водостој – Kurir.mk

Се зголемуваат водостоите на реките

Тале Кристо — Sat, 04 Nov 2023 12:13:44 +0000

Растат водостоите на речиси сите реки во земјава во споредба со вчера. Исклучок се реките Струмица на мерното место кај Ново Село и Црн Дрим кај Ложани каде нивото е пониско во споредба со вчерашното. Според последните мерења направени од Управата за хидрометеоролошки работи (УХМР), најголемо зголемување на водостојот од 48 сантиметри во споредба со вчера има реката Радика на мерното место кај Бошков Мост по што следи Треска кај Македонски Брод со покачено ниво од 40 сантиметри. Најголемо намалување на водостојот од 12 сантиметри има Црн Дрим кај Ложани. За разлика од реките нивоата на природните езера во земјава се исти како вчера. При тоа водостојот на Охридското и на Преспанското Езеро е понизок од просекот за ноември и тоа за три сантиметри кај Охридското и за 1,93 метри кај Преспанското со што е на 21 сантиметар под апсолутно појавениот минимум од 841,91 метри надморска висина. Нивото на Дојранското Езеро е за 1,66 метри повисоко од повеќегодишниот просек за овој период од годината.

Зголемен водостојот на Охридското, а намален на Дојранското Езеро

Катерина Бојаџиева — Tue, 26 Sep 2023 09:05:22 +0000

За два сантиметра е зголемен водостојот на Охридското Езеро во споредба со вчера, а за исто толку е намалено нивото на Дојранското Езеро, покажуваат резултатите од последните мерења направени од Управата за хидрометеоролошки работи (УХМР). Водостојот, пак, на Преспанското Езеро е ист со вчерашниот, но е за 1,9 метри понизок од просечниот за септември и е на 8 сантиметри под апсолутно појавениот минимум. Пониско од просечното е и нивото на Охридското Езеро и тоа за два сантиметра, додека водостојот на Дојранското Езеро е повисок за 1,78 метри од повеќегодишниот просек за овој период од годината. Нивоата на реките во државава најчесто се исти како вчера. Најголемо зголемување на нивото во споредба со вчера, речиси двојно, има реката Струмица на мерното место кај Ново Село, а најголемо намалување од само шест сантиметри има Вардар кај Велес.

Намален водостојот на Преспанското и на Дојранското Езеро

Катерина Бојаџиева — Thu, 14 Sep 2023 08:43:43 +0000

За еден сантиметар е намален водостојот на Преспанското, а за два на Дојранското, додека нивото на Охридското Езеро е исто со вчерашното, покажуваат резултатите од последните мерења направени од Управата за хидрометеоролошки работи (УХМР). Со тоа, водостојот на Преспанското Езеро е на два сантиметра под апсолутно појавениот минимум и е за 1,84 метри понизок од повеќегодишниот просек за септември. Нивото, пак, на Дојранското Езеро е повисоко од просечното и тоа за 1,82 метра исто како и на Охридското Езеро кое е повисоко за само еден сантиметар. Големо намалување на водостојот во споредба со вчера има и реката Вардар на мерното место кај Јегуновце каде нивото е повеќе од двојно пониско од вчерашното. Најголемо, пак, зголемување на водостојот речиси двојно во споредба со вчера има реката Струмица на мерното место кај Ново Село.

Нивоата на Охридското и Дојранското Езеро над просекот за септември

Ивона Петрова — Mon, 04 Sep 2023 09:30:19 +0000

Нивото на Дојранското Езеро е пониско во однос на вчерашниот ден, но е над просекот за септември. Кај Охридското Езеро промени во однос на вчера нема, но и тоа е над септемврискиот просек, покажуваат денешните хидролошки мерења. Според УХМР, и нивото на Преспанското Езеро од вчера е без промени, но е под септемврискиот просек. Кај водостоите на реките нема поголеми отстапувања.

Намален водостојот на Вардар кај Велес

Ивона Петрова — Thu, 31 Aug 2023 09:04:20 +0000

Речиси двојно е намален водостојот на реката Вардар на мерното место кај Велес во споредба со вчера, покажуваат резултатите од последните мерења направени од Управата за хидрометеоролошки работи (УХМР). Сепак, и покрај тоа нивото на Вардар во Велес е повисоко од повеќегодишниот просек за август, исто како и на другите четири мерни места. Единствено понизок водостој од просечниот реката има на вливот на Лепенец во Скопје, каде нивото е речиси двојно пониско од повеќегодишниот просек за овој период од годината. Најголемо зголемување, пак, на водостојот во споредба со вчерашниот од 29 сантиметри има реката Струмица на мерното место кај Ново Село каде нивото и претходно беше повисоко од просечното, како што е и кај најголем дел од реките во земјава. За разлика од реките сите природни езера во земјава имаат ист водостој како вчера, но е понизок од просечниот и тоа за еден сантиметар кај Охридското Езеро, за 1,94 метри кај Преспанското и за 1,3 метри кај Дојранското Езеро.

Намален водостојот на Дојранското и на Преспанското Езеро

Ивона Петрова — Thu, 17 Aug 2023 08:31:57 +0000

За два сантиметра е намален водостојот на Дојранското Езеро, а за еден на Преспанското, додека нивото на Охридското Езеро е исто со вчерашното. Со тоа, според последните мерења направени од Управата за хидрометеоролошки работи (УХМР), само водостојот на Охридското Езеро е за еден сантиметар повисок од повеќегодишниот просек за август. Нивоата на другите две природни езера се пониски од просечните и тоа за 1,26 метри кај Дојранското и за 1,84 метри кај Преспанското Езеро. Водостоите, пак, на реките во земјава најчесто се во рамките на просекот за август. Исклучок се реките Црн Дрим, на мерното место кај Ложани, каде нивото е речиси двојно пониско од просечното и Вардар кај Јегуновце со исто така речиси двојно повисок водостој од просечниот.

Нивото на Дојранското Езеро пониско за два, а на Преспанското за еден сантиметар

Ивона Петрова — Wed, 26 Jul 2023 09:22:28 +0000

Нивото на Дојранското Езеро е за два сантиметра пониско од вчера, а на Преспанското за еден сантиметар, покажуваат денешните хидролошки мерења. Сепак, водостоите на двете езера се под просекот за јули. Според УХМР, податоци за Охридското Езеро денеска не се достапни. Нивоата на повеќето реки, пак, не покажуваат поголеми отстапувања во однос на вчерашниот ден.

Повторно намален водостојот на Преспанското Езеро

Ивона Петрова — Tue, 18 Jul 2023 08:10:31 +0000

– За уште еден сантиметар е намален водостојот на Преспанското Езеро во споредба со вчера кога исто така имаше намалување на нивото за еден сантиметар. Според последните мерења направени од Управата за хидрометеоролошки работи (УХМР), водостоите на другите две природни езера во земјава се исти како вчера со што нивоата на Преспанското и на Дојранското Езеро се пониски од просекот за јули и тоа за 91 сантиметар кај Дојранското, а за 1,84 метри кај Преспанското, додека водостојот на Охридското Езеро е за три сантиметри повисок од просечниот. Повисоки од повеќегодишниот просек за овој период од годината се и нивоата на повеќето реки. Исклучок се реките Пчиња на мерното место кај Пелинце, Крива Река кај Крива Паланка, Брегалница кај Берово, Струмица кај Ново Село и Радика кај Бошков Мост каде водостојот е понизок од просечниот.

Намален водостојот на Дојранското Езеро

Ивона Петрова — Thu, 29 Jun 2023 09:20:48 +0000

За еден сантиметар е намален водостојот на Дојранското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). И покрај тоа, водостоите на трите езера се пониски од просекот за јуни и тоа за пет сантиметри кај Охридското Езеро, за 75 сантиметри кај Дојранското и за 1,89 метри кај Преспанското Езеро. За разлика од езерата, нивоата на повеќето реки во земјава се повисоки од просекот за овој период од годината и најчесто водостојот им е сличен на вчерашниот.

Зголемен водостојот на Козјачка река во Општина Карбинци

Тале Кристо — Fri, 09 Jun 2023 11:30:13 +0000

Зголемен е водостојот на Козјачка река во Општина Карбинци. Градоначалникот Виктор Паунов вели дека реката била зголемена кај селото Таринци, нејзино излевање од коритот немало. Посочува дека ситуацијата се следи, со цел да не дојде до поплави и причинување на штети. -Во вчерашното невреме во делот на Плачковица ситуацијата е стабилна. Она што беше во вчерашниот ден е зголемениот водотек на реките во Карбинци, ама ние бурно ја следиме ситуацијата. Во моментот е стабилна, коритата се стабилни, немаме ризик од излевање, ќе ја следиме ситуацијата и понатаму, доколку има потреба сме на готовс да реагираме и да спречиме било каква непосакувана несреќа. Меѓутоа, природата е непредвидлива ние бурно ја следиме работата се со цел да можеме да превенираме, вели Паунов. Тој посочи дека план и програма за превенција има, како и соработка со Дирекцијата за заштита и спасување и доколку има потреба подготвени се да реагираат. Вчера во плачковичкиот регион, кој е на територија на Општина Карбинци, гром усмрти стадо овци.