водопади – Kurir.mk

Во Карпош водопади се леат низ улиците по невремето- за општинските власти и Богоев работното време одамна заврши (ВИДЕО)

Дарко Андоновски — Tue, 25 Aug 2020 14:34:17 +0000

По големото невреме кое го зафати Скопје пред два часа до нашата редакција пристигна видео од поплавени улици во скопската општина Карпош. Имено станува збор за населбата Козле каде на еден дел според видео снимката се гледа и како се формираат „природни водопади“ кои се леат низ улицата. И додека иста е ситуацијата и во населбите Нерези, Жданец, Трнодол и Тафталиџе за општинските власти во Карпош работното времето одамна заврши па граѓаните сами се справуваат со поплавените улици, затнати шахти, поплавени подруми и надојдена земја, кал и камења...

Алармантно: Пресушија Викториините водопади

Ивана Ефремовски — Mon, 09 Dec 2019 17:40:30 +0000

Викториините водопади, кои настанале на местото каде африканската река Замбези пропаѓа 100 метри надолу, на границата меѓу Зимбабве и Замбија, пресушија поради најлошата суша во последните 100 години. Убавината на овие водопади привлекувала милиони туристи, но оваа година се случи неочекувано намалување на нивото на водата. Постои стравување дека климатските промени би можеле трајно да ги уништат водопадите. -Ова првпат го имаме видено, изјави продавач на сувенири, додавајќи дека драстично е намален бројот на туристи кои виделе на интернет дека водопадите се забавени. Проблем е што цела област е погодена од суша и многу луѓе останале без храна и посеви поради сушата. Се проценува дека им е потребна помош на околу 45 милиони луѓе. Зимбабве и Замбија се погодени и со рестрикција на струја, бидејќи производството на овој енергент зависи исклучиво од хидроцентралата Кариба, која се наоѓа на реката Замбези. Податоците на официјални лица задолжени за реката Замбези покажуваат дека нивото на водата е под она од 1995 година, кога било најниско, а далеку под просекот. Викториините водопади се едни од најголемите и најспектакуларните во светот. Слаповите главно се широки над 1,5 километар, со пад од 128 метри. (МИА)

Нијагарините Водопади замрзнаа

Ристе Здравков — Wed, 23 Jan 2019 09:32:33 +0000

Нијагарините Водопади замрзнаа, што не се случува првпат, кога се работи за зимските месеци. Студениот бран којшто го зафати североистокот од САД и од водопадите направија леден ѕид. Слики од сето тоа секојдневно се споделуваат на социјални мрежи. Некои ја споредуваат убавата глетка со 3Д хит-цртаниот филм „Замрзнато кралство”.