водостои – Kurir.mk

Водостоите под просекот: За еден сантиметар зголемени нивоата на Охридско и Преспанско Езеро

Ивона Петрова — Wed, 18 Oct 2023 10:34:17 +0000

За еден сантиметар се зголемени нивоата на Охридското и Преспанското Езеро, покажуваат денешните хидролошки мерења. Сепак, двете езера се под просекот за октомври. Кај Дојранското Езеро кое е нешто над месечниот просек, промени во однос на вчерашниот ден нема. И кај реките не се забележани поголеми промени на водостоите, освен на вардар кај Велес.

Се намалуваат водостоите на реките

Ивона Петрова — Fri, 28 Jul 2023 09:09:14 +0000

Водостоите на најголем дел од реките во земјава се намалени во споредба со вчера, додека нивоата на трите природни езера се исти како вчерашните. Според последните мерења направени од Управата за хидрометеоролошки работи (УХМР), најголемо намалување на водостојот во споредба со вчера има реката Вардар на мерното место кај Јегуновце каде нивото е за 20 сантиметри пониско од вчерашното. Најголемо зголемување, пак, на водостојот од 12 сантиметри има реката Црн Дрим на мерното место кај Ложани. Нивоата на трите природни езера се исти како вчера и се под просекот за јули. Притоа, водостојот на Охридското Езеро е за еден сантиметар понизок од просечниот за овој период од годината, кај Преспанското е понизок за 1,87 метри, а кај Дојранското Езеро е понизок за дури 4,29 метри.

Намалени водостоите на реките во споредба со вчерашните

Ивона Петрова — Tue, 27 Jun 2023 08:51:52 +0000

Водостоите на речиси сите реки во земјава се повисоки од просекот за јуни, но најчесто бележат благо намалување во споредба со вчера. Според последните мерења направени од Управата за хидрометеоролошки работи (УХМР), исклучок е само реката Струмица на мерните места кај Сушево и Ново Село каде нивото е повисоко од вчерашното, особено кај Ново Село каде водостојот е зголемен за речиси 2,5 пати во однос на вчера. Нивоата, пак, на природните езера се исти со вчерашните, но се пониски од повеќегодишниот просек за овој период од годината. При тоа водостојот на Охридското Езеро е понизок за пет сантиметри од просечниот, на Дојранското за 47 сантиметри, а кај Преспанското Езеро за дури 1,89 метри.

Зголемени водостоите на реките Пчиња и Кумановка

Ивона Петрова — Mon, 21 Nov 2022 13:15:29 +0000

Врнежите од дожд во текот на вчерашниот ден двојно повеќе го зголемија водостојот на реката Пчиња кај Пелинце и реката Кумановка, покажуваат денеска податоците на Управата за хидрометеоролошки работи. Според мерењата направени утрово на мерната станица во селото Пелинце, нивото на вода во реката Пчиња изнесувало 52 сантиметри. Претходно, според мерењата направени вчера, водостојот изнесувал 26 сантиметри. По подолг временски период, Пчиња го надмина просекот за овој период од годинава, кој изнесува 47 сантиметри. Покачување на водостојот бележи и реката Кумановка. Мерната станица во село Доброшане утринава покажала водостој од 43 сантиметри, што е за пет сантиметри повеќе од вчера.

Зголемени водостоите на реките

Катерина Бојаџиева — Mon, 07 Nov 2022 10:31:53 +0000

Водостоите на речиси сите реки во земјава се зголемени во споредба со вчерашните, покажуваат резултатите од последните мерења направени од Управата за хидрометеоролошки работи (УХМР). Најголемо, седумкратно зголемување на нивото има реката Треска кај Македонски Брод, а речиси двојно е зголемен и водостојот на Вардар на мерните места кај Јегуновце и кај вливот на Лепенец во Скопје. Исто со вчерашното е нивото на Крива Река кај Крива Паланка, Брегалница кај Берово и Струмица кај Сушево. Единствено понизок водостој од вчерашниот е забележан кај реката Брегалница на мерното место кај Штип. Нивоата, пак, на трите природни езера се исти со вчерашните.

Намалени водостоите на Дојранското и Охридското Езеро

Ивона Петрова — Tue, 21 Jun 2022 09:38:55 +0000

За два сантиметра е намален водостојот на Дојранското, а за еден на Охридското Езеро, додека нивото на Преспанското Езеро е исто како вчера, покажуваат резултатите од последните мерења направени од Управата за хидрометеоролошки работи (УХМР). И покрај тоа, водостојот на Дојранското Езеро е за 2,56 метри повисок од повеќегодишниот просек за јуни. За разлика од него, нивоата на Охридското и на Преспанското Езеро се пониски од просечните и тоа за два сантиметра кај Охридското и за 1,86 метри кај Преспанското Езеро. Пониски од просечните се и водостоите на повеќето реки во земјава. Исклучок се реките Бабуна на мерното место кај Богомила, Струмица кај Сушево, Црна Река кај Р.Б. Мост и Црн Дрим кај Ложани, каде нивото е повисоко од просечното за овој период од годината.

Се зголемуваат водостоите на реките, нивоата на езерата исти како вчера

Тале Кристо — Fri, 01 Apr 2022 09:13:29 +0000

Водостоите кај најголем дел од реките во земјава се пониски од просекот за април, но бележат големо зголемување на нивото во споредба со вчерашното, покажуваат резултатите од последните мерења направени од Управата за хидрометеоролошки работи (УХМР). Најголемо зголемување, речиси за три пати има реката Вардар на мерното место кај Јегуновце, по што следат Треска на мерното место кај Македонски Брод и Лепенец кај Скопје каде има скоро двојно зголемување на водостојот во споредба со вчера. За разлика од реките нивоата на природните езера се исти како вчера. При тоа, водостојот на Охридското и на Преспанското Езеро е понизок од просечниот и тоа за 18 сантиметри кај Охридското и за 1,86 метри кај Преспанското Езеро со што е на два сантиметра над апсолутниот минимум од 842,25 (мнм). Водостојот, пак, на Дојранското Езеро е за 2,75 метри повисок од повеќегодишниот просек за овој период од годината.

Водостоите на реките под просекот за октомври

Ивона Петрова — Fri, 01 Oct 2021 09:46:09 +0000

И покрај интензивните врнежи, водостоите на речиси сите реки во земјава се далеку под октомврискиот просек. Според денешните хидролошки мерења, некои од реките се дури трикратно намалени, а над просекот се само Бабуна кај Богомила и Струмица кај Сушево. Водостојот на Преспанското Езеро е 17 сантиметри под апсолутниот минимум, додека водостојот на Охридското Езеро е четири сантимтери над дозволениот минимум.

Реките преполовени, намалени нивоата на Охридско и Преспанско езеро

Ивона Петрова — Thu, 12 Aug 2021 09:08:59 +0000

Водостоите на повеќето реки во земјава се под просекот за август, со исклучок на Вардар и Бабуна, покажуваат денешните хидролошки мерења. Преполовени се Сатеска кај Ботун, Лепенец кај Скопје и Струмица кај Ново Село, а Крива Река кај Крива Паланка и Пчиња кај Пелинце се три пати пониски од просекот. Состојбата со трите природни езера не е многу променета. Нивото на Дојранското е исто како вчера, а на Преспанското и Охридското е намалено. Преспанското е пониско за еден, а Охридското за два сантиметра. Во однос на августовскиот просек, Дојранското езеро покажува зголемување за 2,64 метри, додека Преспанското е намалено за 1,64 метри, а Охридското за 11 сантиметри.

Водостоите на реките се намалуваат

Ивона Петрова — Tue, 09 Mar 2021 10:09:22 +0000

Водостоите на речиси сите реки во земјава се пониски од просекот за март и најчесто нивото им е пониско од вчерашното, покажуваат последните мерења направени од Управата за хидрометеоролошки работи (УХМР). Исти со вчерашните, но пониски од просечните, се и водостоите на Охридското и Преспанското Езеро, додека нивото на Дојранското Езеро е за 3,05 метри повисоко од повеќегодишниот просек за овој месец. Водостојот на Охридското Езеро е за осум сантиметри понизок од просечниот, додека нивото на Преспанското Езеро е за 1,44 метри пониско од просечното, иако за 21 сантиметар го има надминато апсолутниот минимум.