Муцунски: Нова водоводна мрежа во Горно Лисиче

Тале Кристо — Thu, 25 Aug 2022 10:38:39 +0000

Со инвестиција од над 9 милиони денари на Општина Аеродром и ЈП „Водовод и канализација“, стотици жители од населбата Горно Лисиче конечно добиваат приклучување на градската водоводна мрежа, објави на социјалната мрежа на Фејсбук градоначалникот на општина Аеродром Тимчо Муцунски. Заедно со градоначалничката на Град Скопје, Данела Арсовска, директорот на ЈП „Водовод и канализација“ Златко Перински и претседателот на Советот на Општина Аеродром, Дејан Митески утрово ја посетивме оваа локација и остваривме средби со локалните жители. Станува збор за проект чија цел е поставување на водоводна мрежа од околу 580 метри, а со истиот ќе се обезбеди поквалитетно водоснабдување за жителите од овој дел на Општина Аеродром. Во рамките на овој проект предвидено е да се реконструира водоводната мрежа на улиците Ѓорѓи Капчев и околните краци кои до сега не беа опфатени со овој вид мрежа (ул. Лисец, ул. Ѓорѓи Капчев 1 со краци, ул. Ѓорѓи Капчев 16, 16-а и 22, како и дел од ул. Божин Николов, ул. Тодор Чангов 52 и Ѓорѓи Капчев 35). Секој дел од Општина Аеродром е еднакво важен и ќе продолжиме со инвестициите согласно потребите на граѓаните. Продолжуваме да работиме посветено на создавање на модерна општина!, пишува Муцунски во својата објава.

Продолжува замената на старата водоводна мрежа во Велес

Ивона Петрова — Tue, 31 May 2022 12:40:42 +0000

Екипи на Р.Е „Водовод и канализација“ на ЈКП „Дервен“ од Велес започнаа со работни активности за замена на стара водоводна мрежа во должина од 160 метри на улица „Маца Овчарова“. – Со замената на старата поцинкувана водоводна мрежа со пластични црева се подобрува квалитетот на водата во градскиот водовод, потенцираат од ЈКП „Дервен“. Оттаму дополнуваат дека замената на старата со нова мрежа продолжува континуирано и на другите улици во градот.

водоводна мрежа – Kurir.mk

Муцунски: Нова водоводна мрежа во Горно Лисиче

Продолжува замената на старата водоводна мрежа во Велес