Водовод и канализација – Kurir.mk

Извештај: Дали е квалитетна водата која ја пијат скопјани?

Ивана Ефремовски — Tue, 02 May 2023 07:32:56 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 24.04.2023 до 28.04.2023 зема 181 примероци за физичко-хемиска и 181 примероци за микробиолошка анализа на вода за пиење од 38 мерни места во Градот Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Од март скопјани ќе плаќаат поскапа вода

Ристе Здравков — Fri, 24 Feb 2023 10:26:35 +0000

Водата за пиење за скопјани поскапува од предвидените 23,14 денари просечна тарифа по метар кубен на 26,36 денари. Ваква одлука донела Регулаторната комисија за енергетика и водни услуги на барањето на ЈП Водовод и канализација да се зголемат цените на услугите. Одлуката треба да биде потврдена на денешната седница на Регулаторна и да започне со важење од март. Поскапува и услугата собирање и одведување на урбани отпадни води од предвидените 13,25 на 15 денари по метар кубен квадратен. Нова цена ќе има и прочистувањето на отпадни води, која наместо 0,86 ќе чини 0,87 денари годинава. И овие две давачки се на товар на жителите на главниот град со кои се формира конечната цена.

Електронските сметки за вода во рацете на фирма без искуство

Ристе Здравков — Wed, 01 Feb 2023 08:42:34 +0000

Електронската наплата на сметките за вода од скопскиот регион сега е во рацете на фирма која е основана само 4 дена по назначувањето на сега веќе разрешениот в.д. директор Марјанчо Митовски. Тој го потпишал договорот за јавната набавка, а по разрешувањето останува како втор човек во Водовод. Нова фирма чија основна дејност се интернет портали, ама нема своја веб страница, го доби тендерот за системот за електронска наплата за сметки во скопскиот Водовод. Иако е стара само два месеци, таа победи во трката со компании кои со години работат на софтверски решенија за државни институции. Тендерот од 18 илјади евра, за одржувањето на системот за електронска наплата на сметки на „Водовод и Канализација“- Скопје, го доби фирмата „Кликмедиа 101“ . Таа е основана четири дена по назначувањето за в.д. директор на јавното претпријатие Марјанчо Митовски. Електронскиот систем за наплата на сметките за вода го користат над 50 илјади корисници на услугите на скопскиот „Водовод“. Митовски на директорското столче седна на 12 септември кога од него стана Златко Перински по јавната кавга со скопската градоначалничка Данела Арсовска поради, според неа, спорниот тендер за „пречистителна станица“. Според податоците од Централен регистар фирмата „Кликмедиа 101“ е основана четири дена по назначувањето на Митовски за в.д, директор на 16 септември минатата година, кој го потпишал договорот за јавната набавка. Митовски по разрешувањето од в.д. директор е назначен за технички директор, што според органомот на Водовод и Канализација значи дека е вториот човек во јавното претпријатие. Овој тендер е прв и единствен регистриран на „Кликмедиа 101“ во Бирото за јавни набавки. Сопственик на оваа компанија е Драган Стефанов за кој во јавноста не се достапни повеќе информации. На прашањето како успеала фирма без искуство и веб страница да добие јавна набавка за одржување на електронски систем за наплата, до објавувањето на овој текст одговори не добивме ниту од новиот в.д. директор на „Водовод и канализација“ Скопје Драган Илиевски, ниту пак од сопственикот на фирмата. Според прирачникот за јавни набавки, една компанија за да може да учествува во системот и да добие тендер, потребно е да го прикаже своето претходно релевантно искуство во областа, а доколку нема такво тогаш како новоформирана фирма може да им се приклучи на поголеми и искусни фирми и да биде дел од група понудувачи, што во овој случај не е направено. Целиот текст прочитајте го ТУКА

Неделен извештај: Дали е квалитетна водата која ја пијат скопјани?

Ивана Ефремовски — Mon, 10 Oct 2022 07:07:17 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 03.10.2022 до 07.10.2022 зема 199 примероци за физичко-хемиска и 199 примероци за микробиолошка анализа на вода за пиење од 47 мерни места во Градот Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Дел од Гази Баба утре ќе остане без вода

Ивана Ефремовски — Mon, 05 Sep 2022 13:33:39 +0000

Од ЈП Водовод и Канализација известуваат дека на ден 06.09.2022 година (вторник) поради уличен дефект од ф – 2 цола на ул. „Перо Наков“ бр.105, во периодот од 08:30 часот па се до завршување на работата без вода ќе останат корисниците од ул. „Перо Наков“, како и објектите на Бонум, Бриколаж и неколку помали приватни стамбени објекти лоцирани во нивна близина. Овие улици и објекти се во општина Гази Баба.

Екипи на ЈП Водовод и канализација на терен по големото невреме кое го зафати Скопје

Тале Кристо — Tue, 30 Aug 2022 19:20:12 +0000

"Екипи на ЈП Водовод и канализација - Скопје, по големото и силно невреме кое го зафати градот Скопје, се на терен за расчистување на сливниците и шахтите, со цел нормална функционалност на атмосферската канализација. Со спроведување на активности од страна на екипите на претпријатието, ќе се продолжи се додека не се овозможи нормална функционалност на атмосферската канализација во сите делови на градот, информираат од градското претпријатие.

Пролетна акција на ЈП Водовод и канализација во општина Шуто Оризари

Ивана Ефремовски — Fri, 06 May 2022 13:30:05 +0000

Екипите на ЈП Водовод и канализација – Скопје, во текот на работните активности за имплементација на пролетната акција која се спроведува во соработка со сите претпријатија на Град Скопје, на ден 06.05.2022 год., во Општина Шуто Оризари ги спроведе следните активности: На ул. „Нов Живот“ и ул. „Индира Ганди“ извршена е контрола на 40 шахти, рачно се исчистени 20 шахти, 40 сливници, перење на канализациона линија со цистерна вакум 430 м и прочистување со цистерна притисок 350 м.

Нов извештај: Дали е квалитетна водата за пиење во Скопје?

Ивана Ефремовски — Mon, 04 Apr 2022 09:12:16 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 28.03.2022 до 01.04.2022 зема 191 примерок за физичко-хемиска и 191 примерок за микробиолошка анализа на вода за пиење од 41 мерно место во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Пролетна акција на ЈП Водовод и канализација-Скопје во општина Кисела Вода

Ивана Ефремовски — Wed, 23 Mar 2022 14:55:19 +0000

Екипите на ЈП Водовод и канализација – Скопје, во текот на работните активности за имплементација на пролетната акција која се спроведува во соработка со сите претпријатија на Град Скопје, на ден 23.03.2022 год., во општина Кисела Вода ги спроведе следните активности: На ул.„Михаил Чаков“ и ул.„Народни Херои“ е извршена контрола на 37 шахти, рачно исчистени 24 шахти, 47 сливници, перење на канализациона линија со цистерна вакум 200 м и прочистување со цистерна притисок 250м.

Акција на ЈП „Водовод и канализација“: Долговите ќе можат да се плаќаат на рати без пресметка на камата до 15 март

Тале Кристо — Tue, 01 Feb 2022 14:57:18 +0000

Јавното претпријатие „Водовод и канализација“ спроведува акција со која долговите кои сите правни и физички лица ги имаат кон претпријатието може да се платат на рати без пресметка на камата. Акцијата за подмирување на долговите на рати без камата за физички и правни лица е со определен временски рок, почнувајќи од денес (01.02.2022 година), а заклучно до 15.03.2022 година. Со оваа акција на сите корисници им се овозможува истите да ги исплатат на најмногу 24 рати, во зависност од висината на долгот. Сите заинтересирани корисници кои што имаат заостанат долг кон ова претпријатие, во наведениот период треба да аплицираат за склучување на договори за исплата на долг без пресметка на камата за задоцнето плаќање. Од претпријатието апелираат до граѓаните, поради ковид пандемијата, да ги почитуваат протоколите при посетите на претпријатието од страна на корисниците за склучување на договорите. За дополнителни информации за поволностите од оваа акција граѓаните можат да се обратат на: - 02 3073 010, Дежурно Информативен Центар; - 02 3240 300, Дирекција; - [email protected]; - www.vodovod-skopje.com.mk; - www.facebook.com/jpvodovod.skopje;