водостој на реки – Kurir.mk

Водостоите на сите реки под просек

Магдалена Андонова — Wed, 23 Mar 2022 09:52:30 +0000

Водостоите на сите реки во земјава се пониски од просекот за овој период од годината и кај најголем дел од нив се бележи дополнително намалување на нивото во споредба со вчера. Според последните мерења направени од Управата за хидрометеоролошки работи (УХМР), само водостојот на реката Струмица, на мерното место кај Сушево, е ист со просечниот за март, но сепак бележи намалување за еден сантиметар во споредба со вчера. Пониски од просечните се и водостоите на Охридското и Преспанското Езеро и тоа за седум сантиметри кај Охридското, односно за 1,68 метри кај Преспанското Езеро, со што е само пет сантиметри над апсолутниот минимум од 842,25 (мнм). Повисоко ниво од повеќегодишниот просек за март има само Дојранското Езеро каде водостојот е за 2,84 метри повисок од просечниот. (МИА)

Нивоата на реките под просек

Магдалена Андонова — Thu, 02 Sep 2021 08:54:46 +0000

Според денешните хидролошки мерења, нивоата на повеќето реки во земјава се под просекот за септември. Драстичен пад бележат Црн Дрим кај Ложани, Вардар кај Јегуновце, Пчиња кај Пелинце и Треска кај Македонски Брод. Водостојот на Охридското, Преспанско и Дојранското езеро е во рамки на просекот за септември, покажуваат информациите од УХМР. (МИА)

Дождот без престан го зголеми водостојот на реките

Дарко Андоновски — Fri, 07 Aug 2020 09:46:45 +0000

Интензивните врнежи што деновиве ја зафатија земјава ги зголемија водостоите на реките. Хидролошките мерења бележат неколкукратни покачувања, особено на Вардар, Треска, Пчиња и Црна. Екстремно зголемување во однос на месечниот просек покажува Бабуна чиј водостој кај Богомила денеска е 34 сантиметри за разлика од вообичаените минус еден сантиметар во овој период од годината. Според УХМР, и покрај дождовите, сепак има реки со ниво под просекот за август – Сатеска, Крива Река и Струмица. Состојбата на езерата, Охридско, Преспанско и Дојранско, не е променета.

Двојно намален водостојот на Вардар кај Јегуновце

Дарко Андоновски — Wed, 27 Feb 2019 10:12:12 +0000

Водостоите на сите реки во земјава се пониски од просекот за февруари, а нивото на Вардар на мерното место кај Јегуновце е повеќе од двојно намалено во однос на вчера, покажуваат последните мерења направени од Управата за хидрометеоролошки работи (УХМР). За по еден сантиметар понизок водостој во споредба со вчера имаат и Преспанското и Охридското Езеро. Сепак, водостојот на Преспанското Езеро е за четири сантиметри повисок од повеќегодишниот просек за овој месец, додека кај Охридското е понизок за 17 сантиметри. За разлика од нив, Дојранското Езеро има за речиси три метри повисок водостој од вообичаениот.

Намелен водостојот на реките, на Треска 13 пати понизок од вообичаениот

Катерина Бојаџиева — Tue, 22 Jan 2019 10:14:32 +0000

Водостојот на Треска кај Македонски Брод е 13 пати понизок од вообичаениот за јануари, а понизок од просечниот е и водостојот на сите останати реки во земјава со исклучок на Црн Дрим кај Ложани каде е ист со просекот, покажуваат последните мерења на Управата за хидрометеоролошки работи (УХМР). За 11 сантиметри понизок од вообичаенот е и водостојот на Охридското Езеро, додека Дојранското има за речиси три метри повисоко ниво од вообичаеното за овој месец.