Зеленски: Борбите на истокот се брутални, дневно гинат меѓу 50 и 100 украински војници

Дарко Андоновски — Mon, 23 May 2022 05:36:38 +0000

Украинскиот претседател Володимир Зеленски соопшти дека во борбите на истокот од земјата секој ден гинат меѓу 50 и 100 Украинци. Притоа тој очигледно мисли на воените жртви на конфликтот. Најжестоки борби деновиве се водат околу градовите Северодонецк и Лисичанска, во Луганск, еден од двата региони што ја сочинуваат провинцијата Донбас на истокот на земјата, која Русите се обидуваат да ја освојат. Сергеј Гајдаи, гувернерот на Луганск, во телевизиско интервју изјави дека Русија користи „тактика на изгорена земја“ и дека Северодонецк е нападнат „од четири различни правци“. Но, тој тврди дека руските сили не успеале да влезат во градот. Дописничката на Гардијан од борбите во Украина, Ема Греам-Томпсон, наведува дека земјата досега не била особено транспарентна за сопствените воени жртви, додавајќи дека фактот што Зеленски отворено зборува за бројките значи дека во последниот месец на истокот од земјата се убиени 3.000 Украинци, додавајќи по некој збор за тоа колку се брутални борбите што таму се водат. с

Зеленски со апел до Германија: Спасете го Киев или како што го нарекувате „новиот Берлин“

Магдалена Андонова — Mon, 21 Mar 2022 14:57:46 +0000

Украинскиот претседател Володимир Зеленски во денешното телевизиско обраќање до нацијата апелираше до Германија да го спаси главниот град Киев. -Киев порано го нарекуваа „нов Берлин“, тоа се градови со сличен дух, отвореност, емоции, слобода, искреност на луѓето, клубови и забава, рече Зеленски, пренесен од Си-Ен-Ен. - Сега Киев е затворен. Тивко чека нови сирени за воздушен напад што ќе ги принуди луѓето да се засолнат, додаде украинскиот претседател. Зеленски објави 20-секундна снимка од сирената за воздушен напад, изјавувајќи дека Украинците го слушаат тој звук „со часови, денови и недели“. -Звукот на сирената е нешто со кое Украинците живеат, работат и се обидуваат да спијат. Тие ги лекуваат раните, раѓаат бебиња и умираат, додаде тој. Зеленски додаде дека и Европа и особено Германците „имаат моќ“ да извршат притисок врз Русија, додавајќи дека без „вашата трговија, вашите компании и банки, Русија нема да има пари да ја финансира оваа војна“. Украинскиот претседател ги повтори повиците на неговата земја за затворање на европските пристаништа за Русија, за откажување од руските извори на енергија и прекин на снабдувањето од Русија. -Сигурен сум дека мирот е можен. Но, треба да работите за да го постигнете тоа. Секој од вас во Германија, во Европа. За Киев повторно да се вика нов Берлин, за нашите улици и плоштади да бидат безбедни како вашите, рече Зеленски. (МИА)

водолимир зеленски – Kurir.mk

Зеленски: Борбите на истокот се брутални, дневно гинат меѓу 50 и 100 украински војници

Зеленски со апел до Германија: Спасете го Киев или како што го нарекувате „новиот Берлин“