја потврдувам загубата на своите две деца, Енди Кинг и Чија Кинг. Двајцата беа добри души и многу ќе ми недостасуваат. Енди почина изненадно од срцев удар, а Чиа почина на 20 август набрзо откако и беше дијагностициран рак на белите дробови. Да ги загубам нив е толку погрешно. Ниту еден родител не би требало да го погреба своето дете. Моето семејство и јас ви се заблагодаруваме за поддршката и добрите желби. Во овој момент потребно ни е малку време и приватност да се опоравиме. Ви благодарам за тоа, напиша познатиот водител на Фејсбук.

Почина водителот на квизот „Милионер“

Магдалена Андонова — Mon, 27 Jul 2020 10:10:18 +0000

Легендарното ТВ лице и водител Регис Филбин почина еден месец пред својот 89 роденден. Неговото семејство ги соопшти тажните вести, а како причина за смрт се наведуваат природни околности. „Се надеваме дека неговите долгодишни фанови и обожаватели ќе имаат разбирање и ќе ни дадат време да се опростиме од него, па така очекуваме малку приватност“ соопшти семејството. Водителот својата кариера ја запозна во 1960 година кога го водеше квизот милионер. Роден е 1931 година во Њујорк.